% Text title : chaNDIkuchapanchAshikAstotram % File name : chaNDIkuchapanchAshikAstotram.itx % Category : devii % Location : doc\_devii % Author : lakShmaNAchArya % Proofread by : PSA Easwaran psaeaswaran at gmail.com % Description-comments : Brihatstotraratnakara 2, Narayana Ram Acharya, Nirnayasagar, stotrasankhyA 225-425 % Latest update : March 23, 2017 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Chandikuchapanchashikastotram ..}## \itxtitle{.. chaNDIkuchapa~nchAshikAstotram ..}##\endtitles ## shrIgaNeshAya namaH || shriyaM naumi devIM parAM pArijAtAM padAmbhojareNUpasevAparANAm | yadAdyAkSharasyAbhidheyena shUlI pralIDho.api mR^ityuprajetA gareNa || 1|| AshAdAsIbhirUrdhvaM karavidhR^itachatuShkoNabhAgAbhakhaNDaiH khaNDairADhyA paTAnAM vidhuravighaTitA shuShkatAvAsayeyA | svAtmAnAdhaH patantIM sajavamasakR^idAkarShaNaklAntipa~Nki\- shvAsochChvAsaughapUrNA himagiriduhituH pAtu vo.apUrvakanthA || 2|| AsIdviri~nchivaradA surasArthatIrthaM tejomayI makhabhujAmakhilAsti shaktiH | evaM bhaviShyati puro.api purAripatnI traikAlikaM yaditi tanmaha AdyamIDe || 3|| madhye pIyUShasindhordhanakusumalasatkalpavR^ikShAntarAle divye maNyantarIpe tridashaparivR^iDhaprauDhagIrvANavarNyA | sharvANI pUrNamaNyAbharaNaraNaraNatpANinAbhyarNavANIM tUrNaM chintAmaNermAmapi sadasi sadA.a.ashliShya siMhAsane.asti || 4|| vandAruvR^indArakasundarINAM sImantabhR^i~NgA~nchitapAdapadmA | saMstotR^ipadmApatipadmajanmasvArATpikAlyAbhraguNA vibhAti || 5|| yatrodagraharinmaNipravilasatsaudhA~NkurANAM gaNai\- rudgIrNairnijagarbhatashcha chaNakaiH sAmyaM gatAnAM navaiH | rudgeerNairnija muktAnAmamR^itadyuterapi bharaM vIkShya sthitAnAM hR^idi shrAntyAkhU rabhasotpapAta hR^idaye sAra~Nga etanmudhA || 6|| pAdAravindasya purandaro.api sevAM vidhAtA.asmyahameva devyAH | nArhastvamasminniti vajrapANirvyAkShipyate yatra gaNairvichitram || 7|| biDaujasi padAmbuje nibiDatejasi tryambakastriyAH praNatimIpsitapratipadAptaye nirjaraiH | harAvapi hare vidhau praNatikarmakArmINake jayAmba jagadambike jaya jayeti yatra dhvaniH || 8|| tatraikadA nikhilalokacharitravidbhiH samprArthitA bhagavatI praNidhInavargaiH | vij~nApyamasti kimapIti rahasyamasmad\- dR^igyAyinaH kavivarasya kR^itervichitram || 9|| kiM ku~Nkumo.asti kalitAmarabhojyavIchI\- sAraprasAravachasAM pramukhaH kavInAm | yatkAvyamanyakavitAM vidhunoti jIrNAM jAyAmivAbhinavamugdhavadhUstanashrIH || 10|| asahyabharasahyabhUdharamaNau mahArAShTrake mahAbalajaTADhyaniShprathitakR^iShNaveNI dhunI | tadambulaharIplutA jayati vAjisaMj~nA purI sa lakShmaNakavIshvaro vasati tatra vR^ittyA svayA || 11|| veNImAdhava eva yasya janakaH prakhyAtakIrtistathA rAdhA yajjananI satI guNavatI rAmo.api yatsodaraH | atrirgotrapumAMshcha yasya kavitA chetoharA sAmagopAhvo yaH kila rAjate charaNayordevyA bhavAnyAH svayam || 