% Text title            : Shri Bala Karpura Stotram
% File name             : bAlAkarpUrastotram.itx
% Category              : devii, dashamahAvidyA, devI
% Location              : doc\_devii
% Proofread by          : PSA Easwaran psaeaswaran at gmail.com
% Description/comments  : bAlAsaparyA saparyAkrama-nAmAvalI-stotrAdisaNgrahaH, Paratantra
% Latest update         : March 21, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bala Karpura Stotram ..}##
\itxtitle{.. shrIbAlAkarpUrastotram ..}##\endtitles ## 
karpUrAbhendugaurAM shashisakaladharAM raktapadmAsanasthAM
vidyApAtrAkShamudrAdhR^itakarakamalAM tvAM smaransan trilakSham |
japtvA chandrArdhabhUShaM suruchiramadharaM bIjamAdyaM tavedaM
hutvA pa~nchAtpalAshaiH sa bhavati kavirAD devi bAle maheshi || 1||
hastAbjaiH pAtrapAshA~NkushakusumadhanurbIjapUrAM dadhAnAM
raktAM tvAM saMsmaransan prajapati manujo yastrilakShaM bhavAni |
vAmAkShI chandrasaMsthaM kShitisahitavidhiM kAmabIjaM tavedaM
chandrairhutvA dashAMshaM sa nayati sakalAn vashyatAM sarvadaiva || 2||
vidyAkShaj~nAnamudrA.amR^itakalashadharAM tvAM manoj~nAM kishorIM
smerAM dhyAyaMstrinetrAM shashadharadhavalAM yo japedvai trilakSham |
jIvaM sa~NkarShaNADhyaM tava suranamite sargayuktaM subIjaM
hutvA.ante mAlatIbhirbhavati sa lalite shrIyuto bhogavAMshcha || 3||
dhyAyaMstvAM pustaklAkShAbhayavaradakarAM lohitAbhAM kumArIM
kashchidyaH sAdhakendro japati kulavidhau pratyahaM ShaTsahasram |
mAtarvA~NmArashaktiprayutamanumimaM tryakSharaM traipuraM te
bhuktvA bhogAnanekAn janani sa labhate.avashyamevAShTasiddhIH || 4||
AraktAM kAntadorbhyAM maNichaShakamatho ratnapadmaM dadhAnAM
vA~NmAyAshrIyutAnyaM manumayi lalite tattvalakShaM japedyaH |
dhyAyan rUpaM tvadIyaM tadanu cha havanaM pAyasAnnaiH prakuryAd\-
yogIshastattvavettA parashivamahile bhUtale jAyate saH || 5||
vANI cheTI ramA vAgbhavamatha madanaH shaktibIjaM cha ShaDbhiH
etaishchandrArdhachUDe bhavati tava mahAmantrarAjaH ShaDarNaH |
japtvainaM sAdhako yaH smaraharadayite bhaktitastvAmupAste
vidyaishvaryANi bhuktvA tadanu sa labhate divyasAyujyamuktim || 6||
mahAbinduH shuddho janani navayonyantaragato
bhavedetadbAhye vasuChadanapadmaM suruchiram |
tato vedadvAraM bhavati tava yantraM girisute
tadasmin tvAM dhyAyet kaharihararudreshvarapadAm || 7||
navInAdityAbhAM trinayanayutAM smeravadanAM
mahAkShasragvidyA.abhayavarakarAM raktavasanAm |
kishorIM tvAM dhyAyannijahR^idayapadme parashive
japenmokShAptyarthaM tadanu juhuyAt kiMshukasumaiH || 8||
hR^idambhoje dhyAyan kanakasadR^ishAmindumukuTAM
trinetrAM smerAsyAM kamalamadhulu~NgA~NkitakarAm |
japeddiglakShaM yastava manumayo devi juhuyAt
supakvairmAlUrairatuladhanavAn sa prabhavati || 9||
smareddhastairvedAbhayavarasudhAkumbhadhariNIM
sravantIM pIyUShaM dhavalavasanAmindushakalAm |
suvidyAptyai mantraM tava haranute lakShanavakaM
japettvAM karpUrairagaru sahitaireva juhuyAt || 10||
sahasrAre dhyAyan shashadharanibhAM shubhravasanAM
akArAdikShAntAvayavayutarUpAM shashidharAm |
japedbhaktyA mantraM tava rasasahasraM pratidinaM
tathArogyAptyarthaM bhagavati guDUchyaiH prajuhuyAt || 11||
kulaj~naH kashchidyo yajati kulapuShpaiH kulavidhau
kulAgAre dhyAyan kulajanani te manmathakalAm |
ShaDarNaM pUrvoktaM japati kulamantraM tava shive
sa jIvanmuktaH syAdakulakulapa~Nkeruhagate || 12||
shive madyairmAMseshchaNakavaTakairmInasahitaiH
prakurvaMshchakrArchAM sukulabhagali~NgAmR^itarasaiH |
baliM sha~NkAmohAdikapashugaNAnyo vidadhati
trikAlaj~no j~nAnI sa bhavati mahAbhairavasamaH || 13||
manovAchAgamyAmakulakulagamyAM parashivAM
stavImi tvAM mAtaH kathamahamaho devi jaDadhIH |
tathApi tvadbhaktirmukharayati mAM tadvirachitaM
stavaM kShantavyaM me tripuralalite doShamadhunA || 14||
anuShThAnadhyAnArchAmanu samuddhAraNayutaM
shive te karpUrastavamiti paThedarchanaparaH |
sa yogI bhogI syAt sa hi nikhilashAstreShu nipuNaH
yamo.anyo vairINAM vilasati sadA kalpataruvat || 15||
bAlAM bAladivAkaradyutinibhAM padmAsane saMsthitAM
pa~nchapretamayAmbujAsanagatAM vAgvAdinIrUpiNIm |
chandrArkAnalabhUShitatrinayanAM chandrAvataMsAnvitAM
vidyAkShAbhayadhAriNIM varakarAM vande parAmambikAm || 16||

iti shrIparAtantrAntargataM shrIbAlAkarpUrastotraM sampUrNam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}