% Text title            : bhuvaneshvarIstotram 3
% File name             : bhuvaneshvarIstotram3.itx
% Category              : devii, devI, dashamahAvidyA
% Location              : doc\_devii
% Proofread by          : Aruna Narayanan
% Latest update         : October 17, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Bhuvaneshvari Stotram 3 ..}##
\itxtitle{.. shrIbhuvaneshvarIstotram 3 ..}##\endtitles ##
rahasyaM pArvatInAtha\-vaktrAt shrutvA cha pArvatI |
mahAdevaM maheshAnamIshamAha maheshvarI || 1||
pArvatyuvAcha\-
trilokesha! jagannAtha ! devadeva! sadAshiva ! |
tvat prasAdAnmahAdeva ! shrutaM tantraM pR^ithagvidham || 2||
idAnIM vartate shraddhAgamashAstre mamaiva hi |
yadi prasanno bhagavan ! brUhyupAyaM mahodayam || 3||
nAnAtantre mahAdeva ! shrutaM nAnAvidhaM matam |
kR^itArthAsmi kR^itArthAsmi kR^itakAryAsmi sha~Nkara ! || 4||
prasanne sha~Nkare nAtha! kiM bhayaM jagatItale |
vinA shiva\-prasAdena na sidhyati kadAchana |
idAnIM shrotumichChAmi bhuvanAyA rahasyakam || 5||
shrI sha~Nkara uvAcha \-
shR^iNu devi ! pravakShyAmi guhyAdguhyataraM param |
paThitvA parameshAni mantrasiddhimavApnuyAt || 6||
OM AdyA shrIbhuvanA bhavyA bhavabandha\-vimochanI |
nArAyaNI jagaddhAtrI shivA vishveshvarI parA || 7||
gAndhArI paramA vidyA jaganmohanakAriNI |
sureshvarI jaganmAtA vishvamohanakAriNI || 8||
bhuvaneshI mahAmAyA deveshI haravallabhA |
karAlA vikaTAkArA mahAbIja\-svarUpiNI || 9||
tripureshI trilokeshI durgA tribhuvaneshvarI |
mAheshvarI shivArAdhyA shiva\-pUjyA sureshvarI || 10||
nityA cha nirmalA devI sarvama~Ngala\-kAriNI |
sadAshiva\-priyA gaurI sarvama~Ngala shobhinI || 11||
shivadA sarvasaubhAgya\-dAyinI ma~NgalAtmikA |
ghoradaMShTrA\-karAlAsyA madhu\-mAMsa\-bali\-priyA || 12||
sarvaduHkha\-harA chaNDI sarvama~NgalakAriNI |
pArvatI tAriNI devI bhImA bhaya\-vinAshinI || 13||
trailokya\-jananI tArA tAriNI taruNA kShamA |
bhaktimuktipradA bhuktipradA sha~Nkara\-vallabhA || 14||
umA gaurI priyA sAdhvIpriyA cha vAruNapriyA |
bhairavI bhairavAnandadAyinI bhairavAtmikA || 15||
brahmapUjyA cha brahmANI rudrANI rudrapUjitA |
rudreshvarI rudrarUpA tripuTA tripurA matA || 16||
vasudA nAtharUpA cha vishvanAtha\-prapUjitA |
AnandarUpiNI shyAmA raghunAtha\-varapradA || 17||
AnandArNavamagnA sA rAjarAjeshvarI matA |
bhavAnI cha bhavAnanda\-dAyinI bhavagohinI || 18||
surarAjeshvarI chaNDI prachaNDA ghoranAdinI |
ghanashyAmA ghanavatI mahAghana\-ninAdinI || 19||
ghorajihvA lalajihvA deveshI naganandinI |
trailokya\-mohinI vishva\-mohinI vishvarUpiNI || 20||
ShoDashI tripurA brahmadAyinI brahmadA.anaghA |
ityetat paramaM brahma\-stotraM paramakAraNam || 21||
yaH paThet parayA bhaktyA jIvanmuktaH sa eva hi |
brahmAdyA devatAH sarvA munayastantrakovidAH |
paThitvA parayA bhaktyA brahmasiddhimavApnuyAt || 22||

iti muNDamAlAtantre pArvatIshvarasaMvAde navamapaTAlAntargataM
bhuvaneshvarIstotraM sampUrNam |
evaM cha
chaturdashapaTalAntargataM bhuvanAshatanAmastotraM sampUrNam || 14||

##
Proofread by Aruna Narayanan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}