% Text title            : Shivaproktani Ashtakavachani Eight Kavachas
% File name             : aShTakavachAnishivaproktAni.itx
% Category              : devii, aShTaka, kavacha, dashamahAvidyA
% Location              : doc\_devii
% Proofread by          : PSA Easwaran
% Description/comments  : Kalikapurana Adhyaya 56
% Latest update         : January 15, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktani Ashtakavachani ..}##
\itxtitle{.. shivaproktAni aShTakavachAni ..}##\endtitles ##
shrIbhagavAnuvAcha
asya mantrasya kavachaM shR^iNu vetAlabhairava |
vaiShNavItantrasa.nj~nasya vaiShNavyAshcha visheShataH || 1||
tatra mantrAdyakSharaM tu vAsudevasvarUpadhR^ik |
varNo dvitIyo brahmaiva tR^itIyashchandrashekharaH || 2||
chaturtho gajavaktrashcha pa~nchamastu divAkaraH |
shaktiH svayaM pakArashcha mahAmAyA jaganmayI || 3||
yakArastu mahAlakShmIH sheShavarNaH sarasvatI |
yoginIpUrvavarNasya shailaputrI prakIrtitA || 4||
dvitIyasya tu varNasya chaNDikA yoginI matA |
chandraghaNTA tR^itIyasya kuShmANDI tat parasya cha || 5||
skandamAtA takArasya yasya kAtyAyanI svayam |
kAlarAtriH saptamasya mahAdevIti saMsthitA || 6||
prathamaM varNakavachaM yoginIkavachaM tathA |
devaughakavachaM pashchAddevIdikkavachaM tathA || 7||
tatastu pArshvakavachaM dvitIyAntAvyayasya cha |
kavachaM tu tataH pashchAt ShaDvarNaM kavachaM tathA || 8||
abhedyakavachaM cheti sarvatrANaparAyaNam |
imAni kavachAnyaShTau yo jAnAti narottamaH || 9||
      so.ahameva mahAdevI devIrUpashcha shaktimAn |
varNakavachaM athavA vaiShNavItantrakavachaM
      asya shrIvaiShNavItantrakavachasya nArada\-R^iShiH anuShTupChandaH || 10||
kAtyAyanI devatA | sarvakAmArthasAdhane viniyogaH |
aH pAtu pUrvakAShThAyAmAgneyyAM pAtu kaH sadA || 11||
pAtu cho yamakAShThAyAM To nairR^ityAM cha sarvadA |
mAM pAtu to.asau pAshchAtye shaktirvAyavyadiggatA || 12||
yaH pAtu mAM chottarasyAmaishAnyAM sastathAvatu |
mUrdhni rakShatu mAM so.asau bAhau mAM dakShiNe tu kaH || 13||
mAM vAmabAhau chaH pAtu hR^idi To mAM sadAvatu |
taH pAtu kaNThadeshe mAM kaTyoH shaktistathAvatu || 14||
      yaH pAtu dakShiNe pAde Sho mAM vAmapAde tathA |
yoginIkavachaM
      shailaputrI tu pUrvasyAmAgneyyAM pAtu chaNDikA || 15||
chandraghaNTA pAtu yAmyAM yamabhItivivardhinI |
nairR^itye tvatha kUShmANDI pAtu mAM jagatAM prasUH || 16||
skandamAtA pashchimAyAM mAM rakShatu sadaiva hi |
kAtyAyanI mAM vAyavye pAtu lokeshvarI sadA || 17||
kAlarAtrI tu kauberyAM sadA rakShatu mAM svayam |
mahAgaurI tathaishAnyAM satataM pAtu pAvanI || 18||
devaugha kavachaM
netrayorvAsudevo mAM pAtu nityaM sanAtanaH |
