% Text title : chakrarAjavarNanam % File name : chakrarAjavarNanam.itx % Category : devii, devI, panchadashI % Location : doc\_devii % Proofread by : PSA Easwaran % Description-comments : Brihatstotraratnakara 2, Narayana Ram Acharya, Nirnayasagar, stotrasankhyA 225-425 % Latest update : December 27, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIchakrarAjavarNanam ..}## \itxtitle{.. shrIchakrarAjavarNanam ..}##\endtitles ## shrIgaNeshAya namaH || OM ka e I la hrIM ha sa ka ha la hrIM sa ka la hrIM shrIM | a~NkAdhirUDhayA shrIvallabhayA.a.ashliShTasundarasvA~Ngam | ku~Nkumapa~NkiladehaM sha~NkaratanayaM namAmi vAksiddhyai || 1|| jaya jaya chakrAdhIshvari jaya jaya lokaikaparajanani | jaya jaya nigamAtIte jaya jaya kAmeshavAmAkShi || 2|| kadA devi sA~NgAM mudA pUjayitvA hR^idi brahmamodaM bhajeyaM kR^itArthI bhaveyaM kShaNArthI sadA lokatantre nimagnastvadarchAM vidhAnena kartum | vihInaH svashaktyA stavenApi rAj~nIM sadA bhAvayAmIti kR^itvA hR^idabje padAbjaM tvadIyaM sadA bhAvayitvA dhiyA pUjayAmi || prakR^iShTe trirekhAdharAshreNiprasiddhAbhirIDyAM cha mAtraughasaMsevyamAnAM cha sa~NkShobhiNImukhyamudrAdhidevIbhirArAdhyamAnAM trilokaikamohAkhya\- chakrAdhidevIM tripUrvAM purAM lokadhAtrIM prakaTAkhyadevIbhirArAdhyamAnAM cha sa~NkShobhiNImudrayA rAjamAnAM namAmi svamUrdhnA namAmi svamUrdhnA || 3|| eNA~NkachUDAladevIM dvitIye cha chakre kalAbjena yukte.abhivA~nChAprapUre kalAkAmakarShAdidevIbhirardhendubhAvAsvachChirobhUShaNAbhiH pravAlaprabhAbhishchaturbAhusa~NkrAntachApAsicharmaprabANAbhirAmAbhi\- retAbhirIDyAM cha guptAbhidhAnAbhirAraktanetrAM pureshIM sadA sarvavidrAviNImudrikAyuktahastAM namAmi svamUrdhnA namAmi svamUrdhnA || 4|| IshAdhidevIM tR^itIye.aShTapadme svanAmnA jagatkShobhaNe.asminmanoj~ne tvana~NgaprasUnAdidevIbhiratyugravikrAntiyuktAbhirIkShuM cha kodaNDamastraM cha pauShpaM tathA kandukaM chotpalaM dhArayantIbhiratyantashoNAbhiratyanta\- guptAbhirAsevyamAnAM cha chakrAdhinAthAM mudA sundarIM pANipadmena chAkarShiNImudrikADhyAM namAmi svamUrdhA namAmi svamUrdhnA || 5|| lakShyAM mahAyogivR^indaisturIye mahAchakramadhye tu saubhAgyade.asminmanoj~ne jagatsa~NkhyakAstre niShaNNAM cha sa~NkShobhiNImukhyadevIbhiratyantatIvrAbhirArakta\- sindUrapa~Nkena bhAsvallalATAbhiratyugravahniprabhAbhistathA vahnichApaM sharaM chakrakhaDgau vahantIbhirArAdhitAM sampradAyAbhidhAbhishcha chakreshvarIM vAsinIM pANipadmena vashya~NkarImudrikAM dhArayantIM namAmi svamUrdhnA namAmi svamUrdhnA || 6|| hrI~NkArarUpAM maheshIM bhavAnIM tathA pa~nchame.asmindashAre bahirbhUta\- chakre manoj~ne sunAmnA hi sarvArthasAdhe niShaNNAM cha siddhipradAmukhya\- devIbhiratyachChadehaprabhAbhiH karAbjaishchaturbhirgadAM pAshaghaNTAmaNiM parashuM dhArayantIbhiretAbhiruttIrNadevIbhirArAdhyamAnAM chakrAdhinAthAM purAshrIsamAkhyAM karAbjena chonmAdinImudrikAM dhArayantIM sadAhaM namAmi svamUrdhnA namAmi svamUrdhnA || 7|| haryashvamukhyaiH suraiH pUjitAM tAM suchakre.api ShaShThe tathAntardashAre.atra nAmnA cha rakShAkare.asminmanoj~ne cha sarvaj~nadevImukhAbhishchaturbAhu\- yuktAbhiratyachChamuktAtigaurAbhirabjAtahastaishcha vajraM cha shaktiM tathA tomaraM chakrarAjaM vahantIbhiretAbhirIDyAM nigarbhAbhidhAbhishcha chakreshvarIM