श्रीभुवनेश्वरीभकारादिसहस्रनामस्तोत्रम्
श्री भुवनेश्वरी भकारादि सहस्रनाम स्तोत्रं - महातन्त्रार्णवं
ॐ अस्य श्रीभुवनेश्वरीसहस्रनाममन्त्रस्य सदाशिव ऋषिः ।
अनुष्टुप् छन्दः । श्री भुवनेश्वरीदेवता ।
लज्जा (ह्रीं) बीजम् । कमला (श्रीं) शक्तिः । वाग्भवं (ऐं) कीलकम् ।
श्री भुवनेश्वरी प्रसादसिद्ध्यर्थे सर्वार्थसाधने
सहस्रनामजपे विनियोगः ॥
ध्यानम् -
बालरविद्युतिमिन्दुकिरीटां तुङ्गकुचां नयनत्रययुक्ताम् ।
स्मेरमुखीं वरदाङ्कुशपाशाभीतिकरां प्रभजे भुवनेशीम् ॥
अथ श्रीभुवनेश्वरीभकारादिसहस्रनामस्तोत्रम् ।
ॐ भुवनेशी भुवाराघ्या भवानी भयनाशिनी ।
भवरूपा भवानन्दा भवसागरतारिणी ॥ १॥
भवोद्भवा भवरता भवभारनिवारिणी ।
भव्याना भव्यनयना भव्यरूपा भवौषधिः ॥ २॥
भव्याङ्गना भव्यकेशी भवपाशविमोचिनी ।
भव्यासना भव्यवस्त्रा भव्याभरणभूषिता ॥ ३॥
भगरूपा भगानन्दा भगेशी भगमालिनी ।
भगविद्या भगवती भगक्लिन्ना भगावहा ॥ ४॥
भगाङ्कुरा भगक्रीडा भगाद्या भगमङ्गला ।
भगलीला भगप्रीता भगसम्पद्भगेश्वरी ॥ ५॥
भगालया भगोत्साहा भगस्था भगपोषिणी ।
भगोत्सवा भगविद्या भगमाता भगस्थिता ॥ ६॥
भगशक्तिर्ब्भगनिधिब्भगपूजा भगेषणा ।
भगस्वापा भगाधीशा भगार्च्या भगसुन्दरी ॥ ७॥
भगरेखा भगस्नेहा भगस्नेहविवर्धिनी ।
भगिनी भगबीजस्था भगभोगविलासिनी ॥ ८॥
भगाचारा भगाधारा भगाकारा भगाश्रया ।
भगपुष्पा भगश्रीदा भगपुष्पनिवासिनी ॥ ९॥
भव्यरूपधरा भव्याभव्यपुष्पैरलङ्कृता ।
भव्यलीला भव्यमाला भव्याङ्गी भव्यसुन्दरी ॥ १०॥
भव्यशीला भव्यलीला भव्याक्षी भव्यनाशिनी ।
भव्याङ्गिका भव्यवाणी भव्यकान्तिर्ब्भगालिनी ॥ ११॥
भव्यत्रपा भव्यनदी भव्यभोगविहारिणी ।
भव्यस्तनी भव्यमुखी भव्यगोष्ठी भयापहा ॥ १२॥
भक्तेश्वरी भक्तिकरी भक्तानुग्रहकारिणी ।
भक्तिदा भक्तिजननी भक्तानन्दविवर्द्धिनी ॥ १३॥
भक्तिप्रिया भक्तिरता भक्तिभावविहारिणी ।
भक्तिशीला भक्तिलीला भक्तेशी भक्तिपालिनी ॥ १४॥
भक्तिविद्या भक्तविद्या भक्तिर्भक्तिविनोदिनी ।
भक्तिरीतिर्ब्भक्तिप्रीतिर्भक्तिसाधनसाधिनी ॥ १५॥
भक्तिसाध्या भक्तसाध्या भक्तिराली भवेश्वरी ।
भटविद्या भटानन्दा भटस्था भटरूपिणी ॥ १६॥
भटमान्या भटस्थान्या भटस्थाननिवासिनी ।
भटिनी भटरूपेशी भटरूपविवर्द्धिनी ॥ १७॥
भटवेशी भटेशी च भटभाग्भवसुन्दरी ।
भटप्रीत्या भटरीत्या भटानुग्रहकारिणी ॥ १८॥
भटाराध्या भटबोध्या भटबोधविनोदिनी ।
भटैस्सेव्या भटवरा भटार्च्च्या भटबोधिनी ॥ १९॥
भटकीर्त्त्या भटकला भटपा भटपालिनी ।
भटैश्वर्या भटाधीशा भटेक्षा भटतोषिणी ॥ २०॥
भटेशी भटजननी भटभाग्यविवर्द्धिनी ।
भटमुक्तिर्भटयुक्तिर्ब्भटप्रीतिविवर्द्धिनी ॥ २१॥
भाग्येशी भाग्यजननी भाग्यस्था भाग्यरूपिणी ।
