% Text title            : bAlAsaguNamAnasapUjA
% File name             : bAlAsaguNamAnasapUjA.itx
% Category              : devii, dashamahAvidyA, devI, pUjA
% Location              : doc\_devii
% Proofread by          : PSA Easwaran psaeaswaran at gmail.com
% Description/comments  : bAlAsaparyA saparyAkrama-nAmAvalI-stotrAdisaNgrahaH
% Latest update         : March 21, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bala Sagunamanasapuja ..}##
\itxtitle{.. shrIbAlAsaguNamAnasapUjA ..}##\endtitles ## 
prabodhanaM
 10\. uShasi mAgadhama~NgagAyanaiH jhaTiti jAgR^ihi jAgR^ihi jAgR^ihi | \-
 (10\. OM aiM hrIM shrIM aiM klIM sauH sauH klIM aiM ityasya sa~NketaH) \-
       atikR^ipArdrakaTAkShanirIkShaNaiH jagadidaM jagadamba sukhIkuru ||

maNDapapraveshaH
 10\. kanakamayavitardishobhamAnaM dishidishi pUrNasuvarNakumbhayuktam |
maNImayamaNDapamadhyamehi mAtaH mayi kR^ipayAshu samarchanaM grahItum ||
kanakamayavitardisthApite tUlikADhye
vividhakusumakIrNe koTibAlArkavarNe |
bhagavati ramaNIye ratnasiMhAsane.asmin
upavisha padayugmaM hemapIThe nidhAya ||

  \-\-\-\-  pAdyaM
 10\. dUrvayA sarasijAnvitaviShNukrAntayA cha sahitaM kusumADhyam |
      padmayugmasadR^ishe padayugme pAyametadurarIkuru mAtaH ||

arghyaM
 10\. gandhapuShpayavasarShapadUrvAsaMyutaM tilakushAkShatamishram |
       hemapAtranihitaM saharatnaiH ardhyametadurarIkuru mAtaH ||

AchamanaM
 10\. jalajadyutinA kareNa jAtIphalatakkolalava~NgagandhamishraiH |
      amR^itairamR^itairivAtishItaiH bhagavatyAchamanaM vidhIyatAm ||

madhuparkaH
 10\. nihitaM kanakasya sampuTe pihitaM ratnapidhAnakena yat |
      tadidaM jagadamba te.arpitaM madhuparkaM janani pragR^ihyatAm ||

snAnaM
 10\. etachchampakatailamamba vividhaiH puShpairmuhurvAsitaM
  nyastaM ratnamaye suvarNachaShake bhR^i~NgairbhramadbhirvR^itam |
     sAnandaM surasundarIbhirabhito hastairdhR^itaM te mayA
  kesheShu bhramarabhrameShu sakaleShva~NgeShu chAlipyate ||
      mAtaH ku~Nkumapa~NkanirmitamidaM dehe tavordvartanaM
  bhaktyAhaM kalayAmi hemarajasa sammishritaM kesaraiH |
      keshAnAmalakairvishodhya vishadAnkastUrikoda~nchitaiH
  snAnaM te navaratnakumbhasahitaiH saMvAsitoShNodakaiH ||
      dadhidugdhaghR^itaiH samAkShikaiH sitayA sharkarayA samanvitaiH |
       snapayAmi tavAhamAdarAjjanani tvAM punaruShNavAribhiH ||
      eloshIrasuvAsitaiH sukusumairga~NgAditIrthodakaiH
  mANikyAmalamauktikAmR^itarasaiH svachChaiH suvarNodakaiH |
      mantrAnvaidikatAntrikAnparipaThan sAnandamatyAdarAt
  snAnaM te parikalpayAmi janani snehAttvama~NgIkuru ||

vastradhAraNaM keshaprasAdhanaM cha
 10\. bAlArkadyutidADimIyakusumapraspardhi sarvottamaM
  mAtastvaM paridhehi divyavasanaM bhAktyA mayA kalpitam |
      muktAbhirgrathitaM suka~nchukamidaM svIkR^itya pItaprabhaM
  taptasvarNasamAnavarNamatulaM prAvarNama~NgIkuru ||
 10\. bahubhiragarudhUpaiH sAdaraM dhUpayitvA
  bhAgavati tava keshAnka~NkatairmArjayitvA |
      surabhibhiraravindaishchampakaishcharchayitvA
  jhaTiti kanakasUtrairjUTayanveShTayAmi ||

AbharaNabhUShaNaM
 10\. ma~njIre padayornidhAya ruchirAM vinyasya kA~nchIM kaTau
  muktAhAramurojayoranupamAM nakShatramAlAM gale |
      keyUrANi bhujeShu ratnavalayashreNIM kareShu kramAt
  tATa~Nke tava karNayorvinidadhe shIrShe cha chUDAmaNim ||
      dhammille tava devi hemakusumAnyAdhAya phAlasthale
  muktArAjivirAjamAnatilakaM nAsApuTe mauktikam |
      mAtarmauktikajAlikAM cha kuchayoH sarvA~NgulIShUrmikAH
  kATyAM kA~nchanaki~NkiNIrvinidadhe ratnAvataMsaM shrutau ||

