% Text title : Devika Lahari % File name : devikAlaharI.itx % Category : devii, devI, laharI, nadI % Location : doc\_devii % Transliterated by : Mandar Mali aryavrutta at gmail.com % Proofread by : Mandar Mali aryavrutta at gmail.com % Latest update : March 6, 2020 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Devika Lahari ..}## \itxtitle{.. shrIdevikAlaharI ..}##\endtitles ## shriyAmAyAnaM yadvimalavasane sarvajagatAM\- kriyAspAmbudhnante niyata haviShAM pAvanavidhau | dhiyAM pAvitrIyo.avanividitatIrthaM vanamayaM\- vapushchedaM sharve sakalamashubhaM vArayatu naH || 1|| shivArDA~Nge vAso vidhijatanayAyAH prathamato gR^ihante kailAse rajitabhuvanabhrAjitataTe | amartyA.a.akrIDe bA.apyavanidharaputryAssuranate\- saridrUpa~nchaitaddharatu jagatAM pApamakhilam || 2|| ida~NkarmmAdhAnambhuvanajagatau khaNDamakhilaM pavitrIkartuM vai navasalilabimbaM vidadhatI | prabhAse shuddhe cha drumavati sughATe surapateH\- samuttIrNAdhArAbharaNavasanA shaivashikharAt || 3|| saridrUpandhatvAjani vR^ijinanAsha~Nkaru shivaM\- janAnAM madrANAM gR^ihatanayavittAptamanasAm | uvAchedaM shambhurmR^idutaramanoj~naM madhuvachaH\- bhavAnImApannAM vinayanatadehAM nijagirau || 4|| shivAshammorAj~nAM pariNataguNasyAmaragaNaiH\- gR^ihItvA kailAsAjjanakushalabhAvAbhijananI | samuttIrNAdR^iShTvA harashirasi jAtAM suranadIM\- dadhau rUpambhavyaM vanamayavapUrdAchikamidam || 5|| tadAshambhUrUpaM munivaranR^itaM lai~NgamadhikaM\- dadhArochchaistIre bhuvanavanashailadyutikaram | vR^iShAdyairdeveshairna mitavadanairbandhamabhito\- bhavAnI vyAshleShAdamitamahimAsha~NkitamanAH || 6|| yadA chaindrAdaghATAdachaladamalaM vArinichayaM nuti~NgauryyashchikrurmunivarasamUhAH samuchitAm | tadA vINAnAdadhvanitamurajaiH kinnaragaNaiH\- svaraishchedambhadraM \-tridashavaravadhvA parijaguH || 7|| yadAvirbhUtante dyatidharapadAddAvikapayo\- janAnAmaj~nAnAM shamalabhavatApopashamanam | niShevyantatprAj~nairdivijanamitanno hR^idi sadA\- vasatvevaM chakrurnatimakhiladevAH shrutidharAH || 8|| samR^iddhaM\- svAmitvaM parijanavR^itaM tyajya sahasA\- jananayAstatvAnAM mR^idulataTavAsA.amaladR^ishAm | payastesvAdIyo vimalataramAtR^iptipibatAM\- mR^iShAyante, sadyaH suravarapadevyo.api vividhAH || 9|| spR^ishan yassaugandhyannavasumanasAM dhIrapavana \- stvadIyAnAM prAvR^i~NjanitalaharINAM vyatikarAt | punAtImAM pUtastvavanimakhilAM svarga sahitAM\- ninAdo.apAnte yaH shamayati khalUchchairyamarutam || 10|| amI mAtardhanyAH khagamR^igagaNAM dAvikataTe\- payaH pUtaM pItvA shamitaduritA divyavapuShaH | vrajantyante shAntAstridashavaravR^indapramuditAH\- mahanmAhendraM te nibiDataruramyaM vanamadaH || 11|| anUrau snAntInAM janapadavadhUnAM ghanakuchaM sthitaM saugandhyaM yanmR^igamadayutaM dAvikavane | valantyantaste tanmR^itamR^igasamUhA divamitA stavaitatprAkAmyaM janani gaditunnArhati vidhiH || 12|| tvadambUnAM nAma smarati hR^idaye dAvikamiti\- janaH pAvitrIyAnbhavati shatapApairapi vR^itaH | aho chAlaM vAso janani tava tIre vanamaho janoddhAraM baddhAdR^iDhaparikaraM tva~Nkuru bhavAt || 13|| shrito.apAntemAtarviShayaviShatR^iShNAvR^itachidAM adR^ishyaH pAtAle tvamitavalavalyAdibhirapi | kaphAdivyAvartaM vadanavivaraM jAtu vishatAM\- sharIrAnte tAvatyaramaphalado no.api bhavatu || 14|| pinAkIkailAshe padavidhutibhirnR^ityati mudA\- vibhushshetAmabdhau bhujagamR^idubhogo.api shayane | vidhAtAtraipR^iShTe tvaviratasamAdhirbhavatu vA tadaudAsyandR^iShTvA