% Text title            : ShoDashI Hridayam
% File name             : ShoDashIhRidaya.itx
% Category              : hRidaya, devii, dashamahAvidyA, devI, lalitA
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay
% Latest update         : June 13, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shodashi Hridaya ..}##
\itxtitle{.. shrIShoDashIhR^idayam athavA shrIlalitAtripurasundarIhridayastotram ..}##\endtitles ##

|| shrIgaNeshAya namaH ||
|| shrIumAmaheshvarAbhyAM namaH ||
|| atha shrIShoDashIhR^idayaprArambhaH || 
kailAse karuNAkrAntA paropakR^itimAnasA | 
paprachCha karuNAsindhuM suprasannaM maheshvaram || 1|| 
shrIpArvatyuvAcha || 
AgAmini kalau brahman dharmakarmavivarjitAH | 
bhaviShyanti janAsteShAM kathaM shreyo bhaviShyati || 2|| 
shrIshiva uvAcha || 
shR^iNu devi pravakShyAmi tava snehAnmaheshvari | 
durlabhaM triShu lokeShu sundarIhR^idayastavam || 3|| 
ye narA duHkhasantaptA dAridryahatamAnasAH | 
asyaiva pAThamAtreNa teShAM shreyo bhaviShyati || 4|| 
viniyogaH
OM asya shrImahAShoDashIhR^idayastotramantrasya Anandabhairava R^iShiH |
devI gAyatrI ChandaH | shrImahAtripurasundarI devatA | 
aiM bIjam | sauH shaktiH | klIM kIlakam | 
dharmArthakAmamokShArthe jape (pAThe) viniyogaH | 
|| atha R^iShyAdinyAsaH ||
OM AnandabhairavaR^iShaye namaH shirasi | 
devI gAyatrI Chandase namaH mukhe | 
shrImahAtripurasundarIdevatAyai namaH hR^idaye | 
aiM bIjAya namaH nAbhau | 
sauH shaktaye namaH svAdhiShThAne | 
klIM kIlakAya namaH mUlAdhAre | 
viniyogAya namaH pAdayoH || 
|| iti R^iShyAdinyAsaH ||
|| atha karanyAsaH ||
aiM hrIM klIM a~NguShThAbhyAM namaH | 
klIM shrIM sauH aiM tarjanIbhyAM namaH | 
sauH OM hrIM shrIM madhyamAbhyAM namaH | 
aiM kaelahrIM hasakalahrIM anAmikAbhyAM namaH | 
klIM sakala kaniShThikAbhyAM namaH | 
sauH sauH aiM klIM hrIM shrIM karatalakarapR^iShThAbhyAM namaH | 
|| itikaranyAsa ||
|| atha hR^idayAdiShaDa~NganyAsaH ||
aiM hrIM klIM hadayAya namaH | 
klIM shrIM sauH aiM shirase svAhA | 
sauH OM hrIM shrIM shikhAyai vaShaT | 
aiM kaelahrIM hasakalahrIM kavachAya hum | 
klIM sakala netratrayAya vauShaT | 
sauH sauH aiM klIM hrIM shrIM astrAya phaT || 
|| iti hR^idayAdiShaDa~NganyAsaH ||
|| atha dhyAnam || 
bAlavyaktavibhAkarAmitanibhAM bhavyapradAM bhAratI\-
    mIShatphullamukhAmbujasmitakarairAshAbhavAndhApahAm | 
pAshaM sAbhayama~NkushaM cha varadaM sambibhratIM bhUtidAM
    bhrAjantIM chaturambujAkR^itakarairbhaktyA bhaje ShoDashIm || 5|| 
|| iti dhyAnam ||
sundarI sakalakalmaShApahA koTika~njakamanIyakAntibhR^it | 
## Var ## (koTika~njapriyakAmyakAntikA) 
koTikalpakR^itapuNyakarmaNA pUjanIyapadapuNyapuShkarA || 6|| 
sharvarIshasamasundarAnanA shrIshashaktisukR^itAshrayAshritA | 
sajjanAnusharaNIyasatpadA sa~NkaTe suragaNaiH suvanditA || 7|| 
yA surAsuraraNe javAnvitA AjaghAna jagadambikA.ajitA | sa~njaghAna
tAM bhajAmi jananIM jagajjaniM yuddhayuktaditijAnsudurjayAn || 8|| 
## Var ## tAM bhajAmi jagatAM janiM jayAM yuddhayuktaditijAnsudurjayAn
yoginAM hR^idayasa~NgatAM shivAM yogayuktamanasAM yatAtmanAm | 
jAgratIM jagati yatnato dvijA yAM japanti hR^idi tAM bhajAmyaham  || 9|| 
kalpakAstu kalayanti kAlikAM yatkalA kalijanopakArikA | 
kaulikAlikalitAnghripa~NkajAM tAM bhajAmi kalikalmaShApahAm || 10|| 
## Var ## kaulikAlikalitAnghrika~njakAM
bAlArkAnantashochirnnijatanukiraNairddIpayantIM digantAn 
dIptairddedIptamAnAM danujadalavanAnalpadAvAnalAbhAm |
dAntodantograchitAM dalitaditisutAM darshanIyAM durantAM 
devIM dInArdrachittAM hR^idi muditamanAH ShoDashIM saMsmarAmi || 11|| 
dhIrAndhanyAndharitrIdhavavidhR^itashiro dhUtadhUlyabjapAdAM 
ghR^iShTAndhArAdharAdho vinidhR^itachapalAchAruchandaprabhAbhAm |
dharmyAndhUtopahArAndharaNisuradhavoddhAriNIM dhyeyarUpAM 
dhImaddhanyAtidhanyAndhanadadhanavR^itAM sundarIM chintayAmi || 12|| 
jayatu jayatu jalpA yoginI yogayuktA 
jayatu jayatu saumyA sundarI sundarAsyA | 
jayatu jayatu padmA padminI keshavasya 
jayatu jayatu kAlI kAlinI kAlakAntA || 13|| 
jayatu jayatu kharvA ShoDashI vedahastA 
jayatu jayatu dhAtrI dharmiNI dhAtR^ishAntiH | 
jayatu jayatu vANI brahmaNo brahmavandyA
jayatu jayatu durgA dAriNI devashatroH || 14|| 
devi tvaM sR^iShTikAle kamalabhavabhR^itA rAjasI raktarUpA 
rakShAkAle tvamambA harihR^idayadhR^itA sAtvikI shvetarUpA | 
bhUrikrodhA bhavAnte bhavabhavanagatA tAmasI kR^iShNarUpA 
etAshchAnyAstvameva kShitamanujamalA sundarI kevalAdyA || 15|| 
sumalashamanametaddevi gopyaM guNaj~ne
    grahaNamananayogyaM ShoDashIyaM khalaghnam | 
suratarusamashIlaM sampradaM pAThakAnAM
    prabhavati hR^idayAkhyaM stotramatyantamAnyam || 16|| 
idaM tripurasundaryAH ShoDashyAH paramAdbhutam | 
yaH shR^iNoti naraH stotraM sa sadA sukhamashnute || 17||
na shUdrAya pradAtavyaM shaThAya malinAtmane | samalAtmane
deyaM dAntAya bhaktAya brAhmaNAya visheShataH || 18|| 

iti shrIShoDashIhR^idayastotraM athavA shrIlalitAtripurasundarIhridayastotraM samAptam |
##
Encoded and proofread by Gopal Upadhyay gopal.j.upadhyay at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}