% Text title : Shri Chellurapurisha Stava 08 30 % File name : chellUrapurIshastavaH.itx % Category : devii, devI % Location : doc\_devii % Proofread by : Rajesh Thyagarajan % Description/comments : From stotrArNavaH 08-30 % Latest update : August 15, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Chellurapurisha Stava ..}## \itxtitle{.. shrIchellUrapurIshastavaH ..}##\endtitles ## lakShmIvidyudvilAsaH prasR^imarakaruNAsAravarShmaprakarShaH kurvANo nIlakaNThaM pramadaparavashaM chandrakodbhAsamAnam | sachchetashchAtakAnAM sapadi virachaya ndhArayAnandapUraM dR^iShTo.ayaM sa~NgamAkhye mahati puravare shyAmalaH ko.api meghaH || 1|| chitraM janAH shR^iNuta sa~Ngamara~NgabhAjo lakShmIsakhasya purataH puruShottamasya | madhyekulIpini nimajya bhavAmburAshe\- ruddhR^itapa~Nkamudamajji mayA kimetat || 2|| karNAyuShyamuda~nchayatyaharahaH shrIshambarAdhyAsino bAlasyAmbudamechakasya madhuro veNudhvanirvishrutaH | vR^ikShAn pallavayan shilAstaralayannambhAMsi cha stambhayan gopastrIkuchamaNDalIH pulakayaMstApatrayaM khaNDayan || 3|| tejAMsi mAnase me dR^iDhakuchakumbhAni dalitasumbhAni | vidyAtmakAni kAnyapi vidyante kAntitulitavidyunti || 4|| jananamaraNakleshachChedAya jAgrati tAvake charaNakamale mAtarhA hanta mohavashAdaham | adhanikasadanaM dhAvandhAvaM nijodarabhastrikA\- bharaNavidhaye kaShTaM kaShTaM bhramAmi kiyachiram || 5|| utpannamAtrakShaNamuktamAyA\- straiNatya viShNoH stanapAnalobhAt | mudhaiva chunbantamuro mukhena shAstAramIDe sakalArthasiddhayai || 6|| yahorantaramamburAshisukR^itonmeSheNa shR^i~NgAritaM yannAbhIkamale charanmadhukaro nirmAdumIShTe jagat | yannetradvayamAtanoti jagatAM naktandinAprakramaM nAvAkShetravihAriNI vijayate kAchinmahaHprAchurI || 7|| shabdabrahmachaNaM yadIyatalimaM ChandAMsi yadvAhanaM vakSho yasya mahAmburAshitapasAM pAkena kallolitam | vishvotpattinidAnasUtisadanaM yannAbhipakeruhaM so.ayaM ko.api murArinAmani pure devo darIdR^ishyate || 8|| prAdussantu puraH puratrayavadhUbibbokasampaddruhaH shrIchellUrapurInivAsarasikAratejovilAsA mama | yeShu dhyAnapathaM gateShu bhavitA nR^INAM phaNI bhUShaNam | vAmA~NgaM vanitA dishashcha vasanaM bhAgIrathI mAlikA || 9|| ye dhyAyanti niSheduShImupapaTaM vyAkhyAnamudrAsakhIM mUrtiM te munimAnasaikasugamAM mugdhenduchUDAmaNe | teShAmAshu viniHsaranti vadanAt sa~NkrandanArAmabhU\- mandAradrumakorakasrutasudhAmAdhuryadhuryA giraH || 10|| utkUlapraNayAtirekamudayadromA~nchapu~njaM muhuH\- pratyAkhyAnaparaikabhAgavachanaM chellUrapuryAmaho | nIvIsparshaviloladakShiNakaravyApArarodhakriyA\- vaiyagryAkulavAmapANi shivayoraikyaM parikrIDate || 11|| nIhArAhAryakanyAmR^idulabhujalatAli~NganotkaNThakaNThaH