% Text title : ambikA trishati % File name : ambikA300.itx % Category : shatI, devii, pArvatI, devI, trishatI % Location : doc\_devii % Author : Gangadharamakhin % Transliterated by : Sridhar Seshagiri seshagir at engineering.sdsu.edu % Proofread by : Sridhar Seshagiri seshagir at engineering.sdsu.edu % Latest update : July 14, 2003 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Ambika Trishati ..}## \itxtitle{.. ambikAtrishatI ..}##\endtitles ## ga~NgAdharamakhivirachitA | paramAbharaNaM shambhoH parvatanAthasya puNyaparipAkaH | nijalochanavIkShaNato rakShitalokatrayaM cha tadratnam || 1|| nigamAntaparamavidyA dadyAdadya pramodamiha namatAm | nikhilacharAcharachinmayarUpaM rakShAkaraM cha lokAnAm || 2|| AdR^itashivavAmAntAmAryAmAryAbhimAnyamahimAnam | Agamamaulivata.nsAM vande chidrUpakandalAM jananIm || 3|| paramashivabhAgadheyaM suramunimanujAdibhiH sadA dhyeyam | yannAma karNapeyaM pAtu sadA vedamaulikAmeyam || 4|| jayati tavAmba kaTAkShe ko vA seveta kalpabhUmiruham | kAmAdihAnido.asau namatAM sampatpradAnakR^itadIkShaH || 5|| bhuvanajananI purAreH mahiShI bhUShAyitAmR^itamayUkhA | kalikaluShitajanamenaM pAtu sudhAkArama~njulApA~NgaiH || 6|| nikhilanigamAntavedyA vidyA paramA purArisarvasvam | yamapAshabhItamenaM rakShatu janamenamadripatikanyA || 7|| dhutapadanatajanapApA parachidrUpApremayanijarUpA | shashimaulibhAgadheyaM jayati nageshAnakanyakA mAnyA || 8|| tava bhUdharendratanaye pAdAbjaM nigamadIrghikAphullam | utta.nsayanti puruShA dhanyAH kechit ta eva suramAnyAH || 9|| shatamakhanIlamaNInAM prabhayAchChuritA tavAkShiyugalashrIH | tArakavibhedivAhaM nR^ittonmukhamAtanoti sharadi pathi || 10|| kuvalayasampatpradamiha vilochanaM mAtarachalatanaye te | mama mAnasaM tu chandraM kalayati tApaprashAntidaM samaye || 11|| nijagatijitakAdambAmambAmambhojalochanAM vande | sambhAvayati mahesho yAM kila kAleShu hR^idyanavyarasaiH || 12|| lalitaguNaratnabhUShApeTI shukamAnyanaijavAgdhATI | AshritakadambavATI jayati parAnandajAtaparipATI || 13|| kusumasharavairikAntA kAntAlakabhAralalitAphAlAntA | nikhilanigamAntasArA sA rajati shambhubhAgyadhArA hi || 14|| karakamalakalitachApe paramAnandaikakandale shambhoH | kanakamaNilalitakaNThe tvAmevAhaM bhajAmi paravR^ittyai || 15|| chintitaphalade pu.nsAM prabalatarAmodakandale shambhoH | puNyAnAM paripAkaM tvatpadapadmaM praphullamiha chitte || 16|| nijamaulilasanashashikaravilAsidhammillakuvalayAmodaiH | tatamadhukaragItInAM dambhAdamba tvadIyavAgrakShA || 17|| lalitakuTilAlakAntA kAntA shambhorameyavibhavAntA | sampadamiha nastanute kulabhUdharanAthabhAgyapariNAmaH || 18|| janatAchirataravirachitasucharitaparipAkarUpamamareDyam | kusumasharavairibhAgyaM lasatu kalikShobhahAnaye manasi || 19|| vinatAlivibhavadA te kaTAkShadhArA vibhAti lokAmba | kusumasharashAstrasiddhipradA girIshasya yogihR^iddIpA || 20|| nityakumArI kAle kApi payojAsanAdinutituShTA | shitikaNThabhAgyarakShAsUtraM tanute svavaibhavairhR^idyaiH || 21|| nikhilanigamAntasAraM yAvadrUpaM madamba pashyAmi | sA tu niyamitadUtagaNo dUre yAtyamitakopakopako.api yamaH || 22|| shivavAmabhAgabhUShA kAchid yoShA natAlikR^itabhAShA | tATa~NkaratnabhUShAruchibharakAShAyitAtmamukhaveShA || 23|| vANIshavinutamahimA paramA cha kalA satAM samArAdhyA | himabhUdharavarakanyA kR^itabhUsurasaukhyasampadArAnme || 24|| shithilitabhavabhItitatiM bhUdharakanyAmahaM sadopAsyAm | AnandAdvaitakalAM bhaje kalikShobhahAnaye nibhR^itam || 25|| navaratnakhachitabhUShAtatibhAnIrAjitAkhilA~NgIM tAm | kAmapi kalAmupAse satatAnandaikakandalIM jananIm || 26|| mama hR^idayakelibhavane vilasati tadrUpamiShTadaM pu.nsAm | yadihAdareNa shambhurlokatrayarakShaNAya chakame cha || 27|| ga~NgAdharavarabhUShA bha~NgAyAsmAkamakhiladuritAnAm | shR^i~NgArasAraveShA tu~NgAnandapradAstu jagadambA || 28|| tena vayaM paratantrAH yachChashishekharamanashvaraishvaryam | shambhoriha lokAnAM chintAmaNirAdimaH sulabhyashcha || 29|| nayanA~njanakalikeyaM shambhorambhojalochanA chapalA | shrutisudatIsUtrakalA mama hR^idi bhavane vikAsamupayAti || 30|| kuchakumbhA~NkitashambhuM karapadmAdR^itapayojamaNimAlAm | natajanabharaNAsaktAmambAmambhojalochanAM naumi || 31|| bAlamarAlIlIlAM bAlAM balivairivAsavAdinutAm | jagadambAmAlambAM nibiDanitambAM hitArthamavalambe || 32|| dhyAnairvedyaM tattvaM mInadhvajavairimahitabhAgyaM tat | bhUdharakanyArUpaM viharati mama mAnase hatatamaske || 33|| munijanamAnyacharitrA nAnAdesheShu lasitabahupIThA | sarvasvasampradAyaH shambhorambA mamA~njaliprItA || 34|| vAchAmagocharaM