% Text title            : shriichhinnamastaastotram
% File name             : chhinnamastaastotram.itx
% Category              : devii, dashamahAvidyA, stotra, devI, stavarAja, shankarAchArya
% Location              : doc\_devii
% Author                : shankarAchArya
% Transliterated by     : Ravin Bhalekar ravibhalekar at hotmail.com
% Proofread by          : Ravin Bhalekar ravibhalekar at hotmail.com
% Latest update         : August 28, 2006, July 27, 2008
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Chinnamastastotram or Prachandachandikastavarajah ..}##
\itxtitle{.. shrIChinnamastAstotram athavA prachaNDachaNDikAstavarAjaH ..}##\endtitles ##

shrIgaNeshAya namaH |
Anandayitri parameshvari vedagarbhe
mAtaH purandarapurAntaralabdhanetre |
lakShmImasheShajagatAM paribhAvayantaH
santo bhajanti bhavatIM dhanadeshalabdhyai || 1||
lajjAnugAM vimalavidrumakAntikAntAM
kAntAnurAgarasikAH parameshvari tvAm |
ye bhAvayanti manasA manujAsta ete
sImantinIbhiranishaM paribhAvyamAnAH || 2||
mAyAmayIM nikhilapAtakakoTikUTavidrAviNIM
bhR^ishamasa.nshayino bhajanti |
tvAM padmasundaratanuM taruNAruNAsyAM
pAshA~NkushAbhayavarAdyakarAM varAstraiH || 3||
te tarkakarkashadhiyaH shrutishAstrashilpaishChando.a\-
bhishobhitamukhAH sakalAgamaj~nAH |
sarvaj~nalabdhavibhavAH kumudenduvarNAM
ye vAgbhave cha bhavatIM paribhAvayanti || 4||
vajrapaNunnahR^idayA samayadruhaste
vairochane madanamandiragAsyamAtaH |
mAyAdvayAnugatavigrahabhUShitA.asi
divyAstravahnivanitAnugatA.asi dhanye || 5||
vR^ittatrayAShTadalavahnipuraHsarasya
mArtaNDamaNDalagatAM paribhAvayanti |
ye vahnikUTasadR^ishIM maNipUrakAntaste
kAlakaNTakaviDambanacha~nchavaH syuH || 6||
kAlAgarubhramarachandanakuNDagola\-
khaNDairana~NgamadanodbhavamAdanIbhiH |
sindUraku~NkumapaTIrahimairvidhAya
sanmaNDalaM taduparIha yajenmR^iDAnIm || 7||
cha~nchattaDinmihirakoTikarAM vichelA\-
mudyatkabandharudhirAM dvibhujAM trinetrAm |
vAme vikIrNakachashIrShakare pare tAmIDe
paraM paramakartrikayA sametAm || 8||
kAmeshvarA~NganilayAM kalayA
sudhA.nshorvibhrAjamAnahR^idayAmapare smaranti |
suptAhirAjasadR^ishIM parameshvarasthAM
tvAmAdrirAjatanaye cha samAnamAnAH || 9||
li~NgatrayoparigatAmapi vahnichakra\-
pIThAnugAM sarasijAsanasanniviShTAm |
suptAM prabodhya bhavatIM manujA
gurUktahU.NkAravAyuvashibhirmanasA bhajanti || 10||.
shubhrAsi shAntikakathAsu tathaiva pItA
stambhe riporatha cha shubhratarAsi mAtaH |
uchchATane.apyasitakarmasukarmaNi tvaM
sa.nsevyase sphaTikakAntiranantachAre || 11||
tvAmutpalairmadhuyutairmadhunopanItairgavyaiH
payovilulitaiH shatameva kuNDe |
sAjyaishcha toShayati yaH puruShastrisandhyaM
ShaNmAsato bhavati shakrasamo hi bhUmau || 12||
jAgratsvapannapi shive tava mantrarAjamevaM
vichintayati yo manasA vidhij~naH |
sa.nsArasAgarasamR^iddharaNe vahitraM chitraM
na bhUtajanane.api jagatsu pu.nsaH || 13||
iyaM vidyA vandyA hariharaviri~nchiprabhR^itibhiH
purArAterantaH puramidamagamyaM pashujanaiH |
sudhAmandAnandaiH pashupatisamAnavyasanibhiH
sudhAsevyaiH sadbhirgurucharaNasa.nsArachaturaiH || 14||
kuNDe vA maNDale vA shuchiratha manunA bhAvayatyeva mantrI
sa.nsthApyochchairjuhoti prasavasuphaladaiH padmapAlAshakAnAm |
haimaM kShIraistilairvAM samadhukakusumairmAlatIbandhujAtIshvetairabdhaM
sakAnAmapi varasamidhA sampade sarvasiddhyai || 15||
andhaH sAjyaM samA.nsaM dadhiyutamathavA yo.anvahaM yAminInAM
madhye devyai dadAti prabhavati gR^ihagA shrIramuShyAvakhaNDA |
AjyaM mA.nsaM saraktaM tilayutamathavA taNDulaM pAyasaM vA hutvA
mA.nsaM trisandhyaM sa bhavati manujo bhUtibhirbhUtanAthaH || 16||
idaM devyAH stotraM paThati manujo yastrisamayaM
shuchirbhUtvA vishve bhavati dhanado vAsavasamaH |
vashA bhUpAH kAntA nikhilaripuhantuH suragaNA
bhavantyuchchairvAcho yadiha nanu mAsaistribhirapi || 17||
iti shrIsha~NkarAchAryavirachitaH prachaNDachaNDikAstavarAjaH samAptaH ||
##
\medskip\hrule\medskip
Encoded and Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}