% Text title : Ashtamahishi Prarthana Shatakam % File name : aShTamahiShIprArthanAshatakam.itx % Category : devii, shataka % Location : doc\_devii % Author : rAmAnujArya % Proofread by : Rajesh Thyagarajan % Description/comments : From Stotrasamuchchaya 2, Edited by Pandit K. Parameshwara Aithal % Latest update : May 10, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ashtamahishi Prarthana Shatakam ..}## \itxtitle{.. aShTamahiShIprArthanAshatakam ..}##\endtitles ## shrIve~NkaTeshadArA dhIrA kShemasya me sadAdhArA | karuNAvanasa~nchArA tArAsa~NkAsharatnamayahArA || 1|| nArAyaNavanajanitA nArI nArAyaNasya me mAtA | pArAyaNArhacharitA trAtA pItAmbareNa chAyAtA || 2|| mAtarbhUmeryAtaH prAtaH sAyaM namAmi tava potaH | nihitaM tava padi chetaH kAtaH paramavitumasti mAM mAtaH || 3|| lasanaprasUnaveShe prasu me vasu me.adya dehi hariyoShe | kusumairAbhyAM bhAShe prAsUyAmAM manaH svasantoShe || 4|| kA~nchIlA~nChitadevIM kA~nchanadevIM cha varadavashanIvIm | vande mahatIM devIM chandrAM dantAvalAdrisukhapR^ithivIm || 5|| mAdhavasAptapadIne mAmava gatinirjitebhavati yUne | navanavabhavanavidhAne bhava bhava nityaM madIyahR^itsthAne || 6|| sajjanarakShaNadhanyAM mAnyAM manye saritpateH kanyAm | medinyAM kAminyAM guNyAM gaNayeya bhUri sudhariNyAm || 7|| karuNAmadhumayacharaNAmaruNAmaruNAnvavAyaparicharaNAm | karuNAvivR^itAbharaNAM suguNAbharaNAM bhajAmi harisharaNAm || 8|| majjanayitrIM dhAtrIM sajjanapAtrIM sudIrghajhaShanetrIm | bheje prasUnagAtrIM dAtrIM pAtrIM natasya harimaitrIm || 9|| lakShmImakShayasadayAM sArdrasuhR^idayAM samudrahitatanayAm | AshritarakShaNavijayAmAjAnIyAsyahR^idayashubhanilayAm || 10|| ambAM kachalolambAM kambugrIvAM prasannamukhabimbAm | padagatijitakAdambAmambujavallIM namAmi lokAmbAm || 11|| sItAsmAkaM mAtA sAketAdhIshvarIShTibhUjAtA | pItAmbarapariNItA trAtA pUtAkhilebhya iti gItA || 12|| hariparicharyAprItA bhUtatrAtArchiteti kavigItA | tAtopamitA mAtA trAtA shAtA~NginIha mAM sItA || 13|| sevitadanujatrijaTA pAlitanishrIkagargaratrijaTA | svavashIkR^inapItapaTA pratibhaTahariNAya chAstu harivelA || 14|| bhAShAvinutavisheShA bhAShApatisheShavinutaparibhAShA | bhUShAbhilaShitabhUShA bhUShA bhUShAyamAnavapuShAstu || 15|| ghaTikAdrikushalapeTI sajjanasantrANasaktaparipATI | vilasitakA~nchanashATI pAtu ratibhIShTidInajanakoTIH || 16|| vaidehi dehi vittaM shrIde pAde ha lagnamatha chittam | kuryAmAryAvR^ittaM dhAryaM nityaM karomi tava vR^ittam || 17|| karalalitakamalayugalA karikarachAmarasujAtamR^idvanilA | tvaramabhayaM me kamalA kurutAjjananI kareNa harimahilA || 18|| nAmAchalalakShmi rame mAyaivAchala \.\.\.\.svalobhamaye | AshritarakShAkAme svAtmajayugalaM cha dehi harimAme || 19|| upamAnAmupamaiShA bhUShA bhUShAsu bhAsu ma~njUShA | svavashIkR^itAdipuruShA savisheShA pAtumastu hariyoShA || 20|| abalAnAM prabalAsau strIShu shrIruttamA cha vAmAnAm | rAmAbhirAmarAmA shAntA kAntAsu kopanAsveShA || 21|| sarvadasarvada \.\.\.\.shrIH shrIdA shrIdArchitAbjamayapAdA | kR^itajIveshvarabhedA nirbhedAnandabodhanAnandA || 22|| AtmopamAnarahitA sahitA shrIvatsakaustubhAbharaNaiH | harimadhyA harivatsA haripIThAla~NkR^itAstu harivANI || 23|| asmAkaM yA mAtA sA bhavati pitAmahasya chitraM tat | ga~NgAtanayopAsyA ga~NgAjananI hi gItagA~NgeyA || 24|| harivatsaprAsAdA harivatsaprasAdabahulasammodA ! karivatsA~nchitagamanA karivatsA~nchitapadAstu me varadA || 25|| shirasAdR^itanAratatA charaNAdR^itanAradAdimunijanatA | vachasAdR^itashukakalitA padapAlita \.