tat purAtanInAmapIha natasulabham | girijArUpaM tejo bhAtu girIshArdhamAdarAdakShNoH || 35|| mandasmitena madhurA madhurApIThasthitA cha harabhAgyam | shItalanayanAsAraiH si~nchati mAma~njasA jaganmAtA || 36|| bhAti purandhrI shambhoriha purato.asmAkamAttasumabANA | sumabANavairichittAkarShaNakulikA cha chinmayI paramA || 37|| lochanapAte shItA pAtA pAdAmbujAttachittAnAm | shvetA cha mandahasite shvetAraNyasthirapradIpakalA || 38|| puramathanamahiShi chitte kuru padavinyAsamAttakutukA tvam | tenaivAhaM dhanyaH kuravai puravairipAdapUjAM cha || 39|| shatamakhamukhasuravandye kAntAshleSheNa pulakitA~Ngi tvAm | manasA smarAmi dayase tenaivAhaM kalau yuge dhanyaH || 40|| puramathanasyApi vapuH punatImambAM nijAkramaNashaktyA | chirapuNyadarshanIyAM smarAmi manasA parAM sutAmadreH || 41|| ku~NkumakaNalasitA~NgIM kuvalayadR^ishamabjalochanAM vande | lochanajitasAra~NgIM bhavamahiShImardhachandrashekhariNIm || 42|| nAnAlIlAkhelAM hararatilolAM hitaikaparishIlAm | vande bAlAM bhUmidharapatikanyAM sureshabahumAnyAm || 43|| sarasijamR^idulapadAbjaM padAbjavinyAsadhanyabhUbhAgam | manasi nayane cha vAchi sphuratu maheshAnamAnyasAmrAjyam || 44|| shambhoH kuTumbinI sA madhukaramAlAlasatsvadhammillA | saubhAgyadA sadA me lasatu kR^ipApUralAlitApA~NgA || 45|| UrIkR^itapuramathanA dUrIkR^itaduShTarAkShasAdigaNA | nArI paramA saiShA bherIbhAsvatkaroruhA bhAti || 46|| nikhilopaniShadvidyAsAraM sa.nsArabandhamohaharam | haramAnyaM tat tejo bhAti sureshAdirakShaNopAyam || 47|| shambhorutsavadhArA navanavahArA samAshritAdhArA | sa.nvidrUpArUpA kopArditadurjanA cha sA jayati || 48|| puNyasamudAyasaraNiM purahUtamukhairabhiShTutAmambAm | bhaja mAnasa bho nityaM nityAnandAdvayAtmikAM devIm || 49|| jIvitasarvasvamidaM shambhorambhojalochanaM ratnam | yachchintanena dhanyA vaimAnikavanyakalitavishrAmAH || 50|| antastamonihantrI sa.ndhyApUrvA vibhAti giritanayA | udaye yasyA viduShAM vilasanti karAmbujAni naktamapi || 51|| kulagirinAthanUje lokAmba tvatpadAmbujaM jantuH | bhaktyA smarati hR^idi sve tatpadayugalaM vahanti shirasAnye || 52|| mahiShAsuramardani te bhImaM rUpaM tadastu ripunetre | sAdarakaTAkShApAtaM purato mama bhAtu saumyarUpaM te || 53|| AdR^itashukAdivANI vANIshasureshaharimukhaiH stutyA | sumalasitamR^idulaveNI vilasati kailAsapIThikAmadhye || 54|| dayamAnamAnasaM tat smayamAnamukhaM nirIkShya tattejaH | niyamAdividhutapApA vayamAnandAshrujharaparItA~NgAH || 55|| lalitagatiM suravinutiM lasitamatiM ki~ncha yatimanojuShTAm | tava mUrtimamba pArvati kadA nu pashyan nayAmi kalikAlam || 56|| kurute manasi madIye vihAralIlAM nagendravarakanyA | tAvad vilasati chinmayatattvaM tattvArthibhiH samArAdhyam || 57|| sha~NkaramishritadehaM shrutisudatImaulibhUShaNaM tejaH | mukhajitachandraM tanme prasIdatu kShipranamrapApaharam || 58|| vidhumaulivibhramashrIrvidrumaruchisodarAtmatanukAntiH | si~nchatyamR^itamihAkShNoshchirapuNyavashAdihAsevyam || 59|| parakaivalyAnandaprAptisteShAM dhruvaM hi tanubhajAm | yeShAM chitte vittAdhipamukhasevyA vihArabhAg gaurI || 60|| gauri tava pAdapadmaM shashadharakalayA~NkitAtmamaulitale | mama chAntimaprayANe vilasatu netre smR^itau cha hR^idi vAchi || 61|| sha~NkarasukR^itasamUhA ki~NkaradevAdira~NkavINA cha | sha~NkAdimohahantrI lasatu mamAkShNoH shashA~NkamaulitalA || 62|| kuchakumbhAshleShavashAdAhR^itaharachittavR^ittiramarANAm | manujAnAmapi nityaM daivatameShA chakAsti girikanyA || 63|| parituShTA harabhajane nijagalakalagItivijitaparapuShTA | sUchitasuraripukaShTA paramakalatraM harasya tajjayati || 64|| satatAlolitadayayA dR^ishAmba mAM pashya sarasijAtaruchA | paramashive nirvR^ittimahamavApya tenaiva tAvako bhaktaH || 65|| sarasakavitA cha sampachchAkShobhyaM maNDalAdhipatyaM cha | nanu jAyate nR^iNAM kila tava vIkShAvaibhavena bhavakAnte || 66|| tvanmaulichandravisR^imarakaradhArAbhiH kR^itAbhiShekA tvam | dviguNitadayArdrahR^idayA paripuShyasi ma~NgalAni bhaktAnAm || 67|| gauri nagAdhipatanaye shashishekharadivyamahiShi mAM pAhi | iti kila kalitA~njalayaH sevante suranarAdayo nityam || 68|| parameshvaradayite tvatpadapadmayugArchanAratAH santaH | kalayanti gA~NgasalilaM puShpANyapi bhaktibhArasampannAH || 69|| shR^i~NgArAgamasArA tava lIlA jayati chetasi bhavasya | ata eva svA~Nge tvAmAropayadAshu vijitakAmo.api || 70|| nanu mAtaramba mandasmitalIlAdikamudIkShya shashimauliH | virahAsahiShNuranishaM vahati tvAM naijavapuShi sAnandam || 71|| tava sha~Nkari bhUShoragalasadurumaNidambhataH shivaH kAle | nIrAjanamAtanute