% Text title            : bagalAmukhIkavacham 3
% File name             : bagalAmukhIkavacham3.itx
% Category              : kavacha, devii, dashamahAvidyA, devI
% Location              : doc\_devii
% Author                : Traditional
% Transliterated by     : Radhika Pamula
% Proofread by          : Radhika Pamula, Aruna Narayanan
% Latest update         : February 7, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bagalamukhi Kavacham ..}##
\itxtitle{.. shrIbagalAmukhIkavacham ..}##\endtitles ##
shrI gaNeshAya namaH | shrI bagalAyai namaH |

prathamaM guruM dhyAtvA prANAyAmaM kR^itvA kavachaM paThet |
OM asya shrIpItAmbarAbagalAmukhIkavachasya mahAdeva R^iShiH,
uShNik ChandaH, shrIpItAmbarA devatA, sthiramAyA bIjam, svAhA
shaktiH, aM ThaH kIlakam, mama sannihitAnAM dUrasthAnAM
sarvaduShTAnAM vA~NmukhapadajihvApavargANAM stambhanapUrvakaM
sarvasampattiprAptichaturvargaphalasAdhanArthe jape viniyogaH |

dhyAnam \-
madhyesudhAbdhi maNimaNDaparatnavedyAM
      siMhAsanopari gatAM paripItavarNAm ||
pItAmbarAbharaNamAlyavibhUShitA~NgIM
      devIM bhajAmi dhR^itamudgaravairijihvAm || 1||
jihvAgramAdAya kareNa devIM vAmena shatrUn paripIDayantIm |
gadAbhighAtena cha dakShiNena pItAmbarADhyAM dvibhujAM namAmi || 2||

iti dhyAtvA paThet |
himavattanayA gaurI kailAse.atha shilochchaye |
apR^ichChad girishaM devI sAdhakAnugrahechChayA || 1||
shrIpArvatyuvAcha |
devadeva mahAdeva bhaktAnugrahakAraka |
shR^iNu vij~nApyate yattu shrutvA sarvaM nivedaya || 2||
vishuddhAH kaulikA loke ye matkarmaparAyaNAH |
teShAM nindAkarA loke bahavaH kila durjanAH || 3||
manobAdhAM vidadhate muhuH kaTubhiruktibhiH
teShAmAshu vinAshAya tvayA deva prakAshitaH || 4||
yo mantro bagalAmukhyAH sarvakAmasamR^iddhidaH |
kavachaM tasya mantrasya prakAshaya dayAnidhe || 5||
yasya smaraNamAtreNa pashUnAM nigraho bhavet |
AtmAnaM satataM rakShed vyAghrAgniripurAjataH || 6||
shrutvA.atha pArvatIvAkyaM j~nAtvA tasyA manogatam |
vihasya tAM pariShvajya sAdhu sAdhvityapUjayat || 7||
tadAha kavachaM devyai kR^ipayA karuNAnidhiH |
shrIsha~Nkara uvAcha |
shR^iNu tvaM bagalAmukhyAH kavachaM sarvakAmadam || 8||
yasya smaraNamAtreNa bagalAmukhI prasIdati |
sarvasiddhipradA prAchyAM pAtu mAM bagalAmukhI || 9||
pItAmbarA tu chAgneyyAM yAmyAM mahiShamardinI |
nairR^ityAM chaNDikA pAtu bhaktAnugrahakAriNI || 10||
pAtu nityaM mahAdevI pratIchyAM shUkarAnanA |
vAyavye pAtu mAM kAlI kauveryAM tripurA.avatu || 11||
IshAnyAM bhairavI pAtu pAtu nityaM surapriyA |
UrdhvaM vAgIshvarI pAtu madhye mAM lalitA.avatu || 12||
adhastAd api mAM pAtu vArAhI chakradhAriNi |
mastakaM pAtu me nityaM shrIdevI bagalAmukhI || 13||
bhAlaM pItAmbarA pAtu netre tripurabhairavI |
shravaNau vijayA pAtu nAsikAyugalaM jayA || 14||
shAradA vachanaM pAtu jihvAM pAtu sureshvarI |
kaNThaM rakShatu rudrANI skandhau me vindhyavAsinI || 15||
sundarI pAtu bAhU me jayA pAtu karau sadA |
bhavAnI hR^idayaM pAtu madhyaM me bhuvaneshvarI || 16||
nAbhiM pAtu mahAmAyA kaTiM kamalalochanA |
UrU me pAtu mAta~NgI jAnunI chAparAjitA || 17||
ja~Nghe kapAlinI pAtu charaNau cha~nchalekShaNA |
sarvataH pAtu mAM tArA yoginI pAtu chAgrataH || 18||
pR^iShThaM me pAtu kaumArI dakShapArshve shivA.avatu |
rudrANI vAmapArshve tu pAtu mAM sarvadeShTadA || 19||
stutA sarveShu deveShu raktabIjavinAshinI |
ityetat kavachaM divyaM dharmakAmArthasAdhanam || 20||
gopanIyaM prayatnena kasyachinna prakAshayet |
yaH sakR^ichChR^iNuyAd etat kavachaM manmukhoditam || 21||
sa sarvAn labhate kAmAn mUrkho vidyAmavApnuyAt |
tasyAshu shatravo yAnti yamasya bhavate shive || 22||

iti shrIrudrayAmale mahAtantre shrImahAvidyApItAmbarA
bagalAmukhIkavachaM samAptam |

##
Encoded by Radhika Pamula
Proofread by Radhika Pamula, Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}