% Text title : bRihadambAryAshatakam % File name : brihadamba100.itx % Category : shataka, devii, otherforms, stotra % Location : doc\_devii % Transliterated by : Sridhar Seshagiri seshagir at engineering.sdsu.edu % Proofread by : Sridhar Seshagiri seshagir at engineering.sdsu.edu % Latest update : September 3, 2002 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. bRihadambAryAshatakam ..}## \itxtitle{.. bR^ihadambAryAshatakam ..}##\endtitles ## shrIgokarNaniketA shrIvidyAdivyashuktikAmuktA . shrIkaNThanityamilitA shrIchakreshI puro.astu me mAtA .. 1.. kalyANa.n kalayennaH kalyAnasmAn karotu shatamabdAn . kalyAta~NkamapAsyet kalyANI naH sadaiva bR^ihadambA .. 2.. taruNAruNaprakAsha.n taruNA vakulena bhAsuranivesham . guruNA stanena namita.n guruNA sadayena vastuH na kathitam .. 3.. vakuladrumUlasadanA.n vanajasahAdhyAyiparilasadvadanAm . valgusmitekShyaradanA.n vande dR^iktarjitAmbujachChadanAm .. 4.. ekA dvilokasukhadA tryakSharyAkhyApitA chatuHpIThA . pa~nchAmnAyashiraHsthA bR^ihadamba tva.n ShaDadhvajanayitrI .. 5.. nAsAbhAsA champakashobhAkShobhAvahAstu bR^ihadambA . pArAvArAtmajayA sevyA devyA girA.n cha bhavyAya .. 6.. kambulasatka.ndharayA kaishyavinirdhUtanIlaka.ndharayA . pAlye shoNAdharayA pAvitavakuladrumUlasaddharayA .. 7.. pInastanAvanamre pAdanatAmbhojavAsinIkamre . vANIjitasarasAmre vAcho valgantu dhAmni me tAmre .. 8.. vakulavanIvAsinyA vidrumasachChAyachelavAsinyA . hR^idrAjIvAsinyA hR^idaya.n sha.nbhorhR^ita.n suvAsinyA .. 9.. vande shrIbR^ihadambA.n valgugatApAstarAjakAdambAm . AshritajanAvalambAmAseve kaishyadhUtalolambAm .. 10.. kesarasarabhAsurayA kevaladAsIbhavatsurAsurayA . kalitA vANI surayA kayApi me bhaktinamrabhUsurayA .. 11.. shirasA dhR^itasomAyAH shrIgokarNaikadivyadhAmAyAH . padanamrANA.n mAyAH pApavidhAtryaH kadApi nomAyAH .. 12.. AnandasArasImAmAna~NgotkarShapoShakApA~NgAm . Anantu.n bR^ihadambAmAnantya.n mUrdhni vA~nChAmi .. 13.. vakulATavIniviShTA.n vandakasa.nrakShaNAtyabhiniviShTAm . niravadhikaruNAviShTA.n nitya.n sevemahIShTashipiviShTAm .. 14.. abhidhAyitahR^illekhAmatItavidvatsukavijanollekhAm . padapadmanamallekhA.n pashyAmaH shAshvatI.n taTillekhAm .. 15.. karuNAmR^itavarShiNyAH sevakasarvAparAdhamarShiNyAH . vakulavipinaharShiNyA vashyAH smaH sha.nbhuchittakarShiNyAH .. 16.. karuNAjharasarasAkShImaruNAdharashobhisundarasuhAsAm . tarunArdhaghaTitadehA.n varuNAlayajeDitA.n shivA.n vR^iNumaH .. 17.. dhanyAH ke nu madanyA valaye.avanyA yato vakulavanyAH . mUle mokShavadAnyA mAnyA kanyA girorhitamAnyA me .. 18.. kechit tvA.n kulamUle sAkShAtkurvantyaha.n vakulamUle . ardheshvarA.n katipaye mAtaH sarveshvarAmaha.n kalaye .. 19.. vA~nChitasiddhyai bhavitA lA~nChitacikurA chakoravR^ittikR^itA . kA~NkShitacharaNA sadbhiH kA.n kShipra.n nAtanoti sa.nsiddhim .. 20.. aruNimasArasamaShTiH sa.nsR^itikUpottaraNayaShTiH . kalitAmR^itaughavR^iShTirbR^ihadambA bhAtu me kR^ipAdR^iShTiH .. 21.. sAmajasamAnagamanA sAmasamAjopagAnatuShTamanAH . samajAnupetacharaNA samarasatApannapannagAbharaNA .. 22.. vishvapativashyahR^idayA nashvaravishvAsapashvanAshAsyA . ashvamukhastavashasyA niHshvasitAnushravAsti bR^ihadambA .. 