bhaktahitArthI suma~NgalAvAptyai || 72|| tava pAdabhaktiramba kShitidharatanaye tanoti kavisUktim | amarashriyamatha sahasA dharAdhipatyAdikaM nR^iNAm || 73|| Alokanena mAtastava manujAnAM hR^idi sthitaM cha tamaH | galati haThAt pApAliH sahasAmaralokasampadAbhAti || 74|| yaH sUktimAlikAbhistava pAdayugaM samarchayati jantuH | tatpadayugmaM tu surAH kalpamahIruhasumaishcha gA~NgajalaiH || 75|| pArvati tava mukhakamalAlokanato galitasa.nshayAH santaH | kaivalyarUpakandalamAsAdya vidhAnato janA bhAnti || 76|| nanvadrisute mandasmitakAntimiShAt tvadIyakIrtijharI | diksaudhA~nchalabhAge vilasati natarakShaNotthitA jagati || 77|| karaNavihInAn mUDhAn narAn surAn pAsi yogino.api tathA | lokAmba bhAvanAdyaiH kAle kAle nagendratanaye tvam || 78|| nagarAjava.nshasampad divyA kAchid vibhAti haramAnyA | gaNapatimayUravAhau yattanayau lokasampade jayataH || 79|| pratidinakalitAmenAma~njalikalikAmagAdhipatanUje | a~NgIkuruShva dayayA tenaiva vayaM kR^itArthAH smaH || 80|| kalyANakelibhAjanamiha sharvasyApremayatuShTikalA | chandrakalAvilasitanijamaulitalA bhAtu mAnase kApi || 81|| vinatajanabandhahAriNi kalyANi purArisukR^itaparipAke | badhnImo vayama~njalimanudinamamitAtmachitsukhAvAptyai || 82|| ka.ndarpAgamasArA lasaduruhArA cha ma~NgalAkArA | tArAdhipavAsalasanmaulitalA bhAtu mAnase devI || 83|| nataha.nsAvalireShA gatijitaha.nsAvalI cha giritanayA | shishirIkaroti lochanamAlAmAlApavijitashukavANI || 84|| shukavANIsadR^ishIyaM mama vANI harakuTumbinInikaTam | na khalu karoti prAptA mudamasyA madhuramandahAsajuShaH || 85|| shashishakalakalitamaulistrilochanA ku~NkumachChAyA | pAti jananI janAnAM ki.nnarayakShAdigeyamAhAtmyA || 86|| nijatanutejaHprasaraurindukalotta.nsalasitamaulitalA | pUrayati lokamAtA tribhuvanamidamAttakautukA pIThe || 87|| tava mAtara~NghrisarasijabhaktivisheShAttavaibhavA hi narAH | vaimAnikapadavIShvapyAshArahitA vishanti te dhAma || 88|| tava hAramaNiprabhayA pArshvasthitashambhuchandramaulikalA | samprAptapUrNamaNDalashobhA satataM virAjate mAtaH || 89|| ardhA~NgashambhubhUShaNaphaNAmaNiprachurakAntivIchIbhiH | tava hastahariNapotaH shashvad dhAvati navInatR^iNabuddhyA || 90|| nAthakalAnuguNaM te rUpaM jagadamba sarvabudhavandyam | parvatarAjasute naH shreyaHshreNyai tadastu kalitadayam || 91|| kairAto veSho vA bhikShATanarUpamanyadapi shambhoH | sarvaM tat tvatkalayA lasitaM bhAtyatra bhUdharendrasute || 92|| tripuravijayashcha mAtastvatkopAdariShu chandramaulestu | AsIt sulabhakalaH kila te kIrtiH kIrtitA dishAM valaye || 93|| tava pAdAmbujasevAdareNa mAtastava stutyAm | yaiH kalitA matireShAM charaNau pUjyau hi nAkinAM vR^indaiH || 94|| tava pAdabhaktibhUmnA pANDityaM sarvasa.nmAnyam | kIrtiM cha sukhaM labhate bhaktaste mAtarachalasute || 95|| pariphullakamalasuShamAsa.nmAnyaiste kaTAkShairyaH | bhAtya~Nkito dharaNyAM sa tu dhanado vA mahendro vA || 96|| kamalAkShamukhairdevaiH phakkR^itagIrbhistava stutau mAtaH | kathamamba mAnuSho.ahaM stotuM tvAM shaknuyAM mandaH || 97|| tava pAdapadmabhaktirdharaNidharendrasya kanyake kAle | vAchAlIkurute mAM mandamapi stotumAdarAjjanani || 98|| janani vinA puNyAnAM khaNDaM tvAmIkShituM nayanaiH | shaktA naiva hi manujAste rUpaM tat paraM jayati || 99|| nAkinagarAmbujAkShIniTilasumAmodavAsitaM mAtaH | tava charaNapa~NkajaM me kR^intati mohAdikaM hR^idaye || 100|| parameshvarasya dayitApAdapayojAtapA.nsavo dhanyAH | kR^itapuNyAnAM mUrtiShu bhAsante sarvashuddhaye hyete || 101|| tava pAdajalajareNusparshanasa~njAtavaibhavA manujAH | dhikkR^itanAkeshapadAstava sArUpyAdisampadullasitAH || 102|| janani tavAlakaratnaprabhAprarohairgirIshashirasi kalA | chAndramasI sA bhajate japAprabhAlepanaM ramyam || 103|| kA~nchyAM vA kailAse merau vA bhaktamAnasAmbhoje | paramashivavAmabhAge rAjati kAle.ambikA khyAtA || 104|| dhyAnaparIvAhA~NkurakalitaM te kusumakomalaM hi vapuH | yogihR^idayAmbujAntarjanani vibhAti sphuTAkAram || 105|| yeShAma~njalikalikAlasitaM karayugamidaM kAle | na prerayati kR^itAnto nijadUtAn teShu te paraM guravaH || 106|| kAruNyAkulitahR^idA tayAmbayA bhaktapApAliH | na hi gaNyate girIsho.apyasmin satataM kR^itaprasAdashcha || 107|| jagataH pitarAvetau rakShAhetornijA~NghribhaktAnAm | rAjata iha bahurUpau janadR^ikdR^ishyau cha devavandyau cha || 108|| sA bhagavatI purastAdAstAM naH shA~NkarI jananI | yadvIkShAlavahInAH pIDyante taptagAtrAshcha || 109|| jAtaparAkramakalikA dishi dishi ki.nnarasugItanijayashasaH | dhanyA bhAnti hi manujA yadvIkShAlavavisheShataH kAle || 110|| vAchAM sanAtanInAM