% Text title            : Shri Dharmasamvardhani Stotram 2
% File name             : dharmasaMvardhanIstotram2.itx
% Category              : devii, devI, dashamahAvidyA, panchadashI
% Location              : doc\_devii
% Author                : gomatIdAsa
% Proofread by          : Rajesh Thyagarajan
% Description/comments  : panchadashIstavarAjamAlikA compiled by Lalitha Ramani
% Latest update         : December 27, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Dharmasamvardhani Stotram ..}##
\itxtitle{.. shrIdharmasaMvardhanIstotram ..}##\endtitles ##
|| shrIgaNeshAya namaH ||
OM ka e I la hrIM ha sa ka ha la hrIM sa ka la hrIM shrIM |
kalyANI kamanIyatUlakabarI kalhAramAlA~nchitA
      kastUrItilakA~NkaphAlaphalakA kAmeshvarapreyasI |
kAmyA kAmakalAtmikA karalasachchApekShupAshA~NkushA
      kalyANAni karotu me bhagavatI shrIdharmasaMvardhanI || 1||
etAvattaditi pramAM atigatAM eNIkishorekShaNAM
      ekAntApachitiprasanahR^idayAM ekAdhipatyapradAm |
evambhUtacharAcharaikajananIM eNA~NkachUDapriyAM
      edhemahyadhikaM prapadya sharaNaM shrIdharmasaMvardhanIm || 2||
Ishotsa~NgavihAralolahR^idayAM IhAvihInAshayAM
      IDAnAkhilavA~nchitArthajananIM IshAnasaMsevitAm |
IdR^igvishvajanisthitikShatikarIM ItivyathAnAshinIM
      IDe.ahaM paradevatAM bhagavatIM shrIdharmasaMvardhanI || 3||
lakShmIvallabhabhAratIpatishachIpatyAdisampUjitA
      labdhAnekajanuHsukarmanichayairlabhya~NghrisevArasA |
lAvaNyAmR^itasArasAgaratanurlakShAgamairlakShitA\-
      labdhArthA lalanA lasenmanasi me shrIdharmasaMvardhanI || 4||
hrI~NkArAmbujakarNikAntaramahAsiMhAsanAdhyAsinI
      hrINAtmIkR^itasarvalokalalanAratnasvalAvaNyabhA |
hrIshrIbhIdhR^itibuddhisaMsmR^itiratishraddhAkShamArUpiNI
      hrInnAmA mamaduHkhamAshu haratu shrIdharmasaMvardhanI || 5||
hastAhastividhAyipIvarakuchA hastIndrakumbhaiH samaM
      hAnAdAnavivarjitA harimaNishyAmAvadAtekShaNA |
haMsAdhyeyayapadakramA harihayabrahmAchyuteshArchitA
      hanyAnme hatakilbiShaM harasakhI shrIdharmasaMvardhanI || 6||
sarvA~NgINavibhUShaNA samarasA saMvinmayI sAtvikI
      sAdhyA sAgaramekhalAdharasutA sarvaj~nasammohinI |
satyAnandachidAkR^itiH sarasavAk santuShTachittAstu me
      saMsArArNavatAraNaikataraNiH shrIdharmasaMvardhanI || 7||
kalyA kA~nchanakuNDalA~NgadadharA kaNThe maNImAlikA
      kaTayAM kA~nchanakA~nchidAmalasitA kAdambasa~nchAriNI |
kAle kalpitavishvasR^iShTivilayA kAtyAyanI kAmadA
      kAmaM me kaThinastanI kalayatu shrIdharmasaMvardhanI || 8||
hatyAdyutkaTapApakUTadahanajvAlAyamAnAbhidhA
      hastairhATakaka~NkaNAvalidharA haMsAvalIsevitA |
hArAlIparishobhamAnavipulaprottu~NgavakShoruhA
      hatyAhantR^ikalA nihantu madadhaM shrIdharmasaMvardhanI || 9||
labdhavyAlaghulabdhabhaktyatishayairlAsyapriyA lAkinI
      lAkShAra~njitapAdapadmayugalA lajjApadArchapriyA |
lAbhAlAbhasamAnachittamuditA la~NkeshavairyarchitA
      lakShyAtmA lalitA lagenmanasi me shrIdharmasaMvardhanI || 10||
hrI~NkArAmaladugdhasAgarasudhA hrI~NkArapadmendirA
      hrI~NkArA~NkitamantrajApakajanAbhIShTArthasandAyinI |
hrI~NkArAmR^itavApikA kamalinI hrI~NkArapeTImaNiH
      kShipraM madviShatAM kulaM hrasayayu shrIdharmasaMvardhanI || 11||
sarvAnandakarI samastajananI satkarmasantoShiNI
      savyAsavyapathArchitA~NghrikamalA sampUrNasampatkarI |
sAdhvI sadgatidAyinI sadasadAkArA samA sAkShiNI
      sarvaj~nA mama sa~NkShiNotu duritaM shrIdharmasaMvardhanI || 12||
kanyApUjanasamprahR^iShTahR^idayA kalpadrumUlAsinI
      kAvyAlApavinodinI kalimalapradhvaMsinI kAminI |
kalyANAchalakArmukapriyatamA kalyANashailAlayA
      kAmaM kAmadhugastu me bhagavatI shrIdharmasaMvardhanI || 12||
lakShyA lakShaNabodhakashrutishiraH sImantavAkyAlibhi\-
      rlajjADhyA lagadiShTakalpalatikA lagnAshaye yoginAm |
lakShmIvallabhasodarI lavakarI lajjApadAdhyAsinI
      lAlityaikanidhirlagenmanasi me shrIdharmasaMvardhanI || 13||
hrI~NkArAmR^ita bhAnumaNDalalasajyotsnAbhirAmAkR^iti\-
      hrI~NkArodayamedinIdharakaThorAbhIShubimbaprabhA |
hrI~NkAraikaparAyaNAbhilaShitAsheShArthachintAmaNi\-
      rhR^iShyenme madhunAyakapraNayinI shrIdharmasaMvardhanI || 14||
madhunAthamanomodamakarAlayachandrikA |
dharmasaMvardhanI devI dharme saMvardhayenmama || 15||

iti shrIgomatIdAsakR^itaM shrIdharmasaMvardhanIstotraM sampUrNam |

##
Proofread by Rajesh Thyagarajan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}