% Text title : Devi Dhyana Ratnamala % File name : devIdhyAnaratnamAlA.itx % Category : devii, dhyAna, devI % Location : doc\_devii % Transliterated by : Aruna Narayanan narayanan.aruna at gmail.com % Proofread by : Aruna Narayanan % Latest update : August 28, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Devi Dhyana Ratnamala ..}## \itxtitle{.. shrI devIdhyAnaratnamAlA ..}##\endtitles ## OM namo bhavAnyai || bhaktAnugrahakAriNI bhagavatI devAdhideveshvarI dInAnAtha kR^ipAvatI svajananI bhaktAnuraktA satI | OM kArAkSharavAsinI suranutA sarveshvarI sarvadA bhUyAnno varadA sadA hyabhayadA kAmeshvarI kAmadA || 1|| varA~Nkushau pAshamabhItimudrAM karairvahantIM kamalAsanasthAm | bAlArkakoTipratibhAM trinetrAM bhajehamAdyAM bhuvaneshvarIM tAm || 2|| mAtA bhavAnI cha pitA bhavAnI bandhurbhavAnI cha gururbhavAnI | vidyA bhavAnI draviNaM bhavAnI yato yato yAmi tato bhavAnI || 3|| shrIsha~NkhachakramusalAmbujayugmahastAM nAgendrahArabalayA~NkitakaNThamAlAm | sindUraku~NkumasahasramarIchidIptAM shrIshArikAM trinayanAM hR^idaye smarAmi || 4|| bAlArkakoTidyutiminduchUDAM varAsichakrAbhayabAhyamAdyAm | siMhAdhirUDhAM shivavAmadehalInAM bhaje chetasi shArikeshIm || 5|| yA kundendutuShArahAradhavalA yA shubhravastrAnvitA yA vINAvaradaNDamaNDitakarA yA shvetapadmAsanA | yA brahmAchyutasha~NkaraprabhR^itibhirdevaiH sadA vanditA sA mAM pAtu sarasvatI bhagavatI niHsheShajADyApahA || 6|| yA shrIrvedamukhI tapaHphalamukhI, nityaM cha nidrAmukhI nAnArUpadharI sadA jayakarI, vidyAdharI sha~NkarI | gaurI pInapayodharI ripuharI mAlAsthimAlAdharI sA mAM pAtu sarasvatI bhagavatI, nisheShajADyApahA || 7|| yA devI shivakeshavAdijananI yAvaijagadrUpiNI yA brahmAdipipIlikAntajanatAnandaikasandAyinI | yA pa~nchapraNamannilimpanayanI yA chitkalAmAlinI sA pAyAtparadevatA bhagavatI shrIrAjarAjeshvarI || 8|| yA mAyA madhukaiTabhapramathinI yA mAhiShonmUlinI yA dhUmrekShaNachaNDamuNDamathinI yA raktabIjAshanI | shaktiH shumbhanishumbhadaityadalinI yA siddhalakShmIH parA sA devI navakoTimUrtisahitA mAM pAtu mAheshvarI || 9|| yA khaDgaM DamaruM trishUlaparashU khaTvA~NgapAshau gadAM chakraM mudgarachApabANAvaradAbhItIH kapAlA~Nkushau | dhatte tomarapustake cha musulaM dorbhirdashAttAShTabhi\- rdevIbhiH parivAritA shashidharA sA shArikA pAtu naH || 10|| bIjaiH saptabhirujjvalAkR^itirasau yA saptasaptidyutiH saptarShipraNatA~Nghripa~NkajayugA yA saptalokArtihR^it | kAshmIrapravareshamadhyanagarIpradyamanpIThe sthitA devIsaptakasaMyutA bhagavatI shrIshArikA pAtu naH || 11|| brahmANaM cha purandaraM shivaharI devAnsamastAnmunIn yA draShTyA dayayA vilokayati sA devyambikA pArvatI | chakrasthA nijabodhabhAsitajagachChAntAtmikA sarvagA sAndrAnandapradA parA bhagavatI pAyAtsadAshArikA || 12|| bhaktAnAM siddhidAtrI nalinayugakarA shvetapadmAsanasthA lakShmIrUpA trinetrA himakaravadanA sarvadaityendrahartrI | vAgIshI siddhikartrI sakalamunijanaiH sevitA yA bhavAnI naumyahaM naumyahaM tvAM hariharapraNatAM shArikAM naumi naumi || 13|| AraktAbhAM trinetrAM maNimukuTavatIM ratnatATa~NkaramyAM hastAmbhojaiH sapAshA~NkushamadanadhanuHsAyakairvisphurantIm | ApInottu~NgavakShoruhataTaviluThattArahArojjvalA~NgIm | dhyAyAmyambhoruhasthAmaruNavivasanAmIshvarImIshvarAnAma || 14|| jvAlAparvatasaMsthitAM trinayanAM pIThatrayAdhiShThitAM jvAlADambarabhUShitAM suvadanAM nityAmadR^ishyAM janaiH | ShaTchakrAmbujamadhyagAM varagadAmbhojAbhayAnbibhratIM chidrUpAM sakalArthadIpanakarIM jvAlAmukhIM naumyaham || 15|| (## Next five from jvAlAmukhIstotram##) daityAnAM bhaTakoTikoTimukuTA TopAnadhaH kurvatIM vighnAnAM kaTakAnyatIva kaTukAnyApATayantIM sphuTam | bhaktAnAmabhayaM varaM cha dadhatIM shAntAtmanAM sarvadA ShaDvaktreNa jitAM kriyA virahato jvAlAmukhIM naumyaham || 16|| brahmANaM madhukaiTabhau vadhaparo santrAsayantau paraM nAnArUpadharAvatIva bhayadau sthUlonnato saMyuge | tau hatvA vini vartitAM kR^itavatIM tanmedasa medinIM sarveShAM shubhadAyinIM bhagavatIM jvAlAmukhIM naumyaham || 17|| sainyAnAM mahiShAsurasya mR^itidAM siMhAdhirUDhAmumAM nAnAkAravisheShasaukhyajananIM dehAntaraiH saMsthitAm | bAlAmadhyamavR^iddharUparamaNIM shrIsundarIM vaiShNavIM strIrUpeNa jagadvimohanakarIM jvAlAmukhIM naumyaham || 18|| devAnAM bhayadAyakausukaThinau shumbhau nishumbhastathA nAnAshastradharo ripu dhR^itiharau tau chaNDamuNDA~Nkitau | sa~NgrAme.apyaparAjitau vikasitau dvau raktabIjAnvitau hatvaivaM subalAM prasannavadanAM jvAlAmukhIM naumyaham || 19|| saMsArArNavatAriNIM ravishashikoTiprabhAM suprabhAM pApAta~NkanivAriNIM hariharabrahmAdibhiH saMstutAm | dAridryasya vinAshinIM sukR^itinAM jADyaM harantIM bhR^ishama\- j~nAnAndhamateH kavitvajananIM jvAlAmukhIM naumyaham || 20|| jvAlAmukhi mahAjvAle jvAlApi~Ngalalochane | jvAlAteje mahAteje jvAlAmukhi namo.astute || 21|| namo bhagavati jvAle kAli tripurasundari | sarvabIjapAlayatri jvAlAmukhi namo.astute || 22|| AkAshe chaNDikA devI pAtAle bhuvaneshvarI | martyaloke jayAdevI pAyAttripurasundarI || 23|| shrI shrIshaile sthitA yA prahasitavadanA pArvatI shUlahastA | vahnisUryendunetrA tribhuvanajananI ShaDbhujA sarvashaktiH | shANDilyenopanItA, jayati bhagavatI bhaktigamyAnuyAtA sA naH siMhAsanasthA, hyabhimataphaladA sharadA shaM karotu || 24|| mUlAdhArAdbhutavahakalAmishritaM bhUrbhuvaHsva\- rbrahmasthAnAtparamagahanAttatsaviturvareNyam | bhargodevaH shashikalamayI dhImahItyekarUpaM dhiyo yonaH paramamamR^itaM chodayAnnaH paraM tat || 25|| prAtaHkAle kumArI kumudakalikayA japyamAlAM japantI madhyAhne prauDharUpA vikasitavadanA chArUnetrA vishAlA | sandhyAyAM vR^iddharUpA galitakuchayuge muNDamAlAM vahantI sA devI divyadehA, hariharanamitA pAtu no hyAdimudrA || 26|| chaturbhujAmarkasahasrakoTibhAM trilochanAM hArakirITashobhitAm | chaturmukhA~NakopagatAM mahojjvalAM vedeshvarIM pa~nchamukhIM namAmyaham || 27|| vedairanekairahameva vedyo vedAntakR^idvedavideva chAham | na puNyapApe mamanAsti nAsho na janma dehendriyabuddhirasti || 28|| padmAsanasthAM karapa~NkajAbhyAM raktotpale sandadhatIM trinetrAm | sambibhratImAbharaNAni raktAM padmAvatIM padmamukhIM namAmi || 29|| padmeshapadmodabhavapadmabandhumukhAH surAH pAdarajo.api yasyAH | chinvanta AptA na gatAshcha pAraM padmAvatI sA mama sadyamgAstAt || 30|| devIM shuddhasphaTikadhavalAM pa~nchavaktrAM trinetrAM dorbhiryuktAM dashabhirabhitaH shobhitAM ratnahAraiH | kAdyaM muNDaM sR^iNimamasR^iNaM shUlamachChAchChadhAraM sArAtsAraM varamanavaraM dakShahastairvahantIm || 31|| utkhaTvA~NgaM kaThinavikaTaM Ta~NkamUrjasvada~NkaM pAshaM j~nAnAmR^itarasamayaM pustakaM chAbhayaM cha | kAmaM vAmaiH shubhakaratalairbibhratIM vishvavandyAM padmAM pretoparikR^itapadAM siddhalakShmIM namAmi || 32|| ichChAshaktiprathamalaharImambarAntaH pravAha\- garbhIbhUtAM trividhamuditAM pa~nchadhA prasphurantIm | samyagdevIM sphaTikadhavalAM, shuddhakundenduvarNAM rudrArUDhAM dashabhujayutAM kShAmagAtrIM namAmi || 33|| udyadbhAsvatsamAbhAvihitaravijayAM muNDakhaNDAvanaddhAm | jyotirmauliM trinetrAM vividhamaNilasatkuNDalAmaNDitA~NgIm | hAragraiveyakA~nchIguNamaNinilayAmeka chitrAmbarADhyA\- mambAM pAshA~NkushADhyAbhayavaradakarAM siddhidAtrIM namAmi || 34|| santaHshaMsantyamutra trijagati jagatImaNDalaM sArabhUtaM tatrApi kShmAdharaM taM tribhuvanajananI janmane yaM prapede | tatrApyAhuH shubhAnAM vighaTitavipadAM veshma kAshmIradeshaM tvaM tatrAnugrahArthaM pravahasi bhavinAmoM namaste vitaste || 35|| ga~Nge trailokyasAre sakalasura vadhU dhautavistIrNatoye puNye brahmasvarUpe haricharaNarajohAriNi svargamArge | prAyashchittaM paraM nastava jalakaNikA brahmahatyAdyaghAnA kastvAM stotuM samarthastrijagadaghahare devi ga~Nge prasIda || 36|| dR^iShTA janmashatAdharmaM spR^iShTA janmashatatrayam | snAtA janmashatotthAghaM hanti ga~NgA kalau yuge || 37|| haratIyaM mahApApaM ga~NgeshvarasamudbhavA | mAtR^ipitR^ihite ga~Nge hariga~Nge namo.astu te || 38|| annapUrNe sadApUrNe sha~NkaraprANavallabhe | j~nAnavairAgyasid.hdhyarthaM bhikShAM dehi namo.astu te || 39|| namaH kalyANade devi namaH sha~Nkaravallabhe | namo bhaktiprede devi annapUrNe namo.astu te || 40|| nityAnandakarI varAbhayakarI saundaryaratnAkarI nirdhUtAkhilaghorapAvanakarI pratyakShamAheshvarI | prAleyAchalavaMshapAvanakarI kAshIpurAdhIshvarI bhikShAM dehi kR^ipAvalambanakarI mAtAnnapUrNeshvarI || 41|| urvI sarvajaneshvarI himavataH putrI kR^ipAsAgarI nArI nIlasamAnakuntaladharI nityAnnadAneshvarI | sarvatrANakarI sadA sukhakarI kAshIpurAdhIshvarI bhikShAM dehi kR^ipAvalambanakarI mAtAnnapUrNeshvarI || 42|| iti devIdhyAnaratnamAlA samAptA | ## Encoded and proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}