gandhaku~NkumAkShatadhAraNaM
(10) mAtaH phAlatale tavAtivimale kAshmIrakastUrikA\-
  karpUrAgarubhiH karomi tilakaM dehe.a~NgarAgaM tataH |
      vakShojAdiShu yakShakardamarasaM siktvA cha puShpadravaM
  pAdau chandanalepanAdibhirahaM sampUjayAmi kramAt ||
(10) ratnAkShataistvAM paripUjayAmi muktAphalairvA ruchirairaviddhaiH |
       akhaNDitairdevi yavAdibhirvA kAshmIrapa~NkA~NkitataNDulairvA ||
(10) sImante te bhagavati mayA sAdaraM nyastametat
  sindUraM me hR^idayakamale harShavarShaM tanoti |
        bAlAdityadyutiriva sadA lohitA yasya kAntiH
  antardhvAntaM harati sakalaM chetasA chintayaiva ||

puShpAla~NkaraNaM
 10\. mandAkundakaravIralava~NgapuShpaiH
  tvAM devi santatamahaM paripUjayAmi
      jAtIjapAvakulachampakaketakAdi \-
  nAnAvidhAni kusumAni cha te.arpayAmi ||
 mAlatIvakulahemapuShpikA kA~nchanArakaravIrakaitakaiH |
 karNikAragirikarNikAdibhiH pUjayAmi jagadamba te vapuH ||
 pArijAtashatapatrapATalairmallikAvakulachampakAdibhiH |
 ambujaiH sukusumaishcha sAdaraM pUjayAmi jagadamba te vapuH ||

dhUpaH
 10\. lAkShAsammilitaiH sitAbhrasahitaiH shrIvAsasammishritaiH
  karpUrAkalitaiH shirairmadhuyutairgosarpiShA loDitaiH |
      shrIkaNThAgarugugguluprabhR^itibhirnAnAvidhairvastubhiH
  dhUpaM te parikalpayAmi janani snehAttvama~NgIkuru ||

dIpaH
 10\. ratnAla~NkR^itahemapAtranihitairgosarpiShA loDitaiH
  dIpairdIrghatarAndhakArabhiduraiH bAlArkakoTiprabhaiH |
     AtAmrajvaladujjvalapravilasadratnapradIpaistathA
  mAtastvAmahamAdarAdanudinaM nIrAjayAmyuchchakaiH ||

nivedanaM
 10\. mAtastvAM dadhidugdhapAyasamahAshAlyannasantAnikA \-
  sUpApUpasitAghR^itaiH savaTakaiH sakShaudrarambhAphalaiH |
      elAjIrakahi~NgunAgaranishAkustumbharIsaMskR^itaiH
  shAkaiH sAkamahaM sudhAdhikarasaiH santarpayAmyarchayan ||
  sApUpasUpadadhidugdhasudhAghR^itAni
  susvAdubhaktaparamAnnapurassarANi |
       shAkollasanmarichajIraka bAhlikAni
  bhAkShyANi bhu~NkShva jagadamba mayArpitAni ||
 kShIrametadidamuttamottamaM prAjyamAjyamidumujjvalaM madhu |
 mAtaretadamR^itopamaM payaH sambhrameNa paripIyatAM muhuH ||
 uShNodakaiH pANiyugaM mukhaM cha prakShAlya mAtaH kaladhautapAtre |
 karpUramishreNa saku~Nkumena hastau samudvartaya chandanena ||
 atishItamushIravAsitaM tapanIye kalashe niveshitam |
 paTapUtamidaM jitAmR^itaM shuchi ga~NgAjalamamba pIyatAm ||
 jambvAmrarambhAphalasaMyutAni drAkShAphalakShaudrasamanvitAni |
 sanArikelAni sadADimAni phalAni te devi samarpayAmi ||
 kUshmANDakoshATakisaMyutAni jambIranAra~NgasamanvitAni |
 sabIjapUrANi sabAdarANi phalAni te devi samarpayAmi ||

tAmbUlaM
 10\. karpUreNa yutairlava~NgasahitaistakkolachUrNAnvitaiH
  susvAdukramukaiH sagaurakhadiraiH susnigdhajAtIphalaiH |
     mAtaH kaitakapatrapANDuruchibhistAmbUlavallIdalaiH
  sAnandaM mukhamaNDanArthamatulaM tAmbUlama~NgIkuru ||

godhUmadIpArAdhanaM
 10\. savinayamatha datvA jAnuyugmaM dharaNyAM
  sapadi shirasi dhR^itvA pAtramArArtikasya |
mukhakamalasamIpe te.amba sArthaM trivAraM
  bhramayati mayi bhUyAtte kR^ipArdraH kaTAkShaH ||

svarNamantrapuShpA~njaliH
 10\. atha bahumaNImishraiH mauktikaistvAM vikIrya
  tribhuvanakamanIyaiH pUjayitvA cha vastraiH |
 militavividhamuktAM divyamANikyayuktAM
  janani kanakavR^iShTiM dakShiNAM te.arpayAmi ||
 charaNanalinayugmaM pa~NkajaiH pUjayitvA
  kanakakamalamAlAM kaNThadeshe.arpayitvA |
 shirasi vinihito.ayaM ratnapuShpA~njaliste
  hR^idayakamalamadhye devi harShaM tanotu ||

iti shrIbAlAsaguNamAnasapUjA samAptA |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}