% Text title            : bagalAmukhIkavacham 1
% File name             : bagalAmukhIkavacham.itx
% Category              : kavacha, devii, dashamahAvidyA, devI
% Location              : doc\_devii
% Author                : Traditional
% Transliterated by     : Nat Natarajan nat.natarajan at gmail.com
% Proofread by          : Nat Natarajan nat.natarajan at gmail.com, NA
% Latest update         : March 20, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. bagalAmukhIkavacham ..}##
\itxtitle{.. bagalAmukhIkavacham ..}##\endtitles ##

|| atha bagalAmukhIkavacham ||
shrutvA cha bagalApUjAM stotraM chApi maheshvara |
idAnIM shrotumichChAmi kavachaM vada me prabho ||
vairinAshakaraM divyaM sarvAshubhavinAshanam |
shubhadaM smaraNAtpuNyaM trAhi mAM duHkhanAshanam ||
shrIbhairava uvAcha ||
kavachaM shR^iNu vakShyAmi bhairavI prANavallabhe ||
paThitvA dhArayitvA tu trailaukye vijayI bhavet ||
OM asya shrIbagalAmukhIkavachasya nAradaR^iShiranuShTupChandaH
shrIbagalAmukhI devatA laM bIjaM aiM kIlakaM
puruShArthachatuShTaye jape viniyogaH ||
shiro me bagalA pAtu hR^idayaikAkSharI parA |
OM hrIM OM me lalATe cha bagalA vairinAshinI ||
gadAhastA sadA pAtu mukhaM me mokShadAyinI |
vairijihvAndharA pAtu kaNThaM me bagalAmukhI ||
udaraM nAbhideshaM cha pAtu nityaM parAtparA |
parAtparaparA pAtu mama guhyaM sureshvarI ||
hastau chaiva tathA pAtu pArvatIparipAtu me |
vivAde viShame ghore sa~NgrAme ripusa~NkaTe ||
pItAmbaradharA pAtu sarvA~NgaM shivanartakI |
shrIvidyAsamayo pAtu mAta~NgIduritAshivA ||
pAtuputraM sutAM chaiva kalatraM kAlikA mama |
pAtu nityaM bhrAtaraM me pitaraM shUlinI sadA ||
sandehi bagalAdevyAH kavachaM manmukhoditam |
naiva deyamamukhyAya sarvasiddhipradAyakam ||
paThanAddhAraNAdasya pUjanAdvA~nChitaM labhet |
idaM kavachamaj~nAtvA yo japed bagalAmukhIm ||
pibanti shoNitaM tasya yoginyaH prApyasAdarAH |
vashye chAkarShaNe chaiva mAraNe mohane tathA ||
mahAbhaye vipattau cha paThedvApAThayettu yaH |
tasya sarvArthasiddhiH syAdbhaktiyuktasya pArvatI ||

iti shrIrudrayAmale bagalAmukhIkavachaM sampUrNam ||


##
Proofread by Nat Natarajan, NA


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}