% Text title : devIshatakam % File name : devIshatakam.itx % Category : shataka, devii, devI % Location : doc\_devii % Author : AnandavardhanAchArya % Proofread by : Pallasena Narayanaswami ppnswami at gmail.com % Latest update : December 27, 2016 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. devIshatakam ..}## \itxtitle{.. devIshatakam..}##\endtitles ## shrIgaNeshAya namaH | anantamahimavyAptavishvAM vedhA na veda yAm | yA cha mAteva bhajate praNate mAnave dayAm || 1|| natApanItakleshAyAH surArijanatApanI | na tApanI tanuryasyAstulyA nAdInatApanI || 2|| vaktrapadmA vidherbhAnti yayA sargalayo dayA | yA sAkShAdyA cha janitasthitisargalayodayA || 3|| yAshritA pAvanatayA yAtanAchChidanIchayA | yAchanIyA dhiyA mAyAyAmAyAsaM stutA shriyA || 4|| namAMsi dhvaMsamAyAnti asyAH stutyAdareNa vaH | tasyAH siddhyai dhiyAM mAtuH kalpantAM pAdareNavaH || 5|| R^iShINAM sAdayAmAsa yA tamAMsi trayImayI | pAyAdvaH sA dayAmAdhichChidaM jagati bibhratI || 6|| smaradviShA yA yayAche yayA cheyaM vidheH kriyA | yAM chAchyuto.api tuShTAva tuShTA vaH sA.astu pArvatI || 7|| yA damAvanayAgena svArAthA nayasArayA | harikaitavahAsyAya sAyAmA vijitA yayA || 8|| yAyatAjivimayA sA yasyA hA bata kairiha | yA rasAyanadhArA svA na geyAnavamA dayA || 9|| sA buddhiruttamAlokaH satAmAryA punAtu vaH | yadbhakteruttamA lokaH prApnotyeSha vishuddhatAm || 10|| ayuddha sAdhutrANAya sAmarA yA sahAriNA | khaDgena dIprA devAnAM sAmarAyAsahAriNA || 11|| charaNAghAtanihatakAsarA cha raNAjire | rarAja yA nayajayairarAjasajanAnatA || 12|| sAvatAdvo.ambikA.abhyarchyanAmA na na yashobhitaH | tanoti praNato yasyA nA mAnanayashobhitaH || 13|| saMyataM yAchamAnena yasyAH prApi dviShA vadhaH | saMyataM yA cha mAnena yunakti praNataM janam || 14|| yA damAnavamAnandapadamAnanamAnadA | dAnamAnakShamAnityadhanamAnavamAnitA || 15|| sA rakShatAdapArA te rasakR^idgaurabAdhikA | sArakShatAdapArAterasakR^idgauravAdhikA || 16|| anuttamoharAshayo bhavanti yAmanAshritAH | anuttamo harAshayo yayA chiraM cha ra~njitaH || 17|| anantarAgatApAyAstArayitrI bhavApadaH | anantarAgatApAyAH sA vo gaurI hiyAtkriyAH || 18|| yAmAyAsajidAsaktashokajAlasya pAtinI | yA mAtA sarvadA bhaktalokajAlasya pAlanI || 19|| sAmarAgamanAyAsaM tyaktvA sArdhaM surAribhiH | sAmarA gamanAyAsannudyatA yudhi yadgaNAH || 20|| sAmodayAjayA shAtaiH shastraiH shatrau hate yayA | sAmodayA jayAshA tairgIrvANairgarvato jahe || 21|| yayAyAyAyyayA yUyaM yo yo.ayaM yeyayaiya yAm | yayuyAyiyayeyAya yaye.ayAyAya yAyayuk || 22|| sA.avyAdgaurI sadA yuShmAnsadAyuShmAnsamR^iddhyati | sharaNaM yAM naro gachChanna rogachChandameti cha || 23|| kR^itAspadA yathA sampadaghAni suravairiShu | hanti yA vA~NmayI dUrAdaghAni suravairiShuH || 24|| jitAnayA yA natAjitArasAtatasAratA | na sAvanA nAvasAnayAtanAririnA tayA || 25|| manobhavArAtimanobhirAmayA jarAmayApAkaraNaikadakShayA | madakShayAnnirmalatAM dadAnayA sadA nayAsthA kriyatAM tavAryayA || 26|| samAyayAvindrahitAya yA raNe samAyayA yA na jitArisenayA | sa mA yayAche haramAshritaH sphuTaM samA yayA mugdhatayA manoj~natAH || 27|| sA bhAvakShAlavaryA nutavibhavitanuryA valakShAvabhAsA jAnAnasyAshayaprA navanalinavanaprAyashasyAnanAjA | sAtaM varmAnanasthA rahasi rasiharasthAnanarmAvataMsA pAyAdaktA raNatrA matanamanatamatrANaraktA dayApA || 28|| upAsate kR^iShTikR^itodayAM yAM janA sadArAdhanamIhamAnAH | shambhoH prasiddhA tanutAM vahantI gaurI hitaM sA bhavatAM vidheyAt || 29|| yAM sadya eva tridashaiH pumAMsaH samA namasyanti sadAnabhogAH | aghAni yasya praNatA vipakShaiH samAnamasyanti sadA nabhogAH || 30|| yasyAH prabhAvo dyusadAM vipakShasenA vadhAnandayitAharasya | manombujasyAvahatu shriyai vaH senAvadhAnaM dayitA harasya || 31|| surA jitA bhAvitadevarAjadvipakShamA yAta raNAdabhItam | svApaM na vo dhAma hitaM na nAma sadaivasenA bhavatohitAnAm || 32|| surAjitA bhAvitadevarAjadvipakShamAyA taraNAdabhItam | svApannabodhAmahitaM nanAma sadaiva senA bhavato hitAnAm || 33|| surAniti dveShijanairabhidrutAnudAharadyA svayamAhavodyatA | shivo.adya tApaprashamastayA tava prashastayA tattvadR^ishA vidhIyatAm || 34|| vakraM bibhratyupahitachandrAyAsaM yA saMmohaprashamanasUryAkArA | kArAnItAmaramarimAchikShepa kShepatyaktA raNabhuvi sA vaH pAyAt || 35|| hite hite.astu te stute jitAjitAmitAmitA | jayAjayA jano.ajano yayA yayAvalaM balam || 36|| saktiM vaH sukR^itArjane vidadhatI satrAM yatAM trAyatAM durgA durgrahadUShitoddhatadhiyAmAyAsadA yA sadA | sAdhUtsAhavidhAnasaktamanasAM mukhyA tato khyAtatAM saMsmR^ityaiva \- \- \- matsarabharasphItApadAM tApadAm || 37|| yA mUrtiM kimapi smarArivapuShA dhatte samAyojitAM yAM dR^iShTvaiva vinAshamApa sahasA shumbhaH samAyo.ajitAm | yA namraiH surasiddhikiM{}naranaraiH khedaM vinA shasyate sA heturbhavatAM trilochanavadhUrashrIvinAshasya te || 38|| sAyAsAyAstrilokyAH sharaNamakaruNakShuNNadaityapravIrA svairaM svairaMshasargairgahanatamamahAmohahArdaM harantI | shasyAshasyAdadhAnA sakalamabhihitaM bhaktibhAjaH smR^itaiva stAdastAdabhradoShA dviShadupashamanI sarvataH pArvatI vaH || 39|| surasurachitachitanavanavabhavabhavanAnAdarAdarAyethe | layalayacharaNau charaNau na na mAmi natena namAmi na te || 40|| yA vismayaM smarabhidA chakre.a~NkAropitA navaM nArINAm | vidadhe yachchApasya na cha kre~NkAro.api tAnavaM nArINAm || 41|| yA hantAM cha prayAtA vihAthasA kaMsamAha tArAtibalena | kR^iShNastava paramAyA vihAya sAkaM samAhatArAtibalena || 42|| tAM namata yA cha samareShvanekasho bhAti bhadrakAlI natayA | khyAti yayA janatojjvalavivekashobhAtibhadrAkAlInatayA || 43|| tAM smarata thA smR^itaiva hi mAnavatAmarasamAnatA rAti balAt | yatpraNataM shrIH shrayate mAnavatAmarasamAna tArAti balAt || 44|| anavarAgasamudbhavadehatAmupagatA dadR^ishe girishena yA | anavarAgasamudbhavadeha tAmavanato.asmi jagAtpriyatAM satIm || 45|| mene nUnamanena mAnanamumAnAmnA nu menonmanA nunnenonamane nimAnamamunA no nAma nAnAnume | maunenAmamamAnanimnamananAnnAnAminAnUnime sunminnAnanamA namI munimanomAnAnanonnAmini || 46|| tAM vande.ahaM navaM dehaM j~nAnarUpaM vidhAya yA | sughIrasyati dhIrasya mahAmohamayIM tvacham || 47|| yAM nutvA yAnti hR^idyArthasajjAyAM giri shasyatAm | naumyahaM bhaktimAsthAya sajjAyAM girishasya tAm || 48|| yadAnato.ayadAnato na yAtyayaM nayAtyayam | shive hitAM shivehitAM smarAmitAM smarAmi tAm || 49|| sarasvatiprasAdaM me sthiti chittasarasvati | sarasvati kuru kShetrakurukShetrasarasvati || 50|| tvadbhaktibhAvitadhiyo jagatAmatra ye traye | janmavattAmahaM manye teShAmevAnR^iNAM nR^iNAm || 51|| jagataH sAtirekA tvaM gatirasya sthirAdhikA | tarasyatrAsatArAreH sAsyatrAsarasasthiti || 52|| tvannAmasmaraNAdeva na lakShmIshchapalAyate | sarvataH pArvati kShipramalakShmIshcha palAyate || 53|| jayanti bhaktA vitteshasamarAyastabAhave | tubhyannamastrilokyarthasamarAyastabAhave || 54|| sattvaM samyaktvamunmIlya hR^idi bhAsi virAjase | dviShAmarINA tvaM senAM vAhinImudakampayaH || 55|| dUrAgatarasA dhanyaH sevateyastava stutIH | dUrAgata rasAdhanyaH kalpante tasya siddhayaH || 56|| mohaM hatvAspadaM yAsi sAttvamambaravAsinA | yA na saMstUyase kena sA tvambaravasinA || 57|| prakAshya gR^ihyapuMsasyakhedachChedAmbudAvalI | praj~nAtmanenavimalA smitA dR^ishyasi vidvatAm || 58|| bhavAni ye nirantaraM tava praNAmalAlasAH | manastamomalAlasA bhavanti naiya tu kvachit || 59|| vibhAvanAkulA tvayi krameNa devi bhAvanA | vapuShpatisthiretare nitAntameva puShyati || 60|| maho.adayAnAmavadhI raNena mahodayAnAmavadhIraNena | mahodayAnAmava dhIraNejamahodayAnAmavadhIraNena || 61|| na majjanena tIrthAnAM tadiha prApyate shubham | namajjanena tIrthAnAM sevayA yattavAmbike || 62|| prayAti mohe niHsArabhAratIvratametyayam | tvAtprAsAdAjjanaH sArabhAratIvratametyayam || 63|| shAstraprabhAvahasitAH satAM yA nirmalA giraH | shAstraprabhAvahasitAstvamambatimirachChidaH || 64|| shamIha te samAnato vibhAvito.atrasanna yaH | vibhAvito.atra sannayaH shamIhate sa mAnataH || 65|| mAtaraM tvA padaM sadya AshritAste kathaM janAH | mA tarantvApadaM sadya AdyaM shreyaH samAshritAH || 66|| bhAti tvattanusaMshleShe satyamba vapuranuttaram | saMsArAbdhau sadAhuste satyaM vapuranuttaram || 67|| yachCha me nityasaMsa~Ngi yachChame tadidaM manaH | svachChalo bhaktiyogaste svachChalokavivekasUH || 68|| ke valante vitanvantakR^itastvatpraNatA bhave | kevalaM te vitanvanta Asate vimalAM dhiyam || 69|| devi nirdagdhakAmasya tvaM nirAvaraNAtmanaH | harasya shubhasantAnaM tenAsau bhrAjate tathA || 70|| dviShadbhiyA sapadi vimuchyate yatastavAnato janani jayAshayA na kaH | stavAnato jananijayA shayAnakaH karoti te yudhi madhusUdanasvasaH || 71|| jyAyoniShThArivaryAdhiniyamanavarasvairadattAyatAj~nA svArAdhatvAsamadhyAniyajanajanani j~neyasusthAvabhAsA | nAnApuNyAgamasthA jananamanamayaj~nAnanandyA varA dhI\- ryAtA navyA vibhutvaM nutasaralamanastAmasasyAvahAsye || 72|| syehAva syA samastAnamalarasatanu tvaM bhuvi vyAnatAryA dhIrA vandyA na na j~nA yamanamananajasthAmagaNyA punAnA | sA bhAvasthA suyaj~ne.aninajanajayani dhyAmasattvAdharAsvA j~nAtAyattAdarasvairavanamanidhiryA variShThAniyojyA || 73|| alolakamale chittalalAmakamalAlaye | pAhi chaNDi mahAmohabha~NgabhImabalAmale || 74|| durgApi mAtaH sulabhAsi bhaktyA bhavAnukUlApi bhavaM kShiNoShi | adhyeyatAM yAsi sadaiva devi dhyeyAsi chitraM charitaM tavaitat || 75|| mahadesurasandhamme tamavasamAsa~NgamAgamAharaNe | harabahusaraNaM taM chittamohamavasara ume sahasA || 76|| vandyA prabhAtasandhyeva sUryAlokapravartinI | nivartayasi devi tvaM mahAmohamayIM nishAm || 77|| saMvAdisArasampattIsadAgorijayesude | tavasattIrade santu saMsAre susamAnade || 78|| AgamamaNisudamahimasamasaMmadakR^idaparajassu | kira savibhayavadito samaya ujjalabhAvasahassu || 79|| tvaM vAde shAstrasa~NginyAM bhAsi vAchi divaukasaH | tavAdeshAstrasaMskArAjjayanti varade dviShaH || 80|| sadAvyAjavashidhyAtAH sadAttajapashikShitAH | dadAsyajasraM shivatAH sUdAttAjadishi sthitAH || 81|| hareH svasAraM devi tvA janatAshritya tattvataH | vetti svasAraM devitvA yogena kShapitAshubhA || 82|| sadApnoti yatirjyotistAdR^ishaM svatprabhAvataH | prabhAvataH samo yena kalpate mohanuttitaH || 83|| tvaM sadgatiH sitApArA parA vidyottitIrShataH | saMsArAdatra chAmba tvaM sattvaM pAsi vipattitaH || 84|| paramA yA tapovR^ittirAryAyAstaM smR^itiM janAH | paramAyAta poShAya dhiyAM sharaNamAdR^itAH || 85|| pravAdimatabhedeShu dR^ishyaste mahimAshrayaH | bhAnti tvattrishikhasyeva shikhAnAmasamAshrayaH || 86|| yachcheShTayA tava sphItamudAravasu dhAmataH | yachcheto yAtyavahitamudA ravasudhAmataH || 87|| suradeshasya te kIrtiM maNDanatvaM nayanti yaiH | varade shasyate dhIrairbhavatI bhuvi devatA || 88|| tattvaM vItAvatatatuttatvaM tatavatI tataH | vittaM vittava vittatvaM vItAvItavatAM bata || 89|| tAre sharaNamudyantI suresharaNamudyamaiH | tvaM doShApAsinodagrasvadoShA pAsi nodane || 90|| sumAtarakShayAloka rakShayAttamahAmanAH | tvaM dhairyajananI pAsi jananItiguNasthitIH || 91|| khyAtikalpanadakShaikA tvaM sAmargyajuShAmitaH | sadA sarakShasAMmukhyadAnavAnAmasusthitiH || 92|| sitA saMsatsu sattAste stuteste satataM sataH | tatAstitaitti tasteti sUtiH sUtistato.asi sA || 93|| tvadAj~nayA jagatsarvaM bhAsitaM malanudyataH | sadA tvayA sagandharvaM samiddhamarinuttitaH || 94|| yato yAti tato.atyeti yayA tAM tAyatAM yataiH | mAtAmitottamatamA tamotItAM matiM mama || 95|| mahattAM tvaM shritA dAsajanaM mohachChidA vasa | yachChaddhatvaM gataH pApamanyasya prasabhaM jaya || 96|| tvAM sAj~nAsu jaganmAtaH spaShTaM j~nAtA suvartmasu | praj~nA mukhyA samudbhAsi tatpR^ithutvaM pradarshaya || 97|| Aj~nAsu jaganmAtaH spaShTaM j~nAtA suvartmasu praj~nA | bhAsi tvaM sA mukhyA samutpR^ithutvaM pradarshaya tat || 98|| hantryo ruShaH kShamA etA sandakShobhAstamunnataH | satehitaH sevate tAH satataM yaH sa te hitaH || 99|| karoShi tAtstvamutkhAtamohasthAne sthirA matIH | padaM yatiH sutapasA labhate.ataH sashuklima || 100|| devyA svapnodgamAdiShTadevIshatakasaMj~nayA | deshitAnupamAmAdhAdato noNasuto nutim || 101|| hArdadhvAntaniyantR^ibhAsvaravapuH svarvAsinAM sarvato durvArAriparikShayaM vidadhatI dhyAtaiva larvANasUH | dehArdhe nihitA bhavena bhuvanatrANaikatAnAtmanA devi tvaM tvamivAparA jagati kA satkesarIndrasthitiH || 102|| kleshonmAthakarI satAM bhavaharAnandaikaheto guru\- rmAtA tvaM jagatAM bhavanti vidhavAH sarve tavAnugrahAt | durge na kvachideva sIdati janastvadbhaktipUtAshayaH stutyA bharturabhinnayeti vibudhaistvaM stUyase shrIriva || 103|| yenAnandakathAyAM tridashAnande cha lAlitA vANI | tena suduShkarametatstotraM devyAH kR^itaM bhaktyA || 104|| iti shrImadAnandavardhanAchAryavirachitaM devIshatakaM sampUrNam || ## Proofread by Pallasena Narayanaswami ppnswami at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}