% Text title            : domakoNDAchAmuNDEshvarIsuprabhAtam
% File name             : domakoNDAchAmuNDEshvarIsuprabhAtam.itx
% Category              : devii, koriDevishvanAthasharmA, suprabhAta
% Location              : doc\_devii
% Author                : koriDe vishvanAthasharmA, dharmapurI
% Transliterated by     : koriDe vishvanAthasharmA
% Proofread by          : koriDe vishvanAthasharmA
% Acknowledge-Permission: Koride Vishwanatha Sharma
% Latest update         : February 24, 2018
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Domakonda Chamundeshvari Suprabhatam ..}##
\itxtitle{.. shrI domakoNDa chAmuNDeshvarI suprabhAtam ..}##\endtitles ##

OM ga.N gaNapataye namaH |
OM shrI vAgIshvaryai namaH ||
suprabhAtaM \-
jAgR^ihi tvaM mahAdevi !
jAgR^ihi devi ! chaNDike ! |
jAgR^ihi domakoNDeshi !
lokarakShaNahetave || 1||	
jAgR^ihi chaNDamuNDAdi
duShTarAkShasaghAtini |
bhaktAnAmiShTadAtrI tvaM
jAgR^ihi mahiShamardinI || 2||
jAgR^ihi vighnarAjesha !
jAgR^ihi gaNanAyaka ! |
lokakaNTakanAshAya
jAgR^ihi chaNDikAsuta || 3||
shrI durge ! madhukaiTabhapramathinI tvaM chaNDamuNDArdini
mAtarjAgR^ihi lokarakShaNakR^ite nidrAM vimu~ncheshvari ! |
prAchIparvatamastake shishuraverudyatkarA bhAnti hi
chAmuNDeshvari ! domakoNDanilaye ! te suprabhAtaM shive ! || 4||
rAtrAvAptatamaHsudIrghapaTalaiH hyandhIkR^itaM vArijaM
prAtarbhAskara rashmibhiH svanayanAvunmIlya tatpa~Nkajam |
sAmIpyaM tava pAdayoshcha gamituM bhaktAgrahaste sthitam
chAmuNDeshvari ! domakoNDanilaye ! te suprabhAtaM shive ! || 5||
prAtarbhAskararashmibhirdR^iShTvA tvadIyaM mukhaM
amlAnairmukhanetrahastacharaNaistulyaM tvavAptuM mudA |
padmaM mandirasannidhau  sarasi te dhyAne vilInaM gataM
chAmuNDeshvari ! domakoNDanilaye ! te suprabhAtaM shive ! || 6||
bhAsvadbhAnuraho ! svakIyakiraNairlabdhaM svagarvaM tu yat
jAjvalyaM ravikoTitulyakiraNaM j~nAtvA tvadIyAnanam |
tyaktvA.asau tava darshanAya purataH prAchyAM mudA vIkShate
chAmuNDeshvari ! domakoNDanilaye ! te suprabhAtaM shive ! || 7||
tvatkarNotsavakalpanAya purato vR^ikSheShu te prA~NgaNe
pakShIndrAdimukhaiH svakUjitapadaiste suprabhAtaM mudA |
gAyantyatra hi nAradAdi R^iShayastvanmandiraM tvAgatAH
chAmuNDeshvari ! domakoNDanilaye ! te suprabhAtaM shive ! || 8||
tvannetrotsavakalpanAya girije ! tvanmandiraM tvAgatAH
nR^ityaM tANDavalAsyabaddharachitaM pashyajjanAhlAdakam |
nR^ityantyatra mayUrarUpadivijAH kanyAH prasAdechChukAH
chAmuNDeshvari ! domakoNDanilaye ! te suprabhAtaM shive ! || 9||
tvannetrIkR^itasUryachandradahanAH tvatsevanAyAshritAH
tvatprAsAdagatAndhakAraditijaM bhAnuH karairdhvaMsati |
AhladaM nanu kalpyate svakiraNairdhvastaM klamaM chendunA
antarmandiradIptarashmilasito hutabhuk dhyAna~Ngato nishchalaH
chAmuNDeshvari ! domakoNDanilaye ! te suprabhAtaM shive ! ||10||
sR^iShTo vIrasutaH svarakShaNakR^ite devi ! tvayA yo hyasau
yaH pitrA nanu ChinnamastakashishuH hastyAnanaH kAritaH |
soyaM vighnapatirnirIkShati mudA draShTuM tvadIyAnanaM
chAmuNDeshvari ! domakoNDanilaye ! te suprabhAtaM shive ! ||11||

