% Text title : Devi Mahimna Stotram % File name : devImahimnastotram.itx % Category : devii, durgA, devI % Location : doc\_devii % Transliterated by : NA % Proofread by : NA, Musiri Janakiraman % Latest update : July 7, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Devi Mahimna Stotram ..}## \itxtitle{.. devI mahimnastotram ..}##\endtitles ## chandrachUDa uvAcha\- tvamantastvaM pashchAttvamasi puratastvaM cha parata\- stvamUrdhvaM tvaM chAdhastvamasi khalulokAntara charI | tvamindrastvaM chandrastvamasi nigamAnAmupaniShat tavAhaM dAso.asmi tripurahararAme kuru kR^ipAm || 1|| iyAn kAlaH sR^iShTeH prabhR^iti bahukaShTena gamito vinA yattvatsevAM karuNarasakallolini shive | tadetaddaurbhAgyaM viShayatR^iShNAkhyaripuNA hataH shuddhAnandaM spR^ishimi tava siddheshvari padam || 2|| sudhAdhArAvR^iShTestava janani dR^iShTerviShayatAM vayaM yAmo dAmodara bhagini bhAgyena phalitam | idAnIM bhUtAnAM dhruvamupari bhUtAH paramudA na vA~nChAmo mokShaM vipina pathi kakShaM jaradiva || 3|| japAdau no saktA haragR^ihiNi bhaktAH karuNayA bhavatyA homatyA kati kati na bhAvena gamitAH | chidAnandAkAraM bhavajaladhipAraM nijapadaM na te mAturgarbhe janani tava garbhe yadi gatAH || 4|| chidevedaM sarvaM shrutiriti bhavatyAH stutikathA priyaM bhAtyastIti trividhamapi rUpaM tava shive | aNurdIrghaM hrasvaM mahadajaramantAdirahitaM tvameva brahmAsi tvadaparamudAraM na girije || 5|| tvayA.antaryAminyA bhagavati vashinyA.a.adisahite vidhIyante bhAvA manasi jagatAmityupaniShat | ahaM kartetyantarvishatu mama buddhiH kathamume subuddhistvadbhakto na bhavati kubuddhiH kvachidapi || 6|| na mantraM tantraM vA kimapi khalu vidmo girisute kva yAmaH kiM kurmastava charaNasevA na rachitA | aye mAtaH prAtaH prabhR^iti divasAstAvadhi vayaM kubudhyA.aha~NkAryI shiva shiva na yAmo nija vayaH || 7|| ihAmuShmi.Nlloke hyapi na viShaye premakarave na me vairI kashchidbhagavati bhavAni tribhuvane | guNAnnAmAdhAraM nigama gaNasAraM tava padaM mano vAraM vAraM japati cha vinodaM cha bhajate || 8|| mahAmAye kAye mama bhavati yAdR^ikkhalu mano manaste sa~NkhyAne na hi tAdR^ikkathamume | tvamevAntarmAtarnigamayasi buddhiM trijagatAM na jAne shrIjAnerapi na viditaste.atra mahimA || 9|| amIShAM varNAnAM kratukaraNasampUrNavayasAM nikAmyaM kAvyAnAmurasi samudAyaM prakaTitam | stanau merU matvA sthagitamamR^itopAkhyamubhayaM dayAdhArAdhAraM mama janani hAraM tava bhaje || 10|| stanadvandvaM skandadvipamukhamukhe yatsnutamukhaM kadAchinme mAtarvitaratu mukhe stanyakaNikAm | anenAyaM dhanyo jagadupari mAnyo.api bhavatAM kuputre satputre na hi bhavati mAturviShamatA || 11|| jaganmUlaM shUlaM hyanubhavati kUlaM kathamidaM dvidhAkurve sarveshvari mama tu garveNa phalitam | padadvandvaM dvandvaM vyatikaraharaM dvandvasukhadaM guNA rAme rAme kalaya hR^idi kAmeshvari sadA || 12|| ahorAtraM gAtraM samajani na pAtraM mama mudA dhanAyattaM chittaM tR^iNamapi tu nishchittamabhavat | idAnImAnItA kathamapi bhavAnI hR^idi mayA sthitaM manye dhanye pathi kathamadhanyeha muchitaH || 13|| nirAkArAmArAdadhi hR^idayamArAdhitavatA mayA mAyAtItA sitasakalakAyApahataye | ahaM ko.ahaM so.ahaM matiriti vimohaM hatavati kR^itAhantAnantAmupanayati santAnakavati || 14|| tvada~NghreruddyotAdaruNakiraNashreNigamanA\- tsamudbhUtA ye ye jagati jayinaH shoNamaNayaH | ta ete sarveShAM shirasi viduShAM bhAnti bhuvane tvadIyAdanyaH ko bhavati janavandyo.adya girije || 15|| akArShItso.amarShI bhuvanamaparaM gAdhitanayaH shashA pAnyo lakShmImapibadaparo hyarNavamiti | saparyAmAhAtmyaM tava janani tAdAtmyaphaladaM kiyadvakShye yakSheshvarakiraNadattaM bhagavati || 16|| amI devAH sevAM vidadhati yato ma~nchakatayA shivo.apyachChachChAyArachitaruchira prachChadatayA | kR^itArthIkartuM mAM