vishrAntisthAnakaM hi yat sthAnam | karuNApAlitalokatritayaM tad bhAti sukR^itihR^idayataTe || 111|| shrutimaulibhUShaNaM te padAravindaM janaH kAle | bhaktyA praNamya bahujananagare si.nhAsane lasati || 112|| shyAmA chandrakalojjvalamauliriyaM shA~NkarI kAle | dhyAnajapAdau puNyAtmanAM hR^idi prasphuratyamale || 113|| tribhuvanarakShAhetora~NgIkR^itagirishadehayaShTiriyam | rAjati rAjatapIThe tribhuvanasundararuchAttabahukoNe || 114|| nishchaladIpakalA sA rakShitamarudauShNyahInanijarUpA | shUlisnehollasitA janahR^ittamasAM nihantrI cha || 115|| nigamAntamadhyavIthImahAmaNiH sarvamUlyA cha | bhaktikrayA cha kAle keyUramaNishcha shUlino jayati || 116|| kalyANasa.ntateryA kalitA janmasthalIti vibudheshaiH | naH kalyANAya syAt sA gaurI medurA dayayA || 117|| tava keshakAntivisarai rAhoH sha~NkA shiraHsthendoH | grasanAdidainyahAriprabhAvamAlochya te saumyaH || 118|| mandasmitaruchibharite puraHsthale te.archanAhetoH | nyastAni hi puShpANi bhramarAkShepAt sphuTaM bhAnti || 119|| kShIrasahodaramandasmitaruchinirasitanatAlihR^ittimirA | sA jayati shA~NkarI kila sha~Nkarasa.nstUyamAnavibhavA cha || 120|| mandAnAmapi ma~njulakavitvarasadAyinI jananI | kApi karuNAmayI sA lasatu purastAt sadAsmAkam || 121|| tApaharasavivarShaNakR^itakutukA kApi nIlanalinaruchiH | kAdambinI purastAdAstAM naH sa.ntataM jananI || 122|| karuNAkaTAkShalaharI kAmAyAstu prakAmakR^itarakShA | gauryA giripatimAnyA satsukhadAne bhR^ishaM khyAtA || 123|| aikyamanIyata nitarAM yadAdareNendumaulinA pUrvam | tat tejo hR^idi lasatu sthire cha niShkalmaShe.asmAkam || 124|| yatpadarekhA mAnyA lekhAdInAM shubhodaye nibhR^itam | sA lochane purastAdAstAM naH shashikalollasanmauliH || 125|| yasyAvirbhAvavashAnmAnyo.abhUd bhUdharendro.api | tat pArvatIti sa.nj~naM gaurI dAkShAyaNI cha lokAmbA || 126|| mArArAtimanoharalAvaNyA kusumamR^idusharIreyam | nijakaruNApA~NgasudhApUraNakR^itavaibhavA bhAti || 127|| dhanadhAnyakIrtikavitAlalanAsutaharmyamukhyakAmaparaiH | tairnUnamarchitAchalasutA~NghrijalajaistathAbhUtaiH || 128|| girishsharIravihAri trAtajagat tat paraM jyotiH | shAradasarasijanayanaM mama gaurIrUpamAvirastu hR^idi || 129|| achalasutayA sanAthA vayamete dhUtapApakalAH | shashishikharaM charmadharaM ga~NgAdharamIkShya modante || 130|| prauDhAndhakAranirasanachaNametat pArvatIrUpam | paramaM jyotirlasati sphuTaM cha sadgaNasamAvR^itaM hR^idaye || 131|| daharAkAshavihAri jyotsnAlasaduttamA~NgamidamAdyam | chintAratnaM girishaprakAmabhAgyaM cha lokadIpakalA || 132|| puNyA~NkuravR^iddhikaraM gaurIrUpaM sadA dhyAye | yachChivanetramahotsavanibhR^itaM rakShitajagattritayam || 133|| sUryasutAkallolollalanadashAramyanetralaharIbhiH | shreyaHsa.ntatimachirAt tara~Ngayati naH sadA devI || 134|| bhUdharakanyA seyaM sAdaradattArhaNAdibahutoShA | vAdarasavijayadAH naH pAdarasAsaktakalitabahubhAShA || 135|| prauDhatamAlavanAlIruchibharakamanIyanetravisphAraiH | dishi dishi kalitA sampad yayA tayA naH kulaM jayati || 136|| nijatAruNyavihArairmohakaraM shUlino.api yat tejaH | tat kumudinIshakhaNDasphurachChiraHkaralasaddhanurvaryam || 137|| sha~NkarapuNyA~NkurakR^itarUpaM pAthojanayanaM cha | pR^ithujaghanakuchayugaM cha trAtajagat dagdhadaityachayam || 138|| nIlanalinIsumAlIlalitakachaM sha~NkarArhalalitakucham | kailAsapIThamadhye bhAti sadA dhyeyamArAdhyam || 139|| smaraNadashayApi kApi pradIpikA nAshinI tamasAm | nigamatatisaudhavalabhIprakAshinI nityatejaskA || 140|| purAripuvAmA~NkatalodbhAsitagAtraM mahaH kimapi | hR^idi lasatu sa.ntataM me nirastasa.nsR^ititamorAshi || 141|| nigamAntamadhyapa~njarashukI shukAdyaiH samArAdhyA | karadhR^itapuNDrekShukalA shreyaHsa.ntAnadAyinI namatAm || 142|| tava pAdapadmashobhAchChuritaM purataH sthalaM gauryAH | kR^itapallavasa.nstaraNaM matvA tUShNIM babhUva te dAsaH || 143|| navajaladharanIlaruchA sa.nmAnyaiste kaTAkShakAntibharaiH | sa~NkalitanityatoraNashobhaM te maNTapAsthAnam || 144|| rAkAchandranibhAsyA sA kAshyAdiShu kR^itAtmabahupIThA | nAkAdirAjavinutA shokAdiharaprabhAvajanmakalA || 145|| pArAvArasutAdyairArAtkalanIyanaijavibhavA sA | vIrADhyanaijarUpA dArAH kailAsavAsino jayati || 146|| dhIrAtmahR^idayakamale dhArAdharanIlachikurabhAravatI | kShIrAdihR^idyavANI dhArA sA bhAti pArvatIrUpA || 147|| paramashivabhAgyadhATI kA~nchanashATI mamAstu hR^idi satatam | parimalitavaktravITI kR^itanatighoTI gajAdiparipATI || 148|| sanmAnasakAsAre kR^itaparamAnandasa.ntatirjananI | sha~NkaratattvonmeShaM kalyati kAle dayAsArAt || 149|| eNA~NkalasitamauliH kShINAnAM rakShiNI