% Text title            : Shri Bagalamukhi Stavaraja
% File name             : bagalAmukhIstavarAjaH.itx
% Category              : devii, dashamahAvidyA, stavarAja
% Location              : doc\_devii
% Proofread by          : PSA Easwaran
% Latest update         : May 9, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bagalamukhi Stavarajah ..}## 
\itxtitle{.. shrIbagalAmukhIstavarAjaH ..}##\endtitles ## 
vande sakalasandehadAvapAvakamIshvaram |
karuNAvaruNAvAsaM bhaktakalpataruM gurum || 1||
ullasatpItavidyoti vidyotita tanutrayam |
nigamAgamasarvasvamIDe.ahaM tanmahanmahaH || 2||
OM pUrvaM sthiramAyAM cha bagalAmukhI sarvataH |
duShTAnAM vAchamuchchArya mukhaM padaM tathoddharet || 3||
stambhayeti tato jihvAM kIlayeti samuddharet |
buddhiM vinAshayeti padaM sthiramAyAmanusmaret || 4||
praNavaM vahnijAyA chetyeva paitAmbaro manuH |
pAtu mAM sarvadA sarvaM nigrahAnugrahakShamaH || 5||
kaNThaM nArada R^iShiH pAtu pa~NktiChando.avatAnmukham |
pItAmbarA devatA tu hR^inmadhyamavatAnmama || 6||
halI bIjaM stanayorme.avyAt svAhA shaktishcha dantayoH |
sa kIlakaM tathA guhye viniyogo.avatAdvapuH || 7||
ShaD\-dIrghabhAjA bIjena vyAso.avyAnme karAdikam |
dvipa~njapa~ncha nandeShu dashabhirmantravarNakaiH || 8||
ShaDa~NgakalpanA  pAtu ShaDa~NgAni hyanukramAt |
aiM vidyAtattvaM klIM mAyAtattvaM saushcha shivAtmakam || 9||
tattvatrayaM saM bIjaM cha mUlaM hR^itkaNThaM madhyagaH |
sudhAbdhau hemabhUrUDhachampakodyAnamadhyataH || 10||
gAruDotpalanirvyUDhasvarNasiMhAsanopari |
svarNapa~NkajasaMviShTAM trinetrAM shashishekharAm || 11||
pItAla~NkAravasanAM mallIchandanashobhitAm |
savyAbhAM pa~nchashAkhAyAM vajrajihvAM cha bibhratIm || 12||
mudgaraM nAgapAshaM cha dakShiNAbhyAM madAlasAm |
bhaktArivigrahodyogapragalbhAM bagalAmukhIm || 13||
dhyAyamAnasya me pAtu shAstravodveShaNe bhR^isham |
bhUkalAdaladikpatraShaTkoNaM tryastrabaindukam || 14||
yantraM paitAmbaraM pAtu sA mAM pAyAdavigrahA |
AdhArashaktimArabhya j~nAnAtmAntAstu shaktayaH || 15||
pIThAdyAH pAntu pIThe.atraM prathamaM mAM cha rakShatu |
shAntisha~NkhavisheShAtmashaktibhUtAni pAntu mAm || 16||
AvAhanAdyAH pa~nchApi mudrAshcha sumanojalaiH |
trikoNamadhyamArabhya pUjitA bagalAmukhI || 17||
krodhinI stambhinI chApi dhAriNyashchApi madhyagAH |
ojaH pUShAdipIThAni koNAgreShu sthitAni vai || 18||
trikoNa bAhyataH siddhanAthAdyA guravastathA |
siddhanAthaH siddhAnandanAthaH siddhaparameShThi hi || 19||
nAthaH siddhaH shrIkaNThashcha nAthaH siddhachatuShTayam |
pAtu mAmatha ShaTkoNe subhagA bhagarUpiNI || 20||
bhagodayA cha bhaganipAtinI bhagamAlinI |
bhagavAhA cha mAM pAtu ShaTkoNAgreShu cha kramAt || 21||
tvagAtmA shoNitAtmA cha mAMsAtmA medasAtmakaH |
rUpAtmA paramAtmA cha pAtu mAM sthiravigrahA || 22||
