बालासपर्यापूजा
॥ श्रीः ॥
श्रीगुरुभ्यो नमः ।
श्रीगुरुवन्दनम् -
गुरुर्ब्रह्मा गुरुर्विष्णुः गुरुर्देवो महेश्वरः ।
गुरुः साक्षात्परं ब्रह्म तस्मै श्रीगुरवे नमः ॥ १॥
ध्यानमूलं गुरोर्मूर्तिः पूजामूलं गुरोः पदम् ।
मन्त्रमूलं गुरोर्वाक्यं मोक्षमूलं गुरोः कृपा ॥ २॥
नित्यानन्दं परमसुखदं केवलं ज्ञानमूर्तिं
भावातीतं गगनसदृशं तत्त्वमस्यादिलक्ष्यम् ।
एकं नित्यं विमलमचलं सर्वधीसाक्षिभूतं
विश्वातीतं त्रिगुणरहितं सद्गुरुं तं नमामि ॥ ३॥
अज्ञानतिमिरान्धस्य ज्ञानाञ्जनशलाकया ।
चक्षुरुन्मीलितं येन तस्मै श्रीगुरवे नमः ॥ ४॥
चैतन्यं शाश्वतं शान्तं व्योमातीतं निरञ्जनम् ।
नादबिन्दुकलातीतं तस्मै श्रीगुरवे नमः ॥ ५॥
अखण्डमण्डलाकारं व्याप्तं येन चराचरम् ।
तत्पदं दर्शितं येन तस्मै श्रीगुरवे नमः ॥ ६॥
स्थावरं जङ्गमं व्याप्तं यत्किञ्चित्सचराचरम् ।
तत्पदं दर्शितं येन तस्मै श्रीगुरवे नमः ॥ ७॥
चिन्मयं व्यापितं सर्वं त्रैलोक्यं सचराचरम् ।
असित्वं दर्शितं येन तस्मै श्रीगुरवे नमः ॥ ८॥
सच्चिदानन्दरूपाय व्यापिने परमात्मने ।
नमः श्रीगुरुनाथाय प्रकाशानन्दमूर्तये ॥ ९॥
ज्ञानशक्तिं समारुह्य तत्त्वमालाविभूषिणे ।
भुक्तिमुक्तिप्रदात्रे च तस्मै श्रीगुरवे नमः ॥ १०॥
अनेकजन्मसंप्राप्तकर्मधर्मविदाहिने ।
ज्ञानानल्पप्रभावेन तस्मै श्रीगुरवे नमः ॥ ११॥
मन्नाथः श्रीजगन्नाथो मद्गुरुः श्रीजगद्गुरुः ।
स्वात्मैव सर्वभूतात्मा तस्मै श्रीगुरवे नमः ॥ १२॥
गुरुः शिवो गुरुर्देवो गुरुर्बन्धुः शरीरिणाम् ।
गुरुरात्मा गुरुर्जीवो गुरोरन्यन्न विद्यते ॥ १३॥
ब्रह्मानन्दं परमसुखदं योगिनामप्यगम्यं
द्वन्द्वातीतं गगनसदृशं तत्त्वमस्यादिलक्ष्यम् ।
एकं नित्यं विमलमचलं सर्वधीसाक्षीभूतं
विश्वातीतं त्रिगुणरहितं सद्गुरुं तं नमामि ॥ १४॥
श्रुतिस्मृतिपुराणानामालयं करुणालयम् ।
नमामि भगवत्पादशङ्करं लोकशङ्करम् ॥ १५॥
गुरुर्धाम्ना महिम्ना च शङ्करो यो विराजते ।
तत्पदाम्भोरुहरजःकणायास्तु नमो मम ॥ १६॥
गुरवे सर्वलोकानां भिषजे भवरोगिणाम् ।
निधये सर्वविद्यानां दक्षिणामूर्तये नमः ॥ १७॥
वन्दे गुरुपदद्वन्द्वं अवाङ्मनसगोचरम् ।
रक्तशुक्लप्रभामिश्रं अतर्क्यं त्रैपुरं महः ॥ १८॥
इति श्रीगुरुवन्दनं सम्पूर्णम् ।
श्रीबालादिव्यमङ्गलाध्यानम् -
अनेककोटिब्रह्माण्डकोटीनां बहिरूर्ध्वतः ।
सहस्रकोटिविस्तीर्णसुधासिन्धोस्तु मध्यमे ॥ १॥
रत्नद्वीपे जगद्दीपे शतकोटिप्रविस्तरे ।
त्रिलक्षयोजनायाममहापद्मवनावृते ॥ २॥
सहस्रयोजनायामचिन्तामणिगृहान्तरे ।
पञ्चब्रह्मात्मके मञ्चे सर्वतत्त्वमये शुभे ॥ ३॥
कोटिकन्दर्पलावण्यशिववामाङ्कवासिनीम् ।
पाशाङ्कुशेक्षुकोदण्डपञ्चबाणलसत्कराम् ॥ ४॥
षड्वक्त्रगजवक्त्राभ्यां पार्श्वयोरूपशोभिताम् ।
कल्याणगुणसम्पन्नां नतकल्याणदायिनीम् ॥ ५॥
इच्छाज्ञानक्रियारूपां इच्छाकलितविग्रहाम् ।
राजराजेश्वराङ्कस्थां राजराजेश्वरेश्वरीम् ॥ ६॥
भजे तदङ्कमध्यस्थां तरुणारुणसन्निभाम् ।
अक्षस्रक्पुस्तकाभीतिवरदानलसत्कराम् ॥ ७॥
फुल्लकल्हारमध्यस्थां मन्दस्मितमुखीं शिवाम् ।
कौसुम्भाम्बरसञ्छन्नपूगस्तनमनोहराम् ॥ ८॥
काश्मीरकर्दमालिप्ततनुच्छायाविराजिताम् ।
देवीसमानाकृतिकां दिव्याभरणभूषिताम् ॥ ९॥
बिन्दुत्रिकोणषट्कोणवृत्ताष्टदलयुग्मके ।
यन्त्रे ध्यायामि तां बालां नित्यकल्याणरूपिणीम् ॥ १०॥
इति श्रीबालादिव्यमङ्गलाध्यानं सम्पूर्णम् ।
रश्मिमालाध्यानम् ।
असङ्ख्यातमहःपुञ्जपिञ्जरीकृतविग्रहाम् ।
रश्मिमालामहं वन्दे बालात्रिपुरसुन्दरीम् ॥
ॐ भूर्भुवस्सुवः । तत्सवितुर्वरेण्यं भर्गो देवस्य धीमहि ।
धियो यो नः प्रचोदयात् । (मूलाधारे)
ॐ स्वस्तिदा विशस्पतिर्वृत्रहा विमृधो वशी ।
वृषेन्द्रः पुर एतु नः स्वस्तिदा अभयङ्करः ॥ (हृदये)
ॐ घृणिः सूर्य आदित्य ॐ । (फाले)
ॐ (ब्रह्मरन्ध्रे)
परोरजसे सावदोम् । (द्वादशान्ते)
ॐ सूर्याक्षितेजसे नमः । खेचराय नमः । असतो मा सद्गमय ।
तमसो मा ज्योतिर्गमय । मृत्योर्माऽमृतं गमय ।
उष्णो भगवान् शुचिरूपः । हंसो भगवान् शुचिरप्रतिरूपः ।
विश्वरूपं घृणिनं जातवेदसं हिरण्मयं ज्योतिरेकं तपन्तम् ।
सहस्ररश्मिः शतधाऽऽवर्तमानः प्राणः प्रजानामुदयत्येष सूर्यः ॥
ॐ नमो भगवते सूर्यायाहोवाहिनि वाहिन्यहोवाहिनि वाहिनि स्वाहा ।
वयः सुपर्णा उपसेदुरिन्द्रं प्रियमेधा ऋषयो नाथमानाः ।
अपध्वान्तमूर्णुहि पूर्धि चक्षुर्मुमुग्ध्यस्मान्निधयेव बद्धान् ॥
पुण्डरीकाक्षाय नमः । पुष्करेक्षणाय नमः । अमलेक्षणाय नमः ।
कमलेक्षणाय नमः । विश्वरूपाय नमः । श्रीमहाविष्णवे नमः ।
(मूलाधारे)
ॐ नमो रुद्राय पथिषदे स्वस्ति मा सम्पारय । (फाले)
ॐ तारे तुत्तारे तुरे स्वाहा । (ब्रह्मरन्ध्रे)
ॐ अच्युताय नमः । अनन्ताय नमः । गोविन्दाय नमः । (द्वादशान्ते)
ॐ श्रीं ह्रीं क्लीं ग्लौं गं गणपतये वर वरद
सर्वजनं मे वशमानय स्वाहा । (मूलाधारे)
ॐ ह्रीं नमः शिवायै । ॐ ह्रीं नमः शिवाय । (हृदये)
ॐ जुं सः मां पालय पालय । (फाले)
ॐ नमो ब्रह्मणे धारणं मे अस्त्वनिराकरणं धारयिता भूयासं कर्णयोः
श्रुतं मा च्योढ्वं ममामुष्य ॐ । ब्रह्मरन्ध्रे)
ॐ अं आं इं ईं उं ऊं ऋं ॠं लृं लॄं एं ऐं ॐ औं अं अः कं खं
गं घं ङं चं छं जं झं ञं टं ठं डं ढं णं तं
थं दं धं नं पं फं बं भं मं
यं रं लं वंशं षं सं हं लं क्षं (द्वादशान्ते)
ॐ ऐं क्लीं सौः (मूलधारे)
ॐ ॐ उच्छिष्टचाण्डालि मातङ्गि क्लीं (सर्ववशङ्करि) स्वाहा ।(हृदि)
ॐ ऐं क्लीं सौः ह्स्ख्फ्रें हसक्षमलवरयूं सहक्षमलवरयीं
शौः श्रीगुरवे नमः । (भ्रूमध्ये)
ॐ ऐं ह्रीं श्रीं । ऐं क्लीं सौः । ॐ नमो भगवति राजमातङ्गीश्वरि
सर्वजनमनोहरि सर्वमुखरञ्जनि क्लीं ह्रीं श्रीं
सर्वराजवशङ्करि सर्वस्त्रीपुरुषवशङ्करि
सर्वदुष्टमृगवशङ्करि सर्वसत्त्ववशङ्करि
सर्वलोकवशङ्करि त्रैलोक्यं मे वशमानय स्वाहा ।
सौः क्लीं ऐं । श्रीं ह्रीं ऐम् । (हृदि)
ॐ ऐं ह्रीं श्रीं । ऐं ग्लौं ऐं । ॐ नमो भगवति वार्तालि वार्तालि
वाराहि वाराहि वराहमुखि वराहमुखि । अन्धे अन्धिनि नमः ।
रुन्धे रुन्धिनि नमः । जम्भे जम्भिनि नमः । मोहे मोहिनि नमः ।
स्तम्भे स्तम्भिनि नमः । सर्वदुष्टप्रदुष्टानां सर्वेषां
कुरु कुरु शीघ्रं
वश्यं ऐं ग्लौं ऐं । ठः ठः ठः ठः हुं फट् स्वाहा ।(आज्ञायां)
ॐ क ए ई ल ह्रीं ह स क ह ल ह्रीं स क ल ह्रीं श्रीं (नादान्ते)
ॐ ऐं क्लीं सौः सौः क्लीं ऐं (ब्रह्मरन्ध्रे)
ॐ ह्रीं श्रीं ऐं क्लीं सौः ह्रीं ।
ॐ ऐं ह्रीं श्रीं ऐं क्लीं सौः ऐं ग्लौं हंसः
शिवः सोऽहम् । ह्स्ख्फ्रें हसक्षमलवरयूं
सहक्षमलवरयीं ह्सौः शौः हंसः शिवः सोऽहं
श्रीगुरवे नमः (द्वादशान्ते)
---- अजपामननं
हंसहंसाय विद्महे परमहंसाय धीमहि ।
तन्नो हंसः प्रचोदयात् । (३)
हंसो गणेशो विधिरेष हंसो हंसो हरिः शम्भुमयोऽपि हंसः ।
जीवोऽपु हंसो गुरुरेव हंसश्चात्मापि हंसः परमात्महंसः ॥
हंसः सोऽहम् (२१)
---- नित्याह्निकं
कृतशौचक्रियः । दन्तशोधनं कृत्वा ।
ब्रह्माण्डोदरतीर्थानि करैः स्पृष्टनि ते रवे ।
तेन सत्येन मे देव तीर्थं देहि दिवाकर ॥
इति सूर्यमभ्यर्थ्य स्नानीये तीर्थे गङ्गादिनदीरावाह्य वं इति अमृतबीजेन
सप्तवारं अभिमन्त्र्य । मूलेन मूर्धनि त्रीनुदकाञ्जलीन् दत्वा त्रिराचम्य
स्नायात् । धौतवाससी परिधाय पुण्ड्रधारणं कुर्यात् ॥
---- विभूतिधारणं
(The vedic symbols have been changed as per the book.)