brahmA mAM pAtu vadane padmayonirayonijaH || 19||
nAsAbhAge rakShatu mAM sarvadA chandrashekharaH |
gajavaktraH stanayugme pAtu nityaM harAtmajaH || 20||
vAmadakShiNapANyormAM nityaM pAtu divAkaraH |
mahAmAyA svayaM nAbhau mAM pAtu parameshvarI || 21||
      mahAlakShmIH pAtu guhye jAnunoshcha sarasvatI |
devIdikkavachaM
      mahAmAyA pUrvabhAge nityaM rakShatu mAM shubhA || 22||
agnijvAlA tathAgneyyAM pAyAnnityaM varAsinI |
rudrANI pAtu mAM yAmyAM nairR^ityAM chaNDanAyikA || 23||
ugrachaNDA pashchimAyAM pAtu nityaM maheshvarI |
prachaNDA pAtu vAyavye kauberyAM ghorarUpiNI || 24||
IshvarI cha tathaishAnyAM pAtu nityaM sanAtanI |
UrdhvaM pAtu mahAmAyA pAtvadhaH parameshvarI || 25||
pArshvakavachaM
agrataH pAtu mAmugrA pR^iShThato vaiShNavI tathA |
brahmANI dakShiNe pArshve nityaM rakShatu shobhanA || 26||
      mAheshvarI vAmapArshve nityaM pAyAdvR^iShadhvajA |
avyayakavachaM
      kaumArI parvate pAtu vArAhI salile cha mAm || 27||
nArasiMhI daMShTribhaye pAtu mAM vipineShu cha |
aindrI mAM pAtu chAkAshe tathA sarvajale sthale || 28||
setuH sarvA~NgulIH pAtu devAdiH pAtu karNayoH |
devAntashchibuke pAtu pArshvayoH shaktipa~nchamaH || 29||
ShaDvarNakavachaM
hA pAtu mAM tathaivorvormAyA rakShatu ja~NghayoH |
sarvendriyANi yaH pAtu romakUpeShu sarvadA || 30||
tvachi mAM vai sadA pAtu mAM shambhuH pAtu sarvadA |
nakhadantakaroShThAdau rAM mAM pAtu sadaiva hi || 31||
devAdiH pAtu mAM vastau devAntaH stanakakShayoH |
etadAdau tu yaH seturbAhye mAM pAtu dehataH || 32||
abhedyakavachaM
Aj~nAchakre suShumnAyAM ShaTchakre hR^idi sandhiShu |
AdiShoDashachakre cha lalATAkAsha eva cha || 33||
vaiShNavItantramantro mAM nityaM rakShaMshcha tiShThatu |
arNanADIShu sarvAsu pArshvakakShashikhAsu cha || 34|| 34 ||
rudhirasnAyumajjAsu mastiShkeShu cha parvasu |
dvitIyAShTAkSharo mantraH kavachaM pAtu sarvataH || 35||
reto vAyau nAbhirandhre pR^iShThasandhiShu sarvataH |
ShaDakSharastR^itIyo.ayaM mantro mAM pAtu sarvadA || 36||
nAsArandhre mahAmAyA kaNTharandhre tu vaiShNavI |
sarvasandhiShu mAM pAtu durgA durgArtihAriNI || 37||
shrotrayorhuM phaDityevaM nityaM rakShatu kAlikA |
netrabIjatrayaM netre sadA tiShThatu rakShitum || 38||
OM aiM hrIM hrauM nAsikAyAM rakShantI chAstu chaNDikA |
OM hrIM hrUM mAM sadA tArA jihvAmUle tu tiShThatu || 39||
hR^idi tiShThatu me seturj~nAnaM rakShitumuttamam |
OM kShauM phaT cha mahAmAyA pAtu mAM sarvataH sadA || 40||
OM yuM saH prANAn kaushikI mAM prANAn rakShatu rakShikA |
OM hrIM hrUM sauM bhargadayitA dehashUnyeShu pAtu mAm || 41||
OM namaH sadA shailaputrI sarvAn rogAn pramR^ijyatAm |
