% Text title            : chaNDIrahasya by nIlakaNThadIkShita
% File name             : chaNDIrahasyanIlakaNThadIkShita.itx
% Category              : devii, devI, durgA, nIlakaNThadIkShita
% Location              : doc\_devii
% Author                : Nilakantha Dikshitar
% Proofread by          : Surya Maruvada, Ruma Dewan
% Latest update         : June 5, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIchaNDIrahasyaM ..}##
\itxtitle{.. shrIchaNDIrahasyam ..}##\endtitles ##
yachChaktileshasakR^idarpaNapAtrabhAva\-
     mAtrAdapi druhiNashaurimaheshvarANAm |
prApto yadi shrutishataiH paramAtmabhAva\-
     stAmamba devi bhavatI kimiti stuvantu || 1||
kR^itvA mukhaM pashupatirbhavatI kilaikAM
     nirmAti pAlayati hanti jaganti devaH |
tajjAmitAviparivR^ittikR^ite tameva
     shambhuM mukhaM kR^itavatI bhavatIti manye || 2||
vishvaM niyachChati vishR^i~NkhalacheShTito yaH
     so.api tvayA niyamanIya iti sphuTaM naH |
vaivasvataM chikurabhAvajuShaM yadamba
     badhnAsi veNikabarIgrathanAdibhedaiH || 3||
bhrUki~NkarANi bhuvanAni tava bhruvau cha
     sandhyAtmike iti gR^iNanti yato.ata eva |
karmANi mAtaritarANi karotu mA vA
     sandhyAM punarbhajata eva samastalokaH || 4||
jAtA dR^isho janani pAvakatejasaiva
     tisrastavetyapi kimAgamabodhyametat |
pApAnyapA~NgavalanaiH parimArjatInAM
     tAsAM cha pAvakapade vichikitsate kaH || 5||
mUlyaM na yasya bhuvanAni chaturdashApi
     muktAphalaM vahati tattava nAsiketi |
chitrIyate kimapi chetasi me na mAtaH
     kiM rAjarAjapadavIM bhajatAmalabhyam || 6||
nAsAdhikAramiha gandhavahAtmakatvaM
     devi shrutI svayamapAharatAM bhavatyAH |
sarvAH shrutIrapi tu sA svavashe chakAra
     kiM durlabhaM triShu jagatsu dhaneshvarANAm || 7||
prA~ncho jagajjanani ye patayaH prajAnAM
     te devi saMvavR^itire dashanAtmanA te |
no chettadantikatale rasanAgrabhAge
     kiM bhAratI vasati ki~NkaratAM gateva || 8||
svenAtmanA muraripurdanujairvigR^ihya
     vArAn katIha na babhAra parA~Nmukhatvam |
ojAyituM sa nirapAyamupAyavedI
     bAhyAtmanA pariNato niyataM bhavatyAH || 9||
varShan karo mahiShamardani te vasUni
     prastUyatAM kavijanairna mamAdbhutaM tat |
AsAditA vasubhira~NgulitA yadIyA
     kastasya shaMsa vasuvarShavidhau prayAsaH || 10||
some.amR^itaM katichideva purA labhante
     tallabhyamastu jagatAmiti tarkayantyA |
nItaH payodharadashAM sa shive tvayA ya\-
     dasmAdR^ishAmayamatarkitabhAgyayogaH || 11||
brahmarShishApabhavayA trapayA mahatyA
     prAgAsta yaH kvachana devi sarasyadR^ishyaH |
nUnaM sa eSha vibudhAdhipatirbhavatyAH
     prApto valagnapadavImadhunApyadR^ishyaH || 12||
pAdau babhUva tava padmabhavastataH kiM
     bAhyAtmanA pariNanAma haristataH kim |
siddhA nitambavidhayA vasudhA yadA te
     siddhastadA puraharasya manoratho.ayam || 13||
yadvAruNaM kathitamUruyugaM saja~Ngha\-
     mindIvarachChadasakAnti na vAruNaM tat |
prAchetasaM tadiha varNayituM kShameta
     prAchetasaM kavikulaprathamaM vinA kaH || 14||
vaktrairakR^itrimavachAMsi vahan viShaNNo
     vedhAshchiraM vipariNamya padAtmanA te |
sandhAryate.adya shirasA sakalairamIbhiH
     kliShTashchirAt kimupayAtu na jAtu harSham || 15||
bAhyaM tamo harati yastapanaH katha~nchi\-
     tpAdau tavA~NgulitayAmba bhajan sa eva |
antastamAMsi cha haratyatidurharANi
     kiM senyasevanavidhirna karoti puMsAm || 16||
deveShu vAsavamukheShu nijAM nidhAya
     shaktiM yadamba samaye punaragrahIstvam |
karpUrabhAjananayAdadhunApi te te
     kIrtiM vahanti kiyatImapi tAvataiva || 17||
tejAMsi cha praharaNAni cha yAni yAni