मानस्तो॒के तन॑ये॒ मान॒ आयु॑षि॒ मानो॒ गोषु॒ मानो॒
अश्वे॑षु रीरिषः ।
वी॒रान्मा नो॑ रुद्र भामि॒तो व॑धीर् ह॒विष्म॑न्तो॒
नम॑सा विधेम ते ॥
इति जलेन मर्दयित्वा अनामिक्या त्र्यक्षरीं विलिख्य त्र्यक्षर्या
अभिमन्त्र्य भ्रूमध्ये भस्मना तिलकं कुर्यात् ।
शिरसि - त्र्य॑म्बकं यजामहे सुग॒न्धिं पु॑ष्टि॒वर्धनम् ।
उ॒र्वा॒रु॒कमि॑व॒ बन्ध॑नान्मृ॒त्योर्मु॑क्षीय॒ मामृता॑त् ॥
इति त्र्यम्बकेन त्र्यक्षर्या च ।
ललाटे - त्र्यायु॒षं ज॒मद॑ग्नेः क॒श्यपस्य॑ त्र्यायु॒'षं
यद्दे॒वानां त्र्यायु॒षं तन्मे॑ अस्तु त्र्यायु॒षम् । इति
कण्ठे -ऐं वद वद वाग्वादिनि ऐं क्लीं क्लिन्ने क्लेदिनि क्लेदय क्लेदय ।
क्षोभिणि क्षोभय । ऐं क्लीं सौः वैखरीं वर्धय वर्धय । इति
हृदये -ओं नमो भगवति ज्वालामालिनि देवदेवि सर्वभूतसंहार -
कारिके जातवेदसि ज्वलन्ति ज्वल ज्वल प्रज्वल प्रज्वल
ह्रां ह्रीं ह्रूं र र र र र र र ज्वालामालिनि हुं फट् स्वाहा इति
नाभौ -ओं ह्रीं वह्निवासिन्यै नमः इति
बाह्ये सर्वाङ्गेषु । -
उग्रं वीरं महाविष्णुं ज्वलन्तं सर्वतोमुखम् ।
नृसिंहं भीषणं भद्रं मृत्युमृत्युं नमाम्यहम् ॥
इति च भस्म धारयेत् । वैदिकं सन्ध्यावन्दनं आचरेत् ।
प्रोक्षणादि -आदित्यादि तर्पणान्तं वन्दनमन्त्रजपं कुर्यात् ।
---- वन्दनक्रमः
शुक्लाम्बरधरं इत्यादि शान्तये ।
प्राणानायम्य । ममोपात्त इत्यादि प्रीत्यर्थं वन्दनमन्त्रजपं करिष्ये ।
(अप उपस्पृश्य)
अस्य श्रीवन्दनमहामन्त्रस्य सान्दीपनिः ऋषिः । अनुष्टुप् छन्दः ।
श्रीसन्ध्यास्वरूपिणी बाला देवता । अं ऐं बीजम् । उं क्लीं शक्तिः ।
मं सौः कीलकम् । श्रीसन्ध्यास्वरूपिणीबालप्रीत्यर्थे जपे विनियोगः ।
अङ्गन्यासः -
अं ऐं अङ्गुष्ठाभ्यां नमः । उं क्लीं तर्जनीभ्यां नमः ।
मं सौः मध्यमाभ्यां नमः । मं सौः अनामिकाभ्यां नमः ।
उं क्लीं कनिष्ठिकाभ्यां नमः । अं ऐं करतलकरपृष्ठाभ्यां नमः ।
हृदयादिन्यासः -अं ऐं हृदयाय नमः । उं क्लीं शिरसे स्वाहा ।
मं सौः शिखायै वषट् । मं सौः कवचाय हुम् ।
उं क्लीं नेत्रत्रयाय वौषट् । मं सौः कवचाय हुम् ।
उं क्लीं नेत्रत्रयाय वौषट् । अं ऐं अस्त्राय फट् ।
(करन्यासाङ्गन्यासौ - अं ऐं । उं क्लीं । मं सौः । अं ऐं ।
उं क्लीं । मं सौः इत्यपि कुर्वन्ति ।)
भूर्भुवस्सुवरों (दिग्बन्धः) ।
ध्यानं-
हृदयकुहरदेशे भाति सच्चित्स्वरूपं
सकलभुवनबीजं कारणं ब्रह्मतत्त्वम् ।
प्रणवमयमचिन्त्यं प्राणिनां प्राणसंस्थं
प्रकृतिविलयरूपं देवदेवं नमामि ॥
अं ऐं उं क्लीं सौः इति जयेत् (१०८-१०८)
हृदयादिन्यासः । भूर्भुवस्सुवरों (दिग्विमोकः) ।
ध्यानं पूर्ववत् ।
पुनर्ध्यानं
या सन्ध्या सा जगद्रूपा मायातीता सुनिश्चला ।
ईश्वरी केवला शक्तिः तत्त्वत्रयसमन्विता ॥
अहो महाब्रह्मरूपे दिव्ये सन्ध्ये सरस्वति ।
अजरे अमरे देवि ब्रह्मयोने नमोऽस्तुते ।
लमित्यादि पञ्चपूजा - लं पृथिव्यात्मिकायै गन्धं समर्पयामि ।
हं आकाशात्मिकायै पुष्पाणि समर्पयामि । यं वाय्वात्मिकायै
धूपमाघ्रापयामि । रं अग्न्यात्मिकायै दीपं दर्शयामि । वं
अमृतात्मिकायै अमृतोपहारं निवेदयामि । ज्योतिर्मण्डल -नाराच -
लिङ्ग -पद्म -योनि -धेनु -चिन्मुद्राभिः योनिमुद्रया वा सन्ध्यां
प्रणमेत् ॥ ततो गायत्रीजपः । उपस्थानमित्यादि कुर्यात् ।
---- महद्वन्दनं
आब्रह्मलोकादाशेषादालोकालोकपर्वतात् ।
ये वसन्ति द्विजा देवास्तेभ्यो नित्यं नमो नमः ॥
ॐ नमो ब्रह्मादिभ्यो ब्रह्मविद्यासंप्रदायकर्तृभ्यो वंशर्षिभ्यो
नमो गुरुभ्यः ।
ब्रह्माद्यशेषगुरुपारम्पर्यक्रमेण स्वगुरुपादाम्बुजं यावत्प्रणमामि ।
गुं गुरुभ्यो नमः (दक्षबाहौ) । गं गणपतये नमः (वामबाहौ) ।
दुं दुर्गायै नमः । क्षं क्षेत्रपालकाय नमः ।
अं अभयङ्कराय नमः । वां वास्तुपुरुषाय नमः ।
यं योगिनीभ्यो नमः ह्रीं श्रीं फट् फं
फां फीं भैरवेभ्यो नमः । सं सरस्वत्यै नमः । पं परमात्मने नमः ।
शिवाय गुरवे नमः । कुलदेवताभ्यो नमः । ग्रामनगरदेवताभ्यो नमः ।
पूजागृहद्वारदेवताभ्यो नमः । इति अञ्जलिं कुर्यात् ।
---- देहरक्षा
ॐ नमो भगवति तिरस्करिणि महामाये महानिद्रे सकलपशुजनमहश्चक्षुः
-श्रोत्रतिरस्करणं कुरु कुरु स्वाहा । भूर्भुवस्सुवरोम् । ॐ ऐं ह्रः
अस्त्राय फट् -(अङ्गुष्ठादि कनिष्ठिकान्तं करतलयोः कूर्परयोः देहे
च व्यापकं कुर्यात्)
पूजानुज्ञा
श्रीगुरो दक्षिणामूर्ते भक्तानुग्रहकारक ।
अनुज्ञां देहि भगवन् श्रीबालायजनाय मे ॥
अतिक्रूर महाकाय कल्पान्तदहनोपम ।
भैरवाय नमस्तुभ्यं अनुज्ञां दातुमर्हसि ॥
सिन्दूरारुणगात्रं च शर्वमन्युविनिर्मितम् ।
मकुटाग्र्यधरं देवं भैरवं प्रणमाम्यहम् ॥
भूतोत्सारणं
अपसर्पन्तु ये भूताः आकाशे भुवि संस्थिताः ।
पूजायां विघ्नकर्तारस्ते गच्छन्तु शिवाज्ञया ॥ (इति पुष्पं विकीर्य)
अपक्रामत भूताद्याः सर्वे ये भूमिधारकाः ।
युष्माकमविरोधेन ब्रह्मकर्म समारभे ॥
(वामपादेन भूमौ घातत्रयं कुर्यात्)
---- भूमिवन्दनं-आसनशुद्धिः
(आसनमन्त्रस्य । मेरुपृष्ठ ऋषिः । अतलं छन्दः ।
कूर्मे नारायणो देवता । आसने विनियोगः । योगासनाय नमः ।
अनन्तासनाय नमः । कूर्मासनाय नमः । नागासनाय नमः ।
मत्स्यासनाय नमः । पद्मासनाय नमः । सुखासनाय नमः ।)
समुद्रवसने देवि पर्वतस्तनमण्डिते ।
विष्णुशक्ते नमस्तुभ्यं पादस्पर्शं क्षमस्व मे ॥
अशेषजगदाधारं अनन्तं कूर्मरूपिणम् ।
आसनस्य प्रसिद्ध्यर्थं आत्मानन्दं भजे हरिम् ॥
पृथ्वि त्वया धृता लोका देवि त्वं विष्णुना धृता ।
त्वं च धारय मां देवि पवित्रं चासनं कुरु ॥
ॐ ऐं ह्रीं श्रीं आधारशक्तिकमलासनाय नमः ।
इति पुष्पाक्षतैः आसनमभ्यर्च्य उपविशेत् । आचामेत् ।
नामाचमनं -अच्युताय नमः । अनन्ताय नमः । गोविन्दाय नमः ।
इति त्रिरपः पीत्वा । केशव । नारायण (कपोलौ दक्षिणाङ्गुष्ठेन
स्पृशन्) माधव । गोविन्द । (चक्षुषी अङ्गुष्ठानामिकाभ्यां)
विष्णो । मधुसूदन । (नासिके अङ्गुष्ठतर्जनीभ्यां) त्रिविक्रम ।
वामन (कर्णौ अङ्गुष्ठकनिष्ठिकाभ्यां) श्रीधर । हृषीकेश (अंसौ
अङ्गुष्ठमध्यमाभ्यां) पद्मनाभ (नाभिं सर्वाभिरङ्गुलीभिः) दामोदर
(शिरः सर्वाभिः स्पृशेत् ।) (अप उपस्पृश्य)
तत्त्वाचमनं -ओं ऐं ह्रीं श्रीं ऐं आत्मतत्त्वं शोधयामि स्वाहा ।
क्लीं विद्यातत्त्वं शोधयामि स्वाहा ।
सौः शिवतत्त्वं शोधयामि स्वाहा ।
ऐं क्लीं सौः सर्वतत्त्वं शोधयामि स्वाहा । इत्याचामेत् ।
ॐ ऐं ह्रीं श्रीं
---- श्रीगुरुध्यानं
गुरुर्ब्रह्मा गुरुर्विष्णुः गुरुर्देवो महेश्वरः ।
गुरुः साक्षात्परं ब्रह्म तस्मै श्रीगुरवे नमः ॥
अज्ञानतिमिरान्धस्य ज्ञानाञ्जनशलाकया ।
चक्षुरुन्मीलितं येन तस्मै श्रीगुरुवे नमः ॥
गुरवे सर्वलोकानां भिषजे भवरोगिणाम् ।
निधये सर्वविद्यानां दक्षिणामूर्तये नमः ॥
वन्दे गुरुपदद्वन्द्वं अवाङ्मनसगोचरम् ।
रक्तशुक्लप्रभामिश्रं अतर्क्यं त्रैपुरं महः ॥
मद्ब्रह्मरन्ध्रगाम्भोजकर्णिकापीठवासिनम् ।
शिवरूपं मदीयाघगणनाशनत्परम् ॥
दयार्द्रदृष्टिं स्मेरास्यं वराभयकराम्बुजम् ।
देवीसपर्यारसिकं सद्गुरुं प्रणमाम्यहम् ॥
तव तत्त्वं न जानामि तदमेयं धिया मम ।
अनीदृशस्त्वं प्रथितस्तादृशे ते गुरो नमः ॥
दयमादीर्घनयना देशिकताऽभीतिभव्यदक्षकरा ।
वामकरनिहितदण्डा भाति पुरः सा गुरोर्मूर्तिः ॥
मौनव्याख्याप्रकटितपरब्रह्मतत्त्वं युवानं
वर्षिष्ठान्तेवसदृषिगणैरावृतं ब्रह्मनिष्ठैः ।
आचायेन्द्रं करकलितचिन्मुद्रमानन्दमूर्तिं
स्वात्मारामं मुदितवदनं दक्षिणामूर्तिमीडे ॥
नारायणं पद्मभुवं वसिष्ठं शक्तिं च तत्पुत्रपराशरं च ।
व्यासं शुकं गौडपदं महान्तं गोविन्दयोगीन्द्रमथास्य शिष्यम् ॥
श्रीशङ्कराचार्यमथास्य पद्मपादं च हस्तामलकं च शिष्यम् ।
तं तोटकं वार्तिककारमन्यानस्मद्गुरून्सन्ततमानतोऽस्मि ॥
सदाशिवसमारम्भां शङ्कराचार्यमध्यमाम् ।
अस्मदाचार्यपर्यन्तां वन्दे गुरुपरम्पराम् ॥
श्रीनाथादिगुरुत्रयं गणपतिं पीठत्रयं भैरवं
सिद्धौघं वटुकत्रयं पदयुगं दूतीक्रमं मण्डलम् ।
वीरान्द्व्यष्टचतुष्कषष्टि नवकं वीरावलीपञ्चकं
श्रीमन्मालिनिमन्त्रराजसहितं वन्दे गुरोर्मण्डलम् ॥
ब्रह्मरन्ध्रसरसीरुहोदरे नित्यलग्नमवदातमद्भुतम् ।
कुण्डलीकनककाण्डशोभितं द्वादशान्त सरसीरुहं भजे ॥
एकोनविंशति दलावरणान्तरालकोणत्रयान्तरुदितारुणबिन्दुपीठे ।
श्रीद्वादशान्तकमले शिववामभागसंस्थदेव्यङ्घ्रिपद्ममरुणं
शरणं प्रपद्ये ॥
(मृगीमुद्रया शिरसि प्रणमेत् ।)
---- श्रीगुरुपादुकावन्दनक्रमः (१)
लघुतमः ।
ॐ ऐं ह्रीं श्रीं हंसः शिवः सोऽहं स्वरूपनिरूपणहेतवे
श्रीगुरवे नमः ।
४. सोऽहं हंसः शिवः स्वच्छप्रकाशविमर्शहेतवे
श्रीपरमगुरवे नमः ।
४. हंसः शिवः सोऽहं हंसः स्वात्मानन्दपञ्जरविलीनतेजसे
श्री परमेष्ठिगुरवे नमः ।
४. हंसः सोऽहं नित्यशुद्धबुद्धमुक्तब्रह्मतेजसे
श्रीपरापरगुरवे नमः ।)
(२) लघुतुरः -ओं ऐं ह्रीं श्रीं ऐं क्लीं सौः हंसः शिवः सोऽहं
ह् स् ख् फ्रें हसक्षमलवरयूं ह्सौः सहक्षमलवरयीं शौः
हंसः शिवः सोऽहं
स्वरूपनिरूपणहेतवे श्रीगुरवे नमः । नाथ श्रीपादुकां पूजयामि नमः ।
(ओं ऐं ह्रीं श्रीं ऐं क्लीं सौः - ७)
७. सोऽहं हंसः शिवः ह् स् ख् फ्रें हसक्षमलवरयूं ह्सौः
सहक्षमलवरयीं शौः सोऽहं हंसः शिवः स्वच्छप्रकाशविमर्शहेतवे
श्रीपरमगुरवे नमः । नाथ श्रीपादुकां पूजयामि नमः ।
७. हंसः शिवः सोऽहं हंसः ह्स्ख्फ्रें हसक्षमलवरयूं ह्सौः
सहक्षमलवरयीं शौः हंसः शिवः सोऽहं हंसः
स्वात्मरामपञ्जर विलीनतेजसे श्रीपरमेष्ठिगुरवे नमः ।
नाथ श्रीपादुकां पूजयामि नमः ।
७. हंसः सोऽहं ह्स्ख्फ्रें हसक्षमलवरयूं ह्सौः सहक्षमलवरयीं
शौः हंसः सोऽहं नित्यशुद्धबुद्धमुक्तब्रह्मतेजसे परापरगुरवे नमः ।
नाथ श्रीपादुकां पूजयामि नमः ।)
(३) लघुः ॐ ह्रीं श्रीं ऐं क्लीं सौः ह्रीम् ।
ॐ ऐं ह्रीं श्रीं ऐं क्लीं सौः ऐं ग्लौम् ।
हंसः शिवः सोऽहं ह् स् ख् फ्रें हसक्षमलवरयूं ह्सौः
सहक्षमलवरयीं शौः हंसः शिवः सोऽहं स्वरूपनिरूपणहेतवे
श्रीगुरवे नमः । ॐ नमः ह्रीं ॐ । ..... नाथ श्रीगुरु श्रीपादुकां
पूजयामि नमः ।
ॐ ह्रीं श्रीं ऐं क्लीं सौः ह्रीम् । ॐ ऐं ह्रीं श्रीं ऐं क्लीं सौः
ऐं ग्लौः । सोऽहं हंसः शिवः ह् स् ख् फ्रें हसक्षमलवरयूं ह्सौः
सहक्षमलवरयीं ह्सौः । सोऽहं हंसः शिवः ।
स्वच्छप्रकाशविमर्शहेतवे श्रीपरमगुरवे नमः ।
ॐ नमः ह्रीं ॐ । .....
नाथ श्रीपरमगुरु श्री पादुकां पूजयामि नमः ।
ॐ ह्रीं श्रीं ऐं क्लीं सौः ह्रीम् । ॐ ऐं ह्रीं श्रीं ऐं क्लिं
सौः ऐं ग्लौं । हं सः शिवः सोऽहं हंसः शिवः ह् स् ख् फ्रें
हसक्षमलवरयूं ह्सौः सहक्षमलवरयीं ह्सौः हंसः शिवः सोऽहं
हंसः स्वात्मानन्दपञ्जरविलीनतेजसे श्रीपरमेष्ठिगुरवे नमः ।
ॐ नमः ह्रीं ॐ । .. नाथश्रीपरमेष्ठिगुरु श्रीपादुकां पूजयामि नमः ।
ॐ ह्रीं श्रीं ऐं क्लीं सौः ह्रीम् । ॐ ऐं ह्रीं श्रीं ऐं क्लीं सौः ऐं ग्लौः ।
हंसः सोऽहं हंसः । ह् स् ख् फ्रें हसक्षमलवरयूं ह्सौः
सहक्षमलवरयीं शौः । हंसः सोऽहं हंसः । नित्यमुक्तशुद्ध-
बुद्धब्रह्मतेजसे परापरगुरवे नमः । ॐ नमः ह्रीं ॐ । ..... नाथ
श्रीपरापरगुरु श्रीपादुकां पूजयामि नमः ।
(जपमात्रे ह् स् ख् फ्रें हसक्षमलवरयूं सहक्षमलवरयीं हसौः शौः
इति । पूजाङ्गत्वे पूर्वोक्तविधानेन)
---- श्रीगुर्वादिस्वरूपध्यानम् (लघु)
-प्रज्ञानं ब्रह्मेति तत्पदलक्षणविचारश्रवणे योजयन् ।
स्वरूपनिरूपणहेतुः श्रीगुरुः पातु ।
-तत्त्वमसीति असिपदाथमनने योजयन्
स्वच्छप्रकाशविमर्शहेतुः श्रीपरमगुरुः पातु ।
-अहं ब्रह्मास्मीति अहम्पदार्थनिदिध्यासने योजयन्
स्वात्मानन्दपञ्जर विलीनतेजाः श्री परमेष्ठिगुरुः पातु ।
-अयमात्मा ब्रह्मेति साक्षात्करणे योजयन्
नित्यमुक्तशुद्धबद्ध ब्रह्मतेजाः श्रीपरापरगुरुः पातु ।
-क्रमेण अहन्तेदन्ताह्रास द्वैतीभावल्पीभवनपूर्वकचिद्विमर्शे
अहमोऽदर्शनं अद्वैतभानं चानुभावयन् श्रीगुरुरात्मा पातु ।
---- श्रीगुर्वादिस्वरूपध्यानम् (परमम्)
-प्रज्ञानं ब्रह्मेति ऋग्वेदीयलक्षणमंहावाक्योपदेशक -
जाघ्रदवस्थासाक्षिभूत - मौनसिद्धिद - वैखरीस्थानाधिष्ठातृ -
तमोगुणक - क्रियाशक्ति - स्थूलदेह - शक्तिकूट - मानवगुर्वोघ -
हंसगुरुस्वरूप - स्वरूपनिरूपणहेतु श्रीगुरवे नमः । .....
नाथ श्रीगुरुपादुकां पूजयामि नमः । ॐ नमः ह्रीं ॐ ।
-तत्त्वमसीति सामवेदीयोपदेशमहावाक्योपदेशक -
स्वप्नावस्थासाक्षिभूत - ध्यानसिद्धिद - मध्यमास्थानाधिष्ठातृ -
रजोगुण - ज्ञानशक्ति - सूक्ष्मदेह - कामकूट - सिद्धगुर्वोघ -
महाहंसगुरुरूप - स्वच्छप्रकाशविमर्शहेतु
-श्रीपरमगुरवे नमः । .....