भावनाभावकुशला भावदा भाववर्द्धिनी ॥ २२॥
भावरूपा भावरसा भावान्तरविहारिणी ।
भावाङ्कुरा भावकला भावस्थाननिवासिनी ॥ २३॥
भावातुरा भावधृता भावमध्यव्यवस्थिता ।
भावऋद्धिर्ब्भावसिद्धिर्ब्भावादिर्ब्भावभाविनी ॥ २४॥
भावालया भावपरा भावसाधनतत्परा ।
भावेश्वरी भावगम्या भावस्था भावगर्विता ॥ २५॥
भाविनी भावरमणी भारती भारतेश्वरी ।
भागीरथी भाग्यवती भाग्योदयकरीकला ॥ २६॥
भाग्याश्रया भाग्यमयी भाग्या भाग्यफलप्रदा ।
भाग्यचारा भाग्यसारा भाग्यधारा च भाग्यदा ॥ २७॥
भाग्येश्वरी भाग्यनिधिर्भाग्या भाग्यसुमातृका ।
भाग्येक्षा भाग्यना भाग्यभाग्यदा भाग्यमातृका ॥ २८॥
भाग्येक्षा भाग्यमनसा भाग्यादिर्भाग्यमध्यगा ।
भ्रातेश्वरी भ्रातृमती भ्रात्र्यम्बा भ्रातृपालिनी ॥ २९॥
भ्रातृस्था भ्रातृकुशला भ्रामरी भ्रमराम्बिका ।
भिल्लरूपा भिल्लवती भिल्लस्था भिल्लपालिनी ॥ ३०॥
भिल्लमाता भिल्लधात्री भिल्लिनी भिल्लकेश्वरी ।
भिल्लकीर्त्तिर्ब्भिल्लकला भिल्लमन्दिरवासिनी ॥ ३१॥
भिल्लक्रीडा भिल्ललीला भिल्लार्च्च्या भिल्लवल्लभा ।
भिल्लस्नुषा भिल्लपुत्री भिल्लिनी भिल्लपोषिणी ॥ ३२॥
भिल्लपौत्री भिल्लगोष्ठी भिल्लाचारनिवासिनी ।
भिल्लपूज्या भिल्लवाणी भिल्लानी भिल्लभीतिहा ॥ ३३॥
भीतस्था भीतजननी भीतिर्भीतिविनाशिनी ।
भीतिदा भीतिहा भीत्या भीत्याकारविहारिणी ॥ ३४॥
भीतेशी भीतिशमनी भीतस्थाननिवासिनी ।
भीतिरीत्या भीतिकला भीतीक्षा भीतिहारिणी ॥ ३५॥
भीमेशी भीमजननी भीमा भीमनिवासिनी ।
भीमेश्वरी भीमरता भीमाङ्गी भीमपालिनी ॥ ३६॥
भीमनादी भीमतन्त्री भीमैश्वर्यविवर्द्धिनी ।
भीमगोष्ठी भीमधात्री भीमविद्याविनोदिनी ॥ ३७॥
भीमविक्रमदात्री च भीमविक्रमवासिनी ।
भीमानन्दकरीदेवी भीमानन्दविहारिणी ॥ ३८॥
भीमोपदेशिनी नित्या भीमभाग्यप्रदायिनी ।
भीमसिद्धिर्ब्भीमऋद्धिर्ब्भीमभक्तिविवर्द्धिनी ॥ ३९॥
भीमस्था भीमवरदा भीमधर्मोपदेशिनी ।
भीष्मेश्वरी भीष्मभृती भीष्मबोधप्रबोधिनी ॥ ४०॥
भीष्मश्रीर्ब्भीष्मजननी भीष्मज्ञानोपदेशिनी ।
भीष्मस्था भीष्मतपसा भीष्मेशी भीष्मतारिणी ॥ ४१॥
भीष्मलीला भीष्मशीला भीष्मरोदिनिवासिनी ।
भीष्माश्रया भीष्मवरा भीष्महर्षविवर्द्धिनी ॥ ४२॥
भुवना भुवनेशानी भुवनानन्दकारिणी ।
भुविस्था भुविरूपा च भुविभारनिवारिणी ॥ ४३॥
भुक्तिस्था भुक्तिदा भुक्तिर्ब्भुक्तेशी भुक्तिरूपिणी ।
भुक्तेश्वरी भुक्तिदात्री भुक्तिराकाररूपिणी ॥ ४४॥
भुजङ्गस्था भुजङ्गेशी भुजङ्गाकाररूपिणी ।
भुजङ्गी भुजगावासा भुजङ्गानन्ददायिनी ॥ ४५॥
भूतेशी भूतजननी भूतस्था भूतरूपिणी ।
भूतेश्वरी भूतलीला भूतवेषकरी सदा ॥ ४६॥
भूतदात्री भूतकेशी भूतधात्री महेश्वरी ।
भूतरीत्या भूतपत्नी भूतलोकनिवासिनी ॥ ४७॥
