% Text title            : devIpadapaNkajAShTakam
% File name             : devIpadapaNkajAShTakam.itx
% Category              : aShTaka, devii
% Location              : doc\_devii
% Proofread by          : PSA Easwaran psaeaswaran at gmail.com
% Description-comments  : Brihatstotraratnakara 2, Narayana Ram Acharya, Nirnayasagar, stotrasankhyA 225-425
% Latest update         : February 10, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devipadapankajashtakam ..}##
\itxtitle{.. devIpadapa~NkajAShTakam ..}##\endtitles ##

shrIgaNeshAya namaH ||
mAtastvatpadapa~NkajaM kalayatAM cheto.ambuje santataM
     mAnAthAmbujasambhavAdritanayAkAntaiH samArAdhitam |
vAchChApUraNanirjitAmaramahIru~NgarvasarvasvakaM
     vAchaH sUktisudhArasadravamucho niryAnti vaktrodarAt || 1||
mAtastvatpadapa~NkajaM munImanaHkAsAravAsAdaraM
     mAyAmohamahAndhakAramihiraM mAnAtigaprAbhavam |
mAta~NgAbhimatiM svakIyagamanairnirmulayatkautukAd\-
     vande.amandatapaHphalApyanamanastotrArchanAprakramam || 2||
mAtastvatpadapa~NkajaM praNamatAmAnandavArAnnidhe
     rAkAshAradapUrNachandranikaraM kAmAhipakShIshvaram |
vR^indaM prANabhR^itAM svanAma vadatAmatyAdarAtsatvaraM
     ShaDbhAShAsaridIshvaraM pravidadhatShANmAturArchyaM bhaje || 3||
kAmaM phAlatale durakSharatatirdaivImamastAM na bhI\-
     rmAtastvatpadapa~NkajottharajasA lumpAmi tAM nishchitam |
mArkaNDeyamuniryathA bhavapadAmbhojArchanAprAbhavAt
kAlaM tadvadahaM chaturmukhamukhAmbhojAtasUryaprabhe || 4||
pApAni prashamaM nayAshu mamatAM dehendriyaprANagAM
kAmAdInapi vairiNo dR^iDhatarAnmokShAdhvavighnapradAn |
snigdhAnpoShaya santataM shamadamadhyAnAdimAnmodato
mAtastvatpadapa~NkajaM hR^idi sadA kurve girAM devate || 5||
mAtastvatpadapa~Nkajasya manasA vAchA kriyAto.api vA
ye kurvanti mudA.anvahaM bahuvidhairdivyaiH sumairarchanAm |
shIghraM te prabhavanti bhUmipatayo nindanti cha svashriyA
jambhArAtimapi dhruvaM shatamakhIkaShTAptanAkashriyam || 6||
mAtastvatpadapa~NkajaM shirasi ye padmATavImadhyata\-
shchandrAbhaM pravichintayanti puruShAH pIyUShavarShyanvaham |
te mR^ityuM pravijityi rogarahitAH samyagdR^iDhA~NgAshchiraM
jIvantyeva mR^iNAlakomalavapuShmantaH surUpA bhuvi || 7||
mAtastvatpadapa~NkajaM hR^idi mudA dhyAyanti ye mAnavAH
sachchidrUpamasheShavedashirasAM tAtparyagamyaM muhuH |
atyAge.api tanorakhaNDaparamAnandaM vahantaH sadA
sarvaM vishvamidaM vinAshi tarasA pashyanti te pUruShAH || 8||

iti devIpadapa~NkajAShTakaM sampUrNam ||

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}