% Text title            : BhAshashtakam
% File name             : bhAShAShTakam.itx
% Category              : devii, sarasvatI, aShTaka
% Location              : doc\_devii
% Transliterated by     : Vani V
% Proofread by          : Vani V
% Latest update         : March 13, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shri Bhasha AshtakaM ..}##
\itxtitle{.. shrIshrIbhAShAShTakam ..}##\endtitles ##
AgachCha varade mAtaH sutakalyANatatpare |
nAshaya hR^idayadhvAntaM j~nAnamayena tejasA || 1||
prasichya chittaM karuNApayobhiH svanurvaM kShetramidaM sutAnAm |
j~nAnasya bIjaM vividhaM vidhAtri saMropyatAM no bhavaduHkhahantri || 2||
vINApustakadhAriNI bhagavatI devAsurairvanditA,
      shvetAmbhojanivAsinI suvaradA kalyANavistAriNI |
yA shubhrAMshusamAnanA duritahA yA shubhrapadmAsanA,
      sA naH pAtu sarasvatI smitamukhI santAnasharmapradA || 3||
sarasvatI shvetamarAlavAhA anAthanAthA karuNAvidhAtrI |
shudhAMshushubhrA paramA pareshI karotu nityaM viduShAM shubhaM sA || 4||
sutamAnasapa~Nkajanau maline charaNAmbujareNusamUhashuchau |
kR^ipayA karuNAmayi kR^iShNakache vasa bhArati bhAratabhavyaprade || 5||
shashadharasitahaMsairveShTitA j~nAnadAtrI
      nikhilabhuvanakartrI bhAratI brahmaputrI |
akR^ititanayaduHkhe kAtarA trANakartrI
      jayati jayati devI vallakIvAdyakartrI || 6||
vimalakamalashobhAM dhArayantI manoj~nAM,
      tanayakushaladAtrI padminI chitsvarUpA |
amaradanujavandyA kachChapInyastahastA,
      nayatu hR^idayamohavyUhanAshaM dayArdrA || 7||
nirasya mohaM hR^idaye nilInaM prabAdhakaM muktidhanasya ghoram |
prekShA sutAnAM charaNe tvadIye sampreShyatAM bho vachasAmadhIshe || 8||

iti shrIshrIbhAShAShTakaM sampUrNam |
##

Encoded and proofread by Vani V

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}