भूतसिद्धिर्ब्भूतऋद्धिर्भूतानन्दनिवासिनी ।
भूतकीर्त्तिर्ब्भूतलक्ष्मीर्ब्भूतभाग्यविवर्द्धिनी ॥ ४८॥
भूतार्च्च्या भूतरमणी भूतविद्याविनोदिनी ।
भूतपौत्री भूतपुत्री भूतभार्याविधीश्वरी ॥ ४९॥
भूपस्था भूपरमणी भूतेशी भूपपालिनी ।
भूपमाता भूपनिभा भूपैश्वर्यप्रदायिनी ॥ ५०॥
भूपचेष्टा भूपनेष्ठा भूपभावविवर्द्धिनी ।
भूपस्वसा भूपभूरी भूपपौत्री तथा वधूः ॥ ५१॥
भूपकीर्त्तिर्ब्भूपनीतिर्ब्भूपभाग्यविवर्द्धिनी ।
भूपक्रिया भूपक्रीडा भूपमन्दरवासिनी ॥ ५२॥
भूपार्च्च्या भूपसंराध्या भूपभोगविवर्द्धिनी ।
भूपाश्रया भूपकला भूपकौतुकदण्डिनी ॥ ५३॥
भूषणस्था भूषणेशी भूषा भूषणधारिणी ।
भूषणाधारधर्मेशी भूषणाकाररूपिणी ॥ ५४॥
भूपताचारनिलया भूपताचारभूषिता ।
भूपताचाररचना भूपताचारमण्डिता ॥ ५५॥
भूपताचारधर्मेशी भूपताचारकारिणी ।
भूपताचारचरिता भूपताचारवर्जिता ॥ ५६॥
भूपताचारवृद्धिस्था भूपताचारवृद्धिदा ।
भूपताचारकरणा भूपताचारकर्मदा ॥ ५७॥
भूपताचारकर्मेशी भूपताचारकर्मदा ।
भूपताचारदेहस्था भूपताचारकर्मिणी ॥ ५८॥
भूपताचारसिद्धिस्था भूपताचारसिद्धिदा ।
भूपताचारधर्माणी भूपताचारधारिणी ॥ ५९॥
भूपतानन्दलहरी भूपतेश्वररूपिणी ।
भूपतेर्न्नीतिनीतिस्था भूपतिस्थानवासिनी ॥ ६०॥
भूपतिस्थानगीर्वाणी भूपतेर्वरधारिणी ।
भेषजानन्दलहरी भेषजानन्दरूपिणी ॥ ६१॥
भेषजानन्दमहिषी भेषजानन्दधारिणी ।
भेषजानन्दकर्मेशी भेषजानन्ददायिनी ॥ ६२॥
भैषजी भैषजाकन्दा भेषजस्थानवासिनी ।
भेषजेश्वररूपा च भेषजेश्वरसिद्धिदा ॥ ६३॥
भेषजेश्वरधर्मेशी भेषजेश्वरकर्मदा ।
भेषजेश्वरकर्मेशी भेषजेश्वरकर्मिणी ॥ ६४॥
भेषजाधीशजननी भेषजाधीशपालिनी ।
भेषजाधीशरचना भेषजाधीशमङ्गला ॥ ६५॥
भेषजारण्यमध्यस्था भेषजारण्यरक्षिणी ।
भैषज्यविद्या भैषज्या भैषज्येप्सितदायिनी ॥ ६६॥
भैषज्यस्था भैषजेशी भैषज्यानन्दवर्द्धिनी ।
भैरवी भैरवीचारा भैरवाकाररूपिणी ॥ ६७॥
भैरवाचारचतुरा भैरवाचारमण्डिता ।
भैरवा भैरवेशी च भैरवानन्ददायिनी ॥ ६८॥
भैरवानन्दरूपेशी भैरवानन्दरूपिणी ।
भैरवानन्दनिपुणा भैरवानन्दमन्दिरा ॥ ६९॥
भैरवानन्दतत्त्वज्ञा भैरवानन्दतत्परा ।
भैरवानन्दकुशला भैरवानन्दनीतिदा ॥ ७०॥
भैरवानन्दप्रीतिस्था भैरवानन्दप्रीतिदा ।
भैरवानन्दमहिषी भैरवानन्दमालिनी ॥ ७१॥
भैरवानन्दमतिदा भैरवानन्दमातृका ।
भैरवाधारजननी भैरवाधाररक्षिणी ॥ ७२॥
भैरवाधाररूपेशी भैरवाधाररूपिणी ।
भैरवाधारनिचया भैरवाधारनिश्चया ॥ ७३॥
भैरवाधारतत्त्वज्ञा भैरवाधारतत्त्वदा ।
भैरवाश्रयतन्त्रेशी भैरवाश्रयमन्त्रिणी ॥ ७४॥
भैरवाश्रयरचना भैरवाश्रयरञ्जिता ।
भैरवाश्रयनिर्द्धारा भैरवाश्रयनिर्ब्भरा ॥ ७५॥
भैरवाश्रयनिर्द्धारा भैरवाश्रयनिर्द्धरा ।
