% Text title            : bAlaupachArAH
% File name             : bAlaupachArAH.itx
% Category              : devii, dashamahAvidyA, devI
% Location              : doc\_devii
% Proofread by          : PSA Easwaran psaeaswaran at gmail.com
% Description/comments  : bAlAsaparyA saparyAkrama-nAmAvalI-stotrAdisaNgrahaH
% Latest update         : March 21, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bala Upachara ..}##
\itxtitle{.. shrIbAlaupachArAH ..}##\endtitles ## 
pradakShiNaM
 10\. pade pade yatparipUjakebhyaH sadyo.ashvamedhAdi phalaM dadAti |
      tatsarvapApakShayahetubhUtaM pradakShiNaM te paritaH karomi ||
namaskAraH
 10\. raktotpalAraktalatAprabhAbhyAM dhvajordhvarekhAkulishA~NkitAbhyAm |
     asheShavR^indArakavanditAbhyAM namo bhavAnIpadapa~NkajAbhyAm ||
     sarvama~NgalamA~Ngalye shive sarvArthasAdhike |
     sharaNye tryambake gauri nArAyaNi namo.astu te ||
     sharaNAgatadInArtaparitrANa parAyaNe |
     sarvasyArtihare devi nArAyaNi namo.astu te ||

AtmArpaNaM
 10\. vij~naptIravadhehi me sumahatA yatnena te sannidhiM
     prAptaM mAmiha kAndishIkamadhunA mAtarna dUrIkuru |
     chittaM tvatpadabhAvane vyabhichareddR^igvAk cha me jAtu chet
     tatsaumye svaguNairbadhAna na yathA bhUyo vinirgachChati ||
     tvatprasUtastvadAj~naptastvaddAsastvatparAyaNaH |
     tvannAmachintanaparastvadarthe.ahaM niyojitaH ||
     tvayA.a.arjitamidaM sarvaM tava svaM parameshvari |
     tvadadhInaM karomIha tvadarthe tanniyojaya |
tava devi vashe varte tavAj~nAmeva pAlayan ||
tvaM mAtApitarau tvameva suhR^idastvaM bhrAtarastvaM sakhA
tvaM vidyA tvamudArakIrticharitaM tvaM bhAgyamatyadbhutam |
kiM bhUyaH sakalaM tvadIhitamiti j~nAtvA kR^ipAkomale
shrIvidyeshvarI sa.nprasIda sharaNaM mAtaH paraM nAsti me ||

shAntiprArthanA
mA.ahaM brahma nirAkuryAM mA mA brahma nirAkarot |
anirAkaraNaM me.astu anirAkaraNaM mama |
svAvidyaikanibaddho.akaravaM karmANi muhyamAnaH san |
daivAdvidhUtabandhaH svAtmaj~nAnAnmuniH syAM vA ||
mAyAvashena supto madhye.apashyaM sahasrashaH svapnAn |
deshikavachaH prabuddho dIvyeyaM modavAridhau kiM vA ||
janiviparItakramato bud.hdhyA pravilApya pa~nchabhUtAni |
parishiShTamAtmatattvaM pashyeyaM vA muniH shAntaH ||
jagadakhilamidamasAraM mAyikameveti manasi mananena |
paryaTanapATitAshaH pragalitamadamatsaraH syAM vA ||
tvamahamabhimAnavihIno moditanAnAjanAchAraH |
bAlAcharitaH syAM vA vimalasukhAmbhonidhau magnaH ||
avadhUtakarmajAlo jaDabadhirAndhopamAchAraH |
AtmArAmo yatavAgakutashchanavasatirAsIya ||
chapalaM manaHkura~NgaM chAru nigR^ihNanvimarshavAgurayA |
nigamAraNyavihArashrAntaM shAntaM vidadhyAM vA ||
santyajya shAstravArtAH saMvyavahAraM cha laukikaM tyaktvA |
antaranusandadhanmanuM te syAM vA niShkampadIpavadyogI ||
jAtyabhimAnavihIno jantuShu sarvatra pUrNatAM pashyan |
bhUtaM bhAvi cha na vidan nirmR^iShTAsheShaviShayehaH ||
tyajatashcha na sampannaM nAsampannaM cha vA~nChataH kvApi |
tR^iptimanuttamasImAM labdhavataH kiM labheya padam ||

pUjAsamarpaNaM
 10 atha maNimayama~nchakAbhirAme kanakamayavitAnarAjamAne |
prasaradagarudhUpadhUpite.asmin bhagavati bhavane.astu te nivAsaH ||
 10 muktAkundendugaurAM maNimayamakuTAM ratnatATa~NkayuktAM
akShasrakpustahastAmabhayavarakarAM chandrachUDAM triNetrAm |
nAnAla~NkArayuktAM suramakuTamaNidyotitasvarNapIThAM
sAnandAM suprasannAM tribhuvanajananIM chetasA chintayAmi ||
 10 eShA bhaktyA tava virachitA yA mayA devi pUjA
svIkR^ityainAM sapadi sakalAnme.aparAdhAn kShamasva |
nyUnaM yattattava karuNayA pUrNatAmetu sadyaH
sAnandaM me hR^idayakamale te.astu nityaM nivAsaH ||
sarvA AvaraNadevatA mantradevatAshcha devya~Nge vilInA bhAvaye |
devI jyotirmayI chinmayI bhAti | lambIjA pR^ithivI gandhaM samarpayati |
hambIja AkAshaH puShpANi samarpayati | yambIjo vAyurdhUpamAghrApayati |
raM bIjo.agniH dIpaM darshayati | vaM bIjo varuNo.amR^itopahAraM nivedayati |
devyAH pAdatale niviShTaH puShpA~njaliM samarpayAmi | devIM saMvinmayIM
hR^idayaM nayAmi (khecharyA) | saMvidAtmarUpiNIM bhAvaye |
japasamarpaNaM vakratuNDAdInAM ShaDa~NganyAsaH | digbandhaH | dhyAnam |
mantrajapaH | ShaDa~NganyAsaH | digvimokaH | lamityAdi pa~nchapUjA |
guhyAtiguhyagoptrI tvaM gR^ihANAtmakR^itaM japam |
siddhirbhavatu deveshi tvatprasAdAnmayi sthirA ||
devyA haste japaM samaryayet |
kAyena vAchA manasendriyairvA
bud.hdhyAtmanA vA prakR^itiHsvabhAvAt |
karomi yadyat sakalaM parasmai
nArAyaNAyeti samarpayAmi |
OM tat sat | brahmArpaNamastu ||

iti shrIbAlaupachArAH samAptAH |
##
Proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}