% Text title            : brahmAstrabagalAmukhIkavacham
% File name             : brahmAstrabagalAmukhIkavacham.itx
% Category              : kavacha, devii, dashamahAvidyA, devI
% Location              : doc\_devii
% Author                : Traditional
% Transliterated by     : Radhika Pamula
% Proofread by          : Radhika Pamula, Aruna Narayanan
% Latest update         : February 7, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Brahmastra Bagalamukhi KavachaM ..}##
\itxtitle{.. shrIbrahmAstrabagalAmukhIkavacham ..}##\endtitles ##
shrI gaNeshAya namaH | shrI bagalAyai namaH |

atha brahmAstrabagalAkavacham |
shrIbrahmovAcha |
vishvesha dakShiNAmUrte nigamAgamavit prabho |
mahyaM purA tvayA dattA vidyA brahmAstrasa.nj~nitA || 1||
tasya me kavachaM brUhi yenAhaM siddhimApnuyAm ||
bhavAmi vajrakavachaM brahmAstranyAsamAtrataH || 2||
shrIdakShiNAmUrtiruvAcha |
shR^iNu brahman paraM guhya brahmAstrakavachaM shubham |
yasyochchAraNamAtreNa bhaved vai sUryasannibhaH || 3||
sudarshanaM mayA dattaM kR^ipayA viShNave tathA |
tadvat brahmAstravidyAyAH kavachaM kavayAmyaham || 4||
aShTAviMshatyastrahetumAdyaM brahmAstramuttamam |
sarvatejomayaM sarvaM sAmarthyaM vigrahaM param || 5||
sarvashatrukShayakaraM sarvadAridryanAshanam |
sarvApachChailarAshInAmastrakaM kulishopamam || 6||
na tasya shatravashchApi bhayaM chauryabhayaM jarA |
narA nAryashcha rAjendra khagA vyAghrAdayo.api cha || 7||
taM dR^iShTvA vashamAyAnti kimanyat sAdhavo janAH |
yasya dehe nyased dhImAn kavachaM bagalAmayam || 8||
sa eva puruSho loke kevalaH sha~NkaropamaH |
na deyaM parashiShyAya shaThAya pishunAya cha || 9||
dAtavyaM bhaktiyuktAya gurudAsAya dhImate |
kavachasya R^iShiH shrImAn dakShiNAmUrtireva cha || 10||
asyAnuShTap ChandaH syAt shrIbagalA chAsya devatA |
bIjaM shrIvahnijAyA cha shaktiH shrIbagalAmukhI || 11||
kIlakaM viniyogashcha svakArye sarvasAdhake |

atha dhyAnam |
shuddhasvarNanibhAM rAmAM pItendukhaNDashekharAm |
pItagandhAnuliptA~NgIM pItaratnavibhUShaNAm || 1||
pInonnatakuchAM snigdhAM pItalA~NgIM supeshalAm |
trilochanAM chaturhastAM gambhIrAM madavihvalAm || 2||
vajrArirasanApAshamudgaraM dadhatIM karaiH |
mahAvyAghrAsanAM devIM sarvadevanamaskR^itAm || 3||
prasannAM susmitAM klinnAM supItAM pramadottamAm |
subhaktaduHkhaharaNe dayArdrAM dInavatsalAm || 4||
evaM dhyAtvA pareshAni bagalAkavachaM smaret |