\.\.\.shukAstu me mAtA || 26|| gandharvapUrvalalitA gandharvaiH kinnaraishcha bahuvinutA | gandharvavaktravinutA gandhadvArA cha pAtu mAM mAtA || 27|| shrIshukanagaravisheShe nAshitadAridryaduHkhabahudoShe | shrIshrInivAsabhUShe svAshAM me pUrayasva hariyoShe || 28|| dashashatakamalavikAse dishi dishi mAtardhanAni dAtAse | mama hR^idayagR^ihanivAse shithilA bhUya \.\.\.\. madvAse || 29|| vij~nAnAkhyo manute pUrvo harireva cheti bhUdevI | shriyamatha vidvAnAryaH sAdaramAryAM pravati pUrve tvAm || 30|| pUrNimayA chAmAyAH bhAsashchitraM tithidvayaM tvayi vai | shirasaH parato darshaH tatparataste supUrNimendvAsye || 31|| chandrAdamR^itaM pipsuH rAhustaM chAkramachcha chAhasye | mukhadR^igbhUShAchandraH baddhvA taM chApahanti girimadhye || 32|| nayanaM sudarshanaM te shA~NkhaH kaNThaH phaNI cha tava veNI | paramaM padayugalaM te yAne charaNe cha pakShirAjo.asti || 33|| nayanaM subharadvAjo dhammillo nAradashcha tava mAtaH | shukavadamodAshIte nAnAratne marIchirapi devI || 34|| avane shaktishchAste vakShojo kumbhasambhavo mAtaH | valmIkinibho nAbhiH vyAso.arbhaka eva nityamA sthAne || 35|| tadidaM chitraM mAtaH kA~nchyAntastetya ho bilaM cheti | nedaM putrakachitraM harirubhayatrApi tatra sarve syAt || 36|| kA~nchIkuchakailAso mAtaH shUnyaM tavAntaratihAsaH | kailAsAvapi kA~nchIM na vishati chettaM cha te.antaradhiko.ayam || 37|| harikarakamalavilAse tava kuchasUryo hi devi suchakAse | harinayanapadmabhAse tava mukhachandraM prakAshayatyAse || 38|| DolIkR^itavanamAlA mAlIkR^itavidhivashANDamaNiyugalA | yugalIkR^itaharilIlA bAlA sindhoH prabhAtu karakamalA || 39|| pAdagrahaNAt tAto.amodata chAsmAkamamva bahudhAptaH | gR^ihNAmya~NghrI pUrNaM tUrNaM mAM modayasva harigR^ihiNi || 40|| kR^iShNaH kachamAro.adhAnnayate mInau tavAdya bhAsete | hariramba madhyamaste devo.a~NgI sambabhUva chA~NgAni || 41|| tava charaNamIkShya tArA avadadhuranishaM saroruhAkAre | avalokaya nayanaminduH taraNiM paryabhavachcha kumudAkShi || 42|| nIchairvAsavinidAM moktuM di~NnAganAga~NkAvadya | nAbheruchchairmAtaH bhAtaH kuchayoshcha romarAjyAM te || 43|| tvAmAshritya visheShaH romNA rAjyAM vibhAti savisheShaH | iti vAsukirapi chAnyo veNIM shishrAya nAnyavardhiShNuH || 44|| AkAshe kA~nchyaikA tasyAM hariramba yogisandR^ishyaH | mAtardhatte sa hariH girimahimibhamindumarkamabhrAdIn || 45|| kuchayugamastakama~nche dR^iShTvA roShAturo.api haryakShaH | nijagaNanAmatihIno sannidhimAhAtmyato hite.abhUt saH || 46|| ekatra cha taraNIndU bhUte nAmA tathApi harigR^ihiNi | ekatra rAhuchandrAvuparAgo naiva chAnurAgo.abhUt || 47|| kamale chandrotpattiH chandrAduchchaishcha bhAti chandro.anyaH | chandradvayabhItaH san rAhurnIchaiH prayAti pashchAnme || 48|| tava bhujagavihagarAjau shayane yAne sadA prathAbhAjau | bhavatAM sa tayormAtaH sheSho veShe visheShabhAShAsIt || 49|| dhanyaM kuru mAM mAnye dhanyevAse samudrahitakanye | mAnye lokavareNye dhanyAya tvAM dhinAyakAM manye || 50|| harinakhabhItau kariNAvantardhyAyeva ka~nchuke trAsi | jananIvairirirakShA patyA ghR^iNayA babhUva kiM padme || 