नाथ श्रीपरमगुरुश्री पादुकां पूजयामि नमः ।
ॐ अहं ब्रह्मास्मीति यजुर्वेदीयानुभव
महावाक्योपदेशकसुषुप्त्यवस्थासाक्षिभूत -
योगसिद्धिद - पश्यन्तीस्थानाधिष्ठातृ - सत्त्वगुण -
इच्छाशक्ति - कारणदेह
वाग्भावकूट - दिव्यगुर्वोघ -परमहंसस्वरूप -
स्वात्मारामपञ्जरविलीनतेजः -
श्रीपरमेष्ठि गुरवे नमः । .....
- नाथ श्रीपरमेष्ठि गुरुश्रीपादुकां पूजयामि नमः ।
ॐ नमः ह्रीं ॐ ।
-अयमात्मा ब्रह्मेति अथर्वणवेदीयसाक्षात्कार महावाक्योपदेशक -
तुरीयावस्थासाक्षिभूत - समाधिसिद्धिद -परावाक् - स्थानाधिष्ठातृ -
गुणत्रय - शक्तित्रय - देहत्रय - कूटत्रय
ओघत्रयस्वरूप -परापरहंसगुरुस्वरूप - नित्यशुद्धबुद्धमुक्ततेजः -
श्रीपरापरगुरवे नमः । .....
नाथ श्रीपरापरगुरुश्रीपादुकां पूजयामि नमः । ॐ नमः ह्रीं ॐ ।
वागतीतं गुणातीतं शक्त्यतीतं देहातीतं कूटातीतं ओघातीतं ब्रह्म
गुर्वभिन्नं द्वादशान्तात् श्रीगुरुपादुकयोः अवतीर्णं
श्रीगुरुमण्डलं भावये ।
(तदनु सुमुख - सुवृत्त - चतुरश्र - मुद्गर योन्याख्याभिः मुद्राभिः
योनिमुद्रया वा श्रीगुरुं प्रणमेत् ।)
---- सङ्कल्पः
शुक्लाम्बरधरं विष्णुं शशिवर्णं चतुर्भुजम् ।
प्रसन्नवदनं वन्दे सर्वविघ्नोपशान्तये ॥
प्राणायामः (सप्रणवव्याहृत्या सब्रह्मशिरस्कया गायत्र्या ।
मूलमन्त्रेण वा) ।
(देशकालौ सङ्कीर्त्य) ममोपात्त समस्तदुरितक्षयद्वारा
श्रीपरमेश्वरप्रीत्यर्थं
सपरिवार बालाम्बाप्रसाद सिद्ध्यर्थं बालाम्बापूजां करिष्ये ।
(आत्मानं अलङ्कृत्य हृदि देवीं भावयेत् ।) घण्टा -
दीपपूजा
आगमार्थं तु देवानां गमनार्थं तु रक्षसाम् ।
घण्टारवं करोम्यादौ देवताह्वान लाञ्छनम् ॥ (घण्टां नादयति)
दीपदेवि महादेवि शुभं भवतु मे सदा ।
यावत्पूजा समाप्ता स्यात्तावत्प्रज्वल सुस्थिता ॥ (दीपं पूजयति)
कारणकलशस्थापना
(विन्दु त्रिकोणषट्कोणवृत्तचतुरश्रमण्डलं विधाय । बिन्दौ ईं
इति विलिख्य ऐं क्लीं सौः इति सम्पूज्य । त्रिकोणे ऐं नमः । क्लीं
नमः । सौः नमः इति सम्पूज्य षट्कोणे मूलेन सम्पूज्य
वृत्ते सर्गरत्नाय नमः । गगनरत्नाय नमः । मध्यरत्नाय नमः ।
पातालरत्नाय नमः । नागरत्नाय नमः । इति सम्पूज्य
चतुरश्रे कामगिरिपीठाय नमः । पूर्णगिरिपीठाय नमः ।
जालन्धरगिरिपीठाय नमः । महोड्याणगिरिपीठाय नमः ।
इति सम्पूज्य । मूलेन समस्तमण्डलं पूजयित्वा ।
श्रीपरदेवतायाः कारणपात्राधारं प्रतिष्ठापयामि नमः इति
मण्डलोपरि प्रतिष्ठाप्य । रं अग्रये नमः । धूम्रोष्मा -
ज्वलिनी - ज्वालिनी - विस्फुलिङ्गिनी -सुश्री सुरूपा - कपिला -
हव्यवाहिनी - कव्यवाहिनी कलाभ्यो नमः ।
रां रीं रूं रैं रौं रः रमलवरयुं
अ॒ग्निं दू॒तं वृ॑णीमहे॒ होता॑रं वि॒श्वे॑दसम् । अ॒स्य य॒ज्ञस्य
सु॒क्रतु᳚म् । रं धर्मप्रददशकलात्मने वह्निमण्डलाय नमः ।
(मूलेन क्षालितं पात्रं) श्रीपरदेवतायाः कारणकलशपात्रं
प्रतिष्ठापयामि नमः इति स्थापयित्वा ।
पूर्वोक्तं मण्डलं विभाव्य पूर्ववत्सम्पूज्य सूर्यकला
आवाहयामि इत्यावाह्य हं सूर्याय नमः ।
हंसः सोऽहम् । तपिनी -तापिनी - धूम्रा - मरीची - ज्वलिनी -
रुचि - सुषुम्ना - भोगदा - विश्वा - बोधिनी - धारिणी -
क्षमाकलाभ्यो नमः । हां हीं हूं हैं हौं हः हमलवरयूम् ।
आस॒त्ये॒ रजसा॒वर्तमानो नि॒शयन्न॒मृतं॒ मर्त्यं॑ च ।
हि॒रण्यये॑न सवि॒ता रथे॒ना दे॒वो याति॒ भुवना वि॑पश्यन्॑ ।
हं वसुप्रददशकलात्मने सूर्यमण्डलाय नमः । इति
पात्रं पूजयित्वा । तस्मिन्गन्धोदकमापूर्य पूर्वोक्तं मण्डलं विभाव्य
पूजयित्वा तस्मिन्गन्धोदकमापूर्य पूर्वोक्तं मण्डलं विभाव्य पूजयित्वा
सं सोमाय नमः । हं सः सोऽहम् । अमृता - मानदा - पूषा - तुष्टि
पुष्टि - रति - धृति - शशिनी - प्रिया - कान्ति - ज्योत्स्ना - श्री -
प्रीत्यङ्गदा - पूर्णा - पूर्णामृता कलाभ्यो नमः ।
विष्णु॒र्योनिं॑ कल्पयतु॒ त्वष्टा रू॒पाणि पिंशतु ।
असिञ्चतु प्र॒जापतिर्धा॒ता गर्भं दधातु ते ।
गर्भं धेहि सिनीवालि गर्भं धेहि सरस्वति ।
गर्भं ते अ॒श्विनौ॑ दे॒वावधत्तां॒ पुष्करस्रजा ।
सं कामप्रदषोडशकलात्मने चन्द्रमण्डलाय नमः ।
इति गन्धोदकमापूर्य मूलेनाष्टवारमभिमन्त्र्य वं इति धेनुमुद्रां
प्रदर्श्य गन्धपुष्पाक्षतैरभ्यर्च्य योनिमुद्रया प्रणमेत् ॥)
(कलशं गन्धपुष्पैरभ्यर्च्य ।
त्रिकोणवृत्तचतुरश्रात्ममण्डले निक्षिप्य)
---- सामान्यकलशस्थापना - लघुः
कलशस्य मुखे विष्णुः कण्ठे रुद्रः समाश्रितः ।
मूले तत्र स्थितो ब्रह्मा मध्ये मातृगणाः स्मृताः ॥
कुक्षौ तु सागराः सर्वे सप्तद्वीपा वसुन्धरा ।
ऋग्वेदोऽथ यजुर्वेदः सामवेदोऽप्यथर्वणः ॥
अङ्गैश्च सहिताः सर्वे कलशाम्बुसमाश्रिताः ।
आयान्तु देवपूजार्थे दुरितक्षयकारकाः ॥
ब्रह्माण्डोदरतीर्थानि करैः स्पृष्टानि ते रवे ।
तेन सत्येन मे देव तीर्थं देहि दिवाकर ॥
गङ्गे च यमुने चैव गोदावरि सरस्वति ।
नर्मदे सिन्धु कावेरि जलेऽस्मिन् सन्निधिं कुरु ॥
सर्वे समुद्राः सरितस्तीर्थानि च नदा ह्रदाः ।
आयान्तु देवपूजार्थे दुरितक्षयकारकाः ॥
आपो॒ वा इ॒दँ सर्वं विश्वा भू॒तान्यापः॑ प्रा॒णा वा आपः॑ प॒शव॒
आपोऽन्न॒मापोऽमृ॑त॒माप॑स्स॒म्राडापो॑
वि॒राडापस्स्व॒राडापश्छन्दाँस्यापो ज्योतीँ॒ष्यापो
यजूँ॒ष्यापस्स॒त्यमापस्सर्वा॑ दे॒वता॒
आपो॒ भूर्भुव॒स्सुव॒राप॒ ॐ ।
ॐ वं (१६) ऐं क्लीं सौः (१६) (इत्यभिमन्त्र्य धेनुमुद्रया प्रणमेत्) ।
---- सामान्यार्घ्यस्थापना
कलशस्य दक्षिणे बिन्दुत्रिकोणषट्कोणवृत्तातुरश्रात्मकमण्डलं विलिख्य
मूलेन त्रिः प्रोक्षयेत् ।
ॐ ऐं ह्रीं श्रीं अं अग्निमण्डलाय धर्मप्रददशकलात्मने सामान्यार्ध्य-
पात्राधाराय नमः । (अग्निं दूतं वृणीमहे होतारं विश्ववेदसम् । अस्य
यज्ञस्य सुक्रतुम् ।) (तदुपरि पूजापात्रं निधाय । ॐ ऐं ह्रीं श्रीं उं
सूर्यमण्डलाय अर्थप्रदद्वादशकलात्मने पात्राय नमः (आ सत्येन रजसा
विपश्यन् ।) (कलशोदकेन पूरयित्वा) ॐ ऐं ह्रीं श्रीं मं सोममण्डलाय
कामप्रदषोडशकलात्मने अमृताय नमः । (आप्यायस्य समेतु ते विश्वतः
सोमवृष्णियम् । भवावाजस्य सङ्गथे) (मूलेन षोडशवारं अभिमन्त्र्य
धेनुयोनिमुद्रे प्रदर्श्य । तेनोदकेन शङ्खमापूर्य)
---- शङ्खपूजा
शङ्खं चन्द्रार्कदैवत्यं कुक्षौ वरुणदैवतम् ।
पृष्ठे प्रजापतिश्चैव अग्रे गङ्गा सरस्वती ॥
त्रैलोक्ये यानि तीर्थानि महादेवस्य चाज्ञया ।
आयन्ति तानि शङ्खे तु तस्माच्छङ्खं प्रपूजये ॥
अ॒ग्नेर्म॑न्वे प्रथ॒मस्य॒प्रचे॑तसो॒ऽयं पाञ्चजन्यं ब॒हवः॑
समि॒न्धते᳚ ।
विश्व॑स्यां॒ विशि प्रविविशि॒वाँ समीमहे॒ स नो॑ मुञ्च॒त्वंहसः ॥
(शङ्खमुद्रां प्रदर्श्य शङ्खजलं किञ्चित्पूजापात्रोदके निक्षिप्य
पूजाद्रव्याण्यात्मानं च प्रोक्षयेत् । पुनः शङ्खमापूर्य)
त्वं पुरा सागरोत्पन्नो विष्णुना विधृतः करे ।
पूजितः सर्वदेवैश्च पाञ्चजन्य नमोऽस्तुते ॥
विशेषार्घ्यस्थापनं
(आवरणपूजातर्पणकरणाय एतदावश्यकम् । अन्यथा न ।)
(शङ्खस्य दक्षिणतः त्रिकोणवृत्तचतुरश्रात्मके मण्डले)
सामान्यार्घ्यजलेन पात्राधारं प्रोक्ष्य । पूर्वोक्तमण्डलं विभाव्य
श्रीपरदेवतायाः विशेषार्घ्यपात्राधारमण्डलाय नमः इति पूजयित्वा
ॐ अं सूर्यमण्डलाय धर्मप्रददशकलात्मने
विशेषार्ध्यपात्राधाराय नमः ।
ॐ उं सूर्यमण्डलाय अर्थप्रदवादशकलात्मने विशेषाध्यपात्राय नमः ।
ॐ मं सोममण्डलाय कामप्रदषोडशकलात्मने विशेषार्ध्यामृताय नमः ॥
तत्त्वमुद्रया गृहीतपुष्पोपरि अं आं - ळं क्षं । क्षं ळं -आं अं इति
मातृकया अर्पितं क्षीरं समधु आपूर्य ॐ वं जुं सः (८) इत्यभिमन्त्र्य
(७) चिन्मयीं आनन्दलक्षणां अमृतकलशहस्तां सुधादेवीं पूजयामि ।
(४) ऐं ब्लुं झ्रौं जुं सः अमृते अमृतोद्भवे अमृतेश्वरि अमृतवर्षिणि
अमृतं स्रावय स्रावय स्वाहा । नमः ॥ (मूलेन आबिमन्त्र्य योनिमुद्रया
नत्वा तद्बिन्दुभिः कलशं पूजापात्रं पूजाद्रव्याणि आत्मानं च प्रोक्षयेत् ।)
---- पुण्याद्यष्टकहोमः
मूलाधारे वालाग्रमात्रं अनादिवासनारूपेन्धनप्रज्वलितं कुण्डलिन्यधिष्ठितं
चिदग्निमण्डलं ध्यायामि ।
अन्तर्निरन्तरमनिन्धनमेधमाने ।
मोहान्धकारपरिपन्थिनि संविदग्नौ ।
कस्मिंश्चिदद्भुतमारीचिविकासभूम्नि
विश्वं जुहोमि वसुधादि शिवावसानम् ॥
ॐ ऐं ह्रीं श्रीं चिदग्निमण्डले पुण्यं पापं कृत्यं अकृत्यं
सङ्कल्पं विकल्पं धर्मं अधर्मं च जुहोमि । इतः पुर्वं
प्राणबुद्धिदेहधर्माधिकारतः जाग्रत्स्वप्नसुषुप्त्यवस्थासु मनसा स्मृतम् ।
वाचोक्तम् । हस्ताभ्यामुदरेण शिश्ना कृतं सर्वं ब्रह्मार्पणं भवतु ।