janani tava tIraM hyapagataH || 15|| vibhurbha~NktA.atarkomadanabhaTahantA cha manasA upekShante mAnyairdrutapihitakarNAH karapuTaiH | sphuTaste vyAsa~Ngo madapatitanistAraNakR^itau pratomAtastvAM vai sharaNapadavIM yAmi satatam || 16|| avyaktaM vAtyaiH pishunamanujairyannyapahR^itaM\- vigarhyantUnmattairatipatitavR^indaiH parihR^itam | harantyenaHsarvaM shramavirahitaikA vijayate\- yaduddhAraudAsyaM bhavati bhajatAnmArdrahR^idayA || 17|| yadaudAsyaM jAtA.a.asyamalahR^idayadhyAnapathage\- mamAghanyU hAnte.akR^itayajanahavyAdhipanateH | tadAnImevAyeM jagati jayinAmUrjitayasho\- layaM yAtA ramyaM shamanabhaTahAsaMstavataTe || 18|| madonmattAnastAn vR^iShalaramaraNIsaktamanasaH\- mahArogagrastAn karapadavihInAnapi narAn | jaDAnyandhavya~NgAnprakR^itiviShamAdyAnapinarAn parityaktAndevairamatamavituM svauShadhamasi || 19|| yadantaH krIDantonvanavaratamAnandabharitA\- na gR^idhrAHshvetAste tridivagamanechChAjitayamAH | niveshAnnArINAmashubhashamano.avadyavapuShAM taTo.ayaM mAtaste bhava vigamashUro bhavatu naH || 20|| vibhAntebhUteshAjaTilashirasashchandravibhayA\- ninetuM hyAyAtAyama puramaghA ye yamabhaTAH | kR^itA vAsantIre janani tava shuddhe cha manujaM\- gataM pa~nchatvaM te hR^itakaluShamAlokya vigatAH || 21|| bR^ihattvadvIchInAmamalapayasA mArjjitavapuH sharIrAnte shete dhR^itidhara naro dAvikataTe | tadainaddhitvArye vrajati padamAdyaM madhuripo\- rvimAnastho mAnyastvaditi tanujAtAmapi divi || 22|| sushailaM nishshoka kamanakalahaMsAdyabhiramaM\- taruvAtachChAyaM kusumabharalubdhAlinichitam | sudhA prakhyA dhArApatanadhvanitaM dAvikamidaM punItaM tIrante madaghavR^ikayUthaM vidhamatu || 23|| bhavatyAM sAvitryAM shrutikushalamAdau vyavasitaM\- shivambhUryAyAsaM vidhidhR^itavisheShaM bahuShatham | tadevAyaM dhatte tridivagamanAyAshvavahita\- stavaitenaivatannavalaShayasA.abhyeti sakalam || 24|| pravAhe.apAnteyAH sitataralaharyyo ghanataTA\- stara~Ngairutte~NgairmR^idula pavanaishchApi cha lataiH | sudhAsindho mAtarbhava vanabhavAgni~nchalashikhaM nayantvArdreH shAntiM vivanagR^ihakUpaprapatitAm || 25|| iyaM yA te mUrtiH suravaranutA pAvanamayI\- janAnAM yeShAM hR^innavanalina nAlaM yadi gatA | nihantyAshvenAMsi tvaruNa iva bhUryAstR^itatamaH\- ghaTasvedAnI me yamaraNakR^ipoddhArasaraNIm || 26|| sharachchandrAmAM tvAmamalavidhubimbArddhamukaTAM\- sunaddhagreveyadayutinikarabhUShA~NgadadhatIm | japantyAyattAhR^innavajalajakoshe sumanasaH\- na teShAM bhaktAnAM kvachidapi cha yAmyaH paribhavaH || 27|| stavairdevIMstavyAM shrutividitasArArthalalitaiH\- mahApadmAsInAM vajanavaradAM shubhravasanAm | smaranti dhyAnenaikataramanasA ye.adhadhamanIM\- visR^ijyemaM martyA girishadharashR^i~Nge.amR^itabhujaH || 28|| vahantIM shItAMshuM shirasi tava sImantasaraNIM\- dvidhAbhinnAkeshAM karavidhR^itapadmAM vidhinutAm | janAstvadbhR^ityA ye tvavanipR^ithupR^iShThe suvimale\- bhajanti tvAmamba pratidivasamAjanmapavitAH || 26|| harantyAH satvAnAM duritasamavAyaM shivachidA\- svasR^iShTAnAmbhUtaiH prabalaguNamayyA girisute | dhR^itA pashchAd~Nge hatamanasijenAtivashinA\- mahatvaM vaktunte kathamapi na vij~naH prabhavati || 30|| samR^iddhitvaM bhUmerjaladhiparidhe rivitathaM\- kimIsha tvaM krIDArachitajagatAM yatpashupateH | smR^itInAM vaichitryaM phalamatha satAM puNyanivahaM\- ShayaH pIyUShAbhaM tava janani shannaH pradishatu || 31|| viri~nchiH sa~nchinvaMstava charaNaka~njodbhavapayaH\- sa devAnsarveshaH prajanayati