paramA | pANAvAdR^itahariNA vINAnutilAlitA cha sA jayati || 150|| mUkAdInAM puraharamaulyAndolanakarojjvalA vAchaH | yatkAruNyAt kAle samullasantIha sA madIyadhanam || 151|| sarveShAM devAnAmapi martyAnAM tathA girIshasya | ekA puNyashreNI gaurIrUpA hi sarvadA jayati || 152|| pashupatipuNyashreNIparipAkaM pArvatIrUpam | nijadR^igrakShitalokatrayamidamArAd virAjate tejaH || 153|| shItalabhUdharajanitA dayayA cha punastathA shItA | shItalalalayakaTAkShA sA jananI naH sadA jayati || 154|| smR^itimAtratApahAnyai kalitaptAnAM janAnAM sA | kR^itasa~NkalpAnalpAbharaNA bharaNAya hR^idi lasati || 155|| sukR^itijanadR^ishyarUpaM duShkR^itijanadUragaM cha tat tejaH | kAruNyapUrNahR^idayaM tadbhAvanatAM tathA jayati || 156|| tApi~nChastabakaruchirjananI sA shA~NkarI bhajatAm | nijadR^ikpAtaprashamitadAridryAdirlasati pIThe || 157|| paramashivAsthAnatale nityaM khelanakR^itAdaraM tejaH tad rAjate munInAM hR^idaye nigamAntasaudhe cha || 158|| nishchalabhAvabhR^itAM tannishchalarUpaM virAjate tejaH | ha.nsIva mAnase me ma~njulagatidAyinI sudR^ishAm || 159|| mAdhuryaM vachasi gatau gAmbhIryaM netrayostaikShaNyam | shaitalyaM hR^idi cha sadA yatra hi dR^ishyaM tadeva jananI naH || 160|| nijashobhAjitakandukakuchayugalashrIjiteshahR^idayA sA | manasi mama sa.nnidhattAM dattAtreyAdibhirvandyA || 161|| nijamaulichandrakiraNaprasAraNe.apyullasatsarojayugam | dadhatI shravasoreShA chakAsti hR^idaye parA devI || 162|| mukhajitatArAnAthA makhabhuggaNasevyacharaNajalajAtA | nakhakAntipaTaladambhAd gatijitaha.nsAvalI vibhAtu hR^idi || 163|| kavitAbhAgyavidhAtrI parimalasa~NkrAntamadhupagaNakeshA | mama nayanayoH kadA vA karNejapalochanaM divyam || 164|| shashikhaNDavata.nsashrIH pashupatibhAgyaM cha tat tejaH | mama nayanayoH kadA vA karNejapalochanaM divyam || 165|| tat tejaH shAshvatamiha sAmAnyaM bhUnivAsakR^itAm | dyusadAmapi jayati kR^itAdaraM tadastu shriyai kAle || 166|| shatamakhanIlamaNInAM prabhAvisArapralobhatanukAntyA | shrutimaulisaudhadIpashriyA tayA nAthavAnahaM kAle || 167|| kavikulasUktishreNIshravaNAnandollasadvata.nsasumA | sA devI mama hR^idaye kR^itasA.nnidhyA kR^itatrANA || 168|| puShpeShvAgamasArA purabhinmAnasavibhedinijakeliH | vishvavimohanamUrtiH sA devI shA~NkarI jayati || 169|| kAshIkA~nchyAditaTasthirAsanA mekhalAbhirAmakaTiH | mugdhasmeramukhI sA yA gaurI sampadAM jananI || 170|| mukhavijitachandramaNDalamidamambhoruhavilochanaM tejaH | dhyAne jape cha japatAM chakAsti hR^idaye kavIshvarANAM cha || 171|| ma~njulakavitAsa.ntatibIjA~NkuradAyinI rasAlokA | janani tavApA~NgashrIrjayati jagattrANakalitadIkSheyam || 172|| amba tavApA~NgashrIrapA~NgakelIshatAni janayantI | purahanturhR^idi jayati vrIDAmadamohakAmasArakarI || 173|| dinakarasutAtara~NgAvalishobhAkR^itakachAkachishrIshcha | shashikhaNDavata.nsashirAH sA devI sharaNamarthinAM paramam || 174|| kalakalaninadatkA~nchI kA~nchyAditalasthirAsanA devI | puraharabhUShaNamUrtiH sA devI sharaNamasmAkam || 175|| puraharasahadharmacharIM kachabhAralasannishIthinIshakalAm | kavikulamAnyacharitrAM pavitritakShoNibhR^itkulAM vande || 176|| bhaktajanAvalikathitastutishatadattAdarAmimAM devIm | sarasakavanapradAtrIM bhUShitashivavAmabhAgarekhAntAm || 177|| ma~NgalamUrtiM ki.nnarakIrtitanijakIrtivallarIM jananIm | mUrtimatIM kAmakalAM shambhorambhojalochanAM naumi || 178|| jitamanmathamArakalAdAtrIM shivagAtradivyabhUShAM tAm | trijagatsukhajanayitrImambAmambudamanoj~natanumUrtim || 179|| khaNDitasuravairigaNAM chaNDakarAdyaiH suraishcha nutasadanAm | maNDitapuraharadehAM tANDavinaH sarvama~NgalAM devIm || 180|| nijalochanakR^itasampadamajakamalekShaNashachIshasuravandyAm | bhajanakR^idantarjyotiShamajatanayAdyaishcha nityasevyakalAm || 181|| bharitabhuvanAmaparNAM sariduruvIchIvilolitAtmakachAm | girishakR^itanityalIlAM varivasyAdAnatuShTanijahR^idayAm || 182|| jananutanityavibhUtiM kanadurubhUShAvalIlasitadehAm | manasApyagaNyatattvAM vanavAsidhyAnagocharAtmakalAm || 183|| nIlAmbujakAntimuShaM bAlArkanibhAtmakarNapUravatIm | mAlAla~NkR^itakaNThAM bAlAM skandasya mAtaraM vande || 184|| sharaNAgatajanarakShaNakR^itadIkShAvIkShaNena jitashambhuH | kulabhUdharavaratapasAM paripAkaH ko.api vijayate loke || 185|| kusumasharamathanamanasApyAdaraNIyAtmakAmakeliriyam | jananI kalyANatatiM bhajatAM naH sAdarAt tara~Ngayati || 186|| mattagajamAnyagamanA madhurAlApA cha mAnyacharitA sA | mandasmeramukhAbjA gaurI mama hR^idayasArase lasatu || 187|| puraharanetramahotsavatAruNyashrIrnirastanatashatruH | lalitalikuchAbhakuchabharayugalA