12|| yasya gururyo jAto daNDakarAbhinnaparvatAnvayataH | raghunAthamandarAdrirmathituM tarkAdishAstrachayajaladhim || 13|| sa tvasmatpadapa~NkajasphuradamandAnandasandohada\- syandanma~njumarandasundaramadhuvyAlolarolambakaH | satpotetaratAvinItavanitAsambhogashUnyaH puna\- ryo.asau samprati kathyate mama guNaprauDhiprabaddhAtmakaH || 14|| tasyaiva chetkimapi kAvyamakavyayechCho\- rasmatsabhAparisare paThanIyamasti | yanmatpadAmbujamadhupratiShechane.asya mR^idvIkayApi na kayApi na mR^idvikAsaH || 15|| shrutvA.a.adeshaM dUtavargairbhavAnyA nyAsAndhanyAnvIkShya vAchaH kavestAn | nyasto mUrdhA svAminIpAdapadme kartretyuktaM tatkR^iteryatkR^ite.atra || 16|| sAvadhAnA tato devI kAvyashravaNakarmaNi | jAtetyAlochya sahagavargaiH kAvyaM pravarNyate || 17|| yadyapi padanutirAdau kAryA mAtustathApi vishvasya | mukhyamiti stanapAnaM lakShmaNabAlena tatstutirvihitA || 18|| prAleyashailajanuShaH suhiraNyavallyA gauryAH payodharavichitraphalaM pibAmi | yatsparshanAdapi babhUva sa shUlino.api mR^ityu~njayatvavibhavaikapade.abhiShekaH || 19|| kalyANAvalimAtanotu nitarAM karpUrapUrAdhika\- prAleyaM tuhinAlishailaduhitustu~NgaM tada~NgaM hR^idaH | yenAkAri purAribhAlanayanajvAlAkarAlAvalI\- bADhollIDhatanustadIyahR^idi so.ana~Ngo.api ra~Nge naTaH || 20|| AjIvaM tadupAsmahe.adriduhituH karpUragauraM kuchadvandvaM nIlagalaM suchandanayutaM tatprA~Nmukhendva~Nkitam | yadvIkShyaiva mamarda kiM navamidaM jIvatyasheShe mayi prArUDhaM shivayugmamanyadabalAhR^inmarmaNItIrShyayA || 21|| pratyUhAvalimAlunAtu dayayA yashchArdhanArIkucha\- prAntottu~NgapaTIrapa~NkamadanImInaikamudrA~NkuraH | yaM kR^itvA svayameva manmatharipuH pANishritasvedato yAtaH sAttvikatAM hi tatkaja iti dhyAtvA smarArto.abhavat || 22|| sharvANIkuchakUlamUlavilasatkarpUrakastUrikA\- kAshmIratritayAvaleparachanAchAturyacharyAvatAt | yAmuddishya maheshamAnasamahAhaMsaH prayAgasthitA veNyevetyavadhArayanniva mamajjAnanyavR^ittishchiram || 23|| nityaM pAyAdapAyAjjagadiha tu sharachchandragauraprabhAsau gauryA vakShojayugmadvayashikharacharattArahIrAlimAlA | chaNDyA me nAthachetoviharaNanipuNetIrShyayA tatra baddhAM ga~NgAM nishchitya bhargaH karamapi cha dadau yatpade mokShakAmaH || 24|| numo.aparNA.a.arAmasthalahR^idayakAsArataTaga\- pravalgadvakShojachChalamilitachakrAhvayugalam | darAlokAchChambhoH shishirashashirekhAnakhagatA smarantI sApatnyaM vyathayati nitAntaM yadiha sA || 25|| vande tatkusumAyudhAntakavadhUtu~NgastanAbjadvayaM dugdhAmandamarandamandiramidaM chUchAlilIDhaM param | nityAsyenduvikAsanAnmukulitaM ShaDvaktravaktrAmbujaiH pItaM kiM kimitIshvarasya manaso yenAbhavadvismayaH || 26|| mallIsrakphaNibhogabhUShaNamaNishreNIvidUrollasan\- mainAkAchalasodarI kucharasAdhAradvayI ma~njulA | yasyAH sparshanatastrilochanamanomAnavyapAyo.abhavat pAyAtsA nikhilAM hi