% Text title            : bhAgIrathIgadyam
% File name             : bhAgIrathIgadyam.itx
% Category              : devii, devI, nadI, gadyam
% Location              : doc\_devii
% Description/comments  : Shrimadbhagavatam skandha 5, adhyAya 17
% Latest update         : October 3, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhagirathi Gadyam ..}##
\itxtitle{.. bhAgIrathIgadyam ..}##\endtitles ##
OM namo bhagavate vAsudevAya .
shrIshuka uvAcha \-
tatra bhagavataH sAkShAdyaj~nali~Ngasya viShNorvikramato
vAmapAdA~NguShThanakhanirbhinnordhvANDakaTAhavivareNA\-
ntaHpraviShTA yA bAhyajaladhArA tachcharaNapa~NkajA\-
vanejanAruNaki~njalkopara~njitAkhilajagadagha\-
malApahopasparshanAmalA sAkShAdbhagavatpadI\-
tyanupalakShitavacho.abhidhIyamAnAtimahatA
kAlena yugasahasropalakShaNena divo
mUrdhanyavatatAra yattadviShNupadamAhuH || 1||
yatra ha vAva vIravrata auttAnapAdiH paramabhAgavato\-
.asmatkuladevatAcharaNAravindodakamiti yAmanusavana\-
mutkR^iShyamANabhagavadbhaktiyogena dR^iDhaM klidyamAnAntarhR^idaya
autkaNThyavivashAmIlitalochanayugalakuDmala\-
vigalitAmalabAShpakalayAbhivyajyamAnaromapulaka\-
kulako.adhunApi paramAdareNa shirasA bibharti || 2||
tataH saptarShayastatprabhAvAbhij~nA yAM nanu tapasa
AtyantikI siddhiretAvatI bhagavati sarvAtmani
vAsudeve.anuparatabhaktiyogalAbhenaivopekShitAnyA\-
rthAtmagatayo muktimivAgatAM mumukShava iva sabahumAna\-
madyApi jaTAjUTairudvahanti || 3||
tato.anekasahasrakoTivimAnAnIkasa~NkuladevayAnenA\-
vatarantIndumaNDalamAvArya brahmasadane nipatati || 4||
tatra chaturdhA bhidyamAnA chaturbhirnAmabhishchaturdisha\-
mabhispandantI nadanadIpatimevAbhinivishati
sItAlakanandA chakShurbhadreti || 5||
sItA tu brahmasadanAtkesarAchalAdi girishikharebhyo\-
.adho.adhaHprasravantI gandhamAdanamUrdhasu patitvAntareNa
bhadrAshvavarShaM prAchyAM dishi kShArasamudramabhipravishati || 6||
evaM mAlyavachChikharAnniShpatantI tato.anuparatavegA
ketumAlamabhichakShuH pratIchyAM dishi saritpatiM
pravishati || 7||
bhadrA chottarato merushiraso nipatitA girishikharA\-
dgirishikharamatihAya shR^i~NgavataH shR^i~NgAdavasyandamAnA
uttarAMstu kurUnabhita udIchyAM dishi jaladhi\-
mabhipravishati || 8||
tathaivAlakanandA dakShiNena brahmasadanAdbahUni
girikUTAnyatikramya hemakUTAddhaimakUTAnyati\-
rabhasatararaMhasA luThayantI bhAratamabhivarShaM dakShiNasyAM
dishi jaladhimabhipravishati yasyAM snAnArthaM chAgachChataH
puMsaH pade pade.ashvamedharAjasUyAdInAM phalaM na
durlabhamiti || 9||

iti shrImadbhAgavate pa~nchamaskandhe saptadasho.adhyAyAntargataM
     bhAgIrathIgadyaM sampUrNam |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}