OM hrIM saH spheM kShaH phaDastrAya siMhavyAghrabhayAdraNAt || 42||
shivadUtI pAtu nityaM hrIM sarvAstreShu tiShThatu |
OM hrAM hrIM sashchaNDaghaNTA karNachChidreShu pAtu mAm || 43||
OM krIM saH kAmeshvarI kAmAnabhitiShThatu rakShatu |
OM AM hrUM phaDugrachaNDA ripUn vighnAn vimardatAm || 44||
OM paM pAtu nArasiMhI mAM kravyAdebhyastathAstrataH |
OM shrIM hrIM hrAM hraM kAlarAtriH khaDgAdrakShatu mAM sadA || 45||
OM aM shUlAt pAtu nityaM vaiShNavI jagadIshvarI |
OM kaM brahmANI pAtu chakrAt OM chaM rudrANI tu shaktitaH || 45 46||
OM TaM kaumArI pAtu vajrAt OM taM vArAhI tu kANDataH |
OM paM pAtu nArasiMhI mAM kravyAdebhyastathAstrataH ||  47||
      shastrAstrebhyaH samastebhyo yantrebhyo.aniShTamantrataH |
chaNDikA mAM sadA pAtu yaM saM devyai namo namaH |
      vishvAsaghAtakebhyo mAmaindrI rakShatu manmanaH ||  48||
OM namo mahAmAyAyai OM vaiShNavyai namo namaH |
rakSha mAM sarvabhUtebhyaH sarvatra parameshvari ||  49||
AdhAre vAyumArge hR^idi kamaladale chandravat smerasUrye
      vastau vahnau samiddhe vishatu varadayA mantramaShTAkSharantat |
yadbrahmA mUrdhni dhatte hariravati gale chandrachUDo hR^idisthaM
      taM mAM pAtu pradhAnaM nikhilamatishayaM padmagarbhAbhabIjam || 50||
AdyAH sheShAH svaraughairnamayavalavarairasvareNApi yuktaiH
      sAnusvArAvisargairhariharaviditaM yatsahasraM cha sAShTam |
antrANAM setubandhaM nivasati satataM vaiShNavItantramantre
      tanmAM pAyAtpavitraM paramaparamajaM bhUtalavyomabhAge || 51||
a~NgAnyaShTau tathAShTau vasava iha tathaivAShTamUrtirdalAni
      proktAnyaShTau tathAShTau madhumatirachitAH siddhayo.aShTau tathaiva |
aShTAvaShTAShTasa~NkhyA jagati ratikalAH kShiprakAShTA~NgayogA
      mayyaShTAvakSharANi kSharatu na hi gaNo yaddhR^ido yastvamUShAm || 52||
phalashrutiH
iti tatkavachaM proktaM dharmakAmArthasAdhanam |
idaM rahasyaM paramamidaM sarvArthasAdhakam || 53||
yaH sakR^ichChR^iNuyAdetat kavachaM mayakoditam |
sa sarvAMllabhate kAmAn paratra shivarUpatAm || 54||
sakR^idyastu paThedetat kavachaM mayakoditam |
sa sarvayaj~nasya phalaM labhate nAtra saMshayaH || 55||
sa~NgrAmeShu jayechChatruM mAta~NgAniva kesharI |
dahettR^iNaM yathAvahnistathA shatruM dahetsadA || 56||
nAstrANi tasya shastrANi sharIre pravishanti vai |
na tasya jAyate vyAdhirna cha duHkhaM kadAchana || 57||
guTikA~njanapAtAlapAdaleparasA~njanam |
uchchATanAdyAstAH sarvAH prasIdanti cha siddhayaH || 58||
vAyoriva gatistasya bhavedanyairavAritA |
dIrghAyuH kAmabhogI cha dhanavAnabhijAyate || 59||
aShTamyAM saMyato bhUtvA navamyAM vidhivachChivAm |
pUjayitvA vidhAnena vichintya manamA shivAm || 60||