viShTapalatAM saMsArajha~njhAnilAt || 27|| tuShAragirikanyakAkuchataTIpaTIrATavI vipATayatu ka~NkaTodbhavakaThoratApaM hi sA | yadIyadaradarshanAdapi garapralIDho haraH sukhena ghanasAravismararipurmahograH shivaH || 28|| rachayatu shivaM vakShojanmadvayaM druhiNojjvalat\- kanakakalashatviDhbIjaM tabhishumbhariposhchiram | tadapi cha muhurdarshaM darshaM kapAlikarochChrita\- prakharanakharaprA~nchachchandrodayo.api bhavatyaho || 29|| dUrIkarotu duritAni purAridAravakShojashailamithunaM jitamandarAdri | yenAbhavadbhavamano.arNavataH pramodapIyUShamatra hutamanmathajIvanAya || 30|| apArAM sampattiM dishatu kucharatnakShitidharaH samuttu~NgasthAnaM sumanasa ume te mama chiram | yadIye mUrghni shrIgalakaranakhAlidyutibhara\- sphuradga~NgAbha~NgA iha hi viharantyeva satatam || 31|| taM kAsarAsuravimardasamutthashoNa\- shoNArdrashoNitakaNaM stanamambikAyAH | vande.amarendrakariNaH kR^itashilpachitraM yachChambhuhR^idyapi kaTaM smaraNIbabhUva || 32|| uddAmadvipakumbhadarpadamanaM prAleyashailA~NgajA\- vakShojadvayamatra bhadramanishaM dhattAM mamAprAkR^itam | yachChrIkaNThakaThorakoTinakharashreNIsR^iNisthApana\- pradyotapR^ithubhAjanaM samabhavatpuShpAyudhAyodhane || 33|| sauvarNAchalasAnusammitakuchadvandvaM bhavAnyAH stumaH senAnIsphuritadvivedarasanAsaMsarpama~nchAyitam | Isho naijakarorubhUShaNagaNaM matveti bhUyastarA\- mAdAtuM yatate yadIyashikharaprAgbhArapANibhramaH || 34|| mAlUradruphalapradarpashamanaM prAleyabhUmIdhara\- pratyuptapratipakShabIjamaparaM durgAstanAdridvayam | yadbhogaikadR^ishaH pishAchanR^ipatervakShaHsthale jAgratI chitrA kApi visaMsthulA namata tatkaNDUrakhaNDAbhavat || 35|| digdantAvalakumbhamauktikamaNishreNIkameNIdR^ishaH sharvANyAH kuchaguchChayugmamavatAtsaMsAratApAddrutam | yasyopAntasamutpatatpashupativyAlolasAbhisphura\- llIlApA~Ngatara~NgabhR^i~NgasubhagaiH shR^i~NgArara~NgAyiyat || 36|| smarArAteH svAntaprakaTakumudaM modayati yo hR^idAkAshasthastaddahananayanAbjaM mukulayan | dadhachchUchaM lakShma prakaTayati chakrAhvayugalaM nihantvadreH kanyAkuchavidhuraghadhvAntapaTalIm || 37|| prAleyAchalakanyakAkuchataTIpATIramoTTAyitAM pApATopakaThorakaShTapaTalAnyApATayantIM stumaH | yatrApInapinAkapANikaThinoraHpIThakaNTholluThad\- vyAlAlIvalayAvalekhamakarodAli~Ngane.anyonyataH || 38|| mAtaH paryabhivAdaye surapurodyAnAntarAlollasad\- bhUjanyaprasavAsavAvasathamudvakShojakoShadvayam | yasyAntaH parameshvarasya karataH sammardanavyApR^itau bhUtiH sa~NkSharati kShapAparivR^iDhArbhapreDhyachUDAmaNeH || 39|| paridhImahite kuchasthalIM maNikAntidyunadInabhaHsthalIm | shivapANinakhendumaNDalIM nijamaulau vinidhAya yA sthitA || 40|| mAturnaumi payodharau trijagatAmArambhakubhau shubhau bhAvatkau bhuvi tau bhavapriyatame bhAvyakShatau bhAsurau | yau shrIkaNThakarapravAlalatikAmUrdhasphuratpallavau