आर्द्रं ज्वलति ज्योतिरहमस्मि । ज्योतिर्ज्वलति ब्रह्माहमस्मि । योऽहमस्मि
ब्रह्माहमस्मि । अहमस्मि ब्रह्माहमस्मि । अहमेवाहं मां जुहोमि स्वाहा ॥
(इत्यात्मनः कुण्डलिनीरूपे चिदग्रौ होमबुद्ध्या जुहुयात् ।)
---- भूतशुद्धिः
(भूतौघं प्रविलाप्य तं परशिवे जीवेन संयोजये
दग्ध्वा कारणवर्ति पापपुरुषं शैवीं तनुं कल्पये ।
मूलाधारगया तया परशिवादाकृष्य संयोजये
प्राणैर्जीवमलङ्कृतं जपविधौ सम्पूजयेऽहं सदा ।)
ॐ ऐं ह्रीं श्रीं वद वद वाग्वादिनि । ऐं क्लीं क्लिन्ने क्लेदिनि क्लेदय
क्लेदय । महाक्षोभं कुरु । क्लीं सौः मोक्षं कुरु कुरु ह्सौः शौः नमः ।
लं (१०) वं (२०) रं (३०) यं (४०) हं (५०) इति प्राणानायम्य
मूलशृङ्गाटकात् कुण्डलिनीं उत्थापयामि । ॐ हंसः सुषुम्नापथेन
जीवशिवं परमशिवेन योजयामि नमः । हंसः सोऽहं हंसः ।
लं पृथिवीमप्सु प्रविलापयामि । वं आपः अग्नौ प्रविलापयामि ।
रं अग्निं वायौ प्रविलापयामि । यं वायुं आकाशे प्रविलापयामि ।
हं आकाशं जीवे प्रविलापयामि ।
(इडया पूरकेण) यं (१६) पापपुरुषं शोषयामि ।
(पिङ्गलया पूरकेण) रं (१६) पापपुरुषं दहामि । (इडया पूरकेण) वं (१६)
परमशिवामृतं वर्षयामि । (पिङ्गलया पूरकेण) लं (१६) शाम्भवं
पुण्यपुरुषं उज्जीवयामि । जीवादाकाशं वायुमग्निं अपः पृथिवीं च
पुण्यपुरुषेण योजयामि । तं मूलाधारे स्थापयामि । हंसः सोऽहं अवतर
शिवपदात् जीव प्रविश मूलशृङ्गाटकम् । उल्लसोल्लस । ज्वल ज्वल
प्रज्वल प्रज्वल । हंसः सोऽहं स्वाहा । (हृदि दक्षकरं निधाय)
ऐं ह्रीं श्रीं आं सोऽहं (३) । आं ह्रीं क्रों (१६) इति प्राणप्रतिष्ठा ।
भूर्भुवस्सुवरों (दिग्बन्धः)
देहो देवालयः प्रोक्तो जीवो देवः सनातनः ।
त्यजाम्यज्ञाननिर्माल्यं सोऽहं भावेन पूजये । आत्मने नमः ।
परमात्मने नमः । (आत्मानं अलङ्कृत्य)
---- पापनिवारकमन्त्रानुसन्धानं
दे॒वकृत॒स्यैनसोऽव॒यजनमसि॒ स्वाहा᳚ ।
म॒नु॒ष्यकृत॒स्यैनसोऽव॒यजनमसि॒ स्वाहा᳚ ।
पि॒तृकृत॒स्यैनसोऽव॒यजनमसि॒ स्वाहा᳚ ।
आ॒त्मकृत॒स्यैनसोऽव॒यजनमसि॒ स्वाहा᳚ ।
अ॒न्यकृत॒स्यैनसोऽव॒यजनमसि॒ स्वाहा᳚ ।
अ॒स्मत्कृत॒स्यैनसोऽव॒यजनमसि॒ स्वाहा᳚ ।
यद्दि॒वा च॒ नक्तं॒ चैनश्चकृ॒म तस्याव॒यजनमसि॒ स्वाहा᳚ ।
यत्स्व॒पन्तश्च॒ जाग्रत॒श्चैनश्चकृ॒म
तस्याव॒यजनमसि॒ स्वाहा᳚ ।
यत्सु॒षु॑प्तश्च॒ जाग्रत॒श्चैनश्चकृ॒म
तस्याव॒यजनमसि॒ स्वाहा᳚ ।
यद्वि॒द्वाꣳस॒श्चाविद्वाꣳस॒श्चैनश्चकृम
तस्याव॒यजनमसि॒ स्वाहा᳚ ।
एनस एनसोऽवयजनमसि॒ स्वाहा᳚ ।
यद्वो॑ देवाश्चकृ॒म जि॒ह्वया गु॒रुमनसो वा॒ प्रयु॑ती
देव॒ हेडनम् ।
अरावा॒ यो नो॑ अ॒भिदु॑च्छुना॒यते॒ तस्मि॒न्तदेनो॑
वसवो॒ निधेतन स्वाहा᳚ ।
कामोऽकार्षी᳚न्नमो॒ नमः । कामोऽकार्षीत्कामः करोति नाहं करोमि
कामः कर्ता नाहं कर्ता कामः॑ कार॒यिता नाहं॑ कार॒यिता
एष ते काम कामाय स्वा॒हा ॥
मन्युर्कार्षी᳚न्नमो॒ नमः । मन्युर्कार्षीन्मन्युः करोति नाहं करोमि
मन्युः कर्ता नाहं कर्ता मन्युः॑ कार॒यिता नाहं॑ कार॒यिता
एष ते मन्यो मन्यवे स्वा॒हा ॥
---- here 1 विरजोविपाप्मत्वानुसन्धानं
प्राणापान-व्यानोदान-समाना मे॑ शुद्ध्य॒न्तां॒ज्योतिर॒हं
वि॒रजा विपा॒प्मा भूयास॒ꣳ स्वाहा᳚ ।
वाङ्मनश्चक्षुश्श्रोत्रजिह्वाघ्राणरेतोबुद्ध्याकूतिस्सङ्कल्पा
मे॑ शु॒द्ध्य॒न्तां॒
ज्योतिर॒हं वि॒रजा विपा॒प्मा भूयास॒ꣳ स्वाहा᳚ ।
त्वक्चर्म-माꣳस-रुधिर-मेदो-मज्जा-स्नायवोऽस्थीनि मे॑
शु॒द्ध्य॒न्तां॒
ज्योतिर॒हं वि॒रजा विपा॒प्मा भूयासꣳ स्वाहा᳚ ।
शिरःपाणिपादपार्श्वपृष्ठोरूदरजङ्घःशिश्नोपस्थ पायवो मे॑
शु॒द्ध्य॒न्तां॒
ज्योतिर॒हं वि॒रजा विपा॒प्मा भूयासाꣳ स्वाहा᳚ ।
उत्तिष्ठ पुरुष हरितपिङ्गललोहिताक्षि देहि देहि दापयिता मे॑
शु॒द्ध्य॒न्तां॒
ज्योतिर॒हं वि॒रजा विपा॒प्मा भूयासꣳ स्वाहा᳚ ।
पृथिव्यापस्तेजोवायुराकाशा मे॑ शु॒द्ध्य॒न्तां॒ ज्योतिर॒हं
वि॒रजा विपा॒प्मा भूयासꣳ स्वाहा᳚ ।
शब्दस्पर्शरूपरसगन्धा मे॑ शु॒द्ध्य॒न्तां॒ ज्योतिर॒हं
वि॒रजा विपा॒प्मा भूयासꣳ स्वाहा᳚ ।
आत्मा मे॑ शु॒द्ध्य॒न्तां॒ ज्योतिर॒हं वि॒रजा विपा॒प्मा
भूयासꣳ स्वाहा᳚ ।
अन्तरात्मा मे॑ शु॒द्ध्य॒न्तां॒ ज्योतिर॒हं वि॒रजा विपा॒प्मा
भूयासꣳ स्वाहा᳚ ।
अन्नमय-प्राणमय-मनोमय-विज्ञानमय-मानन्दमयमात्मा मे॑
शु॒द्ध्य॒न्तां॒ ज्योतिर॒हं वि॒रजा विपा॒प्मा भूयासꣳ स्वाहा᳚ ।
---- देहे सर्वदेवतान्यासः - आत्मरक्षा
प्रजनने ब्रह्मा तिष्ठतु । पादयोर्विष्णुस्तिष्ठतु । हस्तयोर्हरस्तिष्ठतु ।
बाह्वोरिन्द्रस्तिष्ठतु । जठरेऽग्निस्तिष्ठतु । हृदये शिवस्तिष्ठतु ।
कण्ठे वसवस्तिष्ठन्तु । वक्त्रे सरस्वती तिष्ठतु ।
नासिकयोर्वायुस्तिष्ठतु ।
नयननोश्चन्द्रादित्यौ तिष्ठेताम् । ललाटे रुद्रास्तिष्ठन्तु ।
मूर्ध्न्यादित्यास्तिष्ठन्तु । शिरसि महादेवस्तिष्ठतु । शिखायां
वामदेवस्तिष्ठतु । पृष्ठे पिनाकी तिष्ठतु । पुरतः शूली तिष्ठतु ।
पार्श्वयोः शिवाशङ्करौ तिष्ठेताम् । सर्वतो वायुस्तिष्ठतु । ततो बहिः
सर्वतोऽग्निर्ज्वालामालापरिवृतस्तिष्ठतु । सर्वेष्वङ्गेषु सर्वा
देवता यथास्थानं तिष्ठन्तु । मां रक्षन्तु ॥
अ॒ग्निर्मे॑ वा॒चि श्रि॒तः । वाग्घृद॑ये ।
हृद॑यं॒ मयि॑ । अ॒हम॒मृते॑ । अ॒मृतं॒ ब्रह्म॑णि ।
वा॒युर्मे᳚ प्रा॒णे श्रि॒तः । प्रा॒णो हृद॑ये ।
हृद॑यं मयि॑ । अ॒हम॒मृ॒ते᳚ । अ॒मृतं॒ ब्रह्म॑णि ।
सूर्यो॑ मे॒ चक्षु॑षि श्रि॒तः । चक्षुर्हृद॑ये ।
हृद॑यं॒ मयि॑ । अ॒हम॒मृते᳚ । अ॒मृतं॒ ब्रह्म॑णि ।
च॒न्द्रमा मे॒ मन॑सि श्रि॒तः । मनो॒ हृद॑ये ।
हृद॑यं॒ मयि॑ । अ॒हम॒मृते᳚ । अ॒मृतं॒ ब्रह्म॑णि ।
दिशो॑ मे॒ श्रोत्रे᳚ श्रिताः । श्रोत्र॒ꣳ॒ हृद॑ये ।
हृद॑यं॒ मयि॑ । अ॒हम॒मृते᳚ । अ॒मृतं॒ ब्रह्म॑णि ।
आपो॑ मे रेत॑सि श्रिताः । रेतो॒ हृद॑ये ।
हृद॑यं॒ मयि॑ । अ॒हम॒मृते᳚ । अ॒मृतं॒ ब्रह्म॑णि ।
पृ॒थि॒वी मे॒ शरी॑रे श्रिता । शरी॑र॒ꣳ॒ हृदये ।
हृद॑यं॒ मयि॑ । अ॒हम॒मृते᳚ । अ॒मृतं॒ ब्रह्म॑णि ।
ओ॒ष॒धि॒व॒न॒स्प॒तयो॑ मे लोम॑सु श्रि॒ताः ।
लोमा॑नि॒ हृद॑ये ।
हृद॑यं॒ मयि॑ । अ॒हम॒मृते᳚ । अ॒मृतं॒ ब्रह्म॑णि ।
इन्द्रो॑ मे॒ बले᳚ श्रि॒तः । बल॒ꣳ॒ हृद॑ये ।
हृद॑यं॒ मयि॑ । अ॒हम॒मृते᳚ । अ॒मृतं॒ ब्रह्म॑णि ।
प॒र्जन्यो॑ मे मू॒र्ध्नि श्रि॒तः । मू॒र्धा हृद॑ये ।
हृद॑यं॒ मयि॑ । अ॒हम॒मृते᳚ । अ॒मृतं॒ ब्रह्म॑णि ।
ईशानो म मन्यौ श्रितः । मन्युर्हृद ये ।
हृद॑यं॒ मयि॑ । अ॒हम॒मृते᳚ । अ॒मृतं॒ ब्रह्म॑णि ।
आ॒त्मा म आ॒त्मनि॑ श्रितः । आ॒त्मा हृद॑ये ।
हृद॑यं॒ मयि॑ । अ॒हम॒मृते᳚ । अ॒मृतं॒ ब्रह्म॑णि ।
पुन॑र्म आ॒त्मा पुन॒रायु॒रागात् ।
पुनः प्रा॒णः पुन॒रायु॒रागात् ।
वै॒श्वा॒न॒रो र॒श्मिभि॑र्वावृधा॒नः ।
अ॒न्तस्ति॑ष्ठत्व॒मृत॑स्य गो॑पाः ॥
---- श्रीगणपतिध्यानं
ॐ विनायकाय नमः (१६) । ॐ वक्रतुण्डाय नमः (१६) । ॐ हेरम्बाय नमः
(१६) । ॐ गणपतये नमः (१६) । ॐ श्रीं विद्यागणेशाय नमः । (१६)
सुमुखश्चैकदन्तश्च कपिलो गजकर्णकः ।
लम्बोदरश्च विकटो विघ्नराजो विनायकः ॥
धूमकेतुर्गणाध्यक्षः भालचन्द्रो गजाननः ।
वक्रतुण्डः शूर्पकर्णो हेरम्बः स्कन्दपूर्वजः ॥ श्रीगणेशाय नमः ।
(षोडशैतानि नामानि यः पठेत् शृणुयादपि ।
विद्यारम्भे विवाहे च प्रवेशे निर्गमे तथा ।
सङ्ग्रामे सर्वकार्येषु विघ्नस्तस्य न जायते ॥)
गणञ्जयो गणपतिर्हेरम्बो धरणीधरः ।
महागणपतिर्लक्षप्रदः क्षिप्रप्रसादनः ।
अमोघसिद्धिरमितो मन्त्रश्चिन्तामणिर्निधिः ।
सुमङ्गलो बीजमाशापूरको वरदः शिवः ।
काश्यपो नन्दनो वाचासिद्धो ढुण्ढिर्विनायकः ॥
(मोदकैरेभिरत्रैकविंशत्या नामाभिः पुमान् ।
यः स्तौति मद्गतमना मदाराधनतत्परः ।
स्तुतो नाम्नां सहस्रेण तेनाहं नात्र संशयः ॥)
नमो नमः सुरवरपूजिताङ्घ्रये नमो नमो निरुपममङ्गलात्मने ।
नमो नमो विपुलपदैकसिद्धये नमो नमः करिकलभाननाय ते ॥
परमा करुणामूर्तिः कलौ प्रत्यक्षदैवतम् ।
महागणपतिर्विघ्नान्हत्वापोह्य दुराशयान् ॥
प्रदाय सन्मतिं तस्मिन्दृढां भक्तिमचञ्चलाम् ।
दत्वा प्रीत्याऽनुगृह्णातु शरणं तं भजामहे ॥
---- रक्षामन्त्रमननं
१. ॐ वक्रतुण्डाय हुम् । (४)
२. ॐ वक्रतुण्डाय हुं ॐ नमो हेरम्ब मदमोदित मम सङ्कष्टं निवारय
निवारय हुं फट् स्वाहा (४)
३. ॐ श्रीं ह्रीं क्लीं ग्लौं गं गणपतये वरवरद सर्वजनं
मे वशमानय स्वाहा (४)
४. ॐ श्रीं ह्रीं क्लीं ग्लौं गं ऐं कएईलह्रीं तत्सवितुर्वरेण्यम् ।
गणपतये क्लीं हसकहलह्रीं भर्गौदेवस्य धीमहि । वरवरद सौः
सकलह्रीं श्रीं धियो यो नः प्रचोदयात् सर्वजनं मे
वशमानय स्वाहा । (४.)