khaNDaM bibhrakirITe kamapi kuvalayAnandanADindhamAMshum | brahmakShetre pavitre parichitakaruNaH porasphurItyAshritAnAM nirbhindan mohabandhAnakR^itakavachasAM nishchitaH kashchidarthaH || 12|| ghoraghrANamudagrahu~NkR^itimiladdharmAmbu lambAdharaM vyAviddhabhrukuTIkaThoraniTilaM vAntasphuli~NgekShaNam | vidyutpATalakeshamugradashanaM viShTabdhakarNadvayaM vaktraM mR^ityubhaTasya sha~Nkara nahi tvadbhaktimAn pashyati || 13|| bhajata jananImekAM lokatrayasya dayAmayIM patata sudhiyo mA mA bhIme punarbhavavAridhau | akR^itakavachovedyAmAdyAmapA (~Ngita) sha~NkarAM mR^iditamahiShAM muktikShetre mukundasahodarIm || 14|| brahmakShetresha shambho tvadaparamamaraM yadyahaM varNayiShye kaNThe kuNThaprachAraM skhalati mama vacho jAlakarmIladarthaM (?) | tiShTUShe chedbhavantaM tripurahara girAM manmukhAmbhojagarbhAt jR^imbhante ke.api gumbhA balamathanadhunIpaddhatispardhinInAm || 15|| bhUdharAdhipasutAmukhapadmaprabhramadbhramaravibhramanetraH | bobhavIti bhavabhItivibhedI shrIvibhItakapure puramAthI || 16|| yogIndramAnasasaroruhaShaTpadAya shailendrajAnayanaShaTpadapa~NkajAya | aj~nAnarUpatimiraughadivAkarAya bhaktArtibha~njanaparAya namo namaste || 17|| muhurbhintAdindurmakuTagR^ihamedhI puraripoH parakroDakrIDAnilayanajuSho mohatimiram | kuche gauryA hArA iva mR^idulahAsA iva mukhe navA mallImAlA iva kachabhare yasya kiraNAH || 18|| kANAH kiM ka~NkaNasya tripuravijayino nR^ityatashchittara~Nge kiM vA tasyaiva chUDAghumughumitaviyadvAhinIvIchirAvAH | AhosvidvaktrakhelatkamalajamahilAshroNikA~nchIninAdA vAchaste vikramakShmAvalamathana mukhAmbhoruhAnnissaranti || 19|| karNaM sAvarNamarNomuchamamitashuchaM dInavAchaM dadhIchaM chintAlagnaM dhuratnaM shibimapashivikaM svargavIM (pa~N) guvIryAm | shashvadvishrANanashrIH shiva shiva diviShaddrUn viShadrUn vidhatte | vishvottIrNasya vishvambharacharitanidhe vikramakShmApate te || 20|| prakrIDatkArtavIryArjunabhujavidhR^itonmuktasomodbhavAgbha\- ssambhArakShobhasambhedanachaturavachogumbhagambhIrimashrIH | tuNDIrakShoNikhaNDAdiha tava viShaye.ahiNDatoddaNDasUriH so.ayaM te vikramakShoNipa kimu na gataH shrotriyaH shrotradesham || 21|| puShNannevamaharnishaM dvijagaNAn mR^iShTAnnadAnakramaiH shrIkaNThakShitipAla jIvatu bhavAnAchandramAtArakam | stAvaM stAndamamI vayaM cha bhavataH kIrtiM dishaM dakShiNA\- mADhaukya pratiyAma kairapi dinaiH kartuM punardarshanam || 22|| dR^iShTaM mayA maNikavATapuTAntarAle shrutyantachumbinayanoditakAmatantram | mugdhasmitA~NkuravikasvaragaNDamUla\- mudyanmR^igA~NkaruchiraM mukhamuttarAyAH || 23|| badanagalitalAlaM mAturutsa~NgalolaM\- taralachikurajAlaM