51|| shivapadayugalAchChreShThaM vidhipadadashakaM cha mAtarAleShu | bahudhanadapurANyanye viShNoH padamekameva pativatte || 52|| upanayanaM tava bhaktiH upadeShTA tava patishcha me mAtaH | upadiShTaM nAma cha te bhavati subhikShAM pradehi vaidehi || 53|| tava bhaktyA mantUktiH bhavatu cha mAtastvayaiva kila bhuktiH | gehe mukhyA gR^ihiNI vikhyAtishchAsya eva gR^ihamukhyaH || 54|| mAtaH sAgarakanye tava nanu vaktraM sudhAMshuriti manye | satyastveShastarkaH no chet kA syAt vidhAvalokechChA || 55|| tava sannidhimAhAtmyAdveShyo na tviShTa eva te devi | nayanAbje mukhachandre siMhAduchchaiH prabhAta iva mastau || 56|| mAtastava mAhAtmyAduchchairnIchaishcha bhAsamAnebhau | vikrAntau tau dR^iShTvA mR^igapatimR^igyaH sa eva mUDho.abhUt || 57|| kAntaste paramAtmAnantastalpastrayImayo yAnam | amarA nityA bhR^ityAH satyaM putro.asmi yavanikA mAyA || 58|| jakShat krIDan shrutyA rakShitumevAmba rahasi kAntena | jitvA puruShaM svavashaM kR^itvA nastena pAlayasi chAmba || 59|| sapadi jaTAyormokShaH tvattaH patyuH sukandhare pakShaH | sA mApitari kaTAkShaH tvatto bhartA babhUva bahudakShaH || 60|| vIraH kila tava bhartA vishvasmin yatra yatra yAtAse | vAraH kila tava pAtA chintA nArAyaNe hi kimu na syAt || 61|| shyAmA vA hariNI tvaM hyachalAtanayApi cha~nchalAsi tvam | jananI mArasya syAH sukumArebhyashcha naumi mAtastvAm || 62|| kavijananutacharaNA vA gurujananutapAdukaiva me mAtaH | puNyajanairnR^itacharitA puNyajanadhvaMsinIha bhUrmAtaH || 63|| alakAla~NkR^itavadanA hyalakeshAla~NkR^itAbjamR^iducharaNA pulakA~NkitasaMhananA phalakAlaM nityameva kurutAM me || 64|| shatadhR^itishatamativinute shatamakhamukhavinutalalitabahuvasate | atulitashatakR^itiphalite gatiriha bhavatIti me mano manute || 65|| shrIshailajaghanabhAgA shrIrephAla~NkR^itottamA~NgA hi | astAchalamadhyasthA chakShoH saudarshanAstu mAM pAtum || 66|| harivatsechChA vA syAt karivatsechCheti devi kavigIte | harivatsechChA vA syAt mAM karivarado yathA tathA pAhi || 67|| ripusharapIDAM bhartuH vAritumevAsa urasi tatpUrvA | mama putrasya hi mahite pUrvasthA vArayAmba vara \.\.\.\. || 68|| ekasyAM vyaktau te bahuvachanaM nityapuMstvamAsAte | svAtantryaM bahutattve kiM na syAnnanu na yujyate haridArAH || 69|| ko vA kA vA purataH na vadati tava nAma na smaratyamba | sarvatra cha bhavadIyaM shirasA natirasti kutra vA devi || 70|| ibhyaM sabhyaM kuru mAmadbhiH prakShAlayAmi tava pAdau | labhyaM kuru me saukhyaM vikhyAte dInapoShaNe devi || 71|| pUrvaM vittaM dattvA pUjAM tenaiva kArayasvAmba | dhanasutahitabhUlAbhaM dattvaivAgre vidhehi tava bhaktam || 72|| tava charitaM mama vihitaM sukR^itAllabdhaM hi mAtarADhyAsi | mUDhaM shrIdaM kuru mAM bADhaM karavANi te.adya paricharyAm || 73|| vidhinA mamaiva siddhiH yadi te kR^ipayA kimasti me mAtaH | tava vA tava patyurvA svAtantryeNaikamekamaishvaryAt || 74|| pR^ithukA dattakuchelAH ruchyAH ke te cha patyurapi chAsyAH | tasmAdiva mattastvaM kiM vA nAbhyavajahashcha mAtastvam || 75|| ArAddhAsi cha yena prathamaH paitAmahashcha munirAT saH | taM bhAradvAjaM vA bahumAnenAvalokya mAM pAhi || 76|| pApAdivadhyaviShaye karuNA kAryA nu te.atimR^iduvachanam | Uchitha mArutaye tvaM vyasmArShIH kiM taduktamadhikaM me || 77|| pratyakShaM kAryaM me dAtuM shaknoShi na yadi me mAtaH | mokShaM vA dAtA