५. ॐ ह्रीं नमः शिवाय । (३)
६. ॐ ऐं ह्रीं श्रीं ॐ ऐं ह्रीं श्रीं ।
ऐं क्लीं सौः ॐ नमो भगवति राजमातङ्गीश्वरि
सर्वजनमनोहरि सर्वमुखरञ्जनि क्लीं ह्रीं श्रीं सर्वराजवशङ्करि
सर्वस्त्रीपुरुषवशङ्करि सर्वदुष्टमृगवशङ्करि
सर्वसत्त्ववशङ्करि । सर्वलोकवशङ्करि ।
त्रैलोक्यं मे वशमानय स्वाहा । सौः क्लीं ऐं श्रीं ह्रीं ऐम् ॥ (३)
७. ॐ ऐं ह्रीं श्रीं । ऐं ग्लौं ऐं ॐ नमो भगवति वार्तालिवार्तालि
वाराहि वाराहि वराहमुखि वराहमुखि अन्धे अन्धिनि नमः ।
रुन्धे रुन्धिनि नमः । जम्भे जम्भिनि नमः । मोहे मोहिनि नमः ।
स्तम्भे स्तम्भिनि नमः । सर्वदुष्टप्रदुष्टानां सर्वेषां सर्ववाक्
चित्तचक्षुर्मुखगतिजिह्वास्तम्भनं कुरु कुरु शीघ्रं वश्यं ऐं ग्लैं ऐं
ठः ठः ठः ठः हुं फट् स्वाहा ॐ ॥ (३)
८. ॐ ऐं श्रीं ह्रीं क्लीं चामुण्डायै विच्चे । (३)
९. ॐ ऐं क्लीं सौः सौः क्लीं ऐं (३)
१०. ॐ कारिईलह्रीं हसकहलह्रीं सकलह्रीं श्रीं (३)
११. ॐ श्रीं ह्रीं क्लीं ऐं सौः ॐ ह्रीं श्रीं ।
क ऐ ई ल ह्रीं हसकहलह्रीं
सकलह्रीं सौः ऐं क्लीं ह्रीं श्री । (३)
१२. ॐ कामदेवाय विद्महे पुष्पबाणाय धीमहि ।
तन्नोऽनङ्गः प्रचोदयात् (४)
१३. ॐ नमः कामदेवाय सर्वजनप्रियाय सर्वजनसम्मोहनाय ज्वल ज्वल
प्रज्वल प्रज्वल सर्वजनस्य हृदयं मम वशं कुरु कुरु स्वाहा । (४)
१४. ॐ द्रां द्राविण्यै मकरध्वजाय द्राविणीबाणाय पद्मोत्पलं हं क्लीं हुं
फट् स्वाहा । (४)
१५. ॐ द्रीं क्षोभिण्यै मकरध्वजाय क्षोभिणीबाणाय बिल्बोत्पलं हं
क्लीं हुं फट् स्वाहा । (४)
१६. ॐ क्लीं वशीकरण्यै मकरध्वजाय वशीकरणीबाणाय जम्बूत्पलं
हं क्लिं हुं फट् स्वाहा । (४)
१७. ॐ ब्लूं आकर्षिण्यै मकरध्वजाय आकर्षिणीबाणाय रक्तोत्पलं
हं क्लिं हुं फट् स्वाहा । (४)
१८. ॐ सः सम्मोहिन्यै मकरध्वजाय सम्मोहिनीबाणाय नीलोत्पलं
हं क्लिं हुं फट् स्वाहा । ४॥
---- मातृकान्यासः
ॐ अं (शिरसि) आं (मुखे) इं ईं (नेत्रयोः) उं ऊं (कर्णयोः) ऋंॠं (नासयोः)
लृं लॄं (कपोलयोः) एं ऐं (ओष्ठयोः) ॐ औं (दन्दपङ्क्तौ)
अं (जिह्वाग्रे) अः (कण्ठे)
कं खं गं घं ङं (दक्षबाहौ) चं छं जं झं ञं (वामबाहौ)
टं ठं डं ढं णं (दक्षपादे)
तं थं दं धं नं (वामपादे) पं -फं(पाश्वयोः) बं (पृष्ठे)
भं (नाभौ) मं (जठरे) यं (हृदये) रं (दक्षकक्षे)
लं (गलपृष्ठे) वं (वामकक्षे) शं (हृदयात् दक्षकराङ्गुल्यन्तं)
षं (हृदयात् वामकराङ्गुल्यन्तं) सं (हृदयात् दक्षपादाङ्गुल्यन्तं)
हं (हृदयात् वामपादाङ्गुल्यन्तं)
ळं (कटीतः पादाङ्गुल्यन्तं) क्षं (कटीतः ब्रह्मरन्ध्रान्तं)
---- ध्यानं
ॐ गुरुं ध्यायामि । ॐ परमगुरुं ध्यायामि । ॐ परमेष्ठिगुरुं ध्यायामि ।
ॐ परापरगुरुं ध्यायामि । ॐ शिवगुरुं ध्यायामि ।
ॐ मेधादक्षिणामूर्तिगुरुं ध्यायामि ।
समस्तगुरुमण्डलरूपिणीं बालां ध्यायामि ।
महागणपतिं ध्यायामि । कामेश्वरं ध्यायामि । कामेश्वरीं ध्यायामि ।
कामेश्वर्यङ्कमध्यगां सपरिवारां बालां ध्यायामि ।
लक्ष्मीनारायणौ ध्यायामि ।
छायासुवर्चलासमेत श्रीसूर्यं ध्यायामि ।
---- मन्त्रजपः
वक्रतुण्डगणपतिमन्त्रजपः
अस्य श्रीवक्रतुण्डमहागणपतिमहामन्त्रस्य भार्गवः ऋषिः ।
अनुष्टुप्छन्दः । श्रीवक्रगुण्डमहागणपतिर्देवता । ॐ वं बीजम् ।
यं शक्तिः । हुं कीलकम् ।
श्रीवक्रतुण्डमहागणपतिप्रीत्यर्थे जपे विनियोगः । (पूजायां विनियोगः)
१ सर्वत्र ब्रह्मप्रणवयोजनं कुर्यात् । उपनीतस्य वेदाध्ययनाधिकारवत
एव ब्रह्मप्रणवेऽधिकारः । अन्ये तत्स्थाने आं इति योजयेयुः इति शिष्टाः ।
करन्यासः -
वं अङ्गुष्ठाभ्यां नमः । क्रं तर्जनीभ्यां नमः ।
तुं मध्यमाभ्यां नमः । ण्डां अनामिकाभ्यां नमः ।
यं कनिष्ठिकाभ्यां नमः । हुं करतलकरपृष्ठाभ्यां नमः ।
अङ्गन्यासः -
वं हृदयाय नमः । क्रं शिरसे स्वाहा । तुं शिखायै वषट् ।
ण्डां कवचाय हुम् । यं नेत्रत्रयाय वौषट् । हुं अस्त्राय फट् ।
भूर्भुवस्सुवरो इति दिग्बन्धः-
---- ध्यानं-
उद्यद्दिनेश्वरुरुचिं निजपद्महस्तैः
पाशाङ्कुशाभयवरान् दधतं गजास्यम् ।
रक्ताम्बरं सकलदुःखहरं गणेशं
वन्दे प्रसन्नमखिलाभरणाभिरामम् ॥
लैमित्यादिपञ्चपूजा -
लं पृथिव्यात्मकं गन्धं समर्पयामि ।
हं आकाशात्मकं पुष्पं समर्पयामि ।
यं वाय्वात्मकं धूपमाघ्रापयामि ।
रं अग्न्यात्मकं दीपं समर्पयामि ।
वं अमृतात्मकं अमृतोपहारं निवेदयामि ।
मूलमन्त्रः -ओं वक्रतुण्डाय हुम् । (१०८ -३३६ -१००८ वारं जपेत्)
हृदयादिन्यासः । भूर्भुवस्सुवरों (इति दिग्विमोकः)
ध्यानम् । लमित्यादि पञ्चपूजा ।
गुह्यातिगुह्यगोप्ता त्वं गृहाणात्मकृतं जपम् ।
सिद्धिर्भवतु देवेश त्वत्प्रसादान्मयि स्थिरा ॥
इति श्रीमहागणपतेर्वामहस्ते जपं समर्पयेत् ।
---- महागणपतिमन्त्रजपः
अस्य श्रीमहागणपतिमहामन्त्रस्य गणक ऋषिः । निचृद्गायत्री छन्दः ।
महागणपतिर्देवता । ॐ गं बीजम् । स्वाहा शक्तिः । ग्लौं कीलकम् ।
महागणपतिप्रीत्यर्थे जपे विनियोगः ।
करन्यासः -
ॐ गां अङ्गुष्ठाभ्यां नमः ।
श्रीं र्गीं तर्जनीभ्यां नमः ।
ह्रीं गूं मध्यमाभ्यां नमः ।
क्लीं गैं अनामिकाभ्यां नमः ।
ग्लौं गौं कनिष्ठिकाभ्यां नमः ।
गं गः करतलकरपृष्ठाभ्यां नमः ।
हृदयादिन्यासः -
ॐ गां हृदयाय नमः ।
श्रीं र्गीं शिरसे स्वाहा ।
ह्रीं गूं शिखायै वषट् ।
क्लीं गैं कवचाय हुम् ।
ग्लौं गौं नेत्रत्रयाय वौषट् ।
गं गः अस्त्राय फट् ।
भूर्भुवस्सुवरों (दिग्बन्धः) ।
ध्यानं -
बीजापूरगदेक्षुकार्मुकरुजाचक्राब्जपाशोत्पल -
व्रीह्यग्रस्वविषाणरत्नकलशप्रोद्यत्कराम्भोरुहः ।
पायाद्वल्लभया सपद्मकरयाऽऽश्लिष्टो ज्वलद्भूषया
विश्वोत्पत्तिविपत्तिसंस्थितिकरो विघ्नेश इष्टार्थदः ॥
लमित्यादि पञ्चपूजा -
लं पृथिव्यात्मकं गन्धं समर्पयामि ।
हं आकाशात्मकं पुष्पं समर्पयामि ।
यं वाय्वात्मकं धूपमाघ्रापयामि ।
रं अग्न्यात्मकं दीपं दर्शयामि ।
वं अमृतात्मकं अमृतोपहारं निवेदयामि ।
मूलमन्त्रः -ओं श्रीं ह्रीं क्लीं ग्लौं गं गणपतये वरवरद
सर्वजनं मे वशमानय स्वाहा । (१०८ -३३६ वारं जपः)
हृदयादिन्यासः ।
भूर्भुवस्सुवरों (दिग्विमोकः ।)
ध्यानम् । लमित्यादि पञ्चपूजा ।
गुह्यातिगुह्यतोप्ता त्वं गृहाणात्मकृतं जपम् ।
सिद्धिर्भवतु देवेश त्वत्प्रसादान्मयि स्थिरा ॥
इति देवस्य वामहस्ते जपं समर्पयेत् ।
मातङ्गीध्यानं
ॐ ऐं ह्रीं श्रीं ॐ ऐं ह्रीं श्रीं ऐं क्लीं सौः ॐ नमो भगवति
राजमातङ्गीश्वरि सर्वमुखरञ्जनि क्लीं ह्रीं श्रीं सर्वराजवशङ्करि
सर्वस्त्रीपुरुषवशङ्करि सर्वदुष्टमृगवशङ्करि सर्वसत्त्ववशङ्करि
सर्वलोकवशङ्करि त्रैलोक्यं मे वशमानय स्वाहा । सौः क्लीं ऐं ।
श्रीं ह्रीं ऐं ॐ नमः ह्रीं ॐ (९)
---- श्रीश्रीविद्यागणेशमन्त्रजपः
अस्य श्रीश्रीविद्यागणेशमहामन्त्रस्य । गणकः ऋषिः ।
देवीगायत्रीनिचृद्गायत्री- त्रिष्टुभनुष्टुब्जगत्यश्छन्दांसि ।
श्रीविद्यागणेशो देवता । ह्रीं बीजम् । श्रीं शक्तिः । क्लिं कीलकम् ।
श्रीविद्यागणेशप्रीत्यर्थे जपे विनियोगः ।
ॐ ह्रीं श्रीं ऐं क्लीं सौः ह्रीं सर्वज्ञायै ह्रां गां
ब्रह्मात्मने अङ्गुष्ठाभ्यां नमः ।
७ नित्यतृप्तायै ह्रीं गीं विष्णवात्मने तर्जनीभ्यां नमः ।
७ अनादिबोधायै ह्रूं गूं रुद्रात्मने मध्यमाभ्यां नमः ।
७ सर्वस्वतन्त्रायै ह्रैं गैं ईश्वरात्मने अनामिकाभ्यां नमः ।
७ नित्यमलुप्तशक्तये ह्रैं गैं सदाशिवात्मने कनिष्ठिकाभ्यां नमः ।
७ अनन्तायै ह्रः गः सर्वात्मने करतलकरपृष्ठाभ्यां नमः ।
एवं हृदयादिन्यासः ।
(७ -ओं ह्रीं श्रीं ऐं क्लीं सौः ह्रीं इत्यस्य सङ्केतः ।)
भूर्भुवस्सुवरों (दिग्बन्धः) ।
ध्यानं -
द्वाभ्यां विभ्राजमानं धृतकलशमहाशृङ्खलाभ्यां भुजाभ्यां
बीजापूरादि बिभ्रद्दशभुजमरुणं नागभूषं त्रिणेत्रम् ।
सन्ध्या सिन्दूरवर्णं स्तनभरनमितं तुन्दिलं चन्द्रचूडं
कण्ठादूर्ध्वं करीन्द्रं युवतिमयमधो नौमि विद्यागणेशम् ॥
लमित्यादि पञ्चपूजा ।
मूलमन्त्रः -ओं श्रीं ह्रीं क्लीं ग्लौं गं ऐं कएईलह्रीं तत्सवितुर्वरेण्यं
गणपतये क्लीं हसकहलह्रीं भर्गो देवस्य धीमहि वरवरद सौः
सकलह्रीं श्रीं धियो यो नः प्रचोदयात् ।
सर्वजनं मे वशमानय स्वाहा । (१०८-३३६ वारं)
हृदयादिन्यासः । भूर्भुवस्सुवरोँ (दिग्विमोकः) । ध्यानम् ।
लमित्याद् पञ्चपूजा । जपसमर्पणम् ।
प्रार्थना -
ॐ वक्रतुण्ड महाकाय श्रिया वल्लभया युत ।
रक्षास्मानस्मदीयांश्च श्रिया भूत्या समेधय ॥ (९)
---- श्रीमहागणपतिध्यानं
ॐ तीव्रा - ज्वालिनी - नन्दा - भोगदा - कामदायिनी - उग्रा -
तेजोवती - सत्या - विघ्ननाशिनीरूपा सर्वशक्तिकमलाध्यासिन् ।
धर्माधर्मज्ञानाज्ञान - वैराग्यावैराग्य -ऐश्वर्यानैश्वर्य -
पीठाञ्चल - मध्यगत ।
विनायक - कवीश्वर - विरूपाक्ष - विश्वसिद्ध - ब्रह्मण्य -
निधीशाख्य दिव्यौघगुरुस्तुत ।
गजाधिराज - वरप्रदाख्य सिद्धौघगुरुनुत ।
विजय - दुर्जय - जय - दुःखारि - सुखावह - परमात्म -
सर्वभूतात्म - महानन्द - भालचन्द्र - सद्योजात -
बुद्धशूराख्यमानवौघगुरुविनुत ।
श्रीगुरु - श्रीपरमगुरु - श्रीपरमेष्ठिगुरुवन्दित
श्रीश्रीपतिगिरिजागिरिजापति -
रतिरतिपति - महीमहीपतिपरिवृत महालक्ष्मीमहागणपतिरूप ।
ऋद्ध्यामोद - समृद्धिप्रमोद - कान्तिसुमुख - मदनावतीदुर्मुख -
मदद्रवाऽविघ्न - द्राविणी - विघ्नकर्तृ - वसुधाराशङ्खनिधि -
वसुमतीपद्मनिधिभिरावृत ।
हृदय - शिरः - शिखा - कवच - नेत्रत्रयास्त्रशक्तिसमन्वित ।
ब्राह्मी - माहेश्वरी - कौमारी - वैष्णवी - वाराही - माहेन्द्री -
चामुण्डा - महालक्ष्मीसुसेवित सायुधेन्द्राग्नि - यमनिरृति -
वरुणवायु - सोमेशानपरिवृत ।
दन्त - पाशाङ्कुश - विघ्नपरशु - लड्डुकबीजापूराख्यसप्तमुद्राराध्य ।
इक्षु - सक्तु - रम्भाफल - चिपिट - तिल - लाज - केल -
मोदकाख्याष्टद्रव्यहविः प्रिय ।
सुमुख । एकदन्त । कपिल । गजकर्णक । लम्बोदर । विकट ।
विघ्नराज । विनायक । धूम्रकेतो । गणाध्यक्ष । भालचन्द्र ।
गजानन । वक्रतुण्डा । शूर्पकर्ण । हेरम्ब । स्कन्दपुर्वज ।
गणञ्जय । गणापते । हेरम्ब । धरणिधर । महागणपते ।
लक्षप्रद । क्षिप्रप्रसादन । अमोघसिद्धे । अमित । मन्त्र ।
चिन्तामणे । निधे । सुमङ्गल । बीज । आशापूरक । वरद । शिव ।
काश्यपनन्दन । वाचासिद्ध । ढुण्ढिविनायक । क्षिप्रक्षेमकर ।
क्षेमानन्द । क्षोणीसुरद्रुम । धर्मप्रद । अर्थद । कामदातः ।
सौभाग्यवर्धन । विद्याप्रद । विभावद । भुक्तिमुक्तिफलप्रद ।
आभिरूप्यकर । वीरश्रीप्रद । विजयप्रद । सर्ववश्यकर ।