23.. laghu tava charaNa.n sharaNa.n taraNa.n mR^ityorbhajAmi bR^ihadamba . yAvat tarasA jarasA parasAda~NgAni na kR^itAni .. 24.. prabhavati yatra na gaurvA normINA.n sa.nkathA na vA jaDatA . ko.api vakulAlavAle jayati chirAnandasAgaro.apAra .. 25.. sthAvararAjatanUjA bhAvarasasphItavaikharI jananI . pIvaravakShojanatA dhIvaradauhitrasUktiparichintyA .. 26.. sarvAnandanivAsA shakrashatAnandamukhyasurasevyA . dhR^itanandasUnudehA bhUmanijAnandamedurA jayati .. 27.. apahR^itya chittashalya.n bhaktimatAmAtanoShi kaivalyam . bR^ihadamba ko nvakalya.n devAntara.n tvyA pAlyam .. 28.. bhavanIkR^itagokarNa.n bhAsvanmaNikuNDalasphuratkarNam . dhyAyAmi shoNavarNa.n dhAma para.n bhaktamAnasAbhyarNam .. 29.. kalitA lalitA kalitApaharA daharAntaravichintyA . vakule mukuleDyakule sadayAbhyudayA kimanyadevairme .. 30.. vArANasIniShevA.n vArAshyavagAhanAni cha na tanyAH . vArAn bahUnathA~NghryorvArA pUyasva vakulamUleshyAH .. 31.. shreyashcha yA vidhatte shrIbR^ihadambApadAmburuhachintA . kalikaluShaNi vibhinte madamapi kArtAntamAhantA .. 32.. nIvI navAnyavachasA.n sA vINA vANyabhipaNAryA . bhAvI bhavArtiharaNI devI dayatA.n sadaiva bR^ihadambA .. 33.. mAtA sArasanetrA mAnyA vArAshikanyakAnetrA . mR^igachakravartipatrA manasi mama stAt stanollasatpatrA .. 34.. velatigAnukampA vakulavanAmbhodama~njutarashampA . bhavataptAmR^itajhampA bhavatu hR^idisthA kR^itadviShatkampA .. 35.. padyAyAmAd yAyAmAdyAyAmamba tAvakajanAnAm . vidyA.n te niravadyA.n vidyA.n gokarNarAj~ni dayayA te .. 36.. taraNi.n tamashChaTAnAmaraNi.n j~nAnAnalasya kalayAmi . taraNi.n bhavAmburAsheH saraNi.n vedyAgamasya bR^ihadambAm .. 37.. vakShojabhAranamitA lakShottaravedagIHpramitA . ikShormadhuroktimitA na kShobhyA tva.n dayAdhunI stimitA .. 38.. hR^idaya.n purANavachasA.n sadaya.n dInAvane para.n tejaH . madayannadhara.n sha.nbhostadaya.n yAto janaH sharaNam .. 39.. mA~NkaNatIrakuTIrA meduravakShojaliptapATIrA . patidhR^itachandrANDIrA dhyeyAmbA muktidAnashauNDIrA .. 40.. ApannarakShaNArthe chApa.n puNDrekShumAdadhAnA sA . ropa.n cha pauShpamambA pApa.n protsArayenmamAsheSham .. 41.. dakShA nirargalA sA dAtu.n svarga.n trivargamapavargam . bR^ihadambA mahadantarvAsA bhAsAruNA jayati .. 42.. vAridasodarachikurA.n vadanaparAbhUtavisphuranmukurAm . sundarahAsA~NkUrA.n seve.ambA.n vAgjitAmR^itAsArAm .. 43.. bindutrayAtmakatayA kalayanti tvAmapArakaruNAbdhim . ye bR^ihadamba bhavAbdhirviduShA.n teShA.n kati pR^iShanti .. 44.. nIvArashUkashAtA nIhArA.nshuchChaTAshItA . bAlAdityashatAbhA mUlAdhArAt samudyatA bhAsi .. 45.. vishvaprathAnidAna.n vedashiraHsphUrjadapadAnam . bR^ihadambikAbhidhAna.n bahushaH seveya ma~NgalavidhAnam .. 46.. AlolanIlaveNI phAlotsa~NgAnuSha~NgidivyamaNI . kAlonmiShatkuvalayachChAyAdAyAdalochanadvitayA .. 47.. maNitATa~NkasamudyadghR^iNigaNanIrAjitakapolam . nAsAgralambimuktAbhAsA sa.npR^iktamandahAsaruchiH .. 48.. aruNAdharajitabimbA vaktraparAbhUtashItakarabimbA . pInonnatastanabharA pAshasR^iNIShvikShuchApakarA .. 49.. shi~njitama~njIralasanma~njulacharaNAbjanamrasuralokA . bR^ihadambA mama hR^idaye nivasatu vAtsalyashItalAlokA .. 