stanyapAnAnukUlam | nikhilabhuvanamUlaM chetasA sArvakAlaM balabhidupalanIlaM bAlamAlokayAmaH || 24|| jIyAsurjanidharmataptasumanashchetaHsudhAvR^iShTayo mAyAvallavabAlakasya madhurA vaMshIninAdAkurAH | ye shashvata sthagayanti gopasudR^ishAM nIrandhraromodrama\- shreNIka~nchulibhirvimUDhamanasAM srastottarIyAn kuchAn || 25|| a~NgaNe ghaTitari~NkhaNaM chalitaki~NkiNIkR^itajhaNajhaNaM cha~nchalAlakakulAphulaM taralalochanaM jananamochanam | a~NkuradvishadadantakuDmalavilobhanIyavadanAmbujaM shammbare kamapi chintayAmi shishumindranIlamaNimechakam || 26|| AkulAkulavinIlakuntalaM gokulAnugatikelilAlasam | AkapolamanuliptakajjalaM lokapAlakamupaimi bAlakam || 27|| vyatyAsAhita pAdayApi valitagrIvAbhirAmashriyA satyAnandaghanasvarUpavapuShaH sthityA jaganmohayan | vaMshArAvasudhArasairapaharan saMsAratApaM satA uttaMsAyitabarhabhArasubhagaH kaMsArirAstAM mude || 28|| cha~nchalIkaraNama~njuku~nchitaghanAlakaM brajanitambinI\- cha~nchalIkaraNakelidurlalitaveNumudritamukhAmbujam | pi~nChabhArakR^itabhUShaNaM madhurabhAShaNaM duritamoShaNaM va~nchanAkalitagopaveShamurarIkaromi parapUrUSham || 29|| uttaralalochanamulUkhalanibaddhaM bhagnayamalArjunamasajjanavidUram | jAnukR^itacha~NkramaNasa~NkulakarAbjaM dhyAyata namaskuruta gAyata kishoram || 30|| dhAmapi pi~NgalAM cha yaminaH kR^itvA suShumnApathe yatnAdvAtamanAhatasnutasudhAsvAdAnusandhAyinaH (?) | satyaM j~nAnamanantamuttamaguNaM dhyAyanti yattatpadaM tadbrahmANi nanu tvameva nigamairgaurIsha jegIyase || 31|| vyaktAvyaktamidaM jagatprabhavati tvattaH paraM jyotiShaH tatsarva svayamAtmano mahimataH saMvyApya santrAyase | utpattikramatastathaiva tadidaM tvayyeva saMlIyate chellUreshvara durvigAhamahahA chitraM charitraM tava || 32|| nechChA tuchChatare narendravibhave nApi smarasmeradR^i\- ggaurA~NgIparibhogakeliShu na cha svargAdhirAjyodaye | no tatrApyapavargakuTTimaparikrIDAsu kiM tvanvahaM sevAyai spR^ihayAmi kevalamahaM chellUrapuryAH prabhoH || 33|| yAche ki~nchididaM kR^itA~njalipuTaM chellUrapuryAH pate svAmin vAraya chandrashekhara kR^ipAvArAnnidhe mAmakIm | dvitragrAmaTikAdhipatyakalitAhambhAvashumbhanmati\- kShudrakShmAdhavachATukoTighaTanAdainyasya dogdhrIM dashAm || 34|| kaNThagrAhikaphe skhaladgiri chaladbodhe galanmArute mIlachchakShuShi vepamAnahR^idaye kAle sati prastute | Aruhma svayamadrirAjasutayA sAkaM mahAshAkaraM svAmin sha~Nkara sannidhehi kR^ipayA chellUrabhUShAmaNe || 35|| bhintA hR^inmauDhyamADhya~NkaraNamahikulagrAmaNIdAmanaddhaM mugdhaM mUrdhasthalaM te kapisharuchijaTAmaNDanaM kuNDanAtha | yuddhakrIDatsubhadrAsahacharamahitArambhadostambhaghUrNa\- dgANDIvoddaNDadaNDAhatighaTitakiNagranthilaM