lokAnavaratam | vimR^igyaM sheSheNA.apyavanidadhatA saiva shikharAt samuttIrNA kartuM divija narasUddhAraNavidhim || 32|| shachIsho.apIdante lalitacharaNAmbhojasalilaM\- gajendrAduttIryAvanitalamagamyaM diviShadAm | shirasyAdhatte yo maNimayakirITadyuti mati\- rvR^ito devavrAtaistridashavanitAntyamuditaiH || 33|| surastrIsa~NghAtastridivabhuvanAddAvikapayaH\- parisnAtuM yAtastava janani tIraM hayamukhaiH | jagau chedambhadraM shrutimR^idulamadhyaM samurajai\- rabhUtatsa~NgItaM girishasukhada~NkIchakaravam || 34|| munivrAtairyattaissamarashatadhIraishcha kR^itibhiH\- surajyeShThenApi smarabhaTamajeyaM hi balinam | nihatyAjau rudro.akhilabhuvanavandyA suyatitA\- magAttvatsamparkAdashubhashamanI no bhava shive || 35|| idante shItAmbhaH sphaTikapratimaM kautapavidhau\- prayuktaM pashyAnAnduritabharavisrAbdhipatitAm | vyasUnAmuddhAra~njana nikurute te cha vidite\- mahIyante loke shishirashashinaH shAntavapuShaH || 36|| latAsampR^iktAnAnnavakusumabhArapravahatA\- ntarUNAntAmasyaM madhukaravR^itAnAM parigatam | tvadIyAnAM pAnAdvishadapayasAmAjjavapadai\- stara~NgotsR^iShTAnA~njanani tarujanmApi cha yataH || 37|| chaladvIchIkShobhabhramita jhaShachakrorjjitarave\- jagatprANodbhUtadR^imagalitapuShpA.a.astR^itataTe | pravAhe tvadvArAM pikashikhigaNA ye.atimadhuraM\- nadantIhA.a.alokadhvanaya iva pUlA~NghripagR^ihAH || 38|| aho.antarmadrANAM himagirigurorDugrahR^idayAt\- sahasrArAdhAre bhagavati shive dAvikamayai | chaturviMshatkoshAyatirapi chaturvistR^itiratho mumukShupretAnAM taraNi ! taraNI natvadaparA || 39|| namashchidrUpAyai triguNabalamayyai prakR^itaye namaH sadrUpAyai vidhushakalamaule.akhilabhR^ite | saridrUpAyai te pavitavasudhAyai shrutavatAM\- dadatyai nirvANaM niravadhisukhaM satvanidhaye || 40|| jagatpUjyAyai te yajanaphaladAyai bhava Chide\- namo medinyai te.akhilavasudharAyai sushravase namo dhIrAyai te vishadaguNamayyai sugataye | namo vaiShNavyai te munivR^iDhayutAyai sumataye || 41|| yasyAste.amalavIchayo bhuvi vadUrguptA.a.astR^itA devike\- yA dhR^itvA.akhilavandyavedavadanAstva~Nge.aja loka~NgatAH | daNDAdyastradharAmahogravapuSho yAbhyo yamA dUrata\- stA divyA naralokapAvanakarAH sevyA budhaissarvadA || 42|| yasminprapIte payasi tvadIye nR^iNAmaghaM nashyati chAntarAshritam | svachChaM sudhAsammitamadyanasta\- tkarotu bhavyambhavabhItachetasAm || 43|| tvatpAdasambhUnnapayaH prachetAstaM dhAryya pUtaM shirasApa siddhim | sheShastvadIyAnviditAnguNAnvai shaknoti naivAdyatane na mAtum || 44|| tvameva ga~NgA yamunA tvameva tvameva sindhushcha sarasvatI vai | tvandevikArUpamapauha sharve dadharthalokAya vinAshanAya || 45|| tvameva mAtarbahudhA vyavasthitA tvameva mAyA khalu shAmbhavIti | tvatto.apyanantA jagataHprasUti\- statvaishchidAbhAsa balena devyAH || 46|| sadA.a.apojyotiShTe.avanidaharagAntaH pravahati bhuvaH pR^iShThasthAnAM sakalashamalAni pradahati | idAnIM hindUnAM nikhilakaluShaM tvaM parihara kuruShvaitAnnityaM hR^idayabalayuktAnR^iShivR^iDhAn || 47|| sadAchArai niShThAnprabalatamaduShTakShayakarAn prachAre vedAnAmanudinamadhiyaj~na ruchiyutAm | gR^iheShvAsaktAnAM hR^idi sabalaniShThAM draDhayituM\- sashaktAnvAgbhaktAjjanani ! kuru sadyo.agrajavarAn || 48|| aj~nAta viduShA sR^iShTAM laharIM devikA priyAm | vihArIlAla vAsiShTho mudrApyainAM samarpaye || || iti shrIdevikAlaharI sampUrNA || ## Encoded and proofread by Mandar Mali \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}