atha rakShAkavacham |
bagalA me shiraH pAtuH lalATaM brahmasaMstutA |
bagalA me bhruvau nityaM karNayoH kleshahAriNI || 1||
trinetrA chakShuShI pAtu stambhinI gaNDayostathA |
mohinI nAsikAM pAtu shrIdevI bagalAmukhI || 2||
oShThayordurdharA pAtu sarvadanteShu cha~nchalA |
siddhAnnapUrNA jihvAyAM jihvAgre shAradAmbike || 3||
akalmaShA mukhe pAtu chibuke bagalAmukhI |
dhIrA me kaNThadeshe tu kaNThAgre kAlakarShiNI || 4||
shuddhasvarNanibhA pAtu kaNThamadhye tathA.ambikA |
kaNThamUle mahAbhogA skandhau shatruvinAshinI || 5||
bhujau me pAtu satataM bagalA susmitA parA |
bagalA me sadA pAtu kUrpare kamalodbhavA || 6||
bagalA.ambA prakoShThau tu maNibandhe mahAbalA |
bagalAshrIrhastayoshcha kurukullA karA~Ngulim || 7||
nakheShu vajrahastA cha hR^idaye brahmavAdinI |
stanau me mandagamanA kukShayoryoginI tathA || 8||
udaraM bagalA mAtA nAbhiM brahmAstradevatA |
puShTiM mudgarahastA cha pAtu no devavanditA || 9||
pArshvayorhanumadvandyA pashupAshavimochinI |
karau rAmapriyA pAtu UruyugmaM maheshvarI || 10||
bhagamAlA tu guhyaM me li~NgaM kAmeshvarI tathA |
li~NgamUle mahAklinnA vR^iShaNau pAtu dUtikA || 11||
bagalA jAnunI pAtu jAnuyugmaM cha nityashaH |
ja~Nghe pAtu jagaddhAtrI gulphau rAvaNapUjitA || 12||
charaNau durjayA pAtu pItAmbA charaNA~NgulIH |
pAdapR^iShThaM padmahastA pAdAdhashchakradhAriNI || 13||
sarvA~NgaM bagalA devI pAtu shrIbagalAmukhI |
brAhmI me pUrvataH pAtu mAheshI vahnibhAgataH || 14||
kaumArI dakShiNe pAtu vaiShNavI svargamArgataH |
UrdhvaM pAshadharA pAtu shatrujihvAdharA hyadhaH || 15||
raNe rAjakule vAde mahAyoge mahAbhaye |
bagalA bhairavI pAtu nityaM klI~NkArarUpiNI || 16||

phalashrutiH |
ityevaM vajrakavachaM mahAbrahmAstrasa.nj~nakam |
trisandhyaM yaH paThed dhImAn sarvaishvaryamavApnuyAt || 1||
na tasya shatravaH ke.api sakhAyaH sarva eva cha |
balenAkR^iShya shatruM syAt so.api mitratvamApnuyAt || 2||
shatrutve marutA tulyo dhanena dhanadopamaH |
rUpeNa kAmatulyaH syAd AyuShA shUladhR^iksamaH || 3||
sanakAdisamo dhairye shriyA viShNusamo bhavet |
tattulyo vidyayA brahman yo japet kavachaM naraH || 4||
nArI vApi prayatnena vA~nChitArthamavApnuyAt |
dvitIyA sUryavAreNa yadA bhavati padmabhUH || 5||
tasyAM jAtaM shatAvR^ityA shIghraM pratyakShamApnuyAt |
yAtA turIyaM sandhyAyAM bhUshayyAyAM prayatnataH || 6||
sarvAn shatrUn kShayaM kR^itvA vijayaM prApnuyAn naraH |
dAridryAn muchyate chA.a.ashu sthirA lakShmIrbhaved gR^ihe || 7||
sarvAn kAmAnavApnoti saviSho nirviSho bhavet |
R^iNaM nirmochanaM syAd vai sahasrAvartanAd vidhe || 8||
bhUtapretapishAchAdipIDA tasya na jAyate |
dyumaNirbhrAjate yadvat tadvat syAchChrIprabhAvataH || 9||
sthirAbhayA bhavet tasya yaH smared bagalAmukhIm |
jayadaM bodhanaM kAmamamukaM dehi me shive || 10||
japasyAnte smared yo vai so.abhIShTaphalamApnuyAt |
idaM kavachamaj~nAtvA yo japed bagalAmukhIm || 11||
na sa siddhimavApnoti sAkShAd vai lokapUjitaH |
tasmAt sarvaprayatnena kavachaM brahmatejasam || 12||
nityaM padAmbujadhyAnAn maheshAnasamo bhavet |

iti shrIdakShiNAmUrtisaMhitAyAM brahmAstrabagalAmukhIkavachaM
samAptam |


##
Encoded by Radhika Pamula
Proofread by Radhika Pamula, Aruna Narayanan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}