% Text title            : Bhuvaneshwari Hridayam
% File name             : bhuvaneshvarIhRidayam.itx
% Category              : hRidaya, devii, dashamahAvidyA, devI
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay, PSA Easwaran
% Description-comments  : Mantramaharnava nIlasarasvatItantre bhuvaneshvarIpaTale
% Latest update         : August 12, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhuvaneshwari Hridayam ..}##
\itxtitle{.. shrIbhuvaneshvarIhR^idayam ..}##\endtitles ##

shrIgaNeshAya namaH |
shrIumAmaheshvarAbhyAM namaH |

devyuvAcha |
bhagavan brUhi tatstotraM sarvakAmaprasAdhanam |
yasya shravaNamAtreNa nAnyachChrotavyamiShyate || 1||
yadi me.anugrahaH kAryaH prItishchApi mamopari |
tadidaM kathaya brahman vimalaM yanmahItale || 2||

Ishvara uvAcha |
shR^iNudevi pravakShyAmi sarvakAmaprasAdhanam |
hR^idayaM bhuvaneshvaryAH stotramasti yashodayam || 3||

viniyogaH |
OM asya shrIbhuvaneshvavarIhR^idayastotramantrasya shaktirR^iShiH |
gAyatrI ChandaH | shrIbhuvaneshvavarI devatA |
hakAro bIjam | IkAraH shaktiH | rephaH kIlakam |
sakalamanovA~nChitasiddhayarthe jape viniyogaH || pAThe
hR^idayAdiShaDa~NganyAsaH ||
OM hrIM hR^idayAya namaH |
OM shrIM shirase svAhA |
OM aiM shikhAyai vaShaT |
OM hrIM kavachAya huM  |
OM shrIM netratrayAya vauShaT |
OM aiM astrAya phaT |
iti hR^idayAdiShaDa~NganyAsaH ||
karanyAsaH ||
OM hrIM a~NguShThAbhyAM namaH |
OM shrIM tarjanIbhyAM namaH |
OM aiM madhyamAbhyAM namaH |
OM hrIM anAmikAbhyAM namaH |
OM shrIM kaniShThikAbhyAM namaH |
OM aiM karatalakarapR^iShThAbhyAM namaH |
iti karanyAsaH ||
atha dhyAnam |
dhyAyedbrahmAdikAnAM kR^itajanijananIM yoginIM yogayoniM
devAnAM jIvanAyojjvalitajayaparajyotirugrA~NgadhAtrIm |
sha~NkhaM chakraM cha bANaM dhanurapi dadhatIM doshchatuShkAmbujAtairmAyAmAdyAM
vishiShTAM bhavabhavabhuvanAM bhUbhavA bhArabhUmim || 4||
iti dhyAnam ||
yadAj~nayedaM gaganAdyasheShaM sR^ijatyajaH shrIpatiraurasaM vA |
##var## yadAj~nayA yo jagadAdyasheShaM
bibharti saMhanti bhavastadante bhajAmahe shrIbhuvaneshvarIM tAm || 5||
jagajjanAnandakarIM jayAkhyAM yashasvinIM yantrasuyaj~nayonim |
jitAmitAmitrakR^itaprapa~nchAM bhajAmahe shrIbhuvaneshvarIM tAm || 6||
harau prasupte bhuvanatrayAnte avAtarannAbhijapadmajanmA |
vidhistato.andhe vidadhAra yatpadaM bhajAmahe shrIbhuvaneshvarIM tAm || 7||
na vidyate kvApi tu janma yasyA na vA sthitiH sAntatikIha yasyAH |
na vA nirodhe.akhilakarma yasyA bhajAmahe shrIbhuvaneshvarIM tAm  || 8||
kaTAkShamokShAcharaNogravittA niveshitArNA karuNArdrachittA |
subhaktaye eti samIpsitaM yA bhajAmahe shrIbhuvaneshvarIM tAm || 9||
yato jagajjanma babhUva yonestadeva madhye pratipAti yA vA |
tadatti yAnte.akhilamugrakAlI bhajAmahe shrIbhuvaneshvarIM tAm || 10||
suShuptikAle janamadhyayantyA yayA janaH svapnamavaiti ki~nchit |
prabud.hdhyate jAgrati jIva eSha bhajAmahe shrIbhuvaneshvarIM tAm || 11||
dayAsphuratkorakaTAkShalAbhAnnaikatra yasyAH pralabhanti siddhAH |
kavitvamIshitvamapi svatantrA bhajAmahe shrIbhuvaneshvarIM tAm || 12||
lasanmukhAmbhoruhamutsphurantaM hR^idi praNidhyAya dishi sphurantaH |
yasyAH kR^ipArdraM pravikAshayanti bhajAmahe shrIbhuvaneshvarIM tAm || 13||
yadAnurAgAnugatAlichitrAshchirantanapremapariplutA~NgAH |
sunirbhayAH santi pramudya yasyAH bhajAmahe shrIbhuvaneshvarIM tAm || 14||
harirvira~nchirhara IshitAraH puro.avatiShThanti prapannabha~NgAH |
yasyAH samichChanti sadAnukUlyaM bhajAmahe shrIbhuvaneshvarIM tAm || 15||
manuM yadIyaM haramagnisaMsthaM tatashcha vAmashrutichandrasaktam |
japanti ye syurhi suvanditAste bhajAmahe shrIbhuvaneshvarIM tAm || 16||
prasIdatu premarasArdrachittA sadA hi sA shrIbhuvaneshvavarI me |
kR^ipAkaTAkSheNa kuberakalpA bhavanti yasyAH padabhaktibhAjaH || 17||
mudA supAThyaM bhuvaneshvarIyaM sadA satAM stotramidaM susevyam |
sukhapradaM syAtkalikalmaShaghnaM sushR^iNvatAM sampaThatAM prashasyam || 18||
etattu hR^idayaM stotraM paThedyastu samAhitaH |
bhavettasyeShTadA devI prasannA bhuvaneshvarI || 19||
dadAti dhanamAyuShyaM puNyaM puNyamatiM tathA |
naiShThikIM devabhaktiM cha gurubhaktiM visheShataH || 20||
pUrNimAyAM chaturdashyAM kujavAre visheShataH |
paThanIyamidaM stotraM devasadmani yatnataH || 21||
yatrakutrApi pAThena stotrasyAsya phalaM bhavet |
sarvasthAneShu deveshyAH pUtadehaH sadA paThet || 22||

|| iti nIlasarasvatItantre bhuvaneshvarIpaTale shrIdevIshvarasaMvAde
shrIbhuvaneshvavarI hR^idayastotraM samAptam ||
|| iti shrImantramahArNave madhyakhaNDe bhuvaneshvarItantre saptamatara~NgaH ||
##
\itibig
Encoded by Gopal Upadhyay gopal.j.upadhyay at gmail.com
Proofread by Gopal Upadhyay

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}