% Text title            : Shri Bala Shanti Stotram
% File name             : bAlAshAntistotram.itx
% Category              : devii, dashamahAvidyA, devI
% Location              : doc\_devii
% Proofread by          : PSA Easwaran psaeaswaran at gmail.com
% Description/comments  : bAlAsaparyA saparyAkrama-nAmAvalI-stotrAdisaNgrahaH, chintAmaNitantre
% Latest update         : March 21, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bala Shanti Stotram ..}##
\itxtitle{.. shrIbAlAshAntistotram ..}##\endtitles ## 
shrIbhairava uvAcha\-
jaya devi jagaddhAtri jaya pApaughahAriNi |
jaya duHkhaprashamani shAntirbhava mamArchane || 1||
shrIbAle parameshAni jaya kalpAntakAriNi |
jaya sarvavipattighne shAntirbhava mamArchane || 2||
jaya bindunAdarUpe jaya kalyANakAriNi |
jaya ghore cha shatrughne shAntirbhava mamArchane || 3||
muNDamAle vishAlAkShi svarNavarNe chaturbhuje |
mahApadmavanAntasthe shAntirbhava mamArchane || 4||
jagadyoni mahAyoni nirNayAtItarUpiNi |
parAprAsAdagR^ihiNi shAntirbhava mamArchane || 5||
induchUDayute chAkShahaste shrIparameshvari |
rudrasaMsthe mahAmAye shAntirbhava mamArchane || 6||
sUkShme sthUle vishvarUpe jaya sa~NkaTatAriNi |
yaj~narUpe jApyarUpe shAntirbhava mamArchane || 7||
dUtIpriye dravyapriye shive pa~nchA~Nkushapriye |
bhaktibhAvapriye bhadre shAntirbhava mamArchane || 8||
bhAvapriye lAsapriye kAraNAnandavigrahe |
shmashAnasya devamUle shAntirbhava mamArchane || 9||
j~nAnAj~nAnAtmike chAdye bhItinirmUlanakShame |
vIravandye siddhidAtri shAntirbhava mamArchane || 10||
smarachandanasuprIte shoNitArNavasaMsthite |
sarvasaukhyaprade shuddhe shAntirbhava mamArchane || 11||
kApAliki kalAdhAre komalA~NgiH kuleshvari |
kulamArgarate siddhe shAntirbhava mamArchane || 12||
shAntistotraM sukhakaraM balyante paThate shive |
devyAH shAntirbhavettasya nyUnAdhikyAdikarmaNi || 13||
mantrasiddhikAmanayA dashAvR^ittyA paThedyadi |
mantrasiddhirbhavettasya nAtra kAryA vichAraNA || 14||
chandrasUryoparAge cha yaH paThetstotramuttamam |
bAlA sadmani saukhyena bahukAlaM vasettataH || 15||
sarvabhadramavApnoti sarvatra vijayI bhavet |
tIrthakoTiguNaM chaiva dAnakoTiphalaM tathA |
labhate nAtra sandehaH satyaM satyaM mayoditam || 16||
(chintAmaNitantre)

iti shrIbAlAshAntistotraM samAptam |

##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}