dR^igvijitahariNasa.ndohA || 188|| kAruNyapUrNanayanA kalikalmaShahAriNI cha sA gaurI | mukhajitashAradakamalA vaktrAmbhoje sadA sphuratu kAle || 189|| shUlimanorathapAtraM sa.ntaptasvarNakAmyanijagAtram | AshritahimavadgotraM rakShitanatabAhujachChAtram || 190|| kavikulajihvAlolaM shashishekharakalitaramyabahulIlam | nirasitanataduShkAlaM vande tejaH sadAlinutashIlam || 191|| kamalasuShamAnivAsasthAnakaTAkShaM chirAya kR^itarakSham | rakShogaNabhItikaraM tejo bhAti prakAmamiha manasi || 192|| kumudavanIshakrIDAsthAnAyitakeshabhArAyai | nama uktirastu mAtre vAgjitapIyUShadhArAyai || 193|| bAlakura~NgavilochanadhATIrakShitasurAdimanujAntam | nayanayugAsevyaM tad bhAtIha dharAtale niyatam || 194|| kushalavidhaye tadastu prasUnavishikhArikR^italIlam | kabalitapadanatadainyaM taruNAmbudamechakaM dhAma || 195|| janani kadA vA neShyAmyahamArAdarchitatvadIyapadaH | nimiShamiva hanta divasAn dR^iShTvA tvAmAdareNa kalyANIm || 196|| kavivAgvAsantInAM vasantalakShmIH purAridayitA naH | paramAM mudaM vidhatte kAle kAle mahAbhUtyai || 197|| tribhuvanasundararUpaM tejastad bhaktitaH samabhyarchya | garuDena yAti kutukAdathavA ha.nsena surasevyaH || 198|| tava padapadme bhaktirna me tathApi tavadIyakR^ipayAham | dhyAyAmyanvahamamba tvAmArAdAdarAt siddhyai || 199|| yo devyAH padasarasijanatibhAk tasyeha sidhyanti | sthiravibhutA satsa~NgaH sAyujyaM chApi kAlena || 200|| himagiritapaHphalaM tanmunijanahR^idayAbjanityakR^itanR^ittam | karuNAlolApA~NgaM tat tejo bhAtu niHsamaM vadane || 201|| janani tara~Ngaya nayane mayi dIne te dayAsnigdhe | tena vayaM tu kR^itArthA nAtaH paramasti naH prArthyam || 202|| munihR^idayapadmaha.nsI shivakelIsadanaratnadIpakalA | himavatputrI kR^ipayA mAmavati mahauShadhI kalivyAdheH || 203|| pratiphalatu bhAvanAyAmasmAkaM sA sphuratkR^ipAdhArA | puraharadR^iksAphalyaM kailAse kimapi nishchitaM tejaH || 204|| sajjanamAnasadhAmne nama uktirme shrutIDyanijabhUmne | shivavAmabhAgadhAmne mahAvibhUtyai hi sha~NkarInAmne || 205|| deshikamAnasaviharaNakalAjuShe bhaktirastu me tasmai | yachchandramaulilochanachApalyaM rakShitasvabhaktaugham || 206|| nijalochanakelikalAvashIkR^itaprasabANaripuhR^idayam | dayayA lolitahR^idayaM tadastu tejaH puro.asmAkam || 207|| satataM baddhA~njalipuTamupAsmahe tachChubhapradaM tejaH | yanmarakatakAntilasat prasUnasharavairipuNyaparipAkam || 208|| tIraM sa.nsR^itijaladheH pUraM sha~NkaravilochanaprIteH | sAraM nigamAntAnAM dUraM durjanataterhi tat tejaH || 209|| nagarAjakanyakA sA lasatu puro.asmAkamAdarakR^itashrIH | yatpraNamanAjjanAnAM kavitonmeShaH sadIDito lasati || 210|| sannayanasArasAlIpUShA bhUShA cha harasharIrasya | himagiritanayA yoShA bhAShAstotrapriyA cha sA bhAti || 211|| saphalayatu netrayugalaM hatanataduritA hi sA parA devI | dharaNidharanAyakapriyasutA cha somArdhabhUShitAtmakachA || 212|| sumanovA~nChAdAne kR^itAvadhAnaM dhanaM shambhoH | dhiShaNAjADyAdiharaM yadvIkShaNamAmananti jagati budhAH || 213|| ko vA na shrayati budhaH shreyo.arthI tAmimAmambAm | yAmardhachandrashekharasadharmiNImarchayanti suranAthAH || 214|| shamitanataduritasa~NghA harAya nijanetrakalpitAna~NgA | kR^itasurashAtravabha~NgA sA devI ma~Ngalaistu~NgA || 215|| kavitArasaparimalitaM karoti vadanaM natAnAM yA | stotuM tAmahamArAt sA devI suprasannAstu || 216|| puraharavAmotsa~Nge bhajAmi lasitaM tu tat tejaH | sR^iShTisthitilayakAryaM yajjanayati kAlabhedena || 217|| kalyANadAnakalanAt khyAtA sA shA~NkarI loke | tadvaibhavakIrtanato vayamatrAsAH parAnandAH || 218|| mandahasitairvashIkR^itashA~NkarahR^idayA hi bhaktAnAm | rakShaNakAryAya paraM sAmbA kumbhodbhavAdibhirvandyA || 219|| nijamaulichandrakiraNaprasAraNAdgA~NgavIchikApavanaiH | tatkShaNanirasitasuratashramA bhavAnIha rAjate bhUtyai || 220|| mama gAhate hi hR^idayaM nayanayugaM tripuradamayiturbhAgyam | yadakR^itrimavAggumbhaiH stutyaM dhyeya sadAbhyarchyam || 221|| karadhR^itashUlAdyAyudhajAlanirastAkhilArivR^indeyam | kundAbhadantavadanAnandAyAstu prakAmamiha namatAm || 222|| kuchabhAranamragAtraM nijajaniparipUtajanakavaragotram | suravairikalitakopaM gaurIrUpaM tadastu hatatApam || 223|| niTilAttavahninetraM lolAlakametadAdR^itaM tejaH | nijakelyadhInasha~NkaramasmAkaM chAkShayaM sthAnam || 224|| tava mandasmitalaharIvisheShitaruchirgirIshashashishakalaH | tava rUpaM girishasya svarUpamapi bhAti yoginAM hR^idaye || 225|| nIlAravindalochanayugalAmambAmahaM naumi | kAlArichittaharaNe yallIlAH pATavaM nItAH || 226|| shashadharabhUShitamakuTI kavikulavAgabjasharadiyaM