mAlinIM hastapadme mahAmudrikAM vahantIM namAmi svamUrdhnA namAmi svamUrdhnA || 8|| sarvasya lokatya chAdhArabhUtAM tAM saptame.asmin gajAsre manoj~ne cha rogapraNAshe vashinyAdivAgdevatAbhishcha saMraktapuShpaprabhAbhiH karAbjaiH sharaM chApavINAM cha pustaM vahantIbhiratyachChamuktA\- sareNollasantIbhiretAbhirIDyAM rahasyAbhidhAbhishcha chakreshvarIM siddhanAthAM karAbjena khecharyabhikhyAM sumudrAM vahantIM namAmi svamUrdhnA namAmi svamUrdhnA || 9|| kalyANashIle vashinyAdigehAtparaM bhrAjamAnAni divyAstravR^indAni chApadvayaM chaukShavaM pauShpamastraM cha pAshadvayaM chA~NkushadvandvakaM lokapitroH sadAhaM namAmi svamUrdhnA namAmi svamUrdhnA || 10|| harA~Nke vasantIM trikoNe.aShTame.asmin susiddhiprade chakrarAje manoj~ne cha kAmeshvarIvajranAthAbhageshIbhirabjAtahasteShu chApaM sharaM pAnapAtraM kR^ipANaM tathA mAtuli~NgaM cha dhaNTAmaNiM kapAlaM vahantIbhiratyantatulyAbhiretAbhirIDyAM purAmbAM cha chakrAdhinAthAM svahastena bIjAkhyamudrAM vahantIM namAmi svamUrdhnA namAmi svamUrdhnA || 11|| lakShmIshavAgIshavandye trikoNe cha mitreshanAdhAdinAthAn gurUMshchApi divyaughasiddhaughamartyaudhavR^indaM cha sAlokyasArUpyasAyujyasiddhiM gataM devi bhaktyA namAmi svamUrdhnA namAmi svamUrdhnA || 12|| hrIMbIjagamye tato devi dhiShNye kalAsa~NkhyakAstAshcha nityasvarUpAshcha kAmeshvarImukhyadevIH samAnA namAmi svamUrghnA namAmi svamUrdhnA || 13|| satyasvarUpasya bindoH samIpe sadA rakShaNArthaM dhR^itAstrAH suveShAH sadA jAgarUkAH ShaDa~NgAdhidevIH sulAvaNyapUrNA namAmi svamUrdhnA namAmi svamUrdhnA || 14|| kalAnAthavaktrAM jalAdhArakeshIM jhaShadvandvanetrAM pinAkAbhachillIM sitArdhenduphAlAM sumAkAranAsAM subimboShTharamyAM kadambadvijAliM kanatkambukaNThIM latAbAhuyuktAM kulAgastanadvandvasaMshobhamAnAM valIshobhamAnAM valagne parokShAM surambhorushobhatrikoNasya madhye sadAnandapIThe shivA~Nke lasantIM trikhaNDAkhyamudrAyutAM chakrarAj~nIM mahAbhairavIM tAM namAmi svamUrdhnA namAmi svamUrdhnA || 15|| lasadraktasindUravarNAM karAbjaiH supAshaM cha kodaNDamikShuprakANDaM sumAstraM tathA chA~NkushaM dhArayantIM kR^ipApUrNalAvaNyanetrAntaramyAM sudhAsyandinikvANavAgjanmabhUmiM sumAstrasya shAstrArthasAraikanADIM natAnAM janAnAM samastapradAtrIM navAnAM purANAmadhIshAM sugAtrIM jagadrakShaNe dakShabAhAlatADhyAM namAmi svamUrghnA namAmi svamUrghnA || 16|| hI~NkArayuktena mantreNa nityaM bhavatpAdukAM ye smaranti svabuddhyA na teShAM jarAmR^ityudAridyapIDA cha teShAM hi sandarshamAtreNa sarvAH prabAdhAH praNashyanti satyaM trisatyaM cha satyaM kR^itArthAshcha te muktibhAjo hi ye vA mahArAj~ni chittAmbuje tvAM sadA dhArayantIha shrIchakrasAmrAj~ni bhaktyA namAmi svamUrdhnA namAmi svamUrdhnA || 17|| shrI~NkAramantrAbjashR^i~NgArahaMsIM nR^ipoktiprapa~nchAntasiddhAntavallIM lasadbhR^i~NganIlAlakashreNiramyAM sadA bhaktinamreNa chittena gamyAM harA~Nke harervakShasi brahmavaktre tridhArUpasampattivibhrAjamAnAM chidAnandavallIM turIyAM pareshIM jagatsR^iShTisaMrakShaNAkarShakartrIM guNAtItarUpAM guNaishchApi yuktAM mahAmantrarUpAM mahApITharUpAM mahAshaktirUpAM mahAnandarUpAM namAmi svamUrdhnA namAmi svamUrdhnA || 18|| iti shrIchakrarAjavarNanaM sampUrNam || ## Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}