भैरवानन्दबोधेशी भैरवानन्दबोधिनी ॥ ७६॥
भैरवानन्दबोधस्था भैरवानन्दबोधदा ।
भैरव्यैश्वर्यवरदा भैरव्यैश्वर्यदायिनी ॥ ७७॥
भैरव्यैश्वर्यरचना भैरव्यैश्वर्यवर्द्धिनी ।
भैरव्यैश्वर्यसिद्धिस्था भैरव्यैश्वर्यसिद्धिदा ॥ ७८॥
भैरव्यैश्वर्यसिद्धेशी भैरव्यैश्वर्यरूपिणी ।
भैरव्यैश्वर्यसुपथा भैरव्यैश्वर्यसुप्रभा ॥ ७९॥
भैरव्यैश्वर्यवृद्धिस्था भैरव्यैश्वर्यवृद्धिदा ।
भैरव्यैश्वर्यकुशला भैरव्यैश्वर्यकामदा ॥ ८०॥
भैरव्यैश्वर्यसुलभा भैरव्यैश्वर्यसम्प्रदा ।
भैरव्यैश्वर्यविशदा भैरव्यैश्वर्यविक्रिया ॥ ८१॥
भैरव्यैश्वर्यविनया भैरव्यैश्वर्यवेदिता ।
भैरव्यैश्वर्यमहिमा भैरव्यैश्वर्यमानिनी ॥ ८२॥
भैरव्यैश्वर्यनिरता भैरव्यैश्वर्यनिर्मिता ।
भोगेश्वरी भोगमाता भोगस्था भोगरक्षिणी ॥ ८३॥
भोगक्रीडा भोगलीला भोगेशी भोगवर्द्धिनी ।
भोगाङ्गी भोगरमणी भोगाचारविचारिणी ॥ ८४॥
भोगाश्रया भोगवती भोगिनी भोगरूपिणी ।
भोगाङ्कुरा भोगविधा भोगाधारनिवासिनी ॥ ८५॥
भोगाम्बिका भोगरता भोगसिद्धिविधायिनी ।
भोजस्था भोजनिरता भोजनानन्ददायिनी ॥ ८६॥
भोजनानन्दलहरी भोजनान्तर्विहारिणी ।
भोजनानन्दमहिमा भोजनानन्दभोग्यदा ॥ ८७॥
भोजनानन्दरचना भोजनानन्दहर्षिता ।
भोजनाचारचतुरा भोजनाचारमण्डिता ॥ ८८॥
भोजनाचारचरिता भोजनाचारचर्चिता ।
भोजनाचारसम्पन्ना भोजनाचारसंयुता ॥ ८९॥
भोजनाचारचित्तस्था भोजनाचाररीतिदा ।
भोजनाचारविभवा भोजनाचारविस्तृता ॥ ९०॥
भोजनाचाररमणी भोजनाचाररक्षिणी ।
भोजनाचारहरिणी भोजनाचारभक्षिणी ॥ ९१॥
भोजनाचारसुखदा भोजनाचारसुस्पृहा ।
भोजनाहारसुरसा भोजनाहारसुन्दरी ॥ ९२॥
भोजनाहारचरिता भोजनाहारचञ्चला ।
भोजनास्वादविभवा भोजनास्वादवल्लभा ॥ ९३॥
भोजनास्वादसन्तुष्टा भोजनास्वादसम्प्रदा ।
भोजनास्वादसुपथा भोजनास्वादसंश्रया ॥ ९४॥
भोजनास्वादनिरता भोजनास्वादनिर्णिता ।
भौक्षरा भौक्षरेशानी भौकाराक्षररूपिणी ॥ ९५॥
भौक्षरस्था भौक्षरादिर्ब्भौक्षरस्थानवासिनी ।
भङ्कारी भर्म्मिणी भर्मी भस्मेशी भस्मरूपिणी ॥ ९६॥
भङ्कारा भञ्चना भस्मा भस्मस्था भस्मवासिनी ।
भक्षरी भक्षराकारा भक्षरस्थानवासिनी ॥ ९७॥
भक्षराढ्या भक्षरेशी भरूपा भस्वरूपिणी ।
भूधरस्था भूधरेशी भूधरी भूधरेश्वरी ॥ ९८॥
भूधरानन्दरमणी भूधरानन्दपालिनी ।
भूधरानन्दजननी भूधरानन्दवासिनी ॥ ९९॥
भूधरानन्दरमणी भूधरानन्दरक्षिता ।
भूधरानन्दमहिमा भूधरानन्दमन्दिरा ॥ १००॥
भूधरानन्दसर्वेशी भूधरानन्दसर्वसूः ।
भूधरानन्दमहिषी भूधरानन्ददायिनी ॥ १०१॥
भूधराधीशधर्मेशी भूधरानन्दधर्मिणी ।
भूधराधीशधर्मेशी भूधराधीशसिद्धिदा ॥ १०२॥
भूधराधीशकर्मेशी भूधराधीशकामिनी ।
भूधराधीशनिरता भूधराधीशनिर्णिता ॥ १०३॥