stotram \-
vANi ! lakShmi ! pArvati ! trimUrtimAtR^irUpiNi !
brahmaviShNusha~NkarairnirantaraM susevyate ! |
duShTadAnavAntakI ! sushiShTa bhakta rakShike !
domakoNDachaNDike ! jayo.astu te nirantaram || 1||
lokakaNTakAsurAn tvadIyakopapAtrakAn
bhasmasAtchikIrShayA bhavallalATapaTTake |
prajjvaladdhana~njayo nirIkShate tvadAnatiM
domakoNDachaNDike ! jayo.astu te nirantaram || 2||
bhaktakalpavallike ! subhaktakoTipAlake !
bhaktavairibha~njani ! tvamArtibAdhavAriNI |
shiShTakarmamodinI viraktamokShadAyinI
domakoNDachaNDike ! jayo.astu te nirantaram || 3||
chaNDike ! tvamIpsitapradAyinI varaprade !
sUryakoTibhAsure ! sudhAkaraprabhAnane ! |
shUradaityabha~njane ! surendrapITharakShake !
domakoNDachaNDike ! jayo.astu te nirantaram || 4||
pArvatItanUdbhave ! nishumbhashumbhamardini !
duShTachittamAhiShaM yamAlayAtithi~Nkari ! |
raktabIja nAshike ! hR^itAsuchaNDamuNDike !
domakoNDachaNDike ! jayo.astu te nirantaram || 5||
vishvanAthasharmaNA pravAchitaM stavaM shubhaM
pAThakAya puNyadaM sadA hyaghaughanAshakam ||
sarvavighnabha~njakaM sukhapradaM shubha~NkaraM
domakoNDachaNDikA ! karotvimaM suharShiNI || 6||     					

prapattiH \-
AdyA tvaM jagatAM tvameva jananI mAyA parAdevatA
tvaM shaktitrayarUpiNI tvamanaghA vidyA hyavidyA parA |
kShetraj~nA hyaparA tvameva bhavati !  j~neyA parabrahmaNI
chAmuNDeshvari ! domakoNDanilaye ! pAdau prapadye tava || 1||
tvaM sItA tanumetya rAvaNakulaM mR^ityoH paraM prApayaH
tvaM draupadyasi duShTakauravakulapradhvaMsakI bhArate |
nityaM pAtumaho ! shive ! trijagato baddhA kaTI cha tvayA
chAmuNDeshvari ! domakoNDanilaye ! pAdau prapadye tava || 2||
tvatpAdasmaraNena pUtahR^idayAH siddhi~NgatA sAdhavaH
tvannAmashravaNena dhUtaviShayAH muktiM gatA yoginaH |
tvatpUjAcharaNena bhaktajanatA dhvastIkR^itAghaughikA
chAmuNDeshvari ! domakoNDanilaye ! pAdau prapadye tava || 3||
mUkaH preraNayA shive ! tava bhavet vAchAlakAnAM varaH
pa~NguH parvatamastakaM prabhavati hyArohashaktastvayA |
mUDho j~nAnavidAMvaro bhavati ! te vAgdevate ! hyAj~nayA
chAmuNDeshvari ! domakoNDanilaye ! pAdau prapadye tava || 4||
loke.asmin bahavo hi kaNTakajanAH sajjanmanAM bAdhakAH
daityendrAdisamAH sadA jagadidaM mu~nchanti duHkhAbnidhau |
amba ! tvAM sharaNa~Ngatastvahamasau yAchAmi te rakShaNaM
tebhyo mAmava domakoNDanilaye ! pAdau prapadye tava || 5||
shrIshadviT paradArakAmukavarash chAtmIyahiMsAkaraH
daityete hariNA.avatArabahubhistyaktAsavo naikadhA |
tR^iptiM naivagatA shcha te ditisutA dehe mamaivAshritAH
tebhyo mAmava domakoNDanilaye ! pAdau prapadye tava || 6||
kvAhaM devi ! sudUra deshavasitastvatsevanAyAhutaH
nAhaM vAgvibhavo yato na padavit shakto na vAksevane |
mUDhAste sukaTAkShadR^iShTivibhavairmAtaH ! kR^itAH paNDitAH
durge ! mAmava domakoNDanilaye ! pAdau prapadye tava || 7||
vaktAraM varakoriDekulabhavaM yaM vishvanAthAbhidaM
sharmAkhyottaraviprametamanishaM tvatpAdasammAshritam |
shrotR^In bhrAjitadomakoNDapurajAn tvaM rakSha lokeshvari !
chAmuNDeshvari ! domakoNDanilaye ! pAdau prapadye tava || 8||