गर्भदोषहन् । पुत्रपौत्रद । मेधाद । शोकहारिन् । दौर्भाग्यनाशन ।
प्रतिवादिमुखस्तम्भ । रुष्टचित्तप्रसादन । पराभिचारशमन
दुःखभञ्जनकारक । ओङ्कारवाच्य । श्रीहृदय ।
हृल्लेखामन्त्रमध्यग । क्लीङ्कार । ग्लौम्बीज । गङ्गणेश्वर ।
गणक्रीड । नन्दिप्रिय । परमात्मन् । तत्त्वानां परमतत्त्व । एकदन्त ।
वरेण्य । रत्नगर्भ । वराहरदन । रसप्रिय । दन्तप्रभिन्नाभ्रमाल ।
सर्वज्ञ । वक्रतुण्ड । जगदीशनन्दन । मेघनाद । वनमालिन् ।
शतानन्द । मातुलिङ्गधर । नवाधारनिकेतन । यशस्कर ।
स्वाहाशक्ते । बीजापूरगदेक्षुकार्मुक - रुजाचक्राब्जपाशोत्पल
व्रीह्यग्र -स्वविषाणरत्नकलशप्रोद्यत्कराम्भोरुह । ज्वलद्भूषया
सपद्मकरया वल्लभयाऽऽश्लिष्ट । विश्वोत्पत्ति - विपत्ति -
संस्थिकर । विघ्नेश । इष्टार्थद । श्रीमहागणपते । स्वामिन् । जय
विजयी भव । नमस्ते नमस्ते नमः ।
---- शक्तिपञ्चाक्षरीमन्त्रजपः
अस्य श्रीशक्तिपञ्चाक्षरीमहामन्त्रस्य । वामदेव ऋषिः ।
अनुष्टुप् छन्दः । साम्बपरमेश्वरो देवता । ह्रीं बीजम् । नमः शक्तिः ।
शिवाय कीलकम् । साम्बपरमेश्वरप्रीत्यर्थे जपे विनियोगः ।
करन्यासः -
ॐ ह्रां सर्वज्ञशक्तिधाम्ने अङ्गुष्ठाभ्यां नमः ।
नं ह्रीं नित्यतृप्तशक्तिधाम्ने तर्जनीभ्यां नमः ।
मं ह्रूं अनादिबोधशक्तिधाम्ने मध्यमाभ्यां नमः ।
शिं ह्रैं सर्वस्वतन्त्रशक्तिधाम्ने अनामिकाभ्यां नमः ।
वां ह्रौं नित्यमलुप्तशक्तिधाम्ने कनिष्ठिकाभ्यां नमः ।
यं ह्रः अनन्तशक्तिधाम्ने करतलकरपृष्ठाभ्यां नमः ॥
हृदयादिन्यासः -
ॐ ह्रां सर्वज्ञशक्तिधाम्ने हृदयाय नमः ।
नं ह्रीं नित्यतृप्तशक्तिधाम्ने शिरसे स्वाहा ।
मं ह्रूं अनादिबोधशक्तिधाम्ने शिखायै वषट् ।
शिं ह्रैं सर्वस्वतन्त्रशक्तिधाम्ने कवचाय हुम् ।
वां ह्रौं नित्यमलुप्तशक्तिधाम्ने नेत्रत्रयाय वौषट् ।
यं ह्रः अनन्तशक्तिधाम्ने अस्त्राय फट् ।
भूर्भुवस्सुवरोम् । (दिग्बन्धः)
ध्यानम्-
मूले कल्पद्रुमस्य द्रुतकनकनिभं चारु पद्मासनस्थं
वामाङ्कारूढगौरीनिबिडकुचभराभोगगाढोपगूढम् ।
नानालङ्कारकान्तं वरपरशुमृगाभीतिहस्तं त्रिणेत्रं
वन्दे बालेन्दुमौलिं गजवदनगुहाश्लिष्टपार्श्वं महेशम् ।
लमित्यादिपञ्चपूजा ।
मूलमन्त्रः -ओं ह्रीं नमः शिवायै ह्रीं नमः शिवाय (१०८ -३३६)
हृदयादिन्यासः । भूर्भुवस्सुवरों (दिग्विमोकः) ।
ध्यानम् । लमित्यादिपञ्चपूजा ।
गुह्यातिगुह्यगोप्ता त्वं गृहाणात्मकृतं जपम् ।
सिद्धिर्भवतु देवेश त्वत्प्रसादान्मयि स्थिरा ॥
इति जपं देवस्य वामहस्ते समर्पयेत् ।
---- श्रीविद्याषोडशीमन्त्रजपः
ॐ श्रीं ह्रीं क्लीं ग्लौं ग्लः हंसहंसोऽहं गणपतये स्वाहा । (१२)
ॐ श्रीं ह्रीं क्लीं औं सौः शरहणभव - रहणभवश -
हणभवशर - णभवशरह -भवशरहण -वशरहणभ
श्रीशरवणभवाय नमः । (१२)
ॐ नमो भगवते दक्षिणामूर्तये मह्यं मेधां प्रज्ञानं ब्रह्म
प्रयच्छ स्वाहा । (१२)
अस्य श्री महात्रिपुरसुन्दरीमहामन्त्रस्य । दक्षिणामूर्तिः ऋषिः ।
पङ्क्तिः छन्दः । श्रीमहात्रिपुरसुन्दरी देवता । ऐं बीजम् । सौः शक्तिः
क्लीं कीलकम् । परब्रह्मानुसन्धानसिद्ध्यर्थे जपे विनियोगः ।
करन्यासः -
ॐ ह्रीं श्रीं अं मध्यमाभ्यां नमः ।
ॐ ह्रीं श्रीं आं अनामिकाभ्यां नमः ।
ॐ ह्रीं श्रीं सौः कनिष्ठिकाभ्यां नमः ।
ॐ ह्रीं श्रीं अं अङ्गुष्ठाभ्यां नमः ।
ॐ ह्रीं श्रीं आं तर्जनीभ्यां नमः ।
ॐ ह्रीं श्रीं सौः करतलकरपृष्ठाभ्यां नमः ।
चतुरासनन्यासः -
ॐ ह्रीं श्रीं ऐं क्लीं सौः देव्यासनाय नमः (पादयोः) ।
ॐ ह्रीं ऐं क्लीं सौः चक्रासनाय नमः (जङ्घयोः) ।
ॐ ह्रीं श्रीं ऐं क्लीं सौः सर्वमन्त्रासनाय नमः (जान्वोः) ।
ॐ ह्रीं श्रीं क्लीं ब्लें साध्यसिद्धासनाय नमः (लिङ्गे) ।
हृदयादिन्यासः -
ॐ ह्रीं क्लीं ऐं सौः हृदयाय नमः ।
ॐ ह्रीं श्रीं शिरसे स्वाहा ।
क ए ई ल ह्रीं शिखायै वषाट् ।
हसकहलह्रीं कवचाय हुम् ।
सकलह्रीं नेत्रत्रयाय वौषट् ।
सौः ऐं क्लीं ह्रीं श्रीं अस्त्राय फट् ।
भूर्भुवस्सुवरों (दिग्बन्धः-) ।
ध्यानं
बालार्कायुततेजसं त्रिनयनां रक्ताम्बरोल्लासिनीं
नानालङ्कृतिराजमानवपुषं बालोडुराट् शेखराम् ।
हस्तैरिक्षुधनुः सृणीं सुमशरं पाशं मुदा बिभ्रतीं
श्रीचक्रस्थितसुन्दरीं त्रिजगतामाधारभूतां भजे ॥
लमित्यादिपञ्चपूजा ।
मूलमन्त्रः - कएईलह्रीं हसकहलह्रीं सकलह्रीं श्रीं (१०८ -३३६)
हृदयादिन्यासः । ध्यानम् । भूर्भुवस्सुवरों (दिग्विमोकः ।)
लमित्यादिपञ्चपूजा ।
गुह्यातिगुह्यगोप्त्री त्वं गृहाणात्मकृतं जपम् ।
सिद्धिर्भवतु देवेशि त्वत्प्रसादान्मयि स्थिरा ॥
देव्या वामहस्ते जपं समर्पयेत् ।
दक्षिणामूर्ति मूलमन्त्रः - ॐ नमो भगवते श्रीदक्षिणामूर्तये मह्यं
मेधां प्रज्ञानं ब्रह्म प्रयच्छ स्वाहा । (१२)
---- पञ्चाक्षरीकामकलाबालामन्त्र जपः
ध्यानं-
ह्रीङ्कारासनगर्भितानलशिखां शौक्लीं कलां बिभ्रतीं
सौवर्णाम्बरधारिणीं वरसुधाधौतान्तरङ्गां शिवाम् ।
वन्दे पुस्तकमङ्कुशं जपवटीं पाशं मुदा बिभ्रतीं
त्वां बालां त्रिपुरां परात्परकलां षट्चक्रसञ्चारिणीम् ॥
मूलमन्त्रः -ओं ईं ईं नमः । (१०८ वारं)
श्रीबालामन्त्रशापोद्धारः
(गुरोर्लब्धमन्त्रोपदेशः गुरोराज्ञया मन्त्रसिद्ध्यै
क्रमानेताननुसरेत् प्रथमतः ।)
१. शापोद्धारः -ओं ऐं ऐं सौः । क्लीं क्लीं ऐं ।
सौः सौः क्लीं इति शतवारं जपेत् ।
२. उत्कीलनं -ओं क्लीं नमः इति शतवारं जपेत् ।
३. दीपनं -ओं ऐं वद वद वाग्वादिनि । क्लीं क्लिन्ने क्लेदिनि
महाक्षोभं कुरु । ॐ सौः मोक्षं कुरु इति शतवारं जपेत् ।
४. प्रसादनं -ओं ऐं वद वद वाग्वादिनि ऐं क्लीं क्लिन्ने क्लेदय क्लेदय ।
क्षोभिणि क्षोभय । ऐं क्लीं सौः वैखरीं वर्धय वर्धय इति
शतवारं जपेत् ।
५. आह्लादनं -ओं क्लीं नमः (१०८)
६. पुरश्चरणं -अक्षरलक्षं जपः । तद्दशांशहोमः ।
तद्दशांशतर्पणम् ।
तद्दशांशब्राह्मणभोजनमित्यादौ गुरोरादेशः प्रमाणम् ।
---- श्रीत्र्यक्षरी बालामन्त्रजपः
अस्य श्रीबालात्रिपुरसुन्दरीमहामन्त्रस्य दक्षिणामूर्तिः ऋषिः (शिरसि) ।
पङ्क्तिश्छन्दः (मुखे) श्रीबालात्रिपुरसुन्दरी देवता (हृदि)
ऐं बीजं (गुह्ये । उरसो दक्षिणे भागे वा) ।
सौः शक्तिः (पादयोः उरसो वामे भागे वा) ।
क्लीं कीलकं (नाभौ हृन्मध्ये वा) ।
श्रीबालात्रिपुरसुन्दरीप्रीत्यर्थे जपे (पूजायां) विनियोगः ।
करन्यासः -
ऐं अङ्गुष्ठाभ्यां नमः ।
क्लीं तर्जनीभ्यां नमः ।
सौः मध्यमाभ्यां नमः ।
ऐं अनामिकाभ्यां नमः ।
क्लीं कनिष्ठिकाभ्यां नमः ।
सौः करतलकरपृष्ठाभ्यां नमः ।
हृदयादिन्यासः -
ऐं हृदयाय नमः ।
क्लीं शिरसे स्वाहा ।
सौः शिखायै वषट् ।
ऐं कवचाय हुम् ।
क्लीं नेत्रत्रयाय वौषट् ।
सौः अस्त्राय फट् ।
भूर्भुवस्सुवरों (दिग्बन्धः ।)
ध्यानम् -
अरुणकिरणजालैः रञ्जिताशावकाशा
विधृतजपवटीकापुस्तकाभीतिहस्ता ।
इतरवरकराढ्या फुल्लकल्हारसंस्था
निवसतु हृदि बाला नित्यकल्याणशीला ॥
लमित्यादि पञ्च पूजाः -
लं पृथिव्यात्मिकायै गन्धं समर्पयामि ।
हं आकाशात्मिकायै पुष्पाणि समर्पयामि ।
यं वाय्वात्मिकायै धूपमाघ्रापयामि ।
रं अग्न्यात्मिकायै दीपं दर्शयामि ।
वं अमृतात्मिकायै अमृतोपहारं निवेदयामि ।
(सर्वत्र ब्रह्मप्रणवयोजना यथागुरूपदेशम् ।)
मूलमन्त्रः -
ॐ ऐं क्लीं सौः (१०८-३३६-१००८ वारं यथाशक्ति)
पुनः हृदयादिन्यासः ।
भूर्भुवस्सुवरों (दिग्विमोकः) ध्यानम् । लमित्यादि पञ्च पूजा ।
जपसमर्पणम् -
गुह्यातिगुह्यगोप्त्री त्वं गृहाणात्मकृतं जपम् ।
सिद्धिर्भवतु देवेशि त्वत्प्रसादान्मयि स्थिरा ॥
इति देव्या वामकरे जपं समर्पयेत् ।
(कराङ्गन्यासेषु विशेषः -
आं सौः क्लीं ऐं अङ्गुष्ठाभ्याण् नमः ।
ईं सौः क्लीं ऐं तर्जनीभ्यां नमः ।
ऊं सौः क्लीं ऐं मध्यमाभ्यां नमः ।
ऐं सौः क्लीं ऐं अनामिकाभ्यां नमः ।
औं सौः क्लीं ऐं कनिष्ठिकाभ्यां नमः ।
अः सौः क्लीं ऐं करतलकरपृष्ठाभ्यां नमः ।
एवं हृदयादिन्यासः ।
ध्याने विशेषः -
रक्ताम्बरां चन्द्रकलावतंसां समुद्यदादित्यनिभां त्रिणेत्राम् ।
विद्याक्षमालाभयदानहस्तां ध्यायामि बालामरुणाम्बुजस्थाम् ॥ इत्यपि)
---- बालाषडक्षरीमहामन्त्रजपः -
अस्य श्रीबालात्रिपुरसुन्दरीमहामन्त्रस्य दक्षिणामूर्तिः ऋषिः ।
अनुष्टुप्छन्दः । श्रीबालात्रिपुरसुन्दरी देवता ।
ॐ ऐं बीजम् । ॐ सौः शक्तिः । ॐ क्लीं कीलकम् ।
श्रीबालात्रिपुरसुन्दरी प्रसादसिद्ध्यर्थे जपे (पूजायां) विनियोगः ।
ॐ ऐं ह्रीं श्रीं ऐं नमः (शिरसि) ।
ॐ ऐं ह्रीं श्रीं क्लीं नमः (मुखे) ।
ॐ ऐं ह्रीं श्रीं सौः नमः (भ्रूमध्ये) ।
ॐ ऐं ह्रीं श्रीं सौः नमः (दक्षनेत्रे) ।
ॐ ऐं ह्रीं श्रीं क्लीं नमः (वामनेत्रे) ।
ॐ ऐं ह्रीं श्रीं ऐं नमः (हृदि) ।
ॐ ऐं ह्रीं श्रीं ऐं नमः (दक्षश्रोत्रे) ।
ॐ ऐं ह्रीं श्रीं क्लीं नमः (वामश्रोत्रे) ।
ॐ ऐं ह्रीं श्रीं सौः नमः (नाभौ) ।
ॐ ऐं ह्रीं श्रीं सौः नमः (दक्षभुजे) ।
ॐ ऐं ह्रीं श्रीं क्लिं नमः (वामभुजे) ।
ॐ ऐं ह्रीं श्रीं ऐं नमः (पृष्ठे) ।
ॐ ऐं ह्रीं श्रीं ऐं नमः (दक्षजानुनि) ।
ॐ ऐं श्रीं क्लीं नमः (वामजानुनि) ।
ॐ ऐं ह्रीं श्रीं सौः नमः (मूलाधारे)
ऐं नमः (नाभ्यादिपादान्तम्) ।
क्लीं नमः (हृदयादिनाभ्यन्तम्) ।
सौः नमः (मूर्धादिहृदयान्तम्) ।
ऐं नमः (वामकरे) ।
क्लीं नमः (दक्षिणकरे) ।
सौः नमः (करयोः) ।
४ ऐं (पादयोः) ४ क्लीं (जान्वोः) ।
४. सौः (कट्याम् ।) ४ सौः (नाभौ) ।
४ क्लीं (कुक्षौ) । ४ ऐं (हृदये) ।
४ ऐं (कण्ठे) ४ क्लीं (मुखे) ।
४ सौः (ललाटे) ४ सौः (ब्रह्मरन्ध्रे) ।
४ क्लीं (दक्षिणपार्श्वे) । ४ ऐं वामपाश्वे ।
ऐं नमः (मूर्ध्नि) । क्लीं नमः (गुह्ये) ।
सौः नमः (वक्षसि) । ऐं रत्यै नमः । (गुह्ये) ।
सौः प्रीत्यै नमः (हृदि) ।
क्लीं विजयायै (मनोभवायै) नमः (भ्रूमध्ये) ।
ऐं अमृतेश्यै नमः (गुह्ये) । सौः योगेश्यै नमः (हृदि) ।
क्लीं विश्वयोन्यै नमः (भ्रूमध्ये) । ह्रीं मनोभवाय नमः (शिरसि) ।
क्लीं मकरध्वजाय नमः (मुखे) । ऐं कन्दर्पाय नमः (हृदि) ।
ब्लूं मन्मथाय नमः (गुह्ये) । स्त्रीं कामदेवाय नमः । (चरणयोः) ।
द्रां द्राविण्यै नमः (शिरसि) । द्रीं क्षोभिण्यै नमः (पादयोः) ।
क्लीं वशीकरण्यै नमः (मुखे) । ब्लूं आकर्षिण्यै नमः (गुह्ये) ।
स्त्रीं सम्मोहिन्यै नमः (हृदि) ।
चतुरासनन्यासः
ॐ ऐं ह्रीं श्रीं ह्रीं क्लीं सौः देव्यात्मासनाय नमः (पादयोः)
ॐ ऐं ह्रीं श्रीं हैं ह्क्लीं ह्सौः श्रीचक्रासनाय नमः । (जान्वोः) ।
