% Text title            : Chamunda Stotram 1
% File name             : chAmuNDAstotram.itx
% Category              : devii, durgA, devI
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay gopal.j.upadhyay at gmail.com
% Description/comments  : shrIskAnde revAkhaNDe kanakhaleshvaratIrthamAhAtmye
% Latest update         : September 18, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Chamunda Stotram ..}##
\itxtitle{.. shrIchAmuNDAstotram ..}##\endtitles ##
shrIgaNeshAya namaH |
shrIbhairavAya namaH |
shrIumAmaheshvarAbhyAM namaH |

shrImArkaNDeya uvAcha \-
tato gachChenmahIpAla tIrthaM kanakhalottamam |
garuDena tapastaptaM pUjayitvA maheshvaram || 1||
divyaM varShashataM yAvajjAtamAtreNa bhArata |
tapojapaiH kR^ishIbhUto dR^iShTo devena shambhunA || 2||
tatastuShTo mahAdevo vainateyaM manojavam |
uvAcha paramaM vAkyaM vinatAnandavardhanam || 3||
prasannaste mahAbhAga varaM varaya suvrata |
durlabhaM triShu lokeShu dadAmi tava khechara || 4||

garuDa uvAcha \-
ichChAmi vAhanaM viShNordvijendratvaM sureshvara |
prasanne tvayimesarvambhavatviti matirmama || 5||

shrImahesha uvAcha \-
durlabhaH prANinAntAtayovaraH prArthito.anagha |
devadevasyavahanaM dvijendratvaM sudurllabham || 6||
nArAyaNodare sarvaM trailokyaM sacharAcharam |
tvayA sa kathamUhyatedevadevo jagadguruH || 7||
tenaiva sthApitashchendrastrailokye sacharAchare |
kathamanyasya chendratvaM bhavatIti sudurlabham || 8||
tathApi mamavAkyenavAhanantvambhaviShyasi |
sha~NkhachakragadApANervahato.api jagattrayam || 9||
indrastvaM pakShiNAM madhyebhaviShyasinasaMshayaH |
iti dattvAvarantasmAntardhAna~NgatoharaH || 10||
tato gate mahAdevehyaruNasyAnujo nR^ipa |
ArAdhayAmAsa tadA chAmuNDAM muNDamaNDitAm || 11||
shmashAnavAsinIM devIM bahubhUtasamanvitAm |
yoginIM yogasaMsiddhAM vasAmAMsAsavapriyAm || 12||
dhyAtamAtrA tu tenaivapratyakShAhyabhavattadA |
jAlandhare cha yA siddhiH kaulIne uDDishe pare || 13||
samagrA sA bhR^igukShetre siddhakShetre tu saMsthitA |
chAmuNDA tatra sA devI siddhakShetre vyavasthitA || 14||
saMstutA R^iShibhirddevairyogakShemArthasiddhaye |
vinatA.a.anandajananastatra tAM yoginIM nR^ipa |
bhaktyA prasAdayAmAsa stotrairvaidikalaukikaiH || 15||