50.. bhAnavyA yA navyA mAnavyAghAtabhItayA dIptyA . AtanvIta sutanvI sA tanvIDyA shriya.n tavAmba tanUH .. 51.. ichChAttavishvashilpA.n pa~nchabrahmaprakalpitasutalpAm . vandIkR^itAdijalpA.n vande devI.n dayodayAnalpAm .. 52.. kechinmadAlasAkSha.n kAlonmIlatkuvAlajayadakSham . gAtra.n tavAparokSha.n kuryurbR^ihadamba duShkR^itavipakSham .. 53.. shayadhR^itachAruvipa~nchI shroNIbimbAvalambimaNikA~nchI . gokarNeshyaghava~nchI dR^iShTA chet ko na bhaktiromA~nchI .. 54.. kAla.n prayApya me.ala.n bhArairduHsthairachArukuchabhAraiH . kShAmairashukashyAmairanyairdevairadhUtanatadainyaiH .. 55.. somArdhasallalAmA sA mAmavyAt suvakulavanadAmA . kAmAridivyarAmA paramA sa.nvid ghanashyAmA .. 56.. komalavAkulamUlA stomalasatkuntalAdhigokarNam . yAmalavarNyA kApi shyAmalavarNA vibhAti gurumUrtiH .. 57.. pravahatkaruNApA~Nga.n pratyagrAmbhodamechakashyAmam . vishvAdhikAntara~Nga.n vakulavane bhAti pAlitapA~Ngam .. 58.. shikhipi~nCha.n tApi~nCha.n sabhaya.n dhammillashobhayA svabhayA . AdadhatI dadhatIndu.n mA~NkaNarodho.a~NkaNe jayatyambA .. 59.. vAmakuchachumbivINAmardhonmIlanmanoj~naTTakkoNAm . vishvAvanapravINA.n vakulATavyA.n namAmi ramamANAm .. 60.. a.nsAnuSha~NgichUlI sa.nsArApAravAridherAlI . sha.n sA dadAtu kAlI ka.nsArIDyA sadAttavakulAlI .. 61.. vINAvAdini sharmAsvAdini karmAdribhedini syAnme . vishvAkAriNi chandrAla.nkAriNi bodhakAriNi prema .. 62.. aruNA.nshukAmupAse nigama.n shukarUpiNa.n dadhatIm . dadatImAshukavitva.n svA.nshukadarthIkR^itAtasI.n jananIm .. 63.. sajjanakR^itavarivasya.n sArasaparihAsasAdaranijAsyam . gAndharvasya rahasya.n ki.nchana kuryAnmadAshAsyam .. 64.. dUrvAshyAmalakAye durvAsomukhyamaunigaNasevye . arvAsyavarNitaguNe kurvAshApUrtimadya bR^ihadamba .. 65.. lIlAlolA vakulATavyAmavyAchChukAbhirAmakarA . vINAkkANAbhiratA mAtA bhUtAdhipasya dayitA naH .. 66.. duritebhyo na kR^itebhyo nApi kR^itAntAd bibhemi durdAntAt . dR^iShTA dayAsamaShTirvakulavane shyAmalAkR^itiryena .. 67.. dhanyo.aha.n dhanyo.aha.n va.nshadvitayI madIkShitA dhanyA . paripaNamAmnAyAnA.n shyAmalamAloki vakulamUle yat .. 68.. vittAdibhirnarANA.n mattAnA.n durlabhA vinA bhaktim . tattAdR^ishAnubhAvA sattA kAchid vibhAti gokarNe .. 69.. parihR^itasarvavikalpA paridhR^itashItA.nshukorakAkalpA . bAladivAkarakalpA bR^ihadambA pAtu satyasa.nkalpA .. 70.. champakanIparasAlAH santyevAnye rasAsthale sAlAH . vakule tu me.asti bhaktiryasmin dR^iShTe smR^itA bhavatyambA .. 71.. bhramarIvibhramakabarI.n bhrUbhramaNenaiva pa~nchakR^ityakarIm . sa.nvitsukhAmR^itajharI.n sa.nseve.ambA.n bhavAmburAshitarIm .. 72.. kumudeshapAkachUDa.n kalitasurodyAnamAlikApIDam . a~nchitavakulAkrIDa.n ki.nchidupAse dayAnivahanIDam .. 73.. sarale sarale virale tarale hR^innetrakuchasImni . vastuni me.astu nivAstuni karuNAyAshchittavR^ittirapatandrA .. 74.. ka.n gaNaye.anyamupAsya.n ma~NkaNakAsAratIrakautukinaH . a~NgaNavAkulasumanori~NkhaNasaurabhyanirbharAddhAmnaH .. 75.. veshantatulyanAbhI vAsantasphArapuShpashubhaveNI . sImantabhAsivusR^iNA sA hanta prekShitAdya bR^ihadambA .. 