ShaDvaktradviradAnanAnanavanojjanmAbhilIDhau chiram || 41|| vakShaHpIThe paTADhyaM smitavibudhadhunInirjharaishchAbhiShiktaM mAtarvakShojarAjaM shritapavimaNirukchAmaraM te namAmi | ChatraM kShIraM pipAsorniTilashashikalAM yatra putrasya matvA durgAdhIsho maheshaH karamapi sa dadau tatsthamArAbhinunnaH || 42|| paTAsaktaM vakShojaniyugamapUrvaM giripateH sukanye manye te navasubhagasAridvayamiti | yaduttu~Ngotsa~Nge mR^igadharadharAkShAnusaraNaM karAbjavyApAraiH samamanishamunmUlatitarAm || 43|| dhayatyetau dhAtA jagadakhilametadrachayituM tathA pAtuM viShNuH pibati harajAye tava kuchau | iti prekShaM prekShaM svayamapi haro mardayati tau jagatsammardAyAbhyasati kimu vidyAmabhinavAm || 44|| bhavetAM kShemAya smaraharavadhUrojakariNau yayorekA romAvalikapaTashuNDAdbhutakarI | mahAdevasvAntaprachuratarakAsAragatayA yayA tadvyApArAmbujamapahR^itaM krIDanavidhau || 45|| uda~nchantau mAtastava kuchaharI hR^iddarimukhAt kura~NgAnAM tArau shivahR^idaTavIsImanihatAm | nihatyainaHshreNImadaduradhirohadvipapatiM prakurvANau muktAvalimayamidaM yau tribhuvanam || 46|| tavemau vakShojau vR^ijinaharaNau divyahariNAvahaM dhyAye mAtarditijatR^iNarAshyadmaravarau | virUpAkShasvAntopavanavarayAtrA chirataraM yayorasti smArAbhidhashabaradhATIvyatikare || 47|| dR^iDhaM kUrpAsena pratipihitamurvIdharasute bhavAni tvadvakShoruhayugalamIDe tadanisham | smarantaM vairaM taM smaramaparamAsAdya suhR^idaM sthitaM saMlIyeti vyathayati haro yatpaTagR^ihe || 48|| vakShastarakShuvarasaMsthamume kuchaM te taM nIlakaNThaparili~NgitabhogamIDe | yatreshvarasya manasastava rUpameve\- tyAkalpakalpanamabhUt pravilokanena || 49|| ghanaM vakShojaM te navanavahiraNyAkR^itidharaM numastaM prahlAdAvalijanakamadrIshvarasute | yadIyAbhoge.asminnanupamanakhAlivraNatatiH sphuratyAkalpaM shrIgalakapaTakaNThIravakaraiH || 50|| vardhiShNurbalimastakasthitapado vakShaHkR^itashrIH sukhaM kuryAnnastuhinAvanIdharasute vakShojaviShNustava | viShNuH shambhuhR^idIti vAkyamamalaM satyaM vidhAtuM svayaM yastUrNaM kR^itasaMsthitirvijayate tasyaiva hR^inmandire || 51|| manastimirashAntaye pratipadaM kuchArkadvayaM bhavAni tava chintyate hR^idayadevavartmasthitam | vikAsayati santataM shivamanaHsarojaM paraM yadeva divase kathaM vyathayatIha kokAnaho || 52|| smarAntakaravallabhe tava payodharashrIphaladvayaM smarati yo janaH sa bhavatIha sachChrIphalaH | itIva kila bodhayan smR^itabhavatkuchashrIH svayaM samudramathane papAvapi garaM haraH shrIphalaH || 53|| smR^itA tava kuchadvayI tuhinashailabAle hara\- tyasAvaghabharaM bhavapriyatame nR^ibhiH kairapi | itIva hR^idi tAM dadhau vidhishirovibhedodbhavaM prachaNDavR^ijinAvalIkavalitaH kapAlI dhuvam || 54|| uchchairuchchaiH padaM yA nayati gurutaraM vardhayatyeva bhogaM bhUbhR^itsattAM tanoti kShitidharatanaye tvatkuchashrIH shriye naH | yaddIkShAbhiH