% Text title            : Dakini Stotram
% File name             : DAkinIstotrarudrayAmalatantra.itx
% Category              : devii, dashamahAvidyA, stotra, devI, yoginI
% Location              : doc\_devii
% Transliterated by     : http://muktalib5.org
% Proofread by          : http://muktalib5.org, Daksha
% Description-comments  : shrIrudrayAmale uttaratantre siddhamantraprakaraNe
% Latest update         : March 29, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dakini Stotram ..}##
\itxtitle{.. DAkinIstotram ..}##\endtitles ##
AnandabhairavI uvAcha
atha vakShye mahAkAla mUlapadmavivechanam |
yat kR^itvA amaro bhUtvA vaset kAlachatuShTayam || 1||
atha ShaTchakrabhedArthe bhedinIshaktimAshrayet |
ChedinIM sarvagranthInAM yoginIM samupAshrayet || 2||
tasyA mantrAn pravakShyAmi yena siddho bhavennaraH |
Adau shR^iNu mahAmantraM bhedinyAH paraM manum || 3||
Adau kAlIMsamutkR^itya brahmamantraM tataH param |
devyAH praNavamuddhR^itya bhedanI tadanantaram || 4||
tato hi mama gR^ihNIyAt prApaya dvayameva cha |
chittacha~nchIshabdAnte mAM rakSha yugmameva cha || 5||
bhedinI mama shabdAnte akAlamaraNaM hara |
hara yugmaM svaM mahApApaM namo namo.agnijAyayA || 6||
etanmantraM japettatra DAkinIrakShasi prabho |
Adau praNavamuddhR^itya brahmamantraM tataH param || 7||
shAmbhavIti tatashchoktvA brAhmaNIti padaM tataH |
manoniveshaM kurute tArayeti dvidhApadam || 8||
ChedinIpadamuddhR^itya mama mAnasashabdataH |
mahAndhakAramuddhR^itya Chedayeti dvidhApadam || 9||
svAhAntaM manumuddhR^itya japenmUlAmbuje sudhIH |
etanmantraprasAdena jIvanmukto bhavennaraH || 10||
tathA strIyoginImantraM japettatraiva sha~Nkara |
OM ghorarUpiNipadaM sarvavyApini sha~Nkara || 11||
mahAyogini me pApaM shokaM rogaM hareti cha |
vipakShaM ChedayetyuktvA yogaM mayyarpaya dvayam || 12||
svAhAntaM manumuddhR^itya japAdyogI bhavennaraH |
khecharatvaM samApnoti yogAbhyAsena yogirAT || 13||
DAkinIM brahmaNA yuktAM mUle dhyAtvA punaH punaH |
japenmantraM sadAyogI brahmamantreNa yogavit || 14||
brahmamantraM pravakShyAmi tajjApenApi yogirAT |
brahmamantraprasAdena jaDo yogI na saMshayaH || 15||
praNavatrayamuddhR^itya dIrghapraNavayugmakam |
tadante praNavatrINi brahma brahma trayaM trayam || 16||
sarvasiddhipadasyAnte pAlayeti cha mAM padam |
sattvaM guNo rakSha rakSha mAyAsvAhApadaM japet || 17||
DAkinImantrarAja~ncha shR^iNuShva parameshvara |
yajjaptvA DAkinI vashyA trailokyasthitipAlakAH || 18||
yo japet DAkinImantraM chaitanyA kuNDalI jhaTit |
anAyAsena siddhiH syAt paramAtmapradarshanam || 19||
mAyAtrayaM samuddhR^itya praNavaikaM tataH param |
DAkinyante mahAshabdaM DAkinyambapadaM tataH || 20||
punaH praNavamuddhR^itya mAyAtrayaM tataH param |
mama yogasiddhimante sAdhayeti dvidhApadam || 21||
manumuddhR^itya deveshi japAdyogI bhavejjaDaH |
japtvA sampUjayenmantrI purashcharaNasiddhaye || 22||
sarvatra chittasAmyena dravyAdivividhAni cha |
pUjayitvA mUlapadme chittopakaraNena cha || 23||
tato mAnasajApa~ncha stotra~ncha kAlipAvanam |
paThitvA yogirAT bhUttvA vaset ShaTchakraveshmani || 24||