aShTapatreShu mUleShu brAhmI mAheshvarI tathA |
kaumArI vaiShNavI vArAhIndrANI cha tathA punaH || 23||
chAmuNDA cha mahAlakShmIstatra madhye punarjayA |
vijayA cha jayAmbA cha rAjitA jR^imbhiNI tathA || 24||
stambhinI mohinI vashyA.akarShiNyatha tadagrake |
asitA~Ngo rurushchaNDaH kraudhonmattakapAlinaH |
bhIShaNAshchApi saMhAra ete rakShantu mAM sadA || 25||
tataH ShoDashapatreShu ma~NgalA stambhinI tathA |
jR^imbhiNI mohinI vashyA jvAlA siMhI balAhakA || 26||
bhUdharA kalmaShA dhAtrI kanyakA kAlakarShiNI |
bhAntikA mandagamanA bhogasthA bhAvaketi cha || 27||
pAtu mAmatha bhUsadma dashadikShu digIshvarAH |
indro.analo yamo rakSho varuNo mArutaH shashiH || 28||
Isho.anantaH svayambhUshcha dashaite pAntu me vapuH |
vajrashaktirdaNDakhaDgau pAshA~NkushagadAH kramAt |
shUlaM chakraM sarojaM cha tattachChastrANi pAntu mAm || 29||
atha cha pUrvAdi chaturdishAsu parataH kramAt |
pAtu vighneshabaTukau yoginI kShetrapAlakaH || 30||
gurutrayaM trirekhAsu pAtu me vapura~njasA |
punaH pItAmbarA pAtu upachAraiH prapUjitA || 31||
sA~NgAvaraNashaktishcha jayashrIH pAtu sarvadA |
valayaM baTukAdibhyo rakShAM kurvantu me sadA || 32||
shaktayaH sAdhakA vIrAH pAtu me devatA imAH |
ityarchAkramataH proktaM stotraM paitAmbaraM param || 33||
yaH paThet sakR^idapyetat so.archAphalamavApnuyAt |
sarvathA kArayet kShipraM prapadyante gadAturAn || 34||
rAjAno rAjapatnyashcha paurajAnapadAstathA |
vashagAstasya jAyante satataM sevakA iva || 35||
gurukalpAshcha vibudhA mUkatAM yAnti te.agrataH |
sthirA bhavati tadgehe chapalApi haripriyA || 36||
pItAmbarA~Ngavasano yadi lakShasa~NkhyaM
     paitAmbaraM manumamuM prajapennaro yaH |
hemI sakR^inniyamavAn vidhinA haridrA\-
    mAlAM dadhadbhavati tadvashagA trilokI || 37||
bhavAni bagalAmukhi tridashakalpavalli prabho
     kR^ipAjalanidhe tava charaNadhUtabAdhAkhilaH |
surAsuranarAdikasakalabhaktabhAgyaprade
     tvada~NghrisarasIruhadvayamahaM tu dhyAye sadA || 38||
tvamasya jagatAM janisthitivinAshabIjaM nija
    prakAshabahuladyutirbhavati bhaktahR^inmadhyagA |
trayImanu supUjitA hariharAdi vR^indArakai\-
     ranukShaNamanukShaNaM mayi shive kShaNaM vIkShyatAm || 39||
shive tava tanUmahaM hariharAdyagamyAM parAM
     nikhilatApapratyUhahR^idayAbhAvayuktAM smare |
vidAraya vichUrNaya glapaya shoShaya stambhaya
     praNodaya virodhaya pravilaya prabaddhAriNAm || 40||
pArvati kR^ipAlasanmayi kaTAkShapAtaM manA\-
     ganAkulatayA kShaNaM kShipa vipakShasa.nkShobhiNi |
yadIkShaNapathaM gataH sakR^idapi prabhuH kashchana
     sphuTaM mama vashaMvado bhavatu tena pItAmbare || 41||

OM namo bhagavate mahArudrAya huM phaT svAhA |

iti atharvaNarahasyAntargataH shrIbagalAmukhIstavarAjaH samAptaH |
## 
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}