kapardI prathamaparivR^iDho bhaikShyavR^ittiH kapAlI so.api shrImAnvichitraM sapadi cha jagatAmIshvaro.abhUtsukhena || 55|| vakShaHsthaM ditijaripostavAbhivande tAruNyodadhijamurojakaustubhaM tam | yatsthAne smarajanakaM maho hi ki~nchit sammohaM sapadi maheshitushchakAra || 56|| tAruNyAmbhodhijanmA dalitasumakaraH kAmadasre prakAmaM kAmaM yachChatvaparNe pR^ithuhR^idayajanuH pArijAtadrujAtaH | daityavrAtAtapaghnaH padagatajagatIM ChAyayA svai rasaughai rakShaMstR^iptiM cha kurvanbhavahR^idayamahAnandane nandate yaH || 57|| mAtaH stanyamadhu stanasthamanaghaM yachChatvajasraM tava prauDhollAsamakhaNDitaM pashujanuHpAshachChidaM sundari | yatpAnaM gaNape prakurvati shishau chetodR^ishau pashyataH shambhormugdhamabhUdbabhUvaturaho vyAghUrNite cha kShaNAt || 58|| shailelApAlabAle numa iha vibudhaprANajIvAtumUrtiM kShIrodanvatprabhUtaM bhavagadahamurojanmadhanvantariM te | yasyopAstiprabhAvAtpitR^igahanagato vAsukiM kAlakUTaM kaNThe bibhrachcha shUlI nayanagahutabhukso.api mR^ityu~njayo.abhUt || 59|| cha~nchannIlAbhacholIsaliladapaTalIlInamamlAnamAlA\- lolAlpA~NkaM dadhAnaM dharaNidharasute naumi te taM kuchendum | yasyAlokairvinidraM bhavati bhavamanaHkairavaM harShitaM cha kShIrAsArAmR^itaughaM rasavadanamukhaiH pAtukAmaishchakoraiH || 60|| kShIrAshasaMsakalakAmadamAvake te vakShojanuH surabhirUpamakaM nihantu | yatpAtR^iShaNmukhagajAsyaharIndramukhyA vatsA rasastharasanAvasanairvirejuH || 61|| vichitrAlekhADhyaM samaradasuchAturyakalitaM dadhe mAtastaM te hR^idi hR^idayajairAvaNamaham | yadIyA~nchadromAvalikapaTashuNDA shivamanaH\- sarojaM tachchakShuH sarasi parivishyaiva harati || 62|| bhagavati tava vakShojanmarambhAsvarUpaM shukahR^idi suphalasya bhrAntidaM darshanena | dishatu mama shivaM tannR^ityatIshasya chetaH kamalamiva sudharmA divyadeshe chiraM yat || 63|| udagragrIvaM te.aviralamasR^iNaM naumi girije suvR^ittaM hIrodyanmaNiruchamurojendraturagam | payaH pAtuM shliShTadviradamukhaShaDvaktravadanA\- nyapashyatsaptesho gaNapatipitA yatra sahasA || 64|| ditijajanavinAshakaM namaste bhagavati kuchakUTakAlakUTam | yadiha hR^idi harasya kaNThalagnaM kimiti madanyaditIrShyayAvatasthe || 65|| karpUraku~NkumasunAbhijachitralekhaM manye kuchaM valayitaM jananIndrachApam | yasyodbhave smararipoH pravavarSha shambho\- rAnandajAshrusalilaM nayanAmbuvAhaH || 66|| sharvANi te taruNimodgamasindhujAtaM manye kuchaM daramahaM vR^ijinAvalighnam | yaM kurvato nijakare shashishekharasya jAtaH smaraikajanakatvapade.abhiShekaH || 67|| dharAdharasute sutatridashapeyamAshAsmahe tava stanajanuHsudhArasamasArasaMsAraham | smarAmi nayanojjvalajjvalanajAladagdho.apyasA\- vana~Nga iha yatpade kR^itapadena sa~njIvitaH || 68|| alamalamamalohaiH shlokajAlaiH kavestaiH yadidamakhilametaiH krItamevAsmadIyam | punarapi yadi chaivaM varNyate