shaktiyuktaM vidhiM yastu stauti nityaM maheshvara |
tasyaiva pAlanArthAya mama yantraM mahItale || 25||
tat stotraM shR^iNu yogArthaM sAvadhAnAvadhAraya |
etatstotraprasAdena mahAlayavasho bhavet || 26||
kAlipAvana stotram |
brahmANaM haMsasa~NghAyutasharaNavadAvAhanaM devavaktra|
    vidyAdAnaikahetuM timicharanayanAgnInduphullAravindam
vAgIshaM vAggatisthaM matimatavimalaM bAlArkaM chAruvarNam |
    DAkinyAli~NgitaM taM suranaravaradaM bhAvayenmUlapadme || 27||
nityAM brahmaparAyaNAM sukhamayIM dhyAyenmudA DAkinI|
    raktAM gachChavimohinIM kulapathe j~nAnAkulaj~nAninIm |
mUlAmbhoruhamadhyadeshanikaTe bhUvimbamadhye prabhA|
    hetusthAM gatimohinIM shrutibhujAM vidyAM bhavAhlAdinIm || 28||
vidyAvAstavamAlayA galatalaprAlambashobhAkarA|
    dhyAtvA mUlaniketane nijakule yaH stauti bhaktyA sudhIH |
nAnAkAravikArasArakiraNAM kartrI vidho yoginA|
    mukhyAM mukhyajanasthitAM sthitimatiM sattvAshritAmAshraye || 29||
yA devI navaDAkinI svaramaNI vij~nAninI mohinI |
    mAM pAtu pirayakAminI bhavavidherAnandasindhUdbhavA |
me mUlaM guNabhAsinI prachayatu shrIH kItIchakraM hi mA|
    nityA siddhiguNodayA suradayA shrIsaMj~nayA mohitA || 30||
tanmadhye paramAkalA kulaphalA bANaprakANDAkarA
    rAkA rAshaShasAdashA shashighaTA lolAmalA komalA |
sA mAtA navamAlinI mama kulaM mUlAmbujaM sarvadA |
    sA devI lavarAkiNI kaliphalollAsaikabIjAntarA || 31||
dhAtrI dhairyavatI satI madhumatI vidyAvatI bhAratI |
    kalyANI kulakanyakAdharanarArUpA hi sUkShmAspadA |
mokShasthA sthitipUjitA sthitigatA mAtA shubhA yoginA|
    naumi shrIbhavikAshayAM shamanagAM gItodgatAM gopanAm || 32||
kalkeshIM kulapaNDitAM kulapathagranthikriyAchChedinI|
    nityAM tAM guNapaNDitAM prachapalAM mAlAshatArkAruNAm |
vidyAM chaNDaguNodayAM samudayAM trailokyarakShAkSharA|
    brahmaj~nAnanivAsinIM sitashubhAnandaikabIjodgatAm || 33||
gItArthAnubhavapirayAM sakalayA siddhaprabhApATalAm |
kAmAkhyAM prabhajAmi janmanilayAM hetupirayAM satkriyAm |
siddhau sAdhanatatparaM parataraM sAkArarUpAyitAm || 34||
brahmaj~nAnaM nidAnaM guNanidhinayanaM kAraNAnandayAnam |
brahmANaM brahmabIjaM rajanijayajanaM yAgakAryAnurAgam || 35||
shokAtItaM vinItaM narajalavachanaM sarvavidyAvidhij~nam |
sArAt sAraM taruM taM sakalatimirahaM haMsagaM pUjayAmi || 36||
etatsambandhamArgaM navanavadalagaM vedavedA~Ngavij~nam |
mUlAmbhojaprakAshaM taruNaravishashipronnatAkArasAram || 37||
bhAvAkhyaM bhAvasiddhaM jayajayadavidhiM dhyAnagamyaM purANam
pArAkhyaM pAraNAyaM parajanajanitaM brahmarUpaM bhajAmi || 38||
DAkinIsahitaM brahmadhyAnaM kR^itvA paThet stavam |
paThanAd dhAraNAnmantrI yoginAM sa~Ngatirbhavet || 39||
etatpaThanamAtreNa mahApAtakanAshanam |
ekarUpaM jagannAthaM vishAlanayanAmbujam || 40||
evaM dhyAtvA paThet stotraM paThitvA yogirAD bhavet || 41||

iti shrIrudrayAmale uttaratantre mahAtantroddIpane
siddhamantraprakaraNe ShaTchakrasiddhisAdhane
bhairavabhairavIsaMvAde DAkinI stotraM sampUrNam || paTalaH 30||

##
From Digital Library at http://muktalib5.org

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}