% Text title            : Shri Bala Laghustavaraja
% File name             : bAlAlaghustavarAjaH.itx
% Category              : devii, dashamahAvidyA, devI, stavarAja, viMshati
% Location              : doc\_devii
% Author                : Kalidas
% Proofread by          : PSA Easwaran psaeaswaran at gmail.com
% Description/comments  : bAlAsaparyA saparyAkrama-nAmAvalI-stotrAdisaNgrahaH
% Latest update         : March 21, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bala Laghustavaraja ..}##
\itxtitle{.. shrIbAlAlaghustavarAjaH ..}##\endtitles ## 
(shrIbAlAviMshatistavaH laghustavaH ityapi nAmAntaram |)
laghubhaDDhArakAkhya kAlidAsavirachitaH

aindrasyeva sharAsanasya dadhatI madhyelalATaM prabhAM
shauklIM kAntimanuShNagoriva shirasyAtanvatI sarvataH |
eShA.asau tripurA hR^idi dyutirivoShNAMshoH sadAhaH sthitA
ChidyAnnaH sahasA padaistribhiraghaM jyotirmayI vA~NmayI || 1||
yA mAtrA trapuShIlatAtanulasattantusthitispardhinI
vAgbIje prathame sthitA tava sadA tAM manmahe te vayam |
shaktiH kuNDalinIti vishvajananavyApArabaddhodyamAM
j~nAtvetthaM na punaH spR^ishanti jananIgarbhe.arbhakatvaM narAH || 2||
dR^iShTvA sambhramakAri vastu sahasA ai ai iti vyAhR^itaM
yenAkUtavashAdapIha varade binduM vinApyakSharam |
tasyApi dhruvameva devi tarasA jAte tavAnugrahe
vAchaH sUktisudhArasadravamucho niryAnti vaktrAmbujAt || 3||
yannitye tava kAmarAjamaparaM mantrAkSharaM niShkalaM
tatsArasvatamityavaiti viralaH kashchidbudhashchedbhuvi |
AkhyAnaM pratiparvasatyatapaso yatkIrtayanto dvijAH
prArambhe praNavAspadapraNayinIM nItvochcharanti sphuTam || 4||
yatsadyo vachasAM pravR^ittikaraNe dR^iShTaprabhAvaM budhaiH
tArtIyaM tadahaM namAmi manasA tvadbIjaminduprabham |
astvaurvo.api sarasvatImanugato jADyAmbuvichChittaye
gauH shabdo giri vartate suniyataM yogaM vinA siddhidaH || 5||
ekaikaM tava devi bIjamanaghaM savya~njanAvya~njanaM
kUTasthaM yadi vA pR^ithakkramagataM yadvA sthitaM vyutkramAt |
yaM yaM kAmamapekShya yena vidhinA kenApi vA chintitaM
japtaM vA saphalIkaroti tarasA taM taM samastaM nR^iNAm || 6||
vAme pustakadhAriNImabhayadAM sAkShasrajaM dakShiNe
bhaktebhyo varadAnapeshalakarAM karpUrakundojjvalAm |
ujjR^imbhAmbujapatrakAntinayanasnigdhaprabhA.a.alokinIM
ye tvAmamba na shIlayanti manasa teShAM kavitvaM kutaH || 7||
ye tvAM pANDarapuNDarIkapaTalaspaShTAbhirAmaprabhAM
si~nchantImamR^itadravairiva shiro dhyAyanti mUdhrni sthitAm |
ashrAntaM vikachasphuTAkSharapadA niryAti vaktrAmbujAt
teShAM bhArati bhAratI surasaritkallolalolormivat || 8||
ye sindUraparAgapu~njapihitAM tvattejasA dyAmimAM
urvI chApi vilInayAvakarasaprastAramagnAmiva |
pashyanti kShaNamapyananyamanasasteShAmana~Ngajvara\-
klAntAstrastakura~NgashAvakadR^isho vashyA bhavanti striyaH || 9||
cha~nchatkA~nchanakuNDalA~NgadadharAmAbaddhakA~nchIsrajaM
ye tvAM chetasi tadgate kShaNamapi dhyAyanti kR^itvA sthirAm |
