% Text title            : Annapurna Stava
% File name             : annapUrNAstavaH.itx
% Category              : devii, devI, pArvatI, annapUrNA
% Location              : doc\_devii
% Proofread by          : Mohan Chettoor
% Description/comments  : From Stotras Samahara Part 2 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Annapurna Stava ..}##
\itxtitle{.. annapUrNAstavaH ..}##\endtitles ##
vishveshvarIM vareNyAM vishvAshrayaNIM vishiShTaphaladAtrIm |
stoShyAmi vA~nChitAptyai stotrairannAdhinAyikAmambAm || 1||
kA~nchanaratnavichitrAM davIM dadhatIM tathAnnapAtraM cha |
kaShTadaridrArtiharAmambAM praNato.asmi sampadAM vR^id.hdhyai || 2||
sarvAbhilAShapUraNakalpakalatikAnnapUrNAkhyA |
dAridryadoShamugraM shamayatu sakalArthavR^iddhidAnena || 3||
annAdhinAyikAyAH kR^ipAghanA duHkhadharmaparitapte |
mayi dAridryaR^iNaghnyA varShatu dhanadhAnyadhArayA suchiram || 4||
vedAdirbhuvanAhR^idbhagavati mAheshvarIti chAnnAnte |
pUrNe.agnivallabhA syAdukto.ayaM manurasheShaphaladAyI || 5||
gurukAruNyAllabdhaM mantramidaM dinamukheShu bhaktadhiyA |
yo japati tasya siddhirna durlabhA jAyate cha tApaghnI || 6||
tava pAdakamalasevAhR^itachittaH sAdhakaH samAhitadhIH |
tarati mahAbhavadurgaM vishrutakIrtiprabhAvasaubhAgyaH || 7||
tvajapapUjAdhyAnaprabhedapariniShThitAtmadhIrmanujaH |
niHskho.apyaki~nchano.api tribhuvanavikhyAtakIrtirAshiH syAt || 8||
nidhivR^indamadhyagAM tvAM dhyAtvA mantraM yadA naro japati |
devi tadAsya nivAsaM vishanti vividhArthapUritA nidhayaH || 9||
divyAnnapUrNapAtraM davIM cha karadvayena vibhrANAm |
dhyAtvA yadi japati tvAM prapUryate tasya veshma dhAnyaughaiH || 10||
yasmin vasati manuShyastava mantravisheShajApako deshe |
tatra na dInA vANI pravartate devi \ldq{}nAsti nAstI\rdq{} ti || 11||
annAdrimadhyavisphuradambujamadhye trimaNDalAntaHsthAm |
dhyAyedyo dAridryAdvimuchyate sAdhakaH sa evAshu || 12||
indrAgnisomabhAskaravaruNAnilaghanadatArkShyakandarpAH |
viShNuvirishchapramukhA devAstvad.hdhyAnasampadA prathitAH || 13||
yuShmadapA~Ngaghano.ayaM prashamitabahuduHkhadharmatApaughaH |
dhArAsAravanaughaM varShatu mayi devi sarvadA kR^ipayA || 14||
tatra pANivallavasthA darvI divyAnnapUritA devi |
dAridryadoShamugraM shamayatu mama sampadAM vR^iddhayai || 15||
vIkShasva mAmanekAmayaduritadurantaduHkhaparitaptam | (paritaptAm)
mAtarvibhUtimayyA divyAmR^itasAradhArayA dR^iShTayA || 16||
abhinavabhAskarakoTiprabhAsamudbhAsitaM hi te rUpam |
hR^idayAmbujamadhyagataM devi samAdhau bhajanti yogIndrAH || 17||
Adau sR^ijasi cha vishvaM prapAsi sacharAcharaM jagad bhR^iyaH |
saMharasi lokamante guNatraye sA tvameva devyekA || 18||
mAyodadhirayamamba viShayagrAhormindAruNo bhavati |
tvattApavADavAgnau so.api cha vilayaM prayAti tachchitram || 19||
shrImadguruprasAdAttattvaM tava yo.abhivetti loke.asmin |
devi sa manujo loke pAratrikamaihikaM shamabhyeti || 20||
hutabhru~NmaNDalamadhye vilasitaravibimbamadhyagaM tvamR^itam |
somAtmakaM viditvA devi tvadbhAvanena pUtaH syAt || 21||
guruvarapAdapavitrIkR^itAntarAtmA pratApayitvA tvAm |
devi chidagnau dIpte yogI yogAmR^itaM juhotyeva || 22||
sakR^idapi yuShmadbhakto divyAmR^itamamba bhAvapAtrastham |
pibati viditvA samyag jIvanmuktaH sa vij~neyaH || 23||
yogAmR^itapUtAtmA yogI vijitendriyArijitasa~NgaH | (sa~NghaH)
nahi jananIgarbhagR^ihaM pravishati yogeshi yogabhAvitadhIH || 24||
yogI tvayAhidhatte saMvittipade tadaiva parituShTim | (tvayAdhidhatte)
vidhiharirudrAdInAM gaNayati na padAni devyanityAni || 25||
ShaTtriMshattattvAkhyaM shivAdibhUmyantamamba vishvamidam |
yasyormimbudbudaH syAt tatte saMvittimAshraye dhAma || 26||
mUlAdhAranivAsA sUkShmA sUryAyutopamA shaktiH |
nirbhidya ShaTsarojaM yAntI yA sA tvameva shambhupadam || 27||
ShoDashapatrasarojAt sravanmahAdhArayA sahoddIptA |
yAntI mUlanivAsaM yA hi kuLA kuNDalI tvamevAmba || 28||
jitvA ShaT pa~ncha punarnirudhya dashakaM tathaikamavalambya |
devi tava rUpamabje hR^idayasthe saMyamI smarati || 29||
sthUlaM tavAmba rUpaM yogimanaHpadmakarNikAsaMstham |
yogavivR^id.hdhyai siddhiM mama dishatu samastavA~nChitAvAptyai || 30||
sUkShmaM tavAmba rUpaM sakalajagatrANakAraNodbhUtam |
stoShye tadeva bhaktyA vA~nChitasiddhipradAnasuravR^ikSham || 31||
shrIdurgA vAgdevI girijA lipimAtR^ikA cha mAta~NgI |
tripurA tathAnnapUrNA rAjyA ramA cheti kIrtitA munibhiH || 32||
vAgdevIM vAgAptyai durgAM bhayashAntaye shriyaM bhUtyai |
ArAdhayati manuShyaH puruShArthachatuShkalabdhaye tripurAma || 33||
bahurUpadhAriNIM tvAM bahudhA pravadanti mAnavA loke |
gurumantradevatAtmasvarUpiNIM bhAvayAmyahaM tvekAm || 34||
kathamamba rUpamAdyaM tava rUpaguNAdhikaM cha chinmAtram |
jAnAmi devi tasmAd duruktamIshi kShamasva tat sarvam || 35||
dAriddryaduritaduHkhaprashAntaye vyAhR^itaM mayA stotram |
devi sadA taM japatAM bhaktAnAM bhavatu kAmadhenuridam || 36||
stotreNa tvaM tuShTA mayoditena prabhUtadhanadhAnyaiH !
pUraya veshma madIyaM vidhehi mayi sannidhiM prapadye tvAm || 37||

iti annapUrNAstavaH sampUrNaH |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}