% Text title            : Verses praising Sacred Dharmapuri and Godavari
% File name             : dharmapurIgodAvarIvarNanam.itx
% Category              : devii, koriDevishvanAthasharmA, nadI, devI
% Location              : doc\_devii
% Author                : koriDe vishvanAthasharmA, dharmapurI
% Transliterated by     : koriDe vishvanAthasharmA
% Proofread by          : koriDe vishvanAthasharmA
% Acknowledge-Permission: Koride Vishwanatha Sharma
% Latest update         : February 19, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. dharmapurI godAvarI varNanam ..}##
\itxtitle{.. dharmapurI godAvarI varNanam ..}##\endtitles ##
koriDe vishvanAtha sharmA saMskR^itopanyAsakaH
shrI lakShmI narasiMhasaMskR^itAndhra kalAshAlA

ayikarikarNika ! mUShikavAhana!! parvatajAsuta ! sAmbapriya !
nutajanapoShaka ! ShaNmukhasevita !  sha~NkarachumbitaphAlataTa! |
varachaturAnanadevagaNArchita ! dAnavabha~njaka ! dAsarata!
jaya gaNanAyaka ! vighnavinAshaka ! dharmapurIjanapAla vibho!

ayinijamUrdhajapAshajaTodbhavagautamajAsikatodbhava bhoH
vararaghuvaMshakalAnidhikIrtitarAghavasevitali~Ngatano! |
nijavarabhaktakR^itAghavinAshaka dAsajanArthitadAnarate!
jaya rajanIkarabhUShitashekhara! dharmapurIvilasannilaya! ||

tvaddarshanaM yadi labhe na tu nIlakaNTha!
nAmaM bhajAmi yadi kaNThagataM na te hi |
rUpaM smarAmi tava chenna manoharaM me
tajjIvanaM mama nirarthakameva shambho ||

prAtaHkAlavarNanaM godAvarI

lakShmInR^ihareHpadAbjalasitA brahmAdidevairyutA
yA rAmArchitarAmali~NganilayA bhaktAghavidhvaMsinI
yasyAH prAgdishi gautamI ravikarAn prakShAlayantI sadA
seyaM dharmapurI sanAtanapuraM kShetraM satIrthaM mahat || 1||

godAvarIgatasurArpaNakautukenduH
pIyUShabhANDaparipUrNasudhAkaro .ayam |
vIchInibaddhapratibimbatanurnitAtaM
sUryodaye lasati gachChati khAnnisheshaH || 2||

godAvarIvarajaleShu vinodamichChuH
tArAyuto varatara~NgahR^itAtmarUpaH |
AvR^itya vArvasitakairavamAtmabandhuM
sUryodaye lasati gachChati khAddhimAMshuH || 3||

niShkAsya dvijarAT tamo.andhapaTalaM yAtyekato hyambarAt
nidrAmudritamAnavAn dvijavarAH jAgranti rAvairmuhuH |
ChittvA.andhaM dvijakAntibhirdvijavarAH shrAvyanti vedashrutIH
prAtardharmapurIpurasya hi janAn kurvanti chaitanyakAn || 4||

gautamyAstu tara~Ngapa~NktininadairmAdhuryamApUryate
AbrAhmI haritAshcha ChAtravaTavaH pUryanti vedashrutIH |
gAvo.ambheti nadanti vatsakagaNaM svodhAsyadAnAya tAH
prAtardharmapuraM hi ma~NgalakarairdhvAnaiH pavitrIkR^itam || 5||

yasyAM brAhmaNapu~NgavairanudinaM susnAtaliptA~NgakaiH
gAyatrI shrutirAva susvaragalairdattA~njalirbhAskaraH |
snAtvA kShAlitarashmibhirnarahariM sandraShTukAmo mudA
nidrAmudritapadmamunnayati yaH saMsevanAya prabhoH || 6||

godAvarIvimalavAritara~NgahRRIdyai\-
ryatkairavairratimupetya mudA nishAnte |
indau gate hi kamalAni nimIlitAni
unmIlya bhAskarakarairvikasanti prAtaH || 7||

ye chaiva baddhatanavaH kamalodareShu
bhR^i~NgA hi bhAnuhR^itachittamumukShavaste |
santuShTabhAskarakaraiH suvimuktasa~NgAH
gItopadeshakavarA nanu yAnti chordhvam || 8||

shrI vaiShNavA nR^iharisevanatatparAshcha
dikpUryamANashubhama~NgalavAdyaghoShaiH |
gododapUrNavarahemaghaTA nivR^itya
niryAnti vedapaThanairbhR^itadevachittAH || 9||

gopAlabAlakagaNairdhR^itahastadaNDaiH
gAvo mudA pratigR^ihAt kila muktabandhAH |
vAtsalyadattapayaso.anvayagogaNAshcha
godAvarItaTavanaM hyupayAnti dhIram || 10||

kokkorakodhvaniyutairnanu kukkuTaishcha
dikpUryamANaninadaiH pravimuktakaNThaiH |
jAgranti yena hi vibudhya vara tyakta ma~nchAH
yadgautamInivahanAya janAstu yAnti || 11||

yadgAyato budha sadAshiva vishvanAthau
rAjannashAstrikR^itavA~NmayasevanaM tu |
prAbhAtikaM nanu sakIrtanachittajihvAH
godAvagADhatanavaH svagR^ihANi yAnti || 12||