76.. shrutilAsikAlira~NgAyitasvamahimAkShinirjitakura~NgA . prodyatkR^ipAtara~NgA pAyAdambA mR^igeshvaratura~NgA .. 77.. nibiDaghanastanakumbhA nijaveNInyastashItakaraDimbhA . nivasitavarakausumbhA nivasatu chitte jagaddhitArambhA .. 78.. gambhIranAbhikuharA.n kumbhIndraspardhimugdhasa.nchArAm . tA.n bhImasya na bhAmA.n kumbhIpAkechChavo bhajantyaj~nAH .. 79.. vAhyApi no purANyA tattvavipaNyA yaduchchatAgaNyA . sA varNyAstu sharaNyA kasya dharaNyAmumAkhilavareNyA .. 80.. gokarNeshayasevyA.n gokarNeshapriyA.n praNaman . gokarNe vasa tUShNI.n gokarNe bhrAmakA.nstu japa mantrAn .. 81.. kShudrArthadAnashIlA na drAgArAdhitAH prasIdanti . nidrAlasAstvadanye tadrAj~ni tvA.n bhaje vakulavanyAH .. 82.. AgamakoTiniruktAmAbrahmastambarakShaNAsaktAm . AryAmanAdimuktAmAloke kesarATavIsaktAm .. 83.. seve ki.nchana divya.n bhAve tejaH samastasa.nsevyam . dhIvedimetya hR^idya.n sa.nvedyAkhya.n dahenmamAbhavyam .. 84.. vANI chAmbudhikanyA sA vR^iNute ta.n balAdivAnanyA . ki.nchit tvayA jananyA kaTAkShito yaH kiyatyatha stryanyA .. 85.. shaktaH ko.api yadIyA.n la~NghitumAj~nA.n na lokeShu . yasyAj~nA.n bR^ihadambA sAdhyAste kastato hyadhikaH .. 86.. aShTApadAdi sarva.n loShTAbhinna.n sadAbhipashyantaH . aShTAtmanaH praNayinI.n shiShTAH pashyantyananyatayA .. 87.. dAha.n bhavAnalottha.n vyAhantu.n vAkulATavI.n devIm . so.aha.n bhajAmi bhaktyA yAha.ntArUpinIti guruNoktA .. 88.. kuladaivata.n madIya.n kulakuNDAbhyantaraikavAstavyam . kulaparvateshabhAgya.n kulAyamIkShe.anupAdhikaruNAyAH .. 89.. agnAviShNumukheDyA bhagnAsheShArtirAtmabhaktAnAm . bhugnAlakA madIye lagnA chitte chakAstu bR^ihadambA .. 90.. avyAjabhUtakaruNA bhavyApA~NgaprakalpitatrANA . avyAdviliptaghusR^iNA stavyA shrutyA sadAptagokarNA .. 91.. ambhojatulyanayanAma~NkAla.nkAriNI.n trinetrasya . a~NgIkR^itAdimarasAmbA.n gokarNanAyikA.n seve .. 92.. bhAryAmanAdiyUno.ahAryAdhIshAnvavAyamaNibhUShAm . AryAmupAdhvamanisha.n kAryAkAryAvamarshaniShNAtAH .. 93.. varade suradeshikavA~NnikarAsukarAnuvarNane dhAmni . karavai muravairimukhaiH shirasA surasArthakairnate chetaH .. 94.. ma~NkaNakAsArajharIsamIradhArAmanoharodAre . miladalilolanmukule vakulavane lAlasIti sakaleshI .. 95.. pashyallalATadArAn paripUrNAnandasa.nvidAkArAn . kaThinaghanastanabhArAn kalaye gokarNapAvanAgArAn .. 96.. gokarNeshamahiShyA vyAkartu.n ko guNAn bhavedIshaH . svIkartu.n hR^idi vA tAn shrIkarkAsya.n tamekamapahAya .. 97.. tuShTA shrIbR^ihadambA kaShTAnunmUlayet kR^ipAdR^iShTyA . iShTAni cha pradadyAnmR^iShTA.n pratibhA.n paratra cha shreyaH .. 98.. vande vishvavidhAtrI.n vande vidyAchimuktiphaladAtrIm . vande vakulavaneshI.n vande gokarNavallabhasukeshIm .. 99.. jayati sphAradayArdrA gokarNAdhIshavallabhA jayati . jayati prasAdasumukhI shrIraghunAthendrapUjitA jayati .. 100.. AkhyA.n sakR^id yadIyAmAkhyAyAsheShavA~nChita.n labhate . tasyAH stutipriyAyAH yaH syAt stotra.n paThan sa pUrNArthaH .. 101.. .. iti shrIbR^ihadambAshataka.n sa.npUrNam.. ##\medskip\hrule\medskip Encoded and proofread by Sridhar Seshagiri seshagir at engineering.sdsu.edu \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}