chandramaule || 36|| majjanto mArShTukAmA iva madanavadhUnavyavaidhavyadAnA dudbhUtaM pAtakaughaM mukuTataTaviyadvAhinIvAripUre | kurvANA bhUShaNAhivrajaphaNaphalake dIpramANikyasha~NkAM pi~NgA netrasphuli~NgA jhaTitipashupate bhasmayantvasmadaMhaH || 37|| pAdA~NguShThaM purArerbhajata navalatApallavAgrAnmradiShThaM krIDAsparshena yasya prachayitashikharanya~nchite rAjatAdrau | astavyastArakeshottaraladashamukhIdAruNAkrandabhinna\- brahmANDo bhUmipR^iShTholluThitabhujavanaH pa~NktikaNTho jihiNDe || 38|| AbaddhabhrukuTIvibha~NgamajahatkauryA~NkuraM ki~NkaraM bho bho shrAddhapate vR^ithA mama kR^ite mA jitvaraM tatvaraH | pAdAbjaM paribhAti chetasi parakroDeshiturdhUrjaTeH\- pUrvaM yena bhavadbhujAntarashilAkuTTAkaTa~NkAyitam || 39|| kaNThe kaphaiH kabalite karaNe sakampe netre nimIlati marutyapi mandamande | sadyaH kaNakanakanUpurachAru mAtaH pratyakShamastu charaNaM paripATalaM te || 40|| sphuranti mama chetasi dyutinirastaka~Nkelayo dR^iga~nchalaniyantritatridashavAhinImaulayaH | durantaduritAchalaprakarabhedadambholayaH kusumbharuchirAdharAH kuchabharAnatAH kelayaH || 41|| makarandatundilasharaM madhurimadhaureyachArukodaNDam | pAshasR^iNipANi ki~nchana pAshupataM bhAgyamAvirastu puraH || 42|| karatalakalitekShukArmukANAM kamalakulArikalAvataMsitAnAm | pashupatitapasAM pachelimAnAM parichayavAnahamasmi pATalimnAm || 43|| kR^ittidharahastalAlitanistulakuchavijitahastimastaruchi | muktipure nistimiraM mugdhakura~NgAkShamasti vastu param || 44|| jaya jaya porkalimAtarume taruNAruNakoTivimAnaruche jagadabhaya~Nkara sha~NkarabhAmini ki~NkaritAmari tu~Ngakuche | bhavabhayakampini sumbhanisumbhanisumbhanasambhR^itachaNDatano tribhuvanapAlini ghorakapAlini shUlini khelini pAlaya mAm || 45|| samadhikadurmadameduradArukadAnavadAruvidAravidhA\- chaTulakaThorakuThArakR^ipANatarAlitapATalapANitalAm | praNamata porkalimAtaramAturachAtakajAtapayodaghaTAM dhavalasaTAkulabhAsurakesarikaNThagatAmavikuNThakR^ipAm || 46|| dinamukhajR^imbhabhR^idambujasambhR^itadambhasamR^id.hdhyudarambharidR^iga\- valananigumbhitashambarashAsanatantraniyantritasha~NkarayA | nilayitamastu manastu kayAchana hastipanistulamastajayi\- stana(vi) (yuga)bhugnavilagnavalattrivalIlavalIkulayA kalayA || 47|| paricharaNAcharaNochitakhechararAjapurIcharachandramukhI\- karakalachAlitachAmarakorakamArutapotakadhUtakache | sapadi vijR^imbhaya sampadamamba bhayaM parikampaya ki~ncha dR^ishA kShaNamanukampaya shambhukuTumbini tu~Nganitambini kambugale || 48|| iti shrIchellUrapurIshastavaH sampUrNaH | ## Proofread by Rajesh Thyagarajan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}