chet karuNAjanitA taveti manvIya || 78|| nArthItumapi shaknomi smartuM stotuM cha nAhAN iha bhavatIm | pUrNAM bhuktiM shaktiM dattvAsaktiM cha dehi padabhaktim || 79|| nidrAlurjanako me grahayAlurmayi sadA svapatayAluH | spR^ihayAluH shraddhAluH madrakShAyai sadApi bhava mAtaH || 80|| dhyAyemahi mahiyAtaH yAtaH pUrvaM paraM cha jananIM tvAm | pUyemahi vayamadhunA geye.ameye tvadIyabhajanena || 81|| ditsAditsAkutsaiH kutsitaberaiH kumArajananIbhiH | utsavahInaiH kiM vA chotsAhaya me.adya kiM chAnyaiH || 82|| pratyakShamAtravArte chArvAke madhyagodyadAstikyam | tvamapi cha na pratyakShaH vakti haristvayi tathA hi siddhAnte || 83|| advaitAnvArambhau vavR^idhAte tava kuchau cha he mAtaH | siddhAnte dvaitavidhau sUtrANyavalokya tat tathAbhUtAm || 84|| kamalaM vikAsayedyo hyarkaM taM tarkayanti tarkaj~nAH | gurukuchakramalena cha te harinetrArke vikAsa UhaiH kim || 85|| pAdastrayImayaste vedAH kAmAshrayanti me mAtaH | bhartA trivikramaste sa jaTI vA syAddhanAshcha te keshAH || 86|| kati kavayaH kati guravaH kati mandAH kati budhAshcha rAjAnaH | kati bhImA aditisutAH shishrUyUra~Nghri \.\.\.\. gaNakaiH kA || 87|| saguNaM nirguNamiti vA tava vAchA nishchinomi bho mAtaH | vAgbhiH kiM putraka me janakaM kAntaM cha pashya suguNaM me || 88|| ArogyakAriNi \.\.\.\.svoShadhinAthAH kaTAkShakAmAste | amR^itAbdhestvAM tanayAM labdhvA kiM \.\.\.\.jAtA || 89|| anilajanutapadakamalAM saliladhi \.\.\.\.haryabalAm | karuNAtara~NgashAlAM kA~nchanamahilAM kaTAkShasuvishAlAm || 10|| gajarAjarAjilalitAmajashatasutahemapAdukAmbhojAm | sajjana kR^itabahupUjAM vAjigrIvaprabhAtamukhabhAjAm || 91|| arjunasArathimahiShI durjana nirmUlane.astu viditakR^iShiH | sajjanapAlanaviduShI nirjaradevI cha nigamama~njUShA || 92|| AkAsharAjatanaye chAkAshAkAramadhyamapralaye | pAkArIDitanilaye mAtastvAM naumi dehi santataye || 93|| anubhuktamAlikAdau shrIdA mAtAvane.astu me godA | dhanunagarasuprasAdA hemantavratatisheShasammodA || 94|| shAr~NgakarakalpavallIM komalavallIM bhaje sudhAvallIm | shAr~NgashrIbhrUvallIM staumi cha nityaM pramANapadavallIm || 95|| AshritatApadravitAM rAghavavanitAM namAmi mR^idukalatAm | AshritashIrShAbharaNAM nAyakamaNibhAmatulyadivyA~NgIm || 96|| araNItaTinItoShA dharaNIdevI kumArikAveShA | kariNI puShkariNIshA jananI mAM pAtu bhUrihariyoShA || 97|| mAmapi kuru tava tanayaM tvAmatha tattvena naumyahaM sanayam | yAmi cha kR^ipayA vijayaM bhUmisute dehi bhadrasamudAyam || 18|| pavanajapUjAlolAmavanijanatrANavihitaharilIlAm | durbhUtadamanakAlAmamR^itAM vallIM bhajAmi maNimAlAm || 99|| praNamati kastava pAdaM dhanapatirapi bhavati devi niShkhedam | prapaThati kastava vedaM sa bhavati bhuvi yAti mAtarAmodam || 100|| AtreyagotrajaninA kathitaM rAmAnujAryaviduShedam | a~NgIkurvantvAryAH kR^ipayA shrIve~NkaTeshadArAshcha || 101|| iti rAmAnujAryakR^itaM shrI aShTamahiShIprArthanAshatakaM sampUrNam | stotrasamuchchayaH 2 (81) ## The Ashtamahishaprarthanashataka (81) by Ramanujarya, in one hundred Arya verses extols the consort of Lord Visnu worshipped in different forms in different sacred shrines such as Tirupati, Kanchipuram, Srimushnam, Sholinghur, Namakkal, Tiruvellikkeni (Triplicane in Madras), Srivilliputtur and Kumbakonam. Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}