% Text title            : Chamunda Stotram 2
% File name             : chAmuNDAstotram2.itx
% Category              : devii, durgA, devI
% Location              : doc\_devii
% Transliterated by     : Gopal Upadhyay
% Proofread by          : Gopal Upadhyay
% Description/comments  : shrIskAnde nAgarakhaNDe
% Latest update         : February 18, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Chamunda Stotram 2 ..}##
\itxtitle{.. shrIchAmuNDAstotram 2..}##\endtitles ##
shrIgaNeshAya namaH |
shrIbhairavAya namaH |
shrIumAmaheshvarAbhyAM namaH |

jaya sarvagate devi charmamuNDadhare vare |
jaya daityakulochChedadakShe dakShAtmaje shubhe || 1||
kAlarAtri jayAchintye navamyaShTamivallabhe |
trinetre tryambakAbhIShTe jaya devi surArchite || 2||
bhImarUpe surUpe cha mahAvidye mahAbale |
mahodaye mahAkAye jayadevi mahAvrate || 3||
nityarUpe jagaddhAtri surAmAMsavasApriye |
vikarAli mahAkAli jaya pretajanAnuge || 4||
shavayAnarate ramye bhuja~NgAbharaNAnvite |
pAshahaste mahAhaste rudhiraughakR^itAspade || 5||
phetkArAravashobhiShThe gItavAdyavirAjite |
jayAnAdye jaya dhyeye bhargadehArdhasaMshraye || 6||
tvaM ratistvaM dhR^itistuShTistvaM gaurI tvaM sureshvarI |
tvaM lakShmIstvaM cha sAvitrI gAyatrI tvamasaMshayam || 7||
yatki~nchittriShu lokeShu strIrUpaM devi dR^ishyate |
tatsarvaM tvanmayaM nAtra vikalpo.asti mama kvachit || 8||
yena satyena tena tvamatrAvAsaM drutaM kuru |
sAnnidhyaM bhaktitastuShTA surAsuranamaskR^ite || 9||
sUta uvAcha \-
evaM stutA cha sA devI nalena pR^ithivIbhujA |
provAcha darshanaM gatvA taM nR^ipaM bhaktavatsalA || 10||
shrIdevyuvAcha \-
parituShTA.asmi te vatsa stotreNAnena sAmpratam |
tasmAdgR^ihANa mattastvaM varaM manasi saMsthitam || 11||
nala uvAcha \-
damayantIti me bhAryA prANebhyo.api garIyasI |
sA mayA nirjane muktA vane vyAlagaNAnvite || 12||
akhaNDashIlAM nirdoShAM yathAhaM tvatprasAdataH |
labhe bhUyo.api tAM devi tathAtra kuru satvaram || 13||
stotreNAnena yo devi stutiM kuryAtpurastava |
tatraiva divase tasmai tvayA deyaM manogatam || 14||

|| iti shrIskAnde nAgarakhaNDe chAmuNDAstotraM sampUrNam ||

##

Encoded and proofread by Gopal Upadhyay gopal.j.upadhyay at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}