% Text title            : bhAratIstavanam
% File name             : bhAratIstavanam.itx
% Category              : devii, jaina, sarasvatI
% Location              : doc\_devii
% Author                : Janimegha
% Transliterated by     : DPD
% Proofread by          : DPD
% Latest update         : April 14, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bharatistavanam or Sarasvatistotram ..}##
\itxtitle{.. bhAratIstavanam athavA sarasvatIstotram ..}##\endtitles ##

jAnImeghena likhitam

shrI shAradAyai namaH |
antaH kuNDaliniprasuptabhuja~NgAkArasphuradvigrahAM
shaktiM kuNDalinIM vidhAya manasA hu~NkAradaNDAhatAm |
ShaTchakrANi vibhidya sadya manasAM pradyotanadyotanIM
lInAM brahmapade shivena sahitAmekatra lInAM stumaH || 1||

kandAtkuNDalini ! tvadIyavapuShA nirgatya tantutviShA
kishchichchumbitamambujaM shatadalaM tadbrahmarandhrAddhaH |
yashchandradyuti ! chintayatyavirataM bhUyo.atra bhUmaNDale
tanmanye kavichakravattipadavIchChatrachUChalAdvalgati || 2||

yastvadbakatramR^igA~NkamaNDalamilatkAntipratAnochChalata
cha~nchachchandrakachakaR^ichitritakakupkanyAkulaM dhyAyati |
vANI vANivichitrabha~NgurapadaprAgalbhayashR^i~NgAriNI
nR^ityatyunmadanarttakIva sarasaM tvadbatrara~NgA~NgaNe || 3||

devi ! tvatpadachandrakAntakarakashchayotatsudhAnirjhara\-
snAnAnandatara~NgitaH pibati yaH pIyUShadhArArasam |
tArAla~NkR^itachandrashuktikuhareNAkaNThamutkaNThito
vaktreNodriratIva te punarasau vANIvilAsachChalAt || 4||

kShubhyatsIrasamudranirgatamahAsheShAhilokAtphaNA
patrotridrasitAravindakuhare ! chandrasphuratkaNike ! |
devi ! tvAM cha nijaM cha pashyati vapuryaH kAntibhinnAntaraM
brAhmi ! brahmavidasya valgati vachaHprAgalbhyadugdhAmbudhe || 5||

nAbhIpANDurapuNDarIkakuhare hR^itpuNDarIke gala\-
tpIyUShadraka(va) varSha(rShi) Ni ! pravishatIM tvAM mAtrikShamAlinIm |
dR^iShTavA bhArati ! bhAratI prabhavati prAyeNa puMso yayA
nirgrantho.api shatAnyapi grathayati granthAyutAnAM naraH | 6||

tvAM muktAmayasarvabhUShaNadharAM shvetAmbarADambarAM
gaurIM gaurisudhAM tara~NgadhavalAmAlokya hR^itpa~Nkaje |
vINApustakamauktikAkShavalaya shvetAbjavalgatkarAM
na syAtkaH shuchivR^ittachakrarachanAchAturyachintAmaNiH || 7||

ashyetsvAM tanumindumaNDalagatAM tvAM chAbhito maNDitAM
yo brahmANDakaraNDapiNDitasudhADiNDIrapiNDairiva |
susvachChodgatigadyapadmalaharIlIlAvilAsAmR^itaiH
sAnandAstamupAcharanti kavayashchandraM chakorA iva || 8||

tadvedAntashirastado~NkR^itimukhaM jyotiHkalAlochanaM
tattadvedabhujaM tu(ta) dAtmahR^idayaM tadgadyapadyAM hi cha |
yastvadvarShma vibhAvayatyavirataM vAgdevi ! tadvA~NgamayaM
shabdabrahmaNi niShThitaH sa paramabrahmaikatAmashnute || 9||

vAgbIjaM smara bIjaveShTitamato jyotiHkalAbhR^idbahi\-
raShTadvAdashaShoDashadviguNitadviShTAbjapatrAnvitam |
tadbIjAkSharakAdivarNarachitAnyagne dalasyAntare
haMsaH kUDa(Ta) yutaM bhavedavitathaM yantra tu sArasvatam || 10||

OM hrI.N shrI.N sa(ha) hrI.N sabIjakalitAM vAgvAdinIdevatAM
gIrvANAsurapUjitAmanudinaM kAshmIradeshe bhavAm |
ashrAntaM nijabhaktishaktivashato yo dhyAyati prasphuTaM
buddhij~nAnavichArasAramahitaH syAddevyasau sAmpratam || 11||

smR^itvA yantraM sahasrachChadakamalamanudhyAya nAbhIhR^idotthaM
chetaHsnigdhorddhanAla hR^idi cha vikachitAM bAShpaniryAtanA syAt |
tanmadhye chordhvarUpAmabhayadavaradAM pustakAmbhojapANIM
vAgdevIM tanmukhAchcha svamukhamanugatAM chintayedakSharAlIm || 12||

kimiha bahuvikalpaishvintitairyasya kaNThe
luThati vimalavR^ittasthUlamuktAvalIyam |
bhavati bhavati nAthe bhavyabhAShAvisheShai\-
rmadhuramadhusamR^iddhastasya vAchAM visheShaH 13||

iti shrIjAnImeghena likhitaM shrIbhAratIstavarna sampUrNam |

prashastiH
yadakSharaparibhraShTaM svaravya~njanavajitam |
tatsarvaM kShamattAM devi ! prasIda parameshvara |

|| jAnImeghena likhitam \- sumatidhIragaNipaThanArtham || shrI ||
##
Encoded and proofread by DPD

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}