     deveShu devi nihitAni purA bhavatyA |
tAnyeva niShphalatarANi tadAshritAni
     tvatsvIkR^itAni phalavanti babhUvurittham || 18||
shattyA yayA divicharA atisherate.asmAn
     sA cha tvamityavagataH sakalaishcha tantraiH |
kiM tvaM vichArakushalairasi sevanIyA
     kiM devatAstava R^ijIShadashAM prapannAH || 19||
indraM yajantu tava garbhamupAsate te
     vahniM yajantu nayane tava tarpayanti |
bhAnuM namantu vinamanti padAmbujaM te
     sarvaM jagannanu samarchati sarvathA tvAm || 20||
kechit pratIkamitare tu samagrarUpa\-
     mArAdhayanti tava ye punarAstikAH syuH |
nAstikyavAdaniratA narake patanto\-
     .apyamba stuvanti chikurAtmakamantakena || 21||
shauriM vibodhya samarAya tamudyamayya
     vyAmohya dAnavavarau kR^itasaMvidhAnA |
mAtastvameva madhukaiTabhayornihantrI
     shAr~NgI kR^ite bhavati shastrapadAbhiShiktaH || 22||
daityau varaM vitarato nijanAsharUpaM
     daityAraye trijagatAM varado varArthI |
itthaM prachoditadhiyAM kShamamIshvaratvaM
     vR^itteShu kiM na sachivo.api nR^ipaM niyu~Nkte || 23||
nyastaM yadA shirasi pAdatalaM bhavatyA
     labdhaM tadaiva mahiSheNa paraM padaM te |
hantuM punaryadidamAdadiShe trishUlaM
     tatte jagajjanani sa~NgarasambhrameNa || 24||
kastvAM raNe jayatu kastava hantu darpaM
     ko vAstu te pratibhaTo bhavitA patiH kaH |
daityaM pratArayitumeva kR^ito.abhyupAyo
     devaM na vismR^itavatI bhavatI mahesham || 25||
chaNDi dviShastava nipeturapetakR^ityA\-
     shchaNDATTahAsaninadairiti nAdbhutaM naH |
dR^iShTakriyastriShu pureShu tavAprasiddho
     mandasmitArdhamahimA na hi mAdR^ishAnAm || 26||
karmANi yAni dasha te janabhIShaNAni
     kalyANadAni bhajatAmabhijAnatAM vA |
taireva vishvamakhilaM parivR^ittibhedai\-
     rbadhnAsi mu~nchasi cha ku~nchikayeva yantram || 27||
anvAsitaM hariharadruhiNaiH sadArai\-
     rjAmAtR^ibhistanubhavairduhituH sutaishcha |
agropaveshitajagajjananIsamAja\-
     mArAdhaye janani rUpamanuttaraM te || 28||
sarvAnukampanaparaM svakR^itopadeshaiH
     sArvaj~nagarvashamanaM taruNendumauleH |
sattvaikasAramakR^itoktipathAnusAraM
     sArasvataM vapuridaM tava chintayAmaH || 29||
nandAtmajeti nanu varShasi hemarAshiM
     shAkambharIti shamayasyudaropasargAn |
yogIshvarIti parihR^itya bhayAni bhaktAn
     mAteva pAyayasi kAmadughau stanau te || 30||
ichChAtmikA puraharasya chidAtmikA cha
     shaktistrilokavidite na hi tatra sha~NkA |
te chArchite janayataH kila yatprasAdaM
     tAmAshraye bhagavataH kR^itishaktimAmbAm || 31||
tvaM chetanAsi hR^idayaM tvamasi prajAnAM
     tvaM vR^ittayo dhR^itimatipramukhAstadIyAH |
kaiH sAdhanairabhimukhIkaraNaM tava syAt
     svenaiva devi dayase yadi taddayethAH || 32||
tvatpUjanaM yadiha jAnadajAnadarhaM
     mAtashchakartha mahatI kila chAturIyam |
jAnadbhireva bhavatI yadi pUjanIyA
     lupyeta pUjanakathaiva jagattraye te || 33||
yAvatparatvamakhilAgamabodhitaM te
     tAvattataH shataguNaM cha sukhAshrayAsi |
vedAstvadarchanavidhAnaparA hi no che\-
     damba syurabdhitaraNoktivadapramANam || 34||
prAj~nAnabhij~nasulabhAM paripUrNashakti\-
     mavyAjabhUtakaruNApariNAmarUpAm |
ambAM manAgapi manasyavalambamAnA
     dhIrA na bibhyati katha~nchidito.amuto vA || 35||
abhyarthanIyamakhilaM bhavadAshritAnA\-
     mabhyarthitaM prathamameva hi devasa~NghaiH |
amba smaransaphalayAmyavashiShTamAyu\-
     ra~NgAni te bhuvanama~Ngalama~NgalAni || 36||

iti shrInIlakaNThadIkShitavirachitaM chaNDIrahasyaM sampUrNam ||
##
Proofread by Surya Maruvada, Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}