devI | ArtatrANaparAyaNavilochanA himavataH putrI || 227|| shrutipa~njarakelishukI sha~NkaraparirambhaNotsukA mAtA | bahirapyantayarminAM chakAsti lokAmbikA kR^itatrANA || 228|| chintitavastuvidhAtrI sa.ntatamapi lokarakShaNaikaratA | sa.ndAnitanAkilasatsa.ntAnasumapragalbhadhammillA || 229|| kalitatrivargapadavImapavargadakalyasevanAmambAm | gA~NgajalairnalinadalairAragvadhapatrajAlakairarchyAm || 230|| shashishekharasarvasvaM pUrvAchAryaiH puraskR^itaM tejaH | mAmakachakShurviShayaM kadA nu kailAsakalitacha~NkramaNam || 231|| mohitabhuvanA devI sA hitakaranityachintanA bhajatAm | tADitaripujanamAnyA pIDitanijabhaktabhavabhayA jayati || 232|| pratya~NgalasitabhUShA satyaM mAtA hi sharaNamasmAkam | kktyaM yamabhayamasyAH stutyaM jagatIha vaibhavaM manujaiH || 233|| amba tvameva kamalAsanAdivaibhavavidhAtrI cha | tAM tvAM sharaNaM prAptAH loke.amuShmin kimAshAsyam || 234|| ku~NkumaruchilasitA~NgaM kamalAsanamAttakamalaM cha | hastAmbujadhR^itapustakarudrAkShAdi cha tathA rUpam || 235|| jitamanmathavarivasyAsaktaM rUpaM cha te mAtaH | kAlAnukUlakalitaM paratatvavidAM chakAsti hR^idayataTe || 236|| himavannagendrakanye bhUsurakR^itabahulapUjayA dhanye | mAnye sumanaHsa~NghaistvAM kalaye hR^idi sadA hi kaTishUnye || 237|| nirasitaniShka~nchanajanadainyA kanyA dharAdhareshasya | dR^ikkAntivijitahariNA hariNArAdhyA cha sA jayati || 238|| vinatajanitApavargA sargAdikarI cha sA devI | nijalIlAhR^itabhargA durgAdishreyasAM jananI || 239|| kavanakR^itAM toShakR^ite jagadavanAdikriyApeShu bhavatu | shA~NkarirUpAya paraM nama uktirjyotiShe.asmAkam || 240|| phaNipatibhUShitadehA harabhajanAnandasa.ndohA | tattvairhatasa.ndehA chakAstu hR^idaye vidhUtajanamohA || 241|| jayati janani tvadIyaM rUpaM ravikoTitulitamidam | etannAnAkAraM kAle kR^itarakShaNaM cha bhuvaneDyam || 242|| madanArikaNThasuShamAsAkShIbhUtasvabAhuyugalA sA | ku~Nkumapa~NkA~NkitatanureShA devI chakAsti bahurUpA || 243|| kA~nchImaNilasitakaTiH kA~nchIpurabhUShaNaM cha taddhAma | yanmanmatharipumAnyaM nijalIlAkalitabahurUpam || 244|| karapa~NkajadhR^itamAlA sR^iShTisthityAdibahulIlA | vITIvilasitavadanA virachitanataharmyavarasadanA || 245|| visR^imaratAnukampA taM pAtakivargamAdarAdambA | rakShati tanujitashampA sA naH sharaNaM puraH sphuratu || 246|| shUlini surajanapAlini kAtyAyani devi mAM pAhi | suralokakusumamAlini shivakhelini chaNDike pAhi || 247|| bhArati bhairavi shA~Nkari kapAlini namo.astu te nityam | stutvaivamamba vAchA manasArAdhyaM namAmi te pAdam || 248|| kuTilakachaM likuchakuchaM mR^idubAhulataM cha ka~NkumachChAyam | vilasati shashadharamauleH sarvasvaM sukR^itaparipAkaH || 249|| unmUlayati shubhetaravArtAmapyamba te nAma | bhajanAdapi kIrtanataH kiM vA bhAgyaM tvadIyabhaktAnAm||h || 250|| paramashivapuNyakoTI nijagatijitasanmarAlagatidhATI | kR^itanityakAmakoTI koTIrollasitachandraparipATI || 251|| chandrAbharaNavata.nsA ka.nsArimukhaiH suraishcha nutacharitA | gajamukhaShaNmukhajananI sAsmAkaM mAnase kR^itAsthAnA || 252|| paramashivadivyajAyA mAyAmohitasurAsurA jananI | ku~NkumavilasitakAyApAyAnmAM rakShatIha kavigeyA || 253|| bhUShitaratnAbharaNA sharaNarthijanAlikalpitAbharaNA | muditanijAntaHkaraNA maraNAdidhva.nsinI sadAvaraNA || 254|| shrutisudatIstabakAyitacharaNAmbhojA cha bhojAdyaiH | kR^itaparicharaNA vistR^itakaruNAmbA shailarAjavaratanayA || 255|| adhare lasitAruNyaM tanau tu haramAnyapUrNatAruNyam | lochanadhR^itakAruNyaM kare kusumbhAdisambhR^itAruNyam || 256|| tattejo lasati hR^idi smarArisa.nmAnyabahulIlam | sR^iNipAshA~NkushahastaM prashastamastodayAdihInaM cha || 257|| kalitacharAchararakShaNamakShINoddAmavaibhavaM kimapi | nikhilAgamayantrakalAsAraM tallasati purabhidA mAnyam || 258|| bhavachittarAjaha.nsI bhavabhayamohAdibhedinI sharaNam | savarakShaNakR^itadIkShA shivavAmA~NgollasitamUrtiH || 259|| tava charaNanyAsavashAt paripUtA bhUriyaM bhUtyai | deveshamaulisevyA tAM tvAmArAdhayAmi giritanaye || 260|| kShaNamiha mAtardUre syAd yadi dR^iShTiH shubha~NkarI mAnyA | aShTaishvaryo.api tadA vinaShTashobho vikalyashcha || 261|| ata eva hi kAruNyAllokAmba tvaM sadAdR^itabhavA~NgA | krIDasi rakShasi kAle janayasi mohAdikAnathavA || 262|| paramashivakelirasike yaH ko.api janastava stavaM kurvan | nirasitanAkeshapadastava sArUpyaM kramAd bhajati || 263|| tava pAdapadmavisR^imarakAntijharIM manasi kalaya.nstu | nirasitanarakAdibhayo virAjate nAkisadasi suravandyaH || 264|| bAlamarAlIgatyai suragiridhAnuShkamahitakalagItyai | virachitanAnAnItyai cheto me spR^ihayate bahulakIrtyai || 265|| vitaraNakalAprasaktau chintAmaNikAmadhenusuravR^ikShAH | te dUre tAM tvAmahamArAdhayituM kR^itaprayatno.asmi || 266|| vinamadamareshasudatIkachasumamakarandadhArayA snigdham | tava pAdapadmametat kadA nu mama mUrdhni bhUShaNaM janani || 267|| tava harapura.ndhri mAtashcharaNapayojaM kramArchitaM yena | tenaindrapadamapi drAg virAjate tat samAkrAntam || 268|| tava padasarojapA.nsunyAsAddhanyottamA~NgalasitAshcha | gAyanti cha nR^ityanti pramodakR^itanutichayAshcha rAjante || 269|| yatpraNayakalahavArtAbhIto nirasitasimeShurapi vinayI | madanaM tamapi vasantaM mAnayituM sampravR^ittahR^idayo.abhUt || 270|| kusumairgA~NgairvAribhiranunayavAgbhishcha namramukhaH | sA puraharabhUShA no manasi viharatAM kirITalasadinduH || 271|| puraharaparatantraM tad gatatandraM vastu nistulamupAse | tenaivAhaM dhanyo madva.nshyA nirasitAtmatApabharAH || 272|| mukhasuShamAjitapadmaM padmajaharivAsavAdibudhasevyam | kAvyArthasArametad gaurIrUpa hi vijayate tejaH || 273|| yasyAH padasarasijayorvibudhakirITAvalirgauryAH | nIrAjanavidhikalitA sA me kuladaivataM lasatu || 274|| kavihR^itkairavikasanachandrikayA shamitatApabharAH | mandasmitashriyA kila yasyAH sA bhAti himavataH putrI || 275|| nirasitatamaHprachArA pUrvA sa.ndhyeva nagapatestanayA | dvijasa~NghodayakalanA sA me kuladaivataM lasatu || 276|| rachayAmi nama.nsi bhR^ishaM sha~NkaramaNDitanijA~Nkavallaryai | puNyAtmane purAreH parvatakularAjatanayAyai || 277|| puramathanabhAgyadhATI kavilokasamIDyasUktirasadhATI | mukhalasitasAravITI viharatu hR^idi me kR^ipaughaparipATI || 278|| amba tava karuNayAhaM rakShitasa.ntAnavaibhavo nityam | etAdR^ishI tumahatI kIrtiste jR^imbhate pratidishaM hi || 279|| madanaparipanthimahiShI mama mAnasakalpitAsanA jayati | shrutimaulivihitacharaNA yogihR^idambhojalAlitApi muhuH || 280|| pashupatipura.ndhri mAtastava pAdayugaM praNamya janturiha | vidhutayamadUtabhItistridishairapi mAnyate kalitasevaH || 281|| surasudatIlolAlakamakarandarasavAsitaM tava padAbjam | mama mAnase tu phullaM bhavatu hi kAle vayaM tu dhanyAH smaH || 282|| tava nAma yasya vaktre phAle cha padAbjaku~NkumachChAyA | sa bhavati mAnyastridashairapi dhutasamastaduritajAlaH san || 283|| AstAM hi me purastAt purajayinaH puNyaparimalollAsi | jananIrUpaM sa.ntatamAshritarakShaikaklR^iptadIkShaM tat || 284|| hariNA~Nkamaulidayite yadi te dR^iShTistadAdarAt kavitA | Ali~Ngya modati chiraM tena hi sarvaj~natA loke || 285|| DambhAdidurguNaugho dhAvati dUre tvadIyapadabhaktam | tyaktvA yadi te dR^iShTistena hi sarvAH shriyaH kAle || 286|| tava mAtarmunimAnyaM padamArAdhya prasUnaughaiH | labhate sahasranayanAnyathavAShTau puNyasa.nvR^itaH puruShaH || 287|| nirdhUtatamaHkande mukundapadmAsanAdisevyapade | bhaktirmama hi sadA syAt tenAhaM dhanyacharito.asmi || 288|| nUpuramanigaNara~njitapAdAbjaM mAtarambike hR^idaye | mama lasatu tava kaTAkShAnnAtaH paramarthanIyaM hi || 289|| muktAmaNibhUShitayA kokilashukamAnyavAgvibhUShitayA | himagirisutayAhaM kila sanAyako dhUtapApAdiH || 290|| nirdhUtatamasi rUpaM tava mAtarmAmake hR^idaye | sphurati tavaiva hi dayayA na mAmakaiH karmabhishcha vratagumbhaiH || 291|| nigamAntavedyavaibhavametat te rUpamambike mAtaH | sphurati mama nayanayoriha tatra tu hetustvadIyakaruNA hi || 292|| triNayanasAmrAjyamidaM tava rUpaM nikhiladevatopAsyam | nanu mAtaH sphuratu sadA nAtaH paramarthanIyaM hi || 293|| hariNA~NkamaulyadhInA kApiparA shaktirambikA kShetre | maulau cha nityavachasAM mama chitte bhajatu nityalIlAdim || 294|| parisaranatavibudhAlIkirITamaNikAntivallarIvisaraiH | kR^itanIrAjanavidhi te mama tu shirobhUShaNaM padasarojam || 295|| bhAgIrathIva vANI tava nutirUpA virAjate paramA | iha mAtaryadbhajanaM sarveShAM sarvasampadAM hetuH || 296|| nagapatitanaye mAtaH shA~Nkari mAhesvarIti nAmAni | nityaM japannahaM tu tvadIyadAso.asmi muktaye siddhaH || 297|| nikhilacharAchararakShAM vitanvatI shA~NkarI dayayA | mama kuladaivatameShA jayati sadArAdhyamAnyapadakamalA || 298|| sarvajanaiH sa.nsevye sa.ntatamapi vA~nChitaprade devi | amba tvameva sharaNaM tenAhaM prAptasarvakAryArthaH || 299|| shA~Nkari kathaM nu varNyastava mahimA vedamauligaNavedyaH | iti nishchitya padAbjaM tava vande mokShakAmo.aham || 300|| tvAmamba bAlisho.ahaM tvachamatkArairgirAM gumbhaiH | ayathAyathakramaM hi stuvannapi prAptajanmasAphalyaH || 301|| iti ga~NgAdharamakhivirachitA ambikAtrishatI samAptA | ## Encoded and proofread by Sridhar Seshagiri \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}