tarhyahaM syAM tadapi bhavatu chetkiM pAritoShIyamasya || 69|| ityAkarNya vacho vichArya cha chamatkArA~nchitaM chetasi shrIdevyAshchakitAH prabhoH praNidhayashchakrustathA taiH param | bhUyaH ki~nchiduda~nchitastabakayA vAchedamanviShyate yachchoktaM kila pAritoShikamiti syAtkiM taduktaM vada || 70|| stotraM gR^ihItamanaghaM stanapAlalakShmyA shulkaM madIyamakhilaM hi mayAsya dattvA | shiShTAhamasmi madabhedamanarghametaM dAsyAmi tasya paritoShaNikaM sukhena || 71|| etadeva kavirAjamAnase kA~NkShitaM lasati santataM kila | anyadekamapi dIyate svataH bhUyatAmanuchareshvarAH sphuTam || 72|| iti stanaghaTastavaM paThati yastu chaNDyA mama prasannahR^idayaH priyo bhavati me sadA sUnuvat | kavirbhavati bhUmipastutavachaHprapa~nchaH kShitau labheta kila vA~nChitaM sahR^idi sundarINAM smaraH || 73|| madIyacharaNAmbuje bhavati bhaktibhAjAM prabhuH kShitIshamukuTasthitaprasavapUjyapAdAmbujaH | anekanavapadminIstanagirIndrakAntichChaTA\- jaTAlahR^idayAntaraH sadasi saMsthito rAjate || 74|| yaH shraddhayA mama ghanastanakumbhalakShmyAH stotraM paThechcha kila saMshR^iNuyAtsalokaH | gIrvANavAmanayanAnayanAravinda\- jAlaprabhAsaraNikajjalatAmupaiti || 75|| pR^ithivyAM bhUpAlo bhavati navavAmorunayana\- praphullAmbhojanmadyumaNirapi vAchA suraguruH | nirastaprochchaNDAkhilaripugaNo matkuchataTI\- stavaM kurvannityaM jayati nijalakShmyApi dhanadam || 76|| yashchitte mama kuchasaMstavaM dadhAti prAvINyaM sakalakalAsu so.ayameti | AmnAyasmaraNamapIha mAmakIne pAdAmbhoruhayugale labheta bhaktim || 77|| ramApi sadane sadA kR^itapadA mudA dAsavad\- ripurbhavati mitravadyuvatisa~Ngamo mokShavat | avAgapi kavIshavadbhavati pAtakaM puNyavad\- yashobhiramalA disho dasha bhavanti yastaM paThet || 78|| chaNDIkuchapa~nchAshatsaMj~namimaM yaH stavaM navaM paThati | sa naro na punarjanuShe bhavati hi niHshreyasAya me dayayA || 79|| tathA.astu kila tatparaM tava jayantu mAtaH prabho padAmbujamadhuchChadAH kavivarasya maulau varam | yato hi kavitAmR^itaM pibati yaH sa muktaH shruta\- stataH sa bhavatA na kiM jagati muktikAntApatiH || 80|| ityuktavatyanucharendragaNe purastA\- dambApadAmbujanitA makarandadhArA | yA syanditA shirasi me kavilakShmaNasya svapnotthitasya tu punAtu punastrilokIm || 81|| yAvachChivArdhagatamasti vapustvadIyaM yAvattvada~NghrikamalaM cha punAti vishvam | tAvattavAmba charaNAmbujayornipatya yAche tvahaM kimapi yaH shayanotthitastvAm || 82|| vAkkAyachittaprakR^itisvabhAvabuddhyAtmabhiH sadasatorapi sa~Ngamena | yadyatkR^itaM yadapi bhAvyamasheShamAtaryadyatkaromyakhilamastu tavArpaNaM tat || 83|| iti shrImadatrigotramANikyasAmagopanAmakaveNImAdhavAchAryasuta\- rasAla~NkArapArAvArapArINalakShmaNAchAryakR^itA shrIchaNDIkuchapa~nchAshikAstotraM sampUrNam || ## Proofread by PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}