% Text title            : bhAratavijayastotram
% File name             : bhAratavijayastotram.itx
% Category              : devii
% Location              : doc\_devii
% Author                : Maheshvaranandasarasvati
% Proofread by          : Aruna Narayanan narayanan.aruna at gmail.com
% Description/comments  : Brihat Stotra Ratnakar Shivadutta Shastri
% Latest update         : February 19, 2019
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bharatavijayastotram ..}##
\itxtitle{.. bhAratavijayastotram ..}##\endtitles ##
ma~NgalyollAsalIlaH karaTa\-madanadI\-snAna\-pAnapramatta\-
     shcha~nchadbhishcha~ncharIkaiH kalita\-kalakalaH svasti\-puNyAhvaghoShaiH |
dordaNDairastra\-shastra\-praharaNapaTubhirjvAla\-mAlA\-jaTAlaiH
     pratyUha\-vyUhahantA janayatu vijayaM ku~njaragrAmaNIrnaH || 1||
divyaistejobhiriddhA prabala\-bhujavanottAla\-kIlAyudhADhyA
     siMhaskandhAdhirUDhA vipulabala\-valadvAhinI\-vyUhabhImA |
garjAtarjAH sR^ijantI mahiShamarichamUM mathnatI riShTivR^iShTyA
     tuShTA sveShTA vishiShTA ghaTayatu ghaTanAshchaNDikA naH prachaNDA || 2||
sa~NkalpAnalpalIlA\-kShaNa\-gaNa\-janitAnanta\-sR^iShTipravAhaH
     sarvaj~naH sarvashiktaH shrutanutamahimA medura\-shrImanoj~naH |
lokagrAsa\-prasakta \-pralaya\-ghanaghaTATopa\-ghorAn mayAdIn
     dhunvan dhvastAn dhinotu dhvanita\-jayaravaidhUrdharo dhUrjaTInaH || 3||
lokAlokAgrajAgranmada mudira\-mahAchaNDashauNDogradaNDaH
     proddaNDo dAnavendro vijitavasumatIvaibhavaH svarNashayyaH |
yattIvrAghAtarUkShA\-kShata\-kharanakharairdIrghanidrAM sahelaM
     prAptaH so.avyAjabhavyaH kalayatu kushalaM bhAratasyAdyasiMhaH || 4||
sarvAM sR^iShTiM samastA~n janagaNanikarAn vyashnuvAnaM samantAd
     dhvAnta vyAttAsyaghoraM malinitajagatI\-jAlamudyan vibhindan |
tIvrai jAgratpravegairjvalana\-kaNa\-gaNodgaguNa\-garverakhavai\-
     rusrairashrAnta\-nemirdishatu vijayinIM sushriyaM shrIravirnaH || 5||
shrIman bhUtAdhinAtha\-pramathagaNapate sarvashakte purAre
     sarvottu~Nge himAdre suruchirashikhare vaijayantI jayantI |
prochchairuDDIyamAnA chirataramahimA bhAratIyA lasantIM
     prAgvad dodhUyamAnA viharatu gagane vishvavavandyAbhinandyA || 6||
vedAH shAstrANi yAgAH shuchiruchiruchirA AshramA varNabhAgA\-
     stIrthAnyasvapnasaudhA janagaNavitatA saMskR^itiH sabhyatA cha |
sampUrNo dharmarAshiH prashamitavipulApattirAShTraM samagraM
     vR^iddhiH siddhiH samR^iddhiH sakalasurapate.akShuNNatAM nIyatAM naH || 7||
sarvAdhiShThAnabhUman bharatabhuvanimAM vyomayAnairasa~NkhyaiH
     shastrAstrairnaikabhedairatulita\-vibhavairghora\-sAmarthya\-sArthaiH |
durdharShA durvibhedyA kalita\-nava navotsAhaparNAbhyudIrNA
     sa~NkhyAtItApratUrNa jayatu khalabalaM vAhinI bhAratIyA || 8||
deshe.asmin drAk samaste vipula\-jayaravo dundubhirdhvAnadhIraH
     yUnAmutsAha\-siMha\-dhvanibhiravirataM shrUyatAM shrInivAsa |
ki~nchAryAvarta\-bhUmirnija\-vijayalasat prAjya\-saurAjyasimnAM
     pUrNAkhaNDadyutInAM praguNitagarimA syAt khanirvardhitAnAm || 9||
dhvastAnaH shatravaH syustvaritamihasukhAH santu gAvaH samagrAH
     sarve nAryo narAshcha pramathita\-vipulApattayaH santavadInAH |
bhUmiH sasyAbhyudIrNA khala\-balajayinI vAhinI no.astvajayyA
     bhayAt bhUyo bhavAnIprabhurayamakhilAnugrahe rakShako naH || 10||
sarvairnavyairasa~NkhyairguNagaNa\-bharitaiH sajjitAno yuvAnaH
     sotsAhAH sa~NghabaddhAH prabalaripuchamUnAthalIlAvadAnAH |
sa~NkhyAtItAH patantaH karinikaradalat siMhavikrAntavIryAH
     shrInAthAnugrahAtte vijayamalamaraM modamAnA labhantAm || 11||

iti kAshIpIThAdhIshvara\-jagadguru\-sha~NkarAchAryasvAmi\-
shrImaheshvarAnandasarasvatIvirachitaM1 bhAratavijayastotraM samAptam |

(1. 2019 saMvadi chInAkramaNAvasare vArANaseya\-saMskR^ita\-
vishvavidyAlayopakulapatishrIsuratinArAyaNamaNitripAThimahodayaiH
prArthanayA stotramidaM virachitam | nyUnAdhikabhAvena tatrA.anyatra
cha saMskatasaMsthAneShu prArthanAyAM sugR^ihItamabhavat |)

##
Proofread by Aruna Narayanan narayanan.aruna at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}