godAM hi gopataruNImaNayastaraNyAM
gokShIrapUritaghaTAH bahavo tarantyaH |
grAmaM pravishya madhurasvarakaNTharAvaiH
udghoShayanti nanu vikrayaNAya dugdham || 13||

kanyA gR^ihA~NgaNatalaM parishudhya chAdbhiH
kR^itvA mudA rajitabhAsitara~NgavallIm |
sandIptagomayagiripratimA vidhAya
kurvanti chApahR^itachittajanA hi mArgam || 14||

ga~Nge ! trivikramapadodbhavi ! he surArchye !
trailokyapAvani! shivajaTAhR^itavArirUpe! | ?
vidhvasta gautamamaharShikR^itAgharAshe!
tvaM jAgR^ihItyuShasi bhaktavarAH stuvanti || 15||

abhyAgatA vividhadeshasamAgatAshcha
abAlavR^iddhapuravAsagaNAshcha vIthyAm |
snAtvA.a.agatAn dvijavarAnabhivandya namrAH
godAnimajjanaparAstvaritaM prayAnti || 16||

shrIsheShayoktanigamAntabhR^itAtmatattvaM
yannArasiMhashatakaM haribhaktisAraM
bhrAjannR^isiMhacharaNAbjakahR^iShTachittAH
gAyanti prodgalitagAnayutA stu nAryaH || 17||

mAlAM kvachiddhi dhanurAkR^itibha~Nkvachichcha
khaDgaM kvachinnanu sudarshanarUpamanyat |
bhinnaiH sadAkR^itivisheShagaNairbalAkAH
badhnanti dharmapuramambaravIthimArgam || 18||

pitrAj~nayA gatavano raghurAmachandraH
snAtvA cha yatra pitaraM tvakaroddhi tR^iptam |
bhaktyArchayat svakR^itasaikatali~NgamUrtiM
tadgautamIsthasikatA hi punanti bhaktAn || 19||

sa~NkalpamantrapaThanA vaTavA stu kechit
kechinnimajjanaparA harashabdapUrvam |
sandhyAntvupAsanaparAH sunimIlitAkShAH
godAjaleShu vidhikarmaratA dvijA hi || 20||

shrInArasiMha vachasA tvanulAtmajaH kiM
Aj~nApayet kapikulaM purarakShaNArtham |
yat trAsayanti shaThabuddhinarAMstu vIthyAM
saudhAgrabhAgaviharad varavAnarA hi || 21||

udyaddineshakiraNairjvaladagnitejaH
snAtAnuliptavarabhaktasamAhvanAya |
yad rAjagopuramaho harimandirasya
dhIraM vilokayati pUrvadishAbhimukhyam || 22||

yadrAjagopuragavAkShakavATamArgAt
AvR^itya pakShinivahAn khalu meghamAlAH |
gachChanti mandiramaho shubhakR^iShNavarNAH
draShTuM ramAnarahariM vinatA ninAdaiH || 23||

brahmAdi devagamanAya shubhA~NkitaM hi
bhaktAgradaityagamanAya mahonnataM cha |
yatsvAgatAdaraNapUrvaka bhR^ityavargaM
yadrAjagopuramaho kimu varNashakyam || 24||

dIvyat suvarNakalashairnanu bhrAjamAnaM ?
AkAshachumbanaparaM shikharAgrabhAgam |
AdityadaityapratimAhR^itachittahR^idyaM
yadrAjagopuramaho kimu varNashakyam || 25||

dainandikena vidhinA gaganAntarAlAt
saptAshvavAhanarathaM tvadhirUDhabhAnum |
AyAntamAhvayati hi shramamochanAya
yad gopuraM dhR^itakapota supuShpamAlam || 26||


varAhatIrtham
yasmin mudA nivahanAddhi sabhAryakashcha
chintAmaNiH paramavApa hi muktimArgam |
chintamaNIti yadagAddhi saraH prasiddhaM
vArAhatirthamiha rAjati dharmapuryAm || 27||

lakShmInR^isiMhavibhudarshanasAbhilAShaM
grAmaM praviShTamatithiM nanu sAdareNa |
bhR^i~NgAnura~njitasuma~NgalavAdyaghoShaiH
susvAgataM vadati cheha varAhatIrtham || 28||

utthAya chaikacharaNaM cha nimIlya netre
dhyAnaikachittavilasajjaladhiprasuptAH |
niShkimpamAnalasada~NgavibhAsavR^ikShAH
kiM tApasAnanusaranti bakA hi tIre || 29||

prAtaH sadA ? mukulIkR^itahastakuDmaM ?
santuShTakaM vikasitAnanapadmavR^indam |
abhyAgatAya madhupAya vinamrabhAvaiH
dattvA hi madhuparkamananyachittaM
vArAhatIrthamiha shikShati chAtitheyam || 30||

lokaikarakShaNavidhau hatahemanetraH
shrIsho dhR^itakShitimR^ida~NkitadaMShTrabhAgAn |
prakShAlya pUtamakarotsa tIrtham
vArAhatIrthamiha rAjati dharmapuryAm || 31||

iti koriDe vishvanAthasharmaNAvirachitaM dharmapurI
godAvarI varNanaM sampUrNam |
##
Composed by Koride Vishwanatha Sharma Dharmapuri Telangana
Proofread by Koride Vishwanatha Sharma.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}