ॐ ऐं ह्रीं श्रीं ह्सैं ह्स्क्लीं ह्स्सौः सर्वमन्त्रासनाय नमः । (ऊरुमूले)
ॐ ऐं ह्रीं श्रीं ह्रीं क्लीं ब्लें साध्यसिद्धासनाय नमः । (मूलाधारे)
करशुद्धिन्यासः -
ॐ ऐं ह्रीं श्रीं अं नमः (दक्षकरतले) ।
ॐ ऐं ह्रीं श्रीं आं नमः (दक्षकरपृष्ठे) ।
ॐ ऐं ह्रीं श्रीं सौः नमः (तत्पार्श्वयोः) ।
ॐ ऐं ह्रीं श्रीं अं नमः (वामकरतले) ।
ॐ ऐं ह्रीं श्रीं आं नमः (वामकरपृष्ठे) ।
ॐ ऐं ह्रीं श्रीं सौः नमः (तत्पार्श्वयोः) ।
ॐ ऐं ह्रीं श्रीं अं नमः (मध्यमाङ्गुल्योः) ।
ॐ ऐं ह्रीं श्रीं आं नमः (अनामिकयोः) ।
ॐ ऐं ह्रीं श्रीं सौः नमः (कनिष्ठिकयोः) ।
ॐ ऐं ह्रीं श्रीं अं नमः (अङ्गुष्ठयोः) ।
ॐ ऐं ह्रीं श्रीं आं नमः (तर्जन्योः) ।
ॐ ऐं ह्रीं श्रीं सौः नमः (करतलकरपृष्ठयोः) ।
ॐ ऐं ह्रीं श्रीं ऐं क्लीं सौः बाले त्रिपुरसुन्दरि
मां रक्ष रक्ष (हृदये)
करन्यासः -
ॐ ऐं अङ्गुष्ठाभ्यां नमः । ॐ क्लीं तर्जनीभ्यां नमः ।
ॐ सौः मध्यमाभ्यां नमः । ॐ ऐं अनामिकाभ्यां नमः ।
ॐ क्लीं कनिष्ठिकाभ्यां नमः । ॐ सौः करतलकरपृष्ठाभ्यां नमः ।
हृदयादिन्यासः -
ॐ ऐं हृदयाय नमः । ॐ क्लीं शिरसे स्वाहा ।
ॐ सौः शिखायै वषट् । ॐ ऐं कवचाय हुम् ।
ॐ क्लीं नेत्रत्रयाय वौषट् । ॐ सौः अस्त्राय फट् ।
भूर्भुवस्सुवरों (दिग्बन्धः) ।
ध्यानं
अरुणकिरणजालैः रञ्जिताशावकाशा
विधृतजपवटीका पुस्तकाभीतिहस्ता ।
इतरवरकराढ्या फुल्लकल्हारसंस्था
निवसति हृदि बाला नित्यकल्याणशीला ॥
लमित्यादिपञ्च पूजा ।
मूलमन्त्रः -ओं ऐं क्लीं सौः सौः क्लीं ऐम् । (१०८ -३३६ -वारं)
हृदयादिन्यासः । भूर्भुवस्सुवरों (दिग्विमोकः) ।
ध्यानम् । लमित्यादि पञ्चपूजा ।
गुह्यातिगुह्यगोप्त्री त्वं गृहाणात्मकृतं जपम् ।
सिद्धिर्भवतु देवेशि त्वत्प्रसादान्मयि स्थिरा ॥
इति देव्या वामहस्ते जपं समर्पयेत् ॥
(ऐं सौः क्लीं इति शत्रुनाशाय । क्लीं ऐं सौः इति वशीकरणाय ।
क्लीं सौः ऐं इति मुक्त्यै जपः करणीय इति मन्त्र विदः केचित् ।
मूले उक्तक्रमेण जपात्सर्वसिद्धिरिति तत्त्वविदः ।)
(जपे विशेषः -जपाङ्गत्वेन पूजा लमित्यादिना निर्वर्त्यते ।
पूजाङ्गत्वेन जपे क्रियमाणे मूलमन्त्रजपानन्तरं
हृदयादिन्यासाद्युत्तराङ्गं अनुपदं न क्रियते ।
मूलमन्त्रजपानन्तरं मूलेन देवतामावाह्य बाह्यापूजां
समाप्य अन्ते हृदयादिन्यासं दिग्बन्धं ध्यानं लमित्यादि पूजां
च कृत्वा देव्यै जपं समर्पयेत् ।)
---- ध्यानं आवाहनं च
अरुणकिरणजालै रञ्जिताशावकाशा
विधृतजपवटीका पुस्तकाभीतिहस्ता ।
इतरवरकराढ्या फुल्लकल्हारसंस्था
निवसति हृदि बाला नित्यकल्याणशीला ॥
आमूलाधारात् आब्रह्मबिलं विलसन्तीं बिसतन्तुतनीयसीं परचितिमम्बां
ध्यायामि । तत्तेजसि सावरणदेवतां बालां अम्बां क्रमेणाविर्भवन्तीं पश्यामि ।
तच्चरणयोरग्रे पुष्पपूरिताञ्जलिं सपर्योद्युक्तं आत्मानं भावयामि ॥
अकुलेन्दुगलितामृतधारारूपिणीः सर्वावयवसुन्दरीः पञ्चभूताधिदेवताः
देव्यग्रे पञ्चोपचारान् समर्पयन्तीः भावये ।
लम्बीजा पृथिवी गन्धं समर्पयति ।
हं बीजः आकाशः पुष्पाणि समर्पयति । यं बीजो वायुः धूपमाघ्रापयति ।
रं बीजोऽग्निः दीपं दर्शयति । वं बीजो वरुणः अमृतोपहारं निवेदयति ।
सर्वा एता देवताः दिव्यङ्गेषु निलीनाः । अहमपि देवीपादारविन्दमूले निलीनः ।
सर्वं ज्योतिर्मयं चिन्मयं विभाति । तेजोरूपेण परिणतां देवीं परचिद्रूपां
सुषुम्नापथेन उद्गतां विनिर्भिन्नविधिबिलविलसदमल-
सहस्रदलकमलमागतां नासापुटेन निर्गच्छन्तीं
त्रिखण्डमुद्रामण्डितशिखण्डे कुसुमगर्भिते अञ्जलौ
समानीय पूजाविग्रहे समायोजयामि ।
---- प्राणप्रतिष्ठा
अस्य श्रीप्राणप्रतिष्ठामहामन्त्रस्य । ब्रह्मविष्णुमहेश्वराः ऋषयः ।
ऋग्यजुःसामाथर्वाणि छन्दांसि । प्राणशक्तिः परा देवता । आं बीजम् ।
ह्रीं शक्तिः क्रों कीलकम् । प्राणप्रतिष्ठार्थे विनियोगः । आं ह्रीं क्रों
इति द्विरावृत्त्या करहृदयादिन्यासः । भूर्भुवस्सुवरों (दिग्बन्धः)
ध्यानम्-
रक्ताम्भोधिस्थपोतोल्लसदरुणसरोजाधिरूढा कराब्जैः
पाशं कोदण्डमिक्षूद्भवमथ गुणमप्यङ्कुशं पञ्चबाणान् ।
बिभ्राणाऽसृक्कपालं त्रिनयनलसिता पीनवक्षोरुहाढ्या
देवी बालार्कवर्णा भवतु सुखकरी प्राणशक्तिः परा नः ॥
लमित्यादि पञ्च पूजा ।
ॐ आं ह्रीं क्रों यं रं लं वं शं षं सं हं ॐ । हंसः सोऽहं सोऽहं
हंसः शिवः । बालाम्बायाः सपरिवारायाः प्राण इह प्राणः । जीव इह स्थितः ।
सर्वेन्द्रियाणि वाङ्मनश्चक्षुःश्रोत्रजिह्वाघ्राणप्राणापानव्यानोदानसमाना
इहैवागत्य चिरं सुखं तिष्ठन्तु स्वाहा । सान्निध्यं कुर्वन्तु स्वाहा ।
आं ह्रीं क्रों क्रों ह्रीं आं (४० वारं) । प्राणशक्त्यै नमः ।
(धूपदीपनैवेद्यानि । योनिमुद्रया प्रणमेत् ।) १० आवाहिता भव ।
१० स्थापिता भव । १० सन्निहिता भव । १० अवकुण्ठिता भाव ।
१० देवि प्रसीद प्रसीद ।
(१० -ओं ऐं ह्रीं श्रीं ऐं क्लीं सौः सौः क्लीं ऐम् ।)
देवि सर्वजगन्नाथे यावद्बिम्बावसानकम् ।
तावत्त्वं प्रीतिभावेन बिम्बेऽस्मिन् सन्निधिं कुरु ॥
कामेशाङ्कनिवासिन्याः कामेश्या अङ्कमास्थिता ।
मम भाग्यवशाद्बाला सन्निधत्से चिदाकृतिः ॥
कामेश्वर्यङ्कनिलयां तरुणारुणसन्निभाम् ।
अक्षस्रक्पुस्तकाभीतिवरदानलसत्कराम् ॥
फुल्लकल्हारमध्यस्थां मन्दस्मितमुखीं शिवाम् ।
कौसुम्बाम्बरसञ्छन्नपूगस्तनमनोहराम् ॥
काश्मीरकर्दमालिप्ततनुच्छायाविराजिताम् ।
देवीसमानाकृतिकां दिव्याभरणभूषिताम् ॥
बिन्दुत्रिकोणषट्कोणवृत्ताष्टदलयुग्मकैः ।
भूपुराभ्यां च संयुक्ते चिच्चक्रे सुखमास्थिताम् ।
देवीं प्रणौमि बालां त्वां नित्यकल्याणरूपिणीम् ॥
---- निर्गुणमानसपूजा
१. पराभावनास्तोत्रम्-
ध्यायामि कथमिव त्वां धीवर्त्मविदूरदिव्यमहिमवतीम् ।
आवाहनं विभोस्ते देवेशि कथं कुतः स्थानात् ॥ १॥
कियदासनं प्रकल्प्यं कृतासनायाश्च सर्वतोऽपि शिवे ।
पाद्यं कुतोऽर्घ्यमपि वाऽऽपाद्यं सर्वत्रपाणिपादायाः ॥ २॥
आचमनं ते स्यादपि भगवति ननु सर्वतोमुखीनायाः ।
मधुपर्को वा कथमिह मधुवैरिणि दर्शितप्रसादायाः ॥ ३॥
स्नानेन किं विधेयं सलिलकृतेनेह नित्यशुद्धायाः ।
वस्त्रेणापि न कार्यं कार्पासीयेन हेमवस्त्रायाः ॥ ४॥
हैमैराभरणैर्वा चमत्कृतिः का हिरण्यवर्णायाः ।
रत्नाचलवासिन्याः चिन्तामणिगेहगायास्ते ॥ ५॥
गन्धवती हि तनुस्ते गन्धाः किं नेशि पौनरुक्त्याय ।
पुष्करफलदानोत्कां पुष्करकुसुमेन पूजये किं त्वाम् ॥ ६॥
शमधनमूलधनं त्वं सकलेश्वरी भवसि धूपिता केन ।
दीपः कथं शिखावान् दीप्येत पुरः स्वयम्प्रकाशायाः ॥ ७॥
अमृतात्मकं निवेदितमशनं किं नाम नित्यतृप्तायाः ।
त्वय्याम्रेडितमेतत्ताम्बूलं यदिह सुमुखरागायाः ॥ ८॥
उपहारीभूयादिदमुमेऽद्य यन्मे विचेष्टितमशेषम् ।
नीराजयामि विद्युन्निभां कथं वा चिदाभासाम् ॥ ९॥
पुष्पाञ्जलिः कुतस्ते मूलप्रकृतिस्वरूपायाः ।
छत्रं नभोऽतिगायाः चामरमप्यविदितश्रमायास्ते ॥ १०॥
नृत्यं प्रथतां कथमिव चित्रं भायान्महानटपुरन्घ्र्याः ।
गीतं किं कलभाषणजितवाणीमधुरवीणायाः ॥ ११॥
वाद्यं डमरुभृदीशे वादयितुं तव पुरोऽस्ति का शक्तिः ।
अपरिच्छिन्नायास्ते जगदीश्वरि कः प्रदक्षिणविधिर्वा ॥ १२॥
स्युस्ते नमांसि कथमिव शङ्करि परितोऽपि विद्यमानायाः ।
वाचामगोचरीं त्वां वाचः प्रसरैः प्रसादयेयं वा ॥ १३॥
कस्मै वच्मि दशां मे कस्येदुग्घृदयमस्ति शक्तिर्वा ।
कस्य बलं चोद्धर्तुं क्लेशात्त्वामन्तरा दयासिन्धो ॥ १४॥
याचे नाभिनवं ते चन्द्रापीडे मदम्ब किञ्चिदपि ।
मह्यं प्रदेहि भगवति मदीयमेव स्वरूपमानन्दम् ॥ १५॥
भगवति बालतया वाऽभक्त्या वाप्यापदाकुलितया वा ।
मोहाविष्टतया वा मास्तु च ते मनसि यद्दुरुक्तं मे ॥ १६॥
---- आवरणदेवतासहित श्रीबालाध्यानं
ॐ ऐं ह्रीं श्रीं ऐं क्लीं सौः नमो भगवति बाले
त्रिपुरसुन्दरि इन्द्राग्नियमनिरृतिवरुणवायु -
कुबेरेशानशक्तिभिः सेविते सर्वाशापरिपूरकचक्रस्वामिनि ।
अनङ्गकुसुमानङ्गमेखलानङ्गमदनानङ्गमदनातुरानङ्ग-
रेखानङ्गवेगिन्यनङ्गाङ्कुशानङ्गमालिनीभिः वशिनी-कामेश्वरी-
मोदिनी-विमलारुणा-जयिनी-सर्वेश्वरी-कौलिनीभिश्च
परिवृते सर्वसौभाग्यदायकचक्रेशि । ब्राह्मी-माहेश्वरी-कौमारी-
वैष्णवी-वाराही-माहेन्द्री-चामुण्डी-महालक्ष्म्याख्यमातृभिः
असिताङ्ग-रुरु-चण्ड-क्रोधोन्मत्त-कपालभीषण-
संहाराख्यभैरवैश्चोपासिते । सर्वार्थसाधकचक्रेशि । साकिनी-
राकिणी-लाकिनी-काकिनी-डाकिनी-हाकिनी-याकिन्याख्ययोगिनीसंस्तुते
सर्वरक्षाकरचक्रेशि । रतिप्रीति-विजयाख्यशक्तिभिः गुरु-परमगुरु -
परमेष्ठिगुरुभिश्च पूजिते । सर्वसिद्धिप्रदचक्रेशि ।
हृदय-शिरस्शिखा-कवचनेत्रत्रयास्त्रशक्तिगुप्ते ।
सर्वानन्दमयचक्राधिष्ठात्रि ।
श्रीशिवकामेश्वराङ्कस्थे कामेश्वर्यङ्कवासिनि ।
धृतवरदाभयमुद्रे पुस्तकजपमालाहस्ते अरुणे कल्हारसंस्थे
श्रीबाले त्रिपुरसुन्दरि । परे भट्टारिके नमस्ते नमस्ते नमस्ते नमः
सौः क्लीं ऐं श्रीं ह्रीं ऐम् ।
---- त्रिशताक्षरी
ॐ ऐं ह्रीं श्रीं ऐं क्लीं सौः सौः क्लीं ऐं नमो बाले त्रिपुरसुन्दरि ।
हृदयदेवि । शिरोदेवि । शिखादेवि । कवचदेवि । नेत्रदेवि । अस्त्रदेवि ।
इन्द्रशक्ते । अग्निशक्ते । यमशक्ते । निरृतिशक्ते । वरुणशक्ते ।
वायुशक्ते कुबेरशक्ते ईशानशक्ते । वशिनि । कामेश्वरि । मोदिनि । विमले ।
अरुणे । जयिनि । सर्वेश्वरि । कौलिनि । अनङ्गकुसुमे । अनङ्गमेखले ।
अनङ्गमदने । अनङ्गमदनातुरे । अनङ्गरेखे । अनङ्गवेगिनि ।
अनङ्गाङ्कुशे । अनङ्गमालिनि । असिताङ्गभैरव-रुद्रभैरव-
चण्डभैरव- क्रोधभैरव-उन्मत्तभैरव-कपालभैरव-
भीषणभैरव - संहारभैरवयुते । ब्राह्मि । माहेश्वरि ।
कौमारि । वैष्णवि । वाराहि । माहेन्द्रि । चामुण्डे । महालक्ष्मि ।
साकिनि । राकिणि । लाकिनि । काकिनि । डाकिनि । हाकिनि । याकिनि ।
गुरुमयि । परमगुरुमयि । पामेष्ठिगुरुमयि । रतिदेवि । प्रीतिदेवि ।
विजयादेवि । सावरणदेवते बाले परे भट्टारिके ।
नमस्ते नमः सौः क्लीं ऐं ॐ ॥
---- नामस्मरणपूर्वकस्वरूपध्यानं
कल्याणी त्रिपुरा बाला माया त्रिपुरसुन्दरी ।
सुन्दरी सर्वसौभाग्यवती ह्रीङ्काररूपिणी ॥ १॥
ऐङ्कारी सर्वजननी क्लीङ्कारी परमेश्वरी ।
सौःकारी सर्वशक्त्याढ्या त्र्यक्षरी दिव्यगन्धिनी ॥ २॥
संविदानन्दलहरी श्रीविद्या त्रिपुरेश्वरी ।
गुप्ता गुत्पतरा नित्या नित्या षोडशकावृता ॥ ३॥
भक्तानुरक्ता रक्ताङ्गी शिवा सर्वारुणा शुभा ।
मोहिनी परमानन्दा कामेशी तरुणी कला ॥ ४॥
पद्मावती भगवती पद्मरागकिरीटिनी ।
