% Text title            : devIstava harivaMshAnubandhanam
% File name             : devIstavaharivaMsha.itx
% Category              : devii, pArvatI, stotra, devI
% Location              : doc\_devii
% Transliterated by     : PSA Easwaran
% Proofread by          : PSA Easwaran
% Latest update         : Octobet 2, 2014
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devistava ..}##
\itxtitle{.. devIstavam ..}##\endtitles ##

    harivaMshe anubandham\- adhyAya\-8

vaishampAyana uvAcha
AryA kAtyAyanI devI kaushikI brahmachAriNI |
jananI siddhasenasya durgA vIrA mahAtapAH || 1||
jayA cha vijayA chaiva puShTishcha tvaM kShamA dayA | 
jyeShThA yamasya bhaginI nIlakausheyavAsinI || 2||
bahurUpA virUpA cha anekavidharUpiNI | 
virUpAkShI vishAlAkShI bhaktAnAM parirakShaNI || 3||
parvatAgreShu ghoreShu nadIShu cha guhAsu cha | 
vAsastava mahAdevi vaneShUpavaneShu cha || 4||
shabarairbarbaraishchaiva pulindaishcha supUjitA | 
mayUrapakShadhvajinI lokAn krAmasi sarvashaH || 5||
kukkuTaishchAgalairmeShaiH siMhairvyAghraiH samAkulA | 
ghaNTAninAdabahulA vishrutA vindhyavAsinI || 6||
trishUlapaTTisadharA sUryachandrapatAkinI | 
navamI kR^iShNapakShasya shuklasyaikAdashI priyA || 7 ||
bhaginI vAsudevasya rajanI kalahapriyA | 
AvAsaH sarvabhUtAnAM niShThA cha paramA gatiH || 8 ||
nandagopasutA chaiva devAnAM vijayAvahA | 
chIravAsAH suvAsAshcha raudrI sandhyA tvameva cha || 9||
prakIrNakeshI mR^ityushcha tathA mAMsaudanapriyA | 
lakShmIralakShmIrUpeNa dAnavAnAM vadhAya cha || 10||
sAvitrI chApi devAnAM mAtA bhUtagaNasya cha | 
antarvedI cha yaj~nAnAmR^itvijAM chaiva dakShiNA || 11||
siddhiH sAMyAtrikANAM cha velA sAgarayAyinAm |
yakShANAM prathamA yakShI nAgAnAM suraseti cha || 12||
kanyAnAM brahmacharyA cha saubhAgyaM pramadAsu cha | 
brahmavAdinyatho dIkShA shobhA cha paramA tathA | 
jyotiShAM tvaM prabhA devi nakShatrANAM cha rohiNI || 13||
rAjadvAreShu tIrtheShu nadInAM sa~NgameShu cha | 
pUrNe cha pUrNimAchandre kR^ittivAsA iti smR^itA || 14||
sarasvatI cha vAlmIkeH smR^itirdvaipAyane tathA | 
suradevI cha bhUteShu stUyase tvaM svakarmabhiH || 15||
indrasya chArudR^iShTistvaM sahasranayaneti cha | 
R^iShINAM dharmabuddhistu devAnAmaditistathA || 16||
karShakAnAM cha sIteti bhUtAnAM dharaNIti cha | 
tApasAnAM cha devI tvamaraNI chAgnihotriNAm || 17||
kShudhA cha sarvabhUtAnAM tR^iptistvaM cha divaukasAm | 
svAhA tuShTirdhR^itirmedhA vasUnAM tvaM vasUmatI || 18||
AshA tvaM mAnuShANAM tu tuShTishcha kR^itakarmaNAm | 
dishashcha vidishashchaiva tathA hyagnishikhA prabhA || 19||
shakunI pUtanA cha tvaM revatI cha sudAruNA | 
nidrA cha sarvabhUtAnAM mohanI kShatriyA tathA || 20||
vidyAnAM brahmavidyA tvamo~NkAro.astha vaShaT tathA | 
nArINAM pArvatI cha tvaM paurANImR^iShayo viduH || 21||
arundhatyekabhartRRINAM prajApativacho yathA | 
bhedo vivAdashIlAnaM tvamindrANIti vishrutA | 
paryAyanAmabhirdivyairindrANI cheti vishrutA || 22||
tvayA vyAptamidaM sarvaM jagat sthAvaraja~Ngamam |
sa~NgrAmeShu cha sarveShu agniprajvaliteShu cha || 23 ||
nadItIreShu ghoreShu kAntAreShu bhayeShu cha |
pravAse rAjabandhe cha shatrUNAM cha pramardane || 24 ||
prANAtyayeShu sarveShu tvaM hi rakShA na saMshayaH |
tvayi me hR^idayaM devi tvayi buddhirmanastvayi || 25|| 
rakSha mAM sarvapApebhyaH prasAdaM cha kariShyasi |
imaM devyAH stavaM divyamitihAsasamanvitam || 26||
yaH paThet prAtarutthAya shuchiH prayatamAnasaH |
tribhishcha kA~NkShitaM mAsaiH phalaM vai samprayachChati || 27 ||
ShaDbhirmAsairvariShThaM tu varamekaM prayachChati |
ShaNmAsAn paThate yastu kA~NkShitaM cha labheta saH |
architA navabhirmAsairdivyaM chakShuH prayachChati || 28 ||
saMvatsareNa siddhiM tu yathAkAmaM prayachChati |
satyaM cha brahmacharyaM cha dvaipAyanavacho yathA || 29 ||

iti harivaMshAnubandhaM antargataM devIstavaM sampUrNam || 


##
From Haivamsha Appendix 8
Encoded and proofread by PSA Easwaran psaeaswaran at gmail

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}