% Text title            : dashamayIbAlAtripurasundarIstotram
% File name             : dashamayIbAlAtripurasundarIstotram.itx
% Category              : devii, rAmAnujasampradAya, dashamahAvidyA
% Location              : doc\_devii
% Proofread by          : PSA Easwaran psawaswaran at gmail.com
% Acknowledge-Permission: Shri Tripursundari Ved Gurukulam, Sahibabad (Ghaziabad), UP
% Latest update         : March 24, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dashamayIbAlAtripurasundarIstotram ..}##
\itxtitle{.. dashamayIbAlAtripurasundarIstotram ..}##\endtitles ##

shrIkAlI bagalAmukhI cha lalitA dhUmAvatI bhairavI
mAta~NgI bhuvaneshvarI cha kamalA shrIvajravairochanI |
tArA pUrvamahApadena kathitA vidyA svayaM shambhunA
lIlArUpamayI cha deshadashadhA bAlA tu mAM pAtu sA || 1||
shyAmAM shyAmaghanAvabhAsaruchirAM nIlAlakAla~NkR^itAM
bimboShThIM balashatruvanditapadAM bAlArkakoTiprabhAm |
trAsatrANakR^ipANamuNDadadhatIM bhaktAya dAnodyatAM
vande sa~NkaTanAshinIM bhagavatIM bAlAM svayaM kAlikAm || 2||
brahmAstrAM sumukhIM bakAravibhavAM bAlAM balAkInibhAM
hastanyastasamastavairirasanAmanye dadhAnAM gadAm |
pItAM bhUShaNagandhamAlyaruchirAM pItAmbarA~NgAM varAM
vande sa~NkaTanAshinIM bhagavatIM bAlAM cha bagalAmukhIm || 3||
bAlArkashrutibhaskarAM trinayanAM mandasmitAM sanmukhIM
vAme pAshadhanurdharAM suvibhavAM bANaM tathA dakShiNe |
pArAvAravihAriNIM paramayIM padmAsane saMsthitAM
vande sa~NkaTanAshinIM bhagavatIM bAlAM svayaM ShoDashIm || 4||
dIrghAM dIrghakuchAmudagradashanAM duShTachChidAM devatAM
kravyAdAM kuTilekShaNAM cha kuTilAM kAkadhvajAM kShutkR^ishAm |
devIM shUrpakarAM malInavasanAM tAM pippalAdArchitAm |
bAlAM sa~NkaTanAshinIM bhagavatIM dhyAyAmi dhUmAvatIm || 5||
udyatkoTidivAkarapratibhaTAM bAlArkabhAkarpaTAM
mAlApustakapAshama~NkushadharAM daityendramuNDasrajAm |
pInottu~NgapayodharAM trinayanAM brahmAdibhiH saMstutAM
bAlAM sa~NkaTanAshinIM bhagavatIM shrIbhairavIM dhImahi || 6||
vINAvAdanatatparAM trinayanAM mandasmitAM sanmukhIM
vAme pAshadhanurdharAM tu nikare bANaM tathA dakShiNe |
pArApAravihAriNIM paramayIM brahmAsane saMsthitAM
vande sa~NkaTanAshinIM bhagavatIM mAta~NginIM bAlikAm || 7||
udyatsUryanibhAM cha indumukuTAmindIvare saMsthitAM
haste chAruvarAbhayaM cha dadhatIM pAshaM tathA chA~Nkusham |
chitrAla~NkR^itamastakAM trinayanAM brahmAdibhiH sevitAM
vande sa~NkaTanAshinIM cha bhuvaneshImAdibAlAM bhaje || 8||
devIM kA~nchanasannibhAM trinayanAM phullAravindasthitAM
vibhrANAM varamabjayugmamabhayaM hastaiH kirITojjvalAm |
prAleyAchalasannibhaishcha karibhirAsi~nchyamAnAM sadA
bAlAM sa~NkaTanAshinIM bhagavatIM lakShmImbhaje chendirAm || 9||
sachChinnAM svashirovikIrNakuTilAM vAme kare vibhratIM
tR^iptAsyasvasharIrajaishcha rudhiraiH santarpayantIM sakhIm |
sadbhaktAya varapradAnaniratAM pretAsanAdhyAsinIM
bAlAM sa~NkaTanAshinIM bhagavatIM shrIChinnamastAM bhaje || 10||
ugrAmekajaTAmanantasukhadAM dUrvAdalAbhAmajAM
kartrIkhaDgakapAlanIlakamalAn hastairvahantIM shivAm |
kaNThe muNDasrajAM karAlavadanAM ka~njAsane saMsthitAM
vande sa~NkaTanAshinIM bhagavatIM bAlAM svayaM tAriNIm || 11||
mukhe shrImAta~NgI tadanu kila tArA cha nayane
tadantaragA kAlI bhR^ikuTisadane bhairavi parA |
kaTau ChinnA dhUmAvatI jaya kuchendau kamalajA
padAMshe brahmAstrA jayati kila bAlA dashamayI || 12||
virAjan mandAradrumakusumahArastanataTI
paritrAsatrANAsphaTikaguTikApustakavarA |
gale rekhAstisro gamakagatigItaikanipuNA
sadApIlAhAlA jayati kila bAlA dashamayI || 13||

iti shrImerutantre dashamayIbAlAtripurasundarIstotraM sampUrNam ||
##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}