रक्तवस्त्रा रक्तभूषा रक्तगन्धानुलेपना ॥ ५॥
सौगन्धिकमिलद्वेणी मन्त्रिणी मन्त्रपुष्पिणी ।
तत्त्वासना तत्त्वमयी सिद्धान्तःपुरवासिनी ॥ ६॥
श्रीवाणीड्या महादेवी कौलिनी परदेवता ।
कैवल्यरेखा वशिनी सर्वेशी सर्वमङ्गला ॥ ७॥
नारायणी वेदवेद्या सर्वसम्पत्प्रदा सती ।
चतुर्भुजा चन्द्रचूडा पुराणागमबोधिता ॥ ८॥
भूतेश्वरी भूतमयी पञ्चाशद्वर्णरूपिणी ।
सर्वमङ्गलमाङ्गल्या कामाक्षी कामदायिनी ॥ ९॥
किङ्करीभूतगीर्वाणी सुधापानविनोदिनी ।
आधारवीथीपथिका स्वाधिष्ठानसमाश्रिता ॥ १०॥
मणिपूरसमासीना अनाहतनिवासिनी ।
विशुद्धिचक्रनिलया आज्ञाचक्रनिवासिनी ॥ ११॥
अष्टत्रिंशत्कलामूर्तिः सुषुम्नागारमध्यगा ।
योगीश्वरमुनिध्येया परब्रह्मस्वरूपिणी ॥ १२॥
दिक्पालशक्तिसंयुक्ता सर्वाशापरिपूरका ।
अनङ्गकुसुमादीड्या वाग्देव्यष्टकसंवृता ॥ १३॥
सर्वसौभाग्यदेशानी मात्रष्टकसमावृता ।
भैरवष्टकसंसेव्या सर्वाभीष्टार्थसाधिका ॥ १४॥
योगिनीषट्कसंसेव्या सर्वरक्षाकराधिपा ।
रतिप्रीतिविजयाख्यत्रिशक्तिगुरुसेविता ॥ १५॥
सर्वसिद्धिप्रदेशानी सर्वानन्दमयाधिपा ।
रहःपूजासमालोला बिन्दुस्थलमनोहरा ॥ १६॥
त्रिकोणमध्यनिलया षट्कोणपुरवासिनी ।
वसुपत्रद्वयावासा भूपुरद्वयमध्यगा ॥ १७॥
शिवकामेश्वराङ्कस्थकामेश्वर्यङ्कवासिनी ।
कामेश्वरीसमाकारा फुल्लकल्हारमध्यगा ॥ १८॥
पुस्तकाभीतिवरदजपमालालसत्करा ।
तरुणारुणदेहाभा दिव्याभरणभूषिता ॥ १९॥
बन्धूककुसुमप्रख्या बाललीलाविनोदिनी ।
काश्मीरकर्दमालिप्ततनुच्छायाविराजिता ॥ २०॥
सपर्याचारनिरतगुरुमण्डलसेविता ।
चतुर्वर्गप्रदानोत्क नित्यकल्याणरूपिणी ॥ २१॥
एवं ध्याता हृदि सदा पराम्बा बालरूपिणी ।
देवि ! भाग्यवशादत्र सन्निधत्से चिदाकृतिः ॥ २२॥
---- सगुणमानसपूजा
प्रबोधनं
१०. उषसि मागधमङ्गगायनैः झटिति जागृहि जागृहि जागृहि । -
(१०. ॐ ऐं ह्रीं श्रीं ऐं क्लीं सौः सौः क्लीं ऐं इत्यस्य सङ्केतः) -
अतिकृपार्द्रकटाक्षनिरीक्षणैः जगदिदं जगदम्ब सुखीकुरु ॥
मण्डपप्रवेशः
१०. कनकमयवितर्दिशोभमानं दिशिदिशि पूर्णसुवर्णकुम्भयुक्तम् ।
मणीमयमण्डपमध्यमेहि मातः मयि कृपयाशु समर्चनं ग्रहीतुम् ॥
कनकमयवितर्दिस्थापिते तूलिकाढ्ये
विविधकुसुमकीर्णे कोटिबालार्कवर्णे ।
भगवति रमणीये रत्नसिंहासनेऽस्मिन्
उपविश पदयुग्मं हेमपीठे निधाय ॥
---- पाद्यं
१०. दूर्वया सरसिजान्वितविष्णुक्रान्तया च सहितं कुसुमाढ्यम् ।
पद्मयुग्मसदृशे पदयुग्मे पायमेतदुररीकुरु मातः ॥
अर्घ्यं
१०. गन्धपुष्पयवसर्षपदूर्वासंयुतं तिलकुशाक्षतमिश्रम् ।
हेमपात्रनिहितं सहरत्नैः अर्ध्यमेतदुररीकुरु मातः ॥
आचमनं
१०. जलजद्युतिना करेण जातीफलतक्कोललवङ्गगन्धमिश्रैः ।
अमृतैरमृतैरिवातिशीतैः भगवत्याचमनं विधीयताम् ॥
मधुपर्कः
१०. निहितं कनकस्य सम्पुटे पिहितं रत्नपिधानकेन यत् ।
तदिदं जगदम्ब तेऽर्पितं मधुपर्कं जननि प्रगृह्यताम् ॥
स्नानं
१०. एतच्चम्पकतैलमम्ब विविधैः पुष्पैर्मुहुर्वासितं
न्यस्तं रत्नमये सुवर्णचषके भृङ्गैर्भ्रमद्भिर्वृतम् ।
सानन्दं सुरसुन्दरीभिरभितो हस्तैर्धृतं ते मया
केशेषु भ्रमरभ्रमेषु सकलेष्वङ्गेषु चालिप्यते ॥
मातः कुङ्कुमपङ्कनिर्मितमिदं देहे तवोर्द्वर्तनं
भक्त्याहं कलयामि हेमरजस सम्मिश्रितं केसरैः ।
केशानामलकैर्विशोध्य विशदान्कस्तूरिकोदञ्चितैः
स्नानं ते नवरत्नकुम्भसहितैः संवासितोष्णोदकैः ॥
दधिदुग्धघृतैः समाक्षिकैः सितया शर्करया समन्वितैः ।
स्नपयामि तवाहमादराज्जननि त्वां पुनरुष्णवारिभिः ॥
एलोशीरसुवासितैः सुकुसुमैर्गङ्गादितीर्थोदकैः
माणिक्यामलमौक्तिकामृतरसैः स्वच्छैः सुवर्णोदकैः ।
मन्त्रान्वैदिकतान्त्रिकान्परिपठन् सानन्दमत्यादरात्
स्नानं ते परिकल्पयामि जननि स्नेहात्त्वमङ्गीकुरु ॥
वस्त्रधारणं केशप्रसाधनं च
१०. बालार्कद्युतिदाडिमीयकुसुमप्रस्पर्धि सर्वोत्तमं
मातस्त्वं परिधेहि दिव्यवसनं भाक्त्या मया कल्पितम् ।
मुक्ताभिर्ग्रथितं सुकञ्चुकमिदं स्वीकृत्य पीतप्रभं
तप्तस्वर्णसमानवर्णमतुलं प्रावर्णमङ्गीकुरु ॥
१०. बहुभिरगरुधूपैः सादरं धूपयित्वा
भागवति तव केशान्कङ्कतैर्मार्जयित्वा ।
सुरभिभिररविन्दैश्चम्पकैश्चर्चयित्वा
झटिति कनकसूत्रैर्जूटयन्वेष्टयामि ॥
आभरणभूषणं
१०. मञ्जीरे पदयोर्निधाय रुचिरां विन्यस्य काञ्चीं कटौ
मुक्ताहारमुरोजयोरनुपमां नक्षत्रमालां गले ।
केयूराणि भुजेषु रत्नवलयश्रेणीं करेषु क्रमात्
ताटङ्के तव कर्णयोर्विनिदधे शीर्षे च चूडामणिम् ॥
धम्मिल्ले तव देवि हेमकुसुमान्याधाय फालस्थले
मुक्ताराजिविराजमानतिलकं नासापुटे मौक्तिकम् ।
मातर्मौक्तिकजालिकां च कुचयोः सर्वाङ्गुलीषूर्मिकाः
काट्यां काञ्चनकिङ्किणीर्विनिदधे रत्नावतंसं श्रुतौ ॥
गन्धकुङ्कुमाक्षतधारणं
(१०) मातः फालतले तवातिविमले काश्मीरकस्तूरिका-
कर्पूरागरुभिः करोमि तिलकं देहेऽङ्गरागं ततः ।
वक्षोजादिषु यक्षकर्दमरसं सिक्त्वा च पुष्पद्रवं
पादौ चन्दनलेपनादिभिरहं सम्पूजयामि क्रमात् ॥
(१०) रत्नाक्षतैस्त्वां परिपूजयामि मुक्ताफलैर्वा रुचिरैरविद्धैः ।
अखण्डितैर्देवि यवादिभिर्वा काश्मीरपङ्काङ्किततण्डुलैर्वा ॥
(१०) सीमन्ते ते भगवति मया सादरं न्यस्तमेतत्
सिन्दूरं मे हृदयकमले हर्षवर्षं तनोति ।
बालादित्यद्युतिरिव सदा लोहिता यस्य कान्तिः
अन्तर्ध्वान्तं हरति सकलं चेतसा चिन्तयैव ॥
पुष्पालङ्करणं
१०. मन्दाकुन्दकरवीरलवङ्गपुष्पैः
त्वां देवि सन्ततमहं परिपूजयामि
जातीजपावकुलचम्पककेतकादि -
नानाविधानि कुसुमानि च तेऽर्पयामि ॥
मालतीवकुलहेमपुष्पिका काञ्चनारकरवीरकैतकैः ।
कर्णिकारगिरिकर्णिकादिभिः पूजयामि जगदम्ब ते वपुः ॥
पारिजातशतपत्रपाटलैर्मल्लिकावकुलचम्पकादिभिः ।
अम्बुजैः सुकुसुमैश्च सादरं पूजयामि जगदम्ब ते वपुः ॥
धूपः
१०. लाक्षासम्मिलितैः सिताभ्रसहितैः श्रीवाससम्मिश्रितैः
कर्पूराकलितैः शिरैर्मधुयुतैर्गोसर्पिषा लोडितैः ।
श्रीकण्ठागरुगुग्गुलुप्रभृतिभिर्नानाविधैर्वस्तुभिः
धूपं ते परिकल्पयामि जननि स्नेहात्त्वमङ्गीकुरु ॥
दीपः
१०. रत्नालङ्कृतहेमपात्रनिहितैर्गोसर्पिषा लोडितैः
दीपैर्दीर्घतरान्धकारभिदुरैः बालार्ककोटिप्रभैः ।
आताम्रज्वलदुज्ज्वलप्रविलसद्रत्नप्रदीपैस्तथा
मातस्त्वामहमादरादनुदिनं नीराजयाम्युच्चकैः ॥
निवेदनं
१०. मातस्त्वां दधिदुग्धपायसमहाशाल्यन्नसन्तानिका -
सूपापूपसिताघृतैः सवटकैः सक्षौद्ररम्भाफलैः ।
एलाजीरकहिङ्गुनागरनिशाकुस्तुम्भरीसंस्कृतैः
शाकैः साकमहं सुधाधिकरसैः सन्तर्पयाम्यर्चयन् ॥
सापूपसूपदधिदुग्धसुधाघृतानि
सुस्वादुभक्तपरमान्नपुरस्सराणि ।
शाकोल्लसन्मरिचजीरक बाह्लिकानि
भाक्ष्याणि भुङ्क्ष्व जगदम्ब मयार्पितानि ॥
क्षीरमेतदिदमुत्तमोत्तमं प्राज्यमाज्यमिदुमुज्ज्वलं मधु ।
मातरेतदमृतोपमं पयः सम्भ्रमेण परिपीयतां मुहुः ॥
उष्णोदकैः पाणियुगं मुखं च प्रक्षाल्य मातः कलधौतपात्रे ।
कर्पूरमिश्रेण सकुङ्कुमेन हस्तौ समुद्वर्तय चन्दनेन ॥
अतिशीतमुशीरवासितं तपनीये कलशे निवेशितम् ।
पटपूतमिदं जितामृतं शुचि गङ्गाजलमम्ब पीयताम् ॥
जम्ब्वाम्ररम्भाफलसंयुतानि द्राक्षाफलक्षौद्रसमन्वितानि ।
सनारिकेलानि सदाडिमानि फलानि ते देवि समर्पयामि ॥
कूश्माण्डकोशाटकिसंयुतानि जम्बीरनारङ्गसमन्वितानि ।
सबीजपूराणि सबादराणि फलानि ते देवि समर्पयामि ॥
ताम्बूलं
१०. कर्पूरेण युतैर्लवङ्गसहितैस्तक्कोलचूर्णान्वितैः
सुस्वादुक्रमुकैः सगौरखदिरैः सुस्निग्धजातीफलैः ।
मातः कैतकपत्रपाण्डुरुचिभिस्ताम्बूलवल्लीदलैः
सानन्दं मुखमण्डनार्थमतुलं ताम्बूलमङ्गीकुरु ॥
गोधूमदीपाराधनं
१०. सविनयमथ दत्वा जानुयुग्मं धरण्यां
सपदि शिरसि धृत्वा पात्रमारार्तिकस्य ।
मुखकमलसमीपे तेऽम्ब सार्थं त्रिवारं
भ्रमयति मयि भूयात्ते कृपार्द्रः कटाक्षः ॥
स्वर्णमन्त्रपुष्पाञ्जलिः
१०. अथ बहुमणीमिश्रैः मौक्तिकैस्त्वां विकीर्य
त्रिभुवनकमनीयैः पूजयित्वा च वस्त्रैः ।
मिलितविविधमुक्तां दिव्यमाणिक्ययुक्तां
जननि कनकवृष्टिं दक्षिणां तेऽर्पयामि ॥
चरणनलिनयुग्मं पङ्कजैः पूजयित्वा
कनककमलमालां कण्ठदेशेऽर्पयित्वा ।
शिरसि विनिहितोऽयं रत्नपुष्पाञ्जलिस्ते
हृदयकमलमध्ये देवि हर्षं तनोतु ॥
---- स्तोत्रं
१०. तव देवि गुणानुवर्णने चतुरा नो चतुराननादयः ।
तदिहैकमुखेषु स्तवनं कस्तव कर्तुमीश्वरः ॥
रात्रिसूक्तं
ॐ रात्री॒ व्य॑ख्यदाय॒ती पु॑रु॒त्रा दे॒व्या १ क्षभिः॑ ।
विश्वा॒ अधि॒ श्रियो॑न्धित ॥ १॥
ओर्व॑प्रा अम॑र्त्या निवतो॑ दे॒व्यु॑ १ द्वतः ।
ज्योति॑षा बाधते॒ तमः॑ ॥ २॥
निरु॒ स्वसा॑रमस्कृतो॒षसं॑ दे॒व्या॑य॒ती ।
अपेदु॑हासते तमः॑ ॥ ३॥
सा नो॑ अ॒द्य यस्या॑ व॒यं नि ते॒ याम॒न्न वि॑क्ष्महि ।
वृ॒क्षेन व॑स॒तिं वयः॑ ॥ ४॥
निग्रामा॑सो अविक्षत॒ निप॒द्वन्तो॒ निप॒क्षिणः॑ ।
निश्ये॒नास॑श्चिद॒र्थिनः॑ ॥ ५॥
या॒वया॑ वृ॒क्य॑ (अं) वृकं॑ य॒वय॑स्ते॒नमू॑र्म्ये ।
अथा॑ नः सु॒तरा॑ भव ॥ ६॥
उप॑ मा पेपि॑श॒त्तमः॑ कृ॒ष्णं व्य॑क्तमस्थित ।
उप ऋ॒णेव॑ यातय ॥ ७॥
उप॑ ते॒ गा इ॒वाक॑रं वृणी॒ष्व दु॑हितर्दिवः ।
रात्रि॒ स्तोमं॒ न जिग्युषे॑ ॥ ८॥
देवीसूक्तं
ॐ ॥
अ॒हं रु॒द्रेभि॒र्वसु॑भिश्चराम्य॒हमादि॒त्यैरु॒त वि॒श्वदेवैः ।
अ॒हं मि॒त्रावरु॑णो॒भा बि॑भर्म्य॒हमि᳚न्द्रा॒ग्नी
अ॒हम॒श्विनो॒भा ॥ १॥
अ॒हं सोम॑माह॒नसं᳚ बिभर्म्य॒हं त्वष्टारमु॒त
पू॒षणं॒ भगम्᳚ ।
अ॒हं द॑धामि॒ द्रवि॑णं ह॒विष्म॑ते सुप्रा॒व्ये॒
३ यज॑ मानाय सुन्व॒ते ॥ २॥
अ॒हं राष्टी᳚ सं॒गम॑नी॒ वसू᳚नां चिकि॒तुषी᳚
प्रथ॒मा य॒ज्ञिया᳚नाम् ।
तां मा᳚ दे॒वा व्य॑दधुः पुरु॒त्रा भूरि॑स्थात्रां॒ भूर्या᳚
वे॒शय᳚न्तीम् ॥ ३॥
मया॒ सोऽन्न॑म्मत्ति॒ यो वि॒पश्य॑ति॒ यः प्राणि॑ति॒
यईं᳚ शृ॒णोत्यु॒क्तम् ।
अ॒म॒न्तवो॒मान्त उप॑क्षियन्ति श्रु॒धिश्रु॑त
श्रद्धि॒वन्ते᳚ वदामि ॥ ४॥
अ॒हमे॒व स्व॒यमि॒दं व॑दामि॒ जुष्टं᳚ दे॒वेभि॑रु॒त
मानु॑षेभिः ।
यं का॒मये॒ तं त॑मु॒ग्रं कृ॑णोमि॒ तं ब्र॒ह्माणं॒
तमृषिं॒ तं सु॑मे॒धाम् ॥ ५॥
अ॒हं रु॒द्राय॒ धनु॒रात॑नोमि ब्रह्म॒द्विषे॒ शर॑वे॒हन्त॒
वा उ॑ ।
अ॒हं जना॑य स॒मदं॑ कृणोम्य॒हं द्यावा॑पृथि॒वी
आवि॑वेश ॥ ६॥
अ॒हं सु॑वे पि॒तर॑मस्य मू॒र्धन् मम॒ योनि॑ र॒प्स्व(१)न्तः
स॑मुद्रे ।
ततो॒ विति॑ष्ठे॒ भुव॒नान॒ विश्वो॒ तामूं द्यां
व॒र्ष्मणोप॑स्पृशामि ॥ ७॥
अ॒हमे॒व वात॑ इव॒ प्रवा᳚म्या॒रभ॑माणा॒ भुव॑नानि॒ विश्वा᳚ ।
प॒रो दि॒वा प॒रए॒ना पृ॑थि॒व्यै ताव॑ती महि॒ना सम्ब॑भूव ॥ ८॥
ॐ शान्तिः शान्तिः शान्तिः ॥
इति बालासपर्या समाप्ता ।
Proofread by PSA Easwaran