% Text title            : Shri Bhadrakali Ashtakam
% File name             : bhadrakAlyaShTakam.itx
% Category              : devii, dashamahAvidyA, devI, aShTaka
% Location              : doc\_devii
% Transliterated by     : PSA Easwaran
% Proofread by          : PSA Easwaran
% Latest update         : January 18, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhadrakali Ashtakam ..}##
\itxtitle{.. shrIbhadrakAlyaShTakam ..}##\endtitles ## 
ghore saMsAravahnau pralayamupagate yA hi kR^itvA shmashAne
     nR^ityatyanyUnashaktirjagadidamakhilaM muNDamAlAbhirAmA |
bhidyadbrahmANDabhANDaM paTutaraninadairaTTahAsairudAraiH
     sAsmAkaM vairivargaM shamayatu tarasA bhadradA bhadrakAlI || 1||
magne loke.amburAshau nalinabhavanutA viShNunA kArayitvA
     chakrotkR^ittorukaNThaM madhumapi bhayadaM kaiTabhaM chAtibhImam |
padmotpatteH prabhUtaM bhayamuta riputoyAharatsAnukampA
     sAsmAkaM vairivargaM shamayatu tarasA bhadradA bhadrakAlI || 2||
vishvatrANaM vidhAtuM mahiShamatha rANe yA.asuraM bhImarUpaM
     shUlenAhatya vakShasyamarapatinutA pAtayantI cha bhUmau |
tasyAsR^igvAhinIbhirjalanidhimakhilaM shoNitAbhaM cha chakre
     sAsmAkaM vairivargaM shamayatu tarasA bhadradA bhadrakAlI || 3||
yA devI chaNDamuNDau tribhuvananalinIvAraNau devashatrU
     dR^iShTvA yuddhotsave tau drutataramabhiyAtAsinA kR^ittakaNThau |
kR^itvA tadraktapAnodbhavamadamuditA sATTahAsAtibhImA
     sAsmAkaM vairivargaM shamayatu tarasA bhadradA bhadrakAlI || 4||
sadyastaM raktabIjaM samarabhuvi natA ghorarUpAnasa~NkhyAn
     rAktodbhUtairasa~NkhyairgajaturagarathaissArthamanyAMshcha daityAn |
vaktre nikShipya daShTvA gurutaradashanairApapau shoNitaughaM
     sAsmAkaM vairivargaM shamayatu tarasA bhadradA bhadrakAlI || 5||
sthAnAdbhraShTaishcha devaistuhinagiritaTe sa~NgataissaMstutA yA
     sa~NkhyAhInaissametaM tridasharipugaNaissyandanebhAshvayuktaiH |
yuddhe shumbhaM nishumbhaM tribhuvanavipadaM nAshayantI cha jaghne
     sAsmAkaM vairivargaM shamayatu tarasA bhadradA bhadrakAlI || 6||
shambhornetrAnale yA jananamapi jagattrANahetorayAsIt
     bhUyastIkShNAtidhArAvidalitadanujA dArukaM chApi hatvA |
tasyAsR^ikpAnatuShTA muhurapi kR^itavatyaTTahAsaM kaThoraM
     sAsmAkaM vairivargaM shamayatu tarasA bhadradA bhadrakAlI || 7||
yA devI kAlarAtrI tuhinagirasutA lokamAtA dharitrI
     vaNI nidrA cha mAyAmanasijadayitA ghorarUpAtisaumyA |
chAmuNDA khaDgahastA ripuhananaparA shoNitAsvAdakAmA
     sA hanyAdvishvavandyA mama ripunivahA bhadradA bhadrakAlI || 8||
bhadrakAlyaShTakaM japyaM shatrusa.nkShayakA~NkShiNA |
svargApavargadaM puNyaM duShTagrahanivAraNam || 9||

iti shrIbhadrakAlyaShTakaM sampUrNam | 
##
Encoded and proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}