% Text title            : bhairavI Hridayam
% File name             : bhairavIhRidaya.itx
% Category              : hRidaya, devii, dashamahAvidyA
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay
% Latest update         : October 1, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhairavi Hridaya ..}##
\itxtitle{.. shrIbhairavIhR^idayam ..}##\endtitles ##

|| shrIgaNeshAya namaH ||
|| shrIumAmaheshvarAbhyAM namaH ||
|| atha shrIbhairavIhR^idaya prArambhaH ||

merau girivareshAnI shivandhyAnaparAyaNam |
pArvatI paripaprachCha parAnugrahavA~nChayA || 1||

shrIpArvatyuvAcha

bhagavaMstvanmukhAmbhojAchChrutA dharmA anekashaH |
punahsshrotuM samichChAmi bhairavIstotramuttamam || 2||

shrIsha~Nkara uvAcha

shR^iNu devi pravakShyAmi bhairavIhR^idayAhvayam |
stotrantu paramampuNyaM sarvakalyANakAraNam || 3||

yasya shravaNamAtreNa ma~Ngalambhavati dhruvam |
vinA dhyAnAdinA vApi bhairavI parituShyati || 4||

OM asya shrIbhairavIhR^idayamantrasya dakShiNAmUrtti R^iShiH | 
pa~Nkti ChandaH | bhayavidhvaMsinI bhairavI devatA | 
hakAro bIjam | rIM shaktiH | raiH kIlakam |
sarvabhayavidhvaMsanArthe jape (pAThe) viniyogaH ||

|| atha karanyAsaH ||
OM hrIM a~NguShThAbhyAM namaH |
OM shrIM tarjanIbhyAM namaH |
OM aiM madhyamAbhyAM namaH |
OM hrIM anAmikAbhyAM namaH |
OM shrIM kaniShThikAbhyAM namaH |
OM aiM karatalakarapR^iShThAbhyAM namaH ||
|| iti karanyAsaH ||
|| atha hR^idayAdiShaDa~NganyAsaH || 
OM hrIM hR^idayAya namaH | 
OM shrIM shirase svAhA | 
OM aiM shikhAyai vaShaT | 
OM hrIM kavachAya hum |
OM shrIM netratrayAya vauShaT | 
OM aiM astrAya phaT ||
|| iti hR^idayAdiShaDa~NganyAsaH ||

|| atha dhyAnam ||

devairdhdye yAntrinetrAmasuradalaghanAraNyarorAgnirUpAM
raudrIM raktAmbarADhyAM ratighaTighaTitorojayugmograrUpAm |
chandrArddhabhrAjibhavyAbharaNakaralasadbhAlabimbAmbhavAnIM
sindUrApUritA~NgIM tribhuvanajananIM bhairavIM bhAvayAmi ||

bhavabhramatsamastabhUtavedamArgadAyinI\-
    ndurantaduHkhadAriNIMvidAriNIM suradruhAm |
bhavapradAmbhavAndhakArabhedanaprabhAkarA\-
    mitaprabhAmbhavachChidAmbhajAmi bhairavIM sadA || 1||

uraH pralambitAhimAlyachandrabhAlabhUShaNAn\-
    navAmbudaprabhAM sarojachArulochanatrayAm | 
suparvavR^indavanditAM surApadantakArikA\-
    mbhavAnubhAvabhAvinIM bhajAmi bhairavIM sadA || 2||

akhaNDabhUmimaNDalaikabhAradhIradhAriNIM
    subhaktibhAvitAtmanAM vibhUtibhavyadAyinIm |
bhavaprapa~nchakAriNIM vihAriNIM bhavAmbudhau
    bhavasyahR^idayabhAvinIM bhajAmi bhairavIM sadA || 3||

sharachchamatkR^itArchyachandrachandrikAvirodhika\-
    prabhAvatImukhAbjama~njumAdhurImiladgirAm |
bhuja~NgamAlayA nR^imuNDamAlayA cha maNDitAM
    subhaktimuktibhUtidAM bhajAmi bhairavIM sadA || 4||

sudhAMshusUryavahnilochanatrayAnvitAnanAn\-
    narAntakAntakaprabhUtiparvadatta dakShiNAm |
samuNDachaNDakhaNDanaprachaNDachandrahAsinI\-
    ntamomatiprakAshinIM bhajAmi bhairavIM sadA || 5||

trishUlinIM tripuNDrinIM trikhaNDinIM tridaNDinIM
    guNatrayAtiraktamatyachintyachitsvarUpiNIm |
savAsavAditeyavairivR^indavaMshabhedinIM
    bhavaprabhAvabhAvinIM bhajAmi bhairavIM sadA || 6||

sudIptakoTibAlabhAnumaNDalaprabhA~NgamA\-
    digantadAritAndhakArabhUripu~njapaddhatim |
dvijanmanityadharmmanItivR^iddhilagnamAnasAM
    sarojarochirAnanAM bhajAmi bhairavIM sadA || 7||

chalatsuvarNakuNDalaprabhollasatkapolaruk\-
    samAkulAnanAmbujasthashubhrakIra nAsikAm |
sachandrabhAlabhairavasya darshanaspR^ihachchakora\-
    nIlaka~njadarshanAM bhajAmi bhairavIM sadA || 8||

imaM hR^idAkhyasa~NgatastavampaThanti ye.anisha\-
    mpatanti te kadApinAndhakUparUpavadbhave |
bhavanti cha prabhUtibhaktimuktimanta ujjvalA\-
    stataH prasIdati pramodamAnasA cha bhairavI || 9||

yashojagatyajasramujjvala~njayatyalaM same
    na tasya jAyate parAjayo~njasA jagattraye |
sadA stutiM shubhAmimAmpaThatyananyamAnaso
    bhavanti tasya sampado.apisantataM sukhapradAH || 10||

japapUjAdikAssarvAH stotrapAThAdikAshcha yAH |
bhairavIhR^idayasyAsya kalAnnArhanti ShoDashIm || 11||

kimatra bahunoktena shR^iNu devi maheshvari |
nAtaH paratara~Nki~nchitpuNyamasti jagattraye || 12||

|| iti shrIbhairavIkulasarvasve shrIbhairavIhR^idayastotraM samAptam ||
##
Encoded and proofread by Gopal Upadhyay gopal.j.upadhyay at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}