% Text title            : Shri Bala Hridayam  2
% File name             : bAlAhRRidayam2.itx
% Category              : devii, dashamahAvidyA, devI, hRidaya
% Location              : doc\_devii
% Proofread by          : PSA Easwaran psaeaswaran at gmail.com
% Description/comments  : bAlAsaparyA saparyAkrama-nAmAvalI-stotrAdisaNgrahaH
% Latest update         : March 21, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bala Hridayam 2 ..}##
\itxtitle{.. shrIbAlAhR^idayam 2 ..}##\endtitles ## 
asya shrIbAlAdevyA hR^idayamahAmantrasya sadAshivaH R^iShiH |
anuShTupChandaH | bAlAtripurasundarI devatA |
nyAsA mUlamantravat |
dhyAnam\-
vande devIM shivAM bAlAM bhAsvanmaNDalamadhyagAm |
cha~nchachchandrAnanAM taptachAmIkarasamaprabhAm || 1||
nR^ityatkha~nnanetrasya lochanAtyantavallabhAm |
madhyabhAge lasatkA~nchI maNimuktAvinirmitAm || 2||
padavinyastahaMsAlIM shukanAsAvirAjitAm |
karishuNDoruyugalAM mattakokilaniH svAnAm || 3||
pustakaM japamAlA~ncha varadAbhayapANinIm |
kumArIveshashobhADhyAM kumArIvR^indamaNDitAm || 4||
vidrumAdharashobhADhyAM vidrumAlinakhAlikAm |
kkaNatkA~nchIM kalAnAthasamAnaruchirAnanAm || 5||
mR^iNAlabAhulatikAM nAnAratnavirAjitAm |
karapadmasamAnAbhAM pAdapadmavirAjitAm || 6||
chAruchAmpeyavasanAM devadevanamaskR^itAm |
chandanenduvilaptA~NgIM romarAjIvichitritAm || 7||
tilapuShpasamAnAbhAM nAsAratnasamanvitAm |
gajagaNDanitambAbhAM rambhAja~NghAvirAjitAm || 8||
haraviShNumahendrAdyaiH pUjyashrIpAdapa~NkajAm |
kalyANIM kamalAM kAlIM ku~nchikAM kamaleshvarIm || 9||
pAvanIM paramAM shaktiM pavitrAM pAvanIM shivAm |
bhavAnIM bhavapAshaghnIM bhItihAM bhuvaneshvarIm || 10||
bhavAnIM bhavashakti~ncha bheruNDAM muNDamAlinIm |
jalandharagiryutsa~NgAM pUrNagiryanurAgiNIm || 11||
kAmarUpAM cha kAmAkhyAM devIkoTakR^itAlayAm |
o~NkArapIThanilayAM mahAmAyAM maheshvarIm || 12||
vishveshvarIM cha madhurAM nAnArUpAkR^itApurIm |
aiM klIM sauH tryakSharAM bAlAM tadvilomAM kumArikAm || 13||
hyaiH aiM haMsaH namo devi tripurAM jIvabhairavIm |
nArado yasya devarShiH mahAshAntiphalapradAm || 14||
OM namo shrImahAlakShmyai lakShmIM tripurabhairavIm |
OM hrIM jUM saH prANagranthiH dvidhArgakavachadvayam || 15||
iyaM sa~njIvinI devI mR^itAn jIvatvadAyinI |
phreH phraM na pha la va ra yUM shroM shroM amR^itamAvadet || 16||
srAvaya srAvaya tathA vrIM vrIM mR^ityu~njayAbhidhA |
OM namo prathamamAbhAShya kAlIbIjaM dvidhA paThet || 17||
kUrchadvayaM tathA mAyA AgAmipadamAvadet |
mR^ityuM Chindi tathA bhindi mahAmR^ityu~njayo bhavet || 18||
tava shabdaM mamAbhAShya khaDgena cha vidAraya |
dvidhA bhAShya maheshAni tadante vahnisundarI || 19||
iyaM devI mahAvidyA AgAmi kAlava~nchinI |
prAtardIpadalAkAraM vAgbhavaM rasanAtale || 20||
vichintya prajapetachcha mahAkavirbhaveddhruvam |
madhyAhne kAmarAjAkhyaM japAkusumasannibham || 21||
vichintya hR^idi madhye tu tachcha mantraM japetpriye |
dharmArthakAmamokShANAM bhAjano jAyate dhruvam || 22||
tArtIyaM chandrasa~NkAshaM sAya~NkAle vichintya cha |
prajapettatra deveshi jAyate madanopamaH || 23||
vAgbhavaM kAmarAjaM tu tArtIyaM vahnivallabhAm |
ayutaM prajapennityaM AgAmI kAlo va~nchyate || 24||
trikoNaM chakramAlikhya mAyAyuktaM maheshvari |
tasyopari samAstIrya chAsanaM raktavarNakam |
tasyopari visheddevi sAdhakaH prA~Nmukho nishi || 26||
krameNa prajapedvarNAn vAgAdi niyataH shuchiH |
maNDalatritaye devi prApyate siddhiruttamA || 27||
navayonyAtmakaM chakraM pUjayechChAstravartmanA |
prajaped dvayakSharIM bAlAM sarvasiddhIshvaro bhavet || 28||
yaM yaM chintayate kAmaM taM taM prApnoti sarvashaH |
idaM tu hR^idayaM devi tavAgre kathitaM mayA || 29||
mama bhAgyaM cha sarvasvaM brahmAdInAM cha durlabham |
gopanIyaM tvayA bhAdre svayoniriva pArvati || 30||
shatavartena deveshi mAnuShI vashamApnuyAt |
sahasrAvartanAddevi devA vai vashamApnuyuH || 31||
lakShamAvartanAddevi shunAsIraH svakAsanAt |
kShaNAchchyavati tatra vai kiM punaH kShudrajantavaH || 32||
tasmAtsarvaprayatnena j~nAtvA devi japenmanum |
sarvasiddhimapApnoti sarvadA sukhavAnbhavet || 33||
(jAlashambaramahAtantre)
pUjA~Ngatvena japakAle mUlamantrajapAnantaraM vigrahAdau mUlamantreNa
devImAvAhya yathochitaM AvAhanAdyupachArAn kR^itvA pUjAsamAptau punaH
hR^idayAdinyAsaM bhUrbhuvassuvaroM iti digbandhaM dhyAnaM lamityAdipUjAM
kR^itvA mUlamantraM yathAshakti japtvA punaH hR^idayAdinyAsaM bhUrbhuvassuvaroM
iti digvimokaM lamityAdi pa~nchapUjAM cha kR^itvA japaM devyagre samarpayet |

iti shrIbAlAhR^idayaM (2) samAptam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}