teShAM veshmasu vibhramAdaharahaH sphArIbhavantyashchiram |
mAdyatku~njarakarNatAlataralAH sthairyaM bhajante shriyaH || 10||
ArbhaTyA shashikhanDamaNDitajaTAjUTAM nR^imuNDasrajaM
bandhUkaprasavAruNAmbaradharAM pretAsanAdhyAsinIm |
tvAM dhyAyanti chaturbhujAM trinayanAmApInatu~NgastanIM
madhye nimnavalitrayA~NkitatanuM tvadrUpasAMvettaye || 11||
jAto.apyalpaparichChade kShitibhujAM sAmAnyamAtre kule
nishsheShAvanichakravartipadavIM labdhvA pratAponnataH |
yadvidyAdharavR^indavanditapadaH shrIvatsarAjo.abhavad\-
devi tvachcharaNAmbujapraNatijaH so.ayaM prasAdodayaH || 12||
chaNDi tvachcharaNAmbujArchanakR^ite bilvIdalolluNThana \-
truTyatkaNTakakoTibhiH parichayaM yeShAM na jagmuH karAH |
te daNDA~NkushachakrachApakulishashrIvatsamatsyA~NkitaiH
jAyante pR^ithivIbhujaH kathamivAmbhojaprabhaiH pANibhiH || 13||
viprAH kShoNibhujo vishastaditare kShIrAjyamadhvAsavaiH |
tvAM devi tripure parAparakalAM santarpya pUjAvidhau |
yAM yAM prArthayate manaH sthiradhiyAM teShAM ta eva dhruvaM
tAM tAM siddhimavApnuvanti tarasA vighnairavighnIkR^itAH || 14||
shabdAnAM jananI tvamatra bhuvane vAgvAdinItyuchyase
tvattaH keshavavAsavaprabhR^itayo.apyAvirbhavanti dhruvam |
lIyante khalu yatra kalpavirame brahmAdayaste.apyamI
sA tvaM kAchidachintyarUpamahimA shaktiH parA gIyase || 15||
devAnAM tritayaM trayI hutabhujAM shaktitrayaM trisvarAH
trailokyaM tripadI tripuShkaramatho tribrahma varNAstrayaH |
yatki~nchijjagati tridhA niyamitaM vastu trivargAdikaM
tatsarvaM tripureti nAma bhagavatyanveti te tattvataH || 16||
lakShmIM rAjakule jayAM raNamukhe kShema~NkarImadhvani
kravyAdadvipasarpabhAji shabarIM kAntAradurge girau |
bhUtapretapishAchajambhakabhaye smR^itvA mahAbhairavIM
vyAmohe tripurAM taranti vipadastArA~ncha toyaplave || 17||
mAyA kuNDalinI kriyA madhumatI kAlI kalAmAlinI
mAta~NgI vijayA jayA bhagavatI devI shivA shAmbhavI |
shaktiH sha~NkaravallabhA trinayanA vAgvAdinI bhairavI
hri~NkArI tripurA parAparamayI mAtA kumArItyasi || 18||
AIpallavitaiH parasparayutairdvidvikramAdakSharaiH
kAdyaiH kShAntagataiH svarAdibhiratha kShAntaishcha taiH sasvaraiH |
nAmAni tripure bhavanti khalu yAnyatyantaguhyAni te
tebhyo bhairavapatni viMshatisahasrebhyaH parebhyo namaH || 19||
boddhavyA nipuNaM budhaiH stutiriyaM kR^itvA manastadgataM
bhAratyAstripuretyananyamanaso yatrAdyavR^itte sphuTam |
ekadvitripadakrameNa kathitastatpAdasa~NkhyAkSharaiH
mantroddhAravidhirvisheShasahitaH satsa.npradAyAnvitaH || 20||
sAvadyaM niravadyamastu yadi vA kiM vAnayA chintayA
nUnaM stotramidaM paThiShyati jano yasyAsti bhaktistvayi |
sa~nchintyApi laghutvamAtmani dR^iDhaM sa~njAyamAnaM haThAt
tvadbhaktyA mukharIkR^itena rachitaM yasmAnmayApi dhruvam || 21||

iti kAlidAsavirachitaH shrIbAlAlaghustavarAjaH athavA
shrIbAlAviMshatistavaH sampUrNaH |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}