भूधराधीशनीतिस्था भूधराधीशनीतिदा ।
भूधराधीशभाग्येशी भूधराधीशभामिनी ॥ १०४॥
भूधराधीशबुद्धिस्था भूधराधीशबुद्धिदा ।
भूधराधीशवरदा भूधराधीशवन्दिता ॥ १०५॥
भूधराधीशाऽराध्या च भूधराधीशचर्चिता ।
भङ्गेश्वरी भङ्गमयी भङ्गस्था भङ्गरूपिणी ॥ १०६॥
भङ्गाक्षता भङ्गरता भङ्गार्च्च्या भङ्गरक्षिणी ।
भङ्गावती भङ्गलीला भङ्गभोगविलासिनी ॥ १०७॥
भङ्गरङ्गप्रतीकाशा भङ्गरङ्गनिवासिनी ।
भङ्गाशिनी भङ्गमूली भङ्गभोगविधायिनी ॥ १०८॥
भङ्गाश्रया भङ्गबीजा भङ्गबीजाङ्कुरेश्वरी ।
भङ्गयन्त्रचमत्कारा भङ्गयन्त्रेश्वरी तथा ॥ १०९॥
भङ्गयन्त्रविमोहिस्था भङ्गयन्त्रविनोदिनी ।
भङ्गयन्त्रविचारस्था भङ्गयन्त्रविचारिणी ॥ ११०॥
भङ्गयन्त्ररसानन्दा भङ्गयन्त्ररसेश्वरी ।
भङ्गयन्त्ररसस्वादा भङ्गयन्त्ररसस्थिता ॥ १११॥
भङ्गयन्त्ररसाधारा भङ्गयन्त्ररसाश्रया ।
भूधरात्मजरूपेशी भूधरात्मजरूपिणी ॥ ११२॥
भूधरात्मजयोगेशी भूधरात्मजपालिनी ।
भूधरात्मजमहिमा भूधरात्मजमालिनी ॥ ११३॥
भूधरात्मजभूतेशी भूधरात्मजरूपिणी ।
भूधरात्मजसिद्धिस्था भूधरात्मजसिद्धिदा ॥ ११४॥
भूधरात्मजभावेशी भूधरात्मजभाविनी ।
भूधरात्मजभोगस्था भुधरात्मजभोगदा ॥ ११५॥
भूधरात्मजभोगेशी भूधरात्मजभोगिनी ।
भव्या भव्यतरा भव्याभाविनी भववल्लभा ॥ ११६॥
भावातिभावा भावाख्या भातिभा भीतिभान्तिका ।
भासान्तिभासा भासस्था भासाभा भास्करोपमा ॥ ११७॥
भास्करस्था भास्करेशी भास्करैश्वर्यवर्द्धिनी ।
भास्करानन्दजननी भास्करानन्ददायिनी ॥ ११८॥
भास्करानन्दमहिमा भास्करानन्दमातृका ।
भास्करानन्दनैश्वर्या भास्करानन्दनेश्वरा ॥ ११९॥
भास्करानन्दसुपथा भास्करानन्दसुप्रभा ।
भास्करानन्दनिचया भास्करानन्दनिर्मिता ॥ १२०॥
भास्करानन्दनीतिस्था भास्करानन्दनीतिदा ।
भास्करोदयमध्यस्था भास्करोदयमध्यगा ॥ १२१॥
भास्करोदयतेजःस्था भास्करोदयतेजसा ।
भास्कराचारचतुरा भास्कराचारचन्द्रिका ॥ १२२॥
भास्कराचारपरमा भास्कराचारचण्डिका ।
भास्कराचारपरमा भास्कराचारपारदा ॥ १२३॥
भास्कराचारमुक्तिस्था भास्कराचारमुक्तिदा ।
भास्कराचारसिद्धिस्था भास्कराचारसिद्धिदा ॥ १२४॥
भास्कराचरणाधारा भास्कराचरणाश्रिता ।
भास्कराचारमन्त्रेशी भास्कराचारमन्त्रिणी ॥ १२५॥
भास्कराचारवित्तेशी भास्कराचारचित्रिणी ।
भास्कराधारधर्मेशी भास्कराधारधारिणी ॥ १२६॥
भास्कराधाररचना भास्कराधाररक्षिता ।
भास्कराधारकर्माणी भास्कराधारकर्मदा ॥ १२७॥
भास्कराधाररूपेशी भास्कराधाररूपिणी ।
भास्कराधारकाम्येशी भास्काराधारकामिनी ॥ १२८॥
भास्कराधारसांशेशी भास्कराधारसांशिनी ।
भास्कराधारधर्मेशी भास्कराधारधामिनी ॥ १२९॥
भास्कराधारचक्रस्था भास्कराधारचक्रिणी ।
भास्करेश्वरक्षत्रेशी भास्करेश्वरक्षत्रिणी ॥ १३०॥
