% Text title            : shaktyaShTottarashatadivyasthAnIyanAmastotram or devIstutI tIrthakShetrANi
% File name             : devIstutItIrthakShetrANi.itx
% Category              : devii, shaktipITha, aShTottarashatanAma
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay gopal.j.upadhyay at gmail.com
% Source                : Matsyapurana, adhyAya 13. See corresponding nAmAvalI
% Latest update         : June 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devistuti or Devi Tirthakshetrani ..}##
\itxtitle{.. devIstutI athavA devI tIrthakShetrANi ..}##\endtitles ##
(gaurI aShTottarashatatIrthanAmastotram)
evamukto.abravId dakShaH keShu keShu mayAnaghe |
tIrtheShu cha tvaM draShTavyA stotavyA kaishcha nAmabhiH || 1||
devyuvAcha \-
sarvadA sarvabhUteShu draShTavyA sarvato bhuvi |
sarvalokeShu yat ki~nchid rahitaM na mayA vinA || 2||
tathApi yeShu sthAneShu draShTavyA siddhimIpsubhiH |
smartavyA bhUtikAmairvA tAni vakShyAmi tattvataH || 3||
vArANasyAM vishAlAkShI naimiShe li~NgadhAriNI |
prayAge lalitA devI kAmAkShI gandhamAdane ||  4||
mAnase kumudA nAma vishvakAyA tathAmbare |
gomante gomatI nAma mandare kAmachAriNI || 5||
madotkaTA chaitrarathe jayantI hastinApure |
kAnyakubje tathA gaurI rambhA malayaparvate || 6||
ekAmrake kIrtimatI vishvA vishveshvare viduH |
puShkare puruhUteti kedAre mArgadAyinI || 7||
nandA himavataH pR^iShThe gokarNe bhadrakarNikA |
sthANvIshvare bhavAnI tu bilvake bilvapatrikA || 8||
shrIshaile mAdhavI nAma bhadrA bhadreshchare tathA |
jayA varAhashaile tu kamalA kamalAlaye || 9||
rudrakoTyAM cha rudrANI kAlI kAla~njare girau |
mahAli~Nge tu kapilA markoTe mukuTeshvarI || 10||
shAlagrAme mahAdevI shivali~Nge jalapriyA |
mAyApuyAM kumArI tu santAne lalitA tathA || 11||
utpalAkShI sahasrAkShe kamalAkShe mahotpalA |
ga~NgAyAM ma~NgalA nAma vimalA puruShottame || 12||
vipAshAyAmamoghAkShI pATalA puNDravardhane |
nArAyaNI supArshve tu vikUTe bhadrasundarI || 13||
vipule vipulA nAma kalyANI malayAchale |
koTavI koTitIrthe tu sugandhA mAdhave vane || 14||
godAshrame trisandhyA tu ga~NgAdvAre ratipriyA |
shivakuNDe shivAnandA nandinI devikAtaTe || 15||
rukmiNI dvAravatyAM tu rAdhA vR^indAvane vane |
devakI mathurAyAM tu pAtAle parameshvarI || 16||
chitrakUTe tathA sItA vindhye vindhyanivAsinI | ##var ## vindhyAdhivAsinI
sahyAdrAvekavIrA tu harishchandre tu chandrikA || 17||
ramaNA rAmatIrthe tu yamunAyAM mR^igAvatI |
karavIre mahAlakShmIrumAdevI vinAyake || 18||
arogA vaidyanAthe tu mahAkAle maheshvarI |
abhayetyuShNatIrtheShu chAmR^itA vindhyakandare || 19||
mANDavye mANDavI nAma svAhA mAheshvare pure |
ChAgalANDe prachaNDA tu chaNDikA makarandake || 20||
someshvare varArohA prabhAse puShkarAvatI |
devamAtA sarasvatyA pArAvArataTe matA || 21||
mahAlaye mahAbhAgA payoShNyAM pi~NgaleshvarI |
siMhikA  kR^itashauche tu kArtikeye yashaskarI || 22||
utpalAvartake lolA subhadrA shoNasa~Ngame |
mAtA siddhapure lakShmIra~NganA bharatAshrame || 23||
jAlandhare vishvamukhI tArA kiShkindhaparvate |
devadAruvane puShTirmedhA kAshmIramaNDale || 24||
bhImA devI himAdrau tu puShTirvishveshvare tathA |
kapAlamochane shuddhirmAtA kAyAvarohaNe || 25||
sha~NkhoddhAre dhvanirnAma dhR^itiH piNDArake tathA |
kAlA tu chandrabhAgAyAmachChode shivakAriNI || 26||
veNAyAmamR^itA nAma badaryAmurvashI tathA |
auShadhI chottarakurau kushadvIpe kushodakA || 27||
manmathA hemakUTe tu mukuTe satyavAdinI |
ashvatthe vandanIyA tu nidhirvaishravaNAlaye || 28||
gAyatrI vedavadane pArvatI shivasannidhau |
devaloke tathendrANI brahmAsyeShu sarasvatI || 29||
sUryabimbe prabhA nAma mAtR^iNAM vaiShNavI matA |
arundhatI satInAM tu rAmasu cha tilottamA || 30||
chitte brahmakalA nAma shaktiH sarvasharIriNAm |
etaduddeshataH proktaM nAmAShTashatamuttamam || 31||
aShTottaraM cha tIrthAnAM shatametadudAhR^itam |
yaH smarechChR^iNuyAd vApi sarvapApaiH pramuchyate || 32||
eShu tIrtheShu yaH kR^itvA snAnaM pashyati mAM naraH |
sarvapApavinirmuktaH kalpaM shivapure vaset || 33||
yastu matparamaM kAlaM karotyeteShu mAnavaH |
sa bhittvA brahmasadanaM padamabhyeti shA~Nkaram || 34||
nAmnAmaShTashataM yastu shrAvayechChivasannidhau |
tR^itIyAyAmathAShTamyAM bahuputro bhavennaraH || 35||
godAne shrAddhadAne vA anyahani vA budhaH |
devArchanavidhau vidvAn paThan brahmAdhigachChati || 36||

iti matsyapurANe trayodasho.adhyAye devIstutiH samAptA |

shrIshaktyaShTottarashatadivyasthAnIyanAmastotram
gaurI aShTottarashatatIrthanAmastotram

matsyapurANa 13/24
##
Encoded and posted by Gopal Upadhyay gopal.j.upadhyay at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}