% Text title            : Dugdhapaga Dashakam
% File name             : dugdhApagAdashakam.itx
% Category              : devii, dashaka
% Location              : doc\_devii
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dugdhapaga Dashakam ..}##
\itxtitle{.. dugdhApagAdashakam ..}##\endtitles ##
vIrarAghavavedAntayatirAD deshikottamaH |
sarvatantrasvatantro me sannidhattAM sadA hR^idi ||
kalashataTinI bhAti svachChapravAhaparamparA
      pR^ithulataralodArasphAyattara~NgakarambitA |
madhurasalilAsvAdAbhyAshAbhyupAgatasambhR^ita\-
      tridashamahiShIvakShodeshakSharannavaku~NkumA || 1||
dugdhApagA duritadUShitadurjanAnAM dUrasthitA duravagAhAmahAhR^idADhyA
durdAntadurbharatapobharitairmunIndraiH saMsevitA pravahati prathamAnakIrtiH || 2||
charkarti svayamadhvagashramadhutiM barbharti tattoShaNaM
      jarharti kShaNatastadIyaduritaM vardharti tachchetasi |
puShNAti shriyamadbhutAM bhagavatI muShNAti doShAnasau
      kR^iShNAsindhukaverajAbhyadhikatAniShNAtabhAvojjvalA || 3||
svechChodgachChaduduchChakachChapapariChedo~nchalatpa~Nkaja\-
      prAtaHsyandimarandavR^indalaharIpAramparImedurA |
eShA dugdhanadI nadIShu subhagAsheShAbhivandyA jaga\-
      ddoShApAkaraNakShamA kShipatu me doShAnasheShAnasau || 4||
madhyAhnArkamarIchimaNDalapariklinno.adhvagaH sAmprataM
      devi tvatsalilAvalokanakalAmAtreNa vishrAmyati |
kiM brUmo vayamamba dugdhataTini tvadvaibhavaM ke viduH
      pratyakShaM vayamanvabhUma bhavati snAnaprabhAvaM param || 5||
pratyakShaM hyupajIvya shAstramuditaM pratyakShabAdