% Text title            : Ambhika Stutih 2
% File name             : ambikAstutiH2.itx
% Category              : devii, devI
% Location              : doc\_devii
% Proofread by          : Sivakumar Thyagarajan Iyer
% Description/comments  : 10 in Stotrasamuchchaya 1, Edited by Pandit K. Parameshwara Aithal
% Latest update         : January 2, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Hanumatprokta Ambikastutih ..}##
\itxtitle{.. hanumatproktA ambikAstutiH ..}##\endtitles ##
devIstotramrAtrisUktAtmakam \-
atha kumbhAt samutthAya hanumAn mArutAtmajaH |
AryAM kAtyAyanIM bhaktyA tuShTAveShTaphalapradAm || 1||
namAmi khaDgahastAM tvAM kheTahastAM bhayAnakAm |
varadAbhayahastAM cha bhR^ityalokabhayApahAm |
shUlahastAM sha~NkhachakragadAchApeShudhAriNIm || 2||
chaturbhujAmaShTabhujAM dvibhujAmarimardinIm |
aShTAdashabhujAM naumi durgAM dashabhujAmapi || 3||
sahasrabAhucharaNAM sahasramukhalochanam |
sahasramakuTATopAM naumi vishvamukhImumAm || 4||
padmayonimukhAbjasthAM viShNuvakShaHsthalasthitAm |
haravAmA~NganilayAM vande mUrtitrayAtmikAm || 5||
indrAdisarvadevAnAM sUryAdijyotiShAmapi |
yA shaktirdR^ishyate chitrA viShNumAyA namAmi tAm || 6||
ArbhaTyA(? ) vIkShaNaishchograiH kulAnasuravidviShAm |
yA nirdahati raktAkShI tAM vande siMhavAhinIm || 7||
madhuhantrIM kaiTabhaghnIM mahiShAsuramardinIm |
naumi durgAM bhagavatIM hantrIM shumbhanishumbhayoH || 8||

iti devIstotramrAtrisUktAtmakaM stotram |

atha ambikA stutiH |
amba prasIda varade bhavaduHkhahantri
      kAmAn mamAshu paripUraya kAmadheno |
adyaiva me ripugaNA vilayaM prayAntu
      vIryaM jayaM cha vipulaM cha yashaH pradehi || 1||
amba prasIda mahatIM shriyamatra loke
      sarvAtigAM vitaratAditarAnapekShAm |
sampatkarIM sukhakarIM bhavatImupAste
      yastasya durlabhamiha tridive.api nAsti || 2||
amba prasIda shatakoTidharAdideva\-
      sambhAvitA~Nghriyugale sakaleShTadAtri |
yasmin prasIdati manAg bhavatI bhavAni
      dhanyaH sa eva jagatAM cha sa eva sevyaH || 3||
amba prasIda sakR^idambujanAbhavakShaH\-
      krIDAgR^ihe kamalavAsini hemavarNe |
sampattikalpalatike tvadapA~NgaleshAn
      brahmAdayo.api parigR^ihya bhavanti dhanyAH || 4||
amba prasIda shashikhaNDavibhUShaNA~Nka\-
      bhAgasthite bhavanihantri manonmani tvam |
yA bhAsi vishvavilayasthitisR^iShTikartrI
      vishvambharA trimahadAdivichitrarUpA || 5||
amba prasIda chaturAnanavaktrapadma\-
      rAjIvihAraparishIlanarAjahaMsi |
dR^iShTastvayA sadayamatra bhave sa martyo
      mUko.api paNDitatamaH sa jaDo.api dhIraH || 6||
amba prasIda shatamanyumukhAmarAtma\-
      shakte tvada~NghricharaNasya gR^ihA~NgaNeShu |
khelanti sundaradR^isho vicharanti viprAH
      sIdanti bhUmipatayo.avasarapratIkShAH || 7||
amba prasIda chatura~NgachalAvalepa\-
      dUrIkR^itArinivaho bhavati prasAdAt |
dIno.apyananyasulabhAn sakalAMshcha kAmAn
      labdhvA chiraM vijayate hi saputradAraH || 8||
amba prasIda sahasA mayi pakShapAtAt
      kaShTAM dashAM mama nirIkShya parAnapohyAm |
no ched gatirjagati nAsti nirastakhedaiH
      saMsevyamAnacharaNAmburuhe munIndraiH || 9||
amba prasIda jhaTiti tvamupekShase kiM
      vatsasya vAgvilasanashravaNAkulA chet |
utsa~Ngasa~Ngini shishau vachanapratIkShA
      stanyaM nipIya mudite hi sukhAya mAtuH || 10||
amba prasIda dayayA tvaritaM bhavAni
      jAnAsi chehR^idayashalyamihAviShahyan |
no chet kathaM nu bhavatI jagatAM sharaNyA
      bhUyAchchirAya bhavatApaparishritA nAm || 11||
amba prasIda jaya shatrugaNAnimAMstva\-
      madyaiva devi parivardhaya kautukaM me |
ko.ayaM vilamba iva sA kva gatA dayA te
      dInAvanavratamidaM cha nu kiM samAptam || 12||
amba prasIda yadi bhR^ityavidheyatAyAH
      sAkShAdbhavAni bhavatI bhavatIha lakShyam |
kAruNyapAtramimamAkalayatvajasraM
      dhanyaM vidhAtumakhilasya janasya mAnyam || 13||
amba prasIda niyataM kriyatAM bhavatyA
      devArivargavanapAvakatAM dadhatyA |
asya prasAdavivashasya manaHprasAdaH
      sarvAtmanA yadgatiryadananyanAthaH || 14||
amba prasIda tadanugrahasatvareNa
      chittena vigrahavateva dayAbhareNa |
AlakShya mAmamR^itashItalayA cha dR^iShTyA
      kShipraM vidhehi parilambitabhUribhAgyam || 15||
amba prasIda kimanena vilambitena
      kAryA tvarAtra nivilambyamupekShase hi (? ) |
yadbhAgadheyamiha me suralobhanIyaM
      sarvAtmanA girisute tvadaghInameva || 16||
amba prasIda parameNa samAdhinA mA \-
      mekAntabhaktimavadhArya cha chaNDike tvam |
saubhAgyasampadabhipUramahAlavAla\-
      mudvelavelaparamaM kR^idhi bhUribhAgyam || 17||

iti stuvati mArutau nihatachaNDamuNDAsurA
      surAsuranaroragAdyakhilalokadhAtrI shivA |
mahAmahiShamardinI samavalambya divyaM vapuH
      puraH samabhavat tadA puruShamAtrasAmrAjyadA || 1||
athAha suprasannA sA kAlI kAlAmbudaprabhA |
hanUmantamudanvantaM tarjayantIva garjitaiH || 2||
hanUman svAgataM te.astu suprasannAsmi sAmpratam |
tavAbhyAgamanaM saumya chirAyAkA~NkShitaM mayA || 3||
tava stotreNa tuShTAsmi visheShAdiShTadAyinA |
stotrapriyA stutimayI stuvatAmiShTasiddhidA || 4||
prItyA tvayA kR^itamidaM stotraM paThati yo naraH |
sarvArthasampadastasya sidhyanti madanugrahAt || 5||
stotrametat paThedyastu tasyAhaM nityadarshanam |
karomi sannidhau satyaM tathAhaM tava suvrata || 6||
yaH paThedarthavadidaM tasya shrIrachalA bhavet |
vaMshe.api varadAyA me prasAdAdyAvadasti bhUH || 7||
nityamAvartayedyastu stutimetAM puro mama |
bandhubhiH saha sa~Ngamya rAjate sa bhavAniva || 8||
paThannetanmahAstotraM bhaktimAn mayi mAnavaH |
sabandhuH sasuhR^illoke sarvatra vijayI bhavet || 9||
yaH stotrametat prajapet sakR^idvAsakR^ideva vA |
yaM yaM chintayate kAmaM taM taM prApnotyasaMshayaH || 10||
rAghavasya prasAdena sarvasiddhimatastava |
mayA na deyaM kimapi tathApIShTaM dadAmi te || 11||

iti shrIhanumadvirachitA ambikAstutiH samAptA |

##
Proofread by Sivakumar Thyagarajan Iyer

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}