yo nyaset kavachaM dehe tasya puNyaphalaM shR^iNu |
jitavyAdhiH shatAyushcha rUpavAn guNavAn sadA || 61||
dhanaratnaughasampUrNo vidyAvAn sa cha jAyate |
nAgnirdahati tatkAyaM nApaH sa~Nkledayanti cha || 62||
na shoShayati taM vAyuravyAt taM na hinasti cha |
shastrANi nainaM Chindanti na tApayati bhAskaraH || 63||
na tasya jAyate vighno nAsti tasya cha sa~njvaraH |
vetAlAshcha pishAchAshcha rAkShasA gaNanAyakAH || 64||
sarve tasya vashaM yAnti bhUtagrAmAshchaturvidhAH |
nityaM paThati yo bhaktyA kavachaM harinirmitam || 65||
so.ahameva mahAdevo mahAmAyA cha mAtR^ikA |
dharmArthakAmamokShAshcha tasya nityaM kare sthitAH || 66||
anyasya varadaH so.arthairnityaM bhavati paNDitaH |
kavitvaM satyavAditvaM satataM tasya jAyate || 67||
vadechChlokasahasrANi bhavechChrutidharastathA |
likhitaM yasya gehe tu kavachaM bhairava sthitam || 68||
na tasya durgatiH kvApi jAyate tasya dUShaNam |
grahAshcha sarve tuShyanti vashaM gachChanti bhUmipAH || 69||
yadrAjye kavachaj~no.asti jAyante tatra netayaH |
seturdevaH shaktibIjaM pa~nchamohAya te namaH || 70||
vAyurbalena chaitAyai dvitIyAShTAkSharaM tvidam |
seturdevo.atha vaiShNavyai ShaDakSharamidaM smR^itam || 71||
etaddvayaM tu jihvAgre satataM yasya vartate |
tasya devI mahAmAyA kAye tiShThati vai sadA || 72||
mantrANAM praNavaH setustatsetuH praNavaH smR^itaH |
kSharatyano~NkR^itaH pUrvaM parastAchcha vishIryate || 73||
namaskAro mahAmantro deva ityuchyate suraiH |
dvijAtInAmayaM mantraH shUdrANAM sarvakarmaNi || 74||
akAra chAtyukAraM cha makAraM cha prajApatiH |
vedatrayAtsamuddhR^itya praNavaM nirmame purA || 75||
sa udAtto dvijAtInAM rAj~nAM syAdanudAttakaH |
prachitashchorujAtAnAM manasApi tathA smaret || 76||
chaturdashasvaro yo.asau sheSha aukArasa.nj~nakaH |
sa chAnusvArachandrAbhyAM shUdrANAM seturuchyate || 77||
niHsetu cha yathA toyaM kShaNAnnimnaM prasarpati |
mantrastathaiva niHsetuH kShaNAt kSharati yajvanAm || 78||
tasmAt sarvatra mantreShu chaturvarNA dvijAtayaH |
pArshvayoH setumAdAya jatakarmasamArabhet || 79||
shUdrANAmAdiseturvA dviHseturvA yathechChataH |
dviHsetavaH samAkhyAtAH sarvadaiva dvijAtayaH || 80||
aurva uvAcha
etat te sarvamAkhyAtaM kavachaM tryambakoditam |
abhedyaM kavachaM tattu kavachAShTakamuttamam || 81||
mahAmAyAmantrakalpaM kavachaM yantrasaMyutam |
ShaDakSharasamAyuktaM triShu lokeShu durlabham || 82||
etat tvaM nR^ipashArdUla nityabhaktiyutaH paThan |
japan mantraM cha vaiShNavyAH sarvasiddhimavApsyasi || 83||

iti kAlikApurANe ShaTpa~nchAsho.adhyAyAntargatA
               shivaproktA aShTakavachAni samAptA |
##

Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}