paramashiva vAmA~NkanilayA parabrahmasphUrtistava jayati mUrtiH sakaruNA || 17|| samuddhartuM bhaktAn prabhavati vihartuM jagadidaM gatiM vAyorbaddhvA vinimayati rUpaM cha niyamAt | yadR^ichChA yasyechChA na cha bhajana vichCheda bhayato namaste bhaktAya dhruvabhajanasaktAya girije || 18|| umA mAyA mAtA kamalanayanA kR^iShNabhaginI bhavAnI durgA.ambA matiramaralakShmIti taralA | mahAvidyA devI prakR^itirajajAyeti japatAM bhavanti shrIvidye tava janani nAmAni nidhayaH || 19|| dishAM pAlA bAlA haraharisarojAsanamukhA\- stvayA durge sarve kati kati na bhaktA adhikR^itAH | svayaM raktA bhaktAvahamadhikR^ito nAdhimagamaM sukhe vA duHkhe vA mama samatayA yAntu divasAH || 20|| bhavatyA bhaktAnAM yadi kimapi kashchidvidhikR^ite puro vA pashchAdvA kapaTaduriterShAparavashaH | janashchetsa.nnyAsAdapi japati nArAyaNapadaM tato.apyenaM devI nayanapathavIthIM gamayati || 21|| kriyA va kartA vA karaNamapi vA karma yadi vA praNIyante cheShTA jagati puruShairbhAvakaluShaiH | samarpya svAtmAnaM tava tu padayorindrapadavI\- midaM vA tadviShNorgaNayati na bhakto.ayamachalaH || 22|| svayaM mAyA kAryAdyudayakaraNe kautukavatI shivAdInAM sargasthitivilayakarmANi bibhR^iShe | ayaM bhakto nAmnAM bhagavati shubhaH syAttava yadA bhavAnyA bhaktAnAmashubhamaparaM te.api na kR^itam || 23|| dharitrI hyambhodhistvamapi dahanastvaM cha pavana\- stvamAkAshastvaM cha grasati puruShastena sahitam | grasantI brahmANDaM prakR^itirapi dAsI pashupate\- ryadAsItsaMhAre janani tava saMhAramahimA || 24|| sphurattArA mAlyaM grahanivahanIrAjanavidhi\- rhavirdhUmo dhUpo malayapavamAnaH parimalaH | idaM te naivedyaM vividha rasavedyaM khalu sukhaM saparyA maryAdA dhruvamiyamume brahmanilaye || 25|| navAdhArA sR^iShTiH sphuTitanavadhAshabdarachanA navAnAM kheTAnAmupari navadhA.apyarchitapade | navAnAM sa~NkhyAnAM prakR^itiragarAjanyatanaye navadvIpI devI tvamasi navachakreshvari shive || 26|| yadA.akR^iShyAkR^iShyAtapati bhavadambA kva nu gatA balAtkArAdArAditi yamabhaTe nAma vidhayA | tadaivainaM dInaM spR^ishati vadane prashrayavatI vidhUyAmbA dhUrtaM guhamapi dhayantaM bhagavatI || 27|| havirdhAne gItaM shrutishirasi nirdhAritamitaM shivasyArdhA~NgasthaM paramamahadaddhA mama manaH | yadA.a.achakShANaste charaNatalalAkShAsajalai\- rmukhaM prakShAlyAyaM gaNayati na lakShANi kR^itinAm || 28|| gurUNAM sarveShAmayamupari vidyAgururabhUn manUnAM sarveShAmayamupari jAto bhuvamanuH | kalAnAM sarvAsAmiyamupari lakShmIH parakalA mahimnAM sarveShAmayamupari jAgarti mahimA || 29|| yadA.a.alApAdApAditavividhavidyApariNatiH kare kR^itvA mokShaM vyavaharati lokaM prabhutayA | praNAdevAshAye prabhavati durApe cha puruSha\- stadetanmAhAtmyaM viralajanasAramyaM tava shive || 30|| yAbhiH sha~Nkara kAlakR^ityadahanajvAlAsamutsAraNaM yAbhiH shumbhanishumbhadarpadalanaM yAbhirjaganmohanam | yAbhibhairavabhImarUpadalanaM sadyaH kR^itaM me.anvahaM dAridyaM dalayantu tAstava dR^isho durge dayAmedurAH || 31|| yAbhirdurgatayA kushAsanapunaHsvArAjyadAnaM kR^itaM yAbhirbhAratasaMsadi drupadajA lajjA javAdrakShitA | yAbhiH kR^iShNagR^ihItahastakamalaistrANaM kR^itaM me.anvahaM dAridyaM dalayantu tAstava dR^isho durge dayAmedurAH || 32|| yAbhirviShNukR^ite kR^itaM kurukulapradhvaMsanaM sa~Ngare prAdyumnerhR^idi mudgarasya kusumasragyAbhirAkalpitA | kaMsAdyAbhirapi vyadhAyi vasudhA gopAlagopAyanaM dAridyaM dalayantu tAstava dR^isho durge dayAmedurAH || 33|| yAbhiH sthAvaraja~NgamaM kR^itamidaM yAbhiH sadA pAlitaM yAbhirbhAsitamAkrameNa cha punaryAbhiH sadA saMhR^itam | yAbhirduHkhamahAmbhaso bhavamahAsindhorna ke tAritA dAridyaM dalayantu tAstava dR^isho durge dayAmedurAH || 34|| || iti devI mahimnastotraM sampUrNam || ## \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}