% Text title            : bhairavI Stavaraja
% File name             : bhairavIstavarAja.itx
% Category              : stavarAja, devii, dashamahAvidyA
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay
% Latest update         : October 1, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhairavi StavarAja ..}##
\itxtitle{.. shrIbhairavIstavarAjaH ..}##\endtitles ##

|| shrIgaNeshAya namaH ||
|| shrIumAmaheshvarAbhyAM namaH ||
|| atha bhairavIstavarAjaprArambhaH || 
brahmAdayaH stutishatairapi sUkShmarUpaM
    jAnanti naiva jagadAdimanAdimUrtim | 
tasmAdvayaM kuchanatAM nava ku~NkumAbhAM
    sthUlAM stumaH sakalavA~NmayamAtR^ibhUtAm || 1|| 
sadyaH samudyatasahasradivAkarAbhAM
    vidyAkShasUtravaradAbhayAchihnahastAm | 
netrotpalaistribhirala~NkR^itavaktrapadmAM
    tvAM tArahAraruchirAM tripure bhajAmaH || 2|| 
sindUrapUraruchiraM kuchabhAranamraM
    janmAntareShu kR^itapuNyaphalaikagamyam | 
anyonyabhedakalahAkulamAnasAste
    jAnanti kiM jaDadhiyastavarUpamamba || 3|| 
sthUlAM vadanti munayaH shrutayo gR^iNanti
    sUkShmAM vadanti vachasA madhivAsamanye | 
tvAM mUlamAhurapare jagatAM bhavAni
    manyAmahe vayamapArakR^ipAmburAshim || 4|| 
chandrAvataMsakalitAM sharadindushubhrAM
    pa~nchAshadakSharamayIM hR^idi bhAvayantIm | 
tvAM pustakaM japavaTImamR^itAmbukumbhaM
    vyAkhyAM cha hastakamalairdadhatIM trinetrAm || 5||
shambhustvamadritanayA kalitArddhabhAgo
    viShNustvamamba kamalAparirabdhadehaH | 
padmodbhavastvamapi vAgadhivAsabhUme\-
    steShAM kriyAshcha jagati tripure tvameva || 6|| 
Ashritya vAgbhavabhavAMshchaturaH parAdIn
    bhAvAnpadeShu vihitAnsamudIrayantIm | 
kaNThAdibhishva karaNaiH paradevatAM tvAM
    saMvinmayIM hR^idi kadApi na vismarAmi || 7|| 
Aku~nchya vAyumavajitya cha vairiShaTka\-
    mAlokya nishchaladhiyA nijanAsikAgram | 
dhyAyanti mUrdhni kalitendukalAvasantaM
    tvadrUpamamba kR^itinastaruNArkamitram || 8|| 
tvaM prApya manmathariporvapurarddhabhAgaM
    sR^iShTiM karoShi jagatAmiti vedavAdaH | 
satyaM tadadritanaye jagadekamAta\-
    rno chedasheShajagataH sthitireva na syAt || 9|| 
pUjAM vidhAya kusumaiH surapAdapAnAM
    pIThe tavAmba kanakAchalagahvareShu | 
gAyanti siddhavanitAH saha kinnarIbhi\-
    rAsvAditAsavarasAruNanetrapadmAH || 10|| 
vidyudvilAsavapuShaH shriyamudvahantIM
    yAntIM svavAsabhavanAchChivarAjadhAnIm | 
sauShumnavartmakamalAni vikAsayantIM
    devIM bhaje hR^idi parAmR^itasiktagAtrAm || 11|| 
AnandajanmabhavanaM bhavanaM shrutInAM
    chaitanyamAtratanumamba tavAshrayAmi | 
brahmeshaviShNubhirupAsitapAdapaj~nmAM
    saubhAgyajanmavasatiM tripure yathAvat || 12|| 
shabdArthabhAvi bhavanaM sR^ijantIndurUpA yA
    tadbibharti punararkatanuH svashaktyA | 
brahmAtmikA harati tatsakalaM yugAnte
    tAM shAradA manasi jAtu na vismarAmi || 13|| 
nArAyaNIti narakArNavatAriNIti
    gaurIti khedashamanIti sarasvatIti | 
j~nAnapradeti nayanatrayabhUShiteti
    tvAmadrirAjatanaye bahudhA vadanti || 14|| 
ye stuvanti jaganmAtaH shlokairdvAdashabhiH kramAt | 
tvAmanuprApya vAksiddhiM prApnuyuste narAH shriyam || 15|| 

|| iti shrIrudrayAmale bhairavIstavarAjaH sampUrNam ||

##
Encoded and proofread by Gopal Upadhyay gopal.j.upadhyay at gmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}