भास्करेश्वरजननी भास्करेश्वरपालिनी ।
भास्करेश्वरसर्वेशी भास्करेश्वरशर्वरी ॥ १३१॥
भास्करेश्वरसद्भीमा भास्करेश्वरसन्निभा ।
भास्करेश्वरसुपथा भास्करेश्वरसुप्रभा ॥ १३२॥
भास्करेश्वरयुवती भास्करेश्वरसुन्दरी ।
भास्करेश्वरमूर्तेशी भास्करेश्वरमूर्तिनी ॥ १३३॥
भास्करेश्वरमित्रेशी भास्करेश्वरमन्त्रिणी ।
भास्करेश्वरसानन्दा भास्करेश्वरसाश्रया ॥ १३४॥
भास्करेश्वरचित्रस्था भास्करेश्वरचित्रदा ।
भास्करेश्वरचित्रेशी भास्करेश्वरचित्रिणी ॥ १३५॥
भास्करेश्वरभाग्यस्था भास्करेश्वरभाग्यदा ।
भास्करेश्वरभाग्येशी भास्करेश्वरभाविनी ॥ १३६॥
भास्करेश्वरकीर्त्त्येशी भास्करेश्वरकीर्तिनी ।
भास्करेश्वरकीर्तिस्था भास्करेश्वरकीर्तिदा ॥ १३७॥
भास्करेश्वरकरुणा भास्करेश्वरकारिणी ।
भास्करेश्वरगीर्वाणी भास्करेश्वरगारुडी ॥ १३८॥
भास्करेश्वरदेहस्था भास्करेश्वरदेहदा ।
भास्करेश्वरनादस्था भास्करेश्वरनादिनी ॥ १३९॥
भास्करेश्वरनादेशी भास्करेश्वरनादिनी ।
भास्करेश्वरकोशस्था भास्करेश्वरकोशदा ॥ १४०॥
भास्करेश्वरकोशेशी भास्करेश्वरकोशिनी ।
भास्करेश्वरशक्तिस्था भास्करेश्वरशक्तिदा ॥ १४१॥
भास्करेश्वरतोषेशी भास्करेश्वरतोषिणी ।
भास्करेश्वरक्षेत्रेशी भास्करेश्वरक्षेत्रिणी ॥ १४२॥
भास्करेश्वरयोगस्था भास्करेश्वरयोगदा ।
भास्करेश्वरयोगेशी भास्करेश्वरयोगिनी ॥ १४३॥
भास्करेश्वरपद्मेशी भास्करेश्वरपद्मिनी ।
भास्करेश्वरहृद्बीजा भास्करेश्वरहृद्वरा ॥ १४४॥
भास्करेश्वरहृद्योनि-र्भास्करेश्वरहृद्युतिः ।
भास्करेश्वरबुद्धिस्था भास्करेश्वरसद्विधा ॥ १४५॥
भास्करेश्वरसद्वाणी भास्करेश्वरसद्वरा ।
भास्करेश्वरराज्यस्था भास्करेश्वरराज्यदा ॥ १४६॥
भास्करेश्वरराज्येशी भास्करेश्वरपोषिणी ।
भास्करेश्वरज्ञानस्था भास्करेश्वरज्ञानदा ॥ १४७॥
भास्करेश्वरज्ञानेशी भास्करेश्वरगामिनी ।
भास्करेश्वरलक्षेशी भास्करेश्वरक्षालिता ॥ १४८॥
भास्करेश्वरलक्षिता भास्करेश्वररक्षिता ।
भास्करेश्वरखड्गस्था भास्करेश्वरखड्गदा ॥ १४९॥
भास्करेश्वरखड्गेशी भास्करेश्वरखड्गिनी ।
भास्करेश्वरकार्येशी भास्करेश्वरकामिनी ॥ १५०॥
भास्करेश्वरकायस्था भास्करेश्वरकायदा ।
भास्करेश्वरचक्षुःस्था भास्करेश्वरचक्षुषा ॥ १५१॥
भास्करेश्वरसन्नाभा भास्करेश्वरसार्चिता ।
भ्रूणहत्याप्रशमनी भ्रूणपापविनाशिनी ॥ १५२॥
भ्रूणदारिद्र्यशमनी भ्रूणरोगनिवाशिनी ।
भ्रूणशोकप्रशमनी भ्रूणदोषनिवारिणी ॥ १५३॥
भ्रूणसन्तापशमनी भ्रूणविभ्रमनाशिनी ।
भवाब्धिस्था भवाब्धीशा भवाब्धिभयनाशिनी ॥ १५४॥
भवाब्धिपारकरणी भवाब्धिसुखवर्द्धिनी ।
भवाब्धिकार्यकरणी भवाब्धिकरुणानिधिः ॥ १५५॥
भवाब्धिकालशमनी भवाब्धिवरदायिनी ।