ma~NgalAshAsanam \-
vedavedAntavedyai te vaidikAchArasaMstute |
domakoNDAdhivAsinyai chAmuNDeshvari ! ma~Ngalam || 1||
brahmajihvAgranartinyai vAgadhiShThAnadevate ! |
domakoNDAdhivAsinyai chAmuNDeshvari ! ma~Ngalam || 2||
viShNuvakShassthite ! lakShmi ! vishvalokaikavandite ! |
domakoNDAdhivAsinyai chAmuNDeshvari ! ma~Ngalam || 3||
mahAkAlArdhakAyAyai mahAkAli ! mahAmaye ! |
domakoNDAdhivAsinyai chAmuNDeshvari ! ma~Ngalam || 4||
mahiShAsuramardinyai madagarvajanArdini ! |
domakoNDAdhivAsinyai chAmuNDeshvari ! ma~Ngalam || 5||
j~nAnabuddhiprade ! devi ! dhanadhAnyavivardhini ! |
domakoNDAdhivAsinyai chAmuNDeshvari ! ma~Ngalam || 6||
brahmAdibhirvandyAyai brahmavAdipriye ! cha te |
domakoNDAdhivAsinyai chAmuNDeshvari ! ma~Ngalam || 7||
harihR^idayahAriNyai harArdhakAyahAriNI |
domakoNDAdhivAsinyai chAmuNDeshvari ! ma~Ngalam || 8||

kShamAparAdhastotram \-
ahaM duShTachittaH sadA duShTakarmA
ahaM bhaktihInaH parityaktapUjaH |
kShamasvAmba ! me mAM tvimaM j~nAnashUnyaM
namashchaNDike ! te sthite domakoNDe || 1||
na pitrorhi sevA na vA devapUjA
na te mandiraM hi praviShTaH kadA.api |
kShamAparAdhaM padaM te gataM mAM
namashchaNDike ! te sthite domakoNDe || 2||
na vA tIrthayAtrA kR^itA kShetrA yAtrA
na sandhyArchanaM cha prabhAte sanidraH |
dayAM devi ! kR^itvA vinItaM vidhehi
namashchaNDike ! te sthite domakoNDe || 3||
madAndhena bhUyaH kR^itA sAdhunindA
gurUnnaiva vande na chApi pravR^iddhAn |
kShamasvArthinaM mAmimaM doShabhAjaM
namashchaNDike ! te sthite domakoNDe || 4||
parastrIShu kAmaH paradravyalobhaH
na chAhaM vyamochaM sadA kAmalobhau |
ahaM tvAM gato.amba ! kShamasvAparAdham
namashchaNDike ! te sthite domakoNDe || 5||
na me chAtmabandhurna me snehashIlaH
na me chopadeShTA na  sanmArgadarshI |
imaM duShTachittaM vinItaM vidhehi
namashchaNDike ! te sthite domakoNDe || 6||
ahaM paNDitaH kAvyakartA na chaiva
sadA paNDitammanyamAno.ahyavidvAn |
imaM garviNaM buddhimantaM vidhehi
namashchaNDike ! te sthite domakoNDe || 7||
na chAstikyabuddhiM na vidhyuktakAraM
paraM va~nchakaM veShabhUShAnuliptaiH |
imaM tvAshritaM mAM punItaM vidhehi
namashchaNDike ! te sthite domakoNDe || 8||

ma~Ngala hArati \-
jaya durge ! jaya durge ! jaya durge ! devi !
domakoNDachaNDike ! duShTadAnavAntaki ! || jaya durge||
karuNAvAridhidevi ! charaNAshritapoShakI
kamanIyacharite ! varakalpalatike ! || jaya durge||
suravaragaNanamite ! sundaratanulatike !
puraharatanuvasite ! muraharahR^idilasite ! || jaya durge||
mahiShAdimadakhaNDe ! madadaityatanubha~nje
varavINAmR^idupANi ! parahantR^ishUlapANi ! || jaya durge||

iti shrI domakoNDa chAmuNDeshvarI suprabhAtaM sampUrNam |
##
Composed by Koride Vishwanatha Sharma, Dharmapuri, Telangana
Proofread by Koride Vishwanatha Sharma.


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}