garuDa uvAcha \-
yA sA kShutkShAmakaNThA navarudhiramukhA pretapadmAsanasthA
bhUtAnAM vR^indavR^indaiH pitR^ivananilayA krIDate shUlahastA |
shastradhvastapravIravrajarudhiragalanmuNDamAlottarIyA
devI shrIvIramAtA vimalashashinibhA pAtu vashcharmamuNDA || 16||
yA sA kShutkShAmakaNThA vikR^itabhayakarI trAsinI duShkR^itAnAM
mu~nchajjvAlAkalApairddashanakasamasaiH khAdati pretamAMsam |
pi~Ngod rdhvod baddhajUTAravisadR^ishatanurvyAghracharmottarIyA
daityendrairyakSharakSho.arasuranamitA pAtu vashcharmamuNDA || 17||
yA sA dorddaNDachaNDairDamaruraNaraNATopaTa~NkAraghaNTaiH
kalpAntotpAtavAtAhatapaTupaTahairvalgate bhUtamAtA |
kShutkShAmA shuShkakukShiH kharataranakharaiH kShodati pretamAMsaM
mu~nchantI chATTahAsaM ghuraghuritaravA pAtu vashcharmamuNDA || 18||
yA sA nimnodarAbhA vikR^itabhavabhayatrAsinI shUlahastA
chAmuNDA muNDaghAtA raNaruNitaraNajhallarInAdaramyA |
trailokyaM trAsayanti kakahakahakahairghorarAvairanekairnR^ityantI
mAtR^imadhye pitR^ivananilayA pAtu vashcharmamuNDA || 19||
yA dhatte vishvamakhilaM nijAMshena mahojjvalA |
kanakaprasave lInA pAtu mAM kanakeshvarI || 20||
himAdrisambhavA devI dayAdarshitavigrahA |
shivapriyA shive saktA pAtu mAM kanakeshvarI || 21||
anAdijagadAdiryA ratnagarbhA vasupriyA |
rathA~NgapANinA padmA pAtu mAM kanakeshvarI || 22||
sAvitrI yA cha gAyatrI mR^iDAnI vAgathendirA |
smartR^iNAM yA sukhaM datte pAtu mAM kanakeshvarI || 23||
saumyAsaumyaiH sadA rUpaiH sR^ijatyavati yA jagat |
parA shaktiH parA buddhiH pAtu mAM kanakeshvarI || 24||
brahmaNaH sargasamaye sR^ijyashaktiH parA tu yA |
jaganmAyA jagaddhAtrI pAtu mAM kanakeshvarI || 25||
vishvasya pAlane viShNoryA shaktiH paripAlitA |
madanonmAdinI mukhyA pAtu mAM kanakeshvarI || 26||
vishvasaMlayane mukhyA yA rudreNa samAshritA |
raudrI shaktiH shivA.anantA pAtu mAM kanakeshvarI || 27||
kailAsasAnusaMrUDha kanakaprasaveshayA |
bhasmakAbhihR^itA pUrvaM pAtu mAM kanakeshvarI || 28||
patiprabhAvamichChantI trasyantI yA vinA patim |
abalA tvekabhAvA cha pAtu mAM kanakeshvarI || 29||
vishvasaMrakShaNe saktA rakShitA kanakena yA |
A brahmastambajananI pAtu mAM kanakeshvarI || 30||
brahmaviShNvIshvarAH shaktyA sharIragrahaNaM yayA |
prApitAH prathamA shaktiH pAtu mAM kanakeshvarI || 31||
shrutvA tu garuDenoktaM devIvR^ittachatuShTayam |
prasannA sammukhI bhUtvA vAkyametaduvAcha ha || 32||

shrIchAmuNDovAcha \-
prasannA te mahAsattva varaM varaya vA~nChitam |
dadAmi te dvijashreShTha yatte manasi rochate || 33||

garuDa uvAcha \-
ajarashchAmarashchaiva adhR^iShyashcha surAsuraiH |
tava prasAdAchchaivAnyairajeyashcha bhavAmyaham || 34||
tvayAchA.atra sadA devi sthAtavyaM tIrthasannidhau |

mArkaNDeya uvAcha \-
evaM bhaviShyatItyuktvA devI devairabhiShTutA || 35||
jagAmAkAshamAvishya bhUtasa~NghasamanvitA |
yadA lakShmyA nR^ipashreShTha sthApitaM puramuttamam || 36||
anumAnya tadA devIM kR^itaM tasyAM samarpitam |

lakShmIruvAcha \-
rakShaNAya mayA devi yogakShemArthasiddhaye || 37||
mAtR^ivatpratipAlyaM te sadA devi puraM mama |
garuDo.api tataH snAtvA sampUjya kanakeshvarIm || 38||
tIrthaM tatraiva saMsthApya jagAmAkAshamuttamam |
tatra tIrthe tu yaH snAtvA pUjayetpitR^idevatAH || 39||
sarvakAmasamR^iddhasya yaj~nasya phalamashnute |
gandhapuShpAdibhiryastu pUjayetkanakeshvarIm || 40||
tasya yogaishvaryasiddhiryogapITheShu jAyate |
mR^ito yogeshvaraM lokaM jayashabdAdima~NgalaiH |
sa gachChennA.atra sandeho yoginIgaNasaMyutaH || 41||

|| shrIskAnde revAkhaNDe kanakhaleshvaratIrthamAhAtmye chAmuNDA stotram ||

##

Encoded and proofread by Gopal Upadhyay gopal.j.upadhyay at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}