भवाब्धिभजनस्थाना भवाब्धिभजनस्थिता ॥ १५६॥
भवाब्धिभजनाकारा भवाब्धिभजनक्रिया ।
भवाब्धिभजनाचारा भवाब्धिभजनाङ्कुरा ॥ १५७॥
भवाब्धिभजनानन्दा भवाब्धिभजनाधिपा ।
भवाब्धिभजनैश्वर्या भवाब्धिभजनेश्वरी ॥ १५८॥
भवाब्धिभजनासिद्धिर्ब्भवाब्धिभजनारतिः ।
भवाब्धिभजनानित्या भवाब्धिभजनानिशा ॥ १५९॥
भवाब्धिभजनानिम्ना भवाब्धिभवभीतिहा ।
भवाब्धिभजनाकाम्या भवाब्धिभजनाकला ॥ १६०॥
भवाब्धिभजनाकीर्तिर्ब्भवाब्धिभजनाकृता ।
भवाब्धिशुभदा नित्या भवाब्धिशुभदायिनी ॥ १६१॥
भवाब्धिसकलानन्दा भवाब्धिसकलाकला ।
भवाब्धिसकलासिद्धिर्ब्भवाब्धिसकलानिधिः ॥ १६२॥
भवाब्धिसकलासारा भवाब्धिसकलार्त्थदा ।
भवाब्धिभवनामूर्तिर्ब्भवाब्धिभवनाकृतिः ॥ १६३॥
भवाब्धिभवनाभव्या भवाब्धिभवनाम्भसा ।
भवाब्धिमदनारूपा भवाब्धिमदनातुरा ॥ १६४॥
भवाब्धिमदनेशानी भवाब्धिमदनेश्वरी ।
भवाब्धिभाग्यरचना भवाब्धिभाग्यदा सदा ॥ १६५॥
भवाब्धिभाग्यदाकूला भवाब्धिभाग्यनिर्ब्भरा ।
भवाब्धिभाग्यनिरता भवाब्धिभाग्यभाविता ॥ १६६॥
भवाब्धिभाग्यसञ्चारा भवाब्धिभाग्यसञ्चिता ।
भवाब्धिभाग्यसुपथा भवाब्धिभाग्यसुप्रदा ॥ १६७॥
भवाब्धिभाग्यरीतिज्ञा भवाब्धिभाग्यनीतिदा ।
भवाब्धिभाग्यरीत्येशी भवाब्धिभाग्यरीतिनी ॥ १६८॥
भवाब्धिभोगनिपुणा भवाब्धिभोगसम्प्रदा ।
भवाब्धिभाग्यगहना भवाब्धिभोग्यगुम्फिता ॥ १६९॥
भवाब्धिभोगगान्धारी भवाब्धिभोगगुम्फिता ।
भवाब्धिभोगसुरसा भवाब्धिभोगसुस्पृहा ॥ १७०॥
भवाब्धिभोगग्रथिनी भवाब्धिभोगयोगिनी ।
भवाब्धिभोगरसना भवाब्धिभोगराजिता ॥ १७१॥
भवाब्धिभोगविभवा भवाब्धिभोगविस्तृता ।
भवाब्धिभोगवरदा भवाब्धिभोगवन्दिता ॥ १७२॥
भवाब्धिभोगकुशला भवाब्धिभोगशोभिता ।
भवाब्धिभेदजननी भवाब्धिभेदपालिनी ॥ १७३॥
भवाब्धिभेदरचना भवाब्धिभेदरक्षिता ।
भवाब्धिभेदनियता भवाब्धिभेदनिस्पृहा ॥ १७४॥
भवाब्धिभेदरचना भवाब्धिभेदरोषिता ।
भवाब्धिभेदराशिघ्नी भवाब्धिभेदराशिनी ॥ १७५॥
भवाब्धिभेदकर्मेशी भवाब्धिभेदकर्मिणी ।
भद्रेशी भद्रजननी भद्रा भद्रनिवासिनी ॥ १७६॥
भद्रेश्वरी भद्रवती भद्रस्था भद्रदायिनी ।
भद्ररूपा भद्रमयी भद्रदा भद्रभाषिणी ॥ १७७॥
भद्रकर्णा भद्रवेशा भद्राम्बा भद्रमन्दिरा ।
भद्रक्रिया भद्रकला भद्रिका भद्रवर्द्धिनी ॥ १७८॥
भद्रक्रीडा भद्रकला भद्रलीलाभिलाषिणी ।
भद्राङ्कुरा भद्ररता भद्राङ्गी भद्रमन्त्रिणी ॥ १७९॥
भद्रविद्याऽभद्रविद्या भद्रवाग्भद्रवादिनी ।
भूपमङ्गलदा भूपा भूलता भूमिवाहिनी ॥ १८०॥
भूपभोगा भूपशोभा भूपाशा भूपरूपदा ।
भूपाकृतिर्ब्भूपतिर्ब्भूपश्रीर्ब्भूपश्रेयसी ॥ १८१॥
भूपनीतिर्ब्भूपरीतिर्ब्भूपभीतिर्ब्भयङ्करी ।
भवदानन्दलहरी भवदानन्दसुन्दरी ॥ १८२॥
भवदानन्दकरणी भवदानन्दवर्द्धिनी ।
भवदानन्दरमणी भवदानन्ददायिनी ॥ १८३॥
भवदानन्दजननी भवदानन्दरूपिणी ।
य इदम्पठते स्तोत्रम्प्रत्यहम्भक्तिसंयुतः ॥ १८४॥
गुरुभक्तियुतो भूत्वा गुरुसेवापरायणः ।
सत्यवादी जितेन्द्री च ताम्बूलपूरिताननः ॥ १८५॥
दिवा रात्रौ च सन्ध्यायां स भवेत्परमेश्वरः ।
स्तवमात्रस्य पाठेन राजा वश्यो भवेद्ध्रुवम् ॥ १८६॥
सर्वागमेषु विज्ञानी सर्वतन्त्रे स्वयं हरः ।
गुरोर्मुखात्समभ्यस्य स्थित्वा च गुरुसन्निधौ ॥ १८७॥
शिवस्थानेषु सन्ध्यायाँ शून्यागारे चतुष्पथे ।
यः पठेच्छृणुयाद्वापि स योगी नात्र संशयः ॥ १८८॥
सर्वस्वन्दक्षिणान्दद्यात्स्त्रीपुत्रादिकमेव च ।
स्वच्छन्दमानसो भूत्वा स्तवमेतत्समुद्धरेत् ॥ १८९॥
एतत्स्तोत्ररतो देवि हररूपो न संशयः ।
यः पठेच्छृणुयाद्वापि एकचित्तेन सर्वदा ॥ १९०॥
स दीर्ग्घायुः सुखी वाग्ग्मी वाणी तस्य न संशयः ।
गुरुपादरतो भूत्वा कामिनीनाम्भवेत्प्रियः ॥ १९१॥
धनवान् गुणवाञ्श्रीमान् धीमानिव गुरुः प्रिये ।
सर्वेषान्तु प्रियो भूत्वा पूजयेत्सर्वदा स्तवम् ॥ १९२॥
मन्त्रसिद्धिः करस्थैव तस्य देवि न संशयः ।
कुबेरत्वम्भवेत्तस्य तस्याधीना हि सिद्धयः ॥ १९३॥
मृतपुत्रा च या नारी दौर्ब्भाग्यपरिपीडिता ।
वन्ध्या वा काकवन्ध्या वा मृतवत्सा च याऽङ्गना ॥ १९४॥
धनधान्यविहीना च रोगशोकाकुला च या ।
ताभिरेतन्महादेवि भूर्ज्जपत्रे विलेखयेत् ॥ १९५॥
सव्ये भुजे च बध्नीयात्सर्वसौख्यवती भवेत् ।
एवम्पुनः पुनः प्रायाद्दुःखेन परिपीडिता ॥ १९६॥
सभायां व्यसने व्वाणी विवादे शत्रुसङ्कटे ।
चतुरङ्गे तथा युद्धे सर्वत्रापदि पीडिते ॥ १९७॥
स्मरणादस्य कल्याणि संशयय्याति दूरतः ।
न देयम्परशिष्याय नाभक्ताय च दुर्ज्जने ॥ १९८॥
दाम्भिकाय कुशीलाय कृपणाय सुरेश्वरि ।
दद्याच्छिष्याय शान्ताय विनीताय जितात्मने ॥ १९९॥
भक्ताय शान्तियुक्ताय जपपूजारताय च ।
जन्मान्तरसहस्रैस्तु वर्णितुन्नैव शक्यते ॥ २००॥
स्तवमात्रस्य माहात्म्यव्वक्त्रकोटिशतैरपि ।
विष्णवे कथितम्पूर्वं ब्रह्मणापि प्रियंवदे ॥ २०१॥
अधुनापि तव स्नेहात्कथितम्परमेश्वरि ।
गोपितव्यम्पशुभ्यश्च सर्वथा च प्रकाशयेत् ॥ २०२॥
॥ इति श्रीमहातन्त्रार्णवे ईश्वरपार्वतीसंवादे
श्रीभुवनेश्वर्याः भकारादि सहस्रनाम स्तोत्रं सम्पूर्णम् ॥
The original text is
from Muktabodha Indological Research Institute www.muktabodha.org
Data-entered by the staff of Muktabodha under the direction of Mark S. G.
Dyczkowski.
Reprint of edition published in 1892. Revision 0 february 9, 2009
Publisher : Shrivenkateshvara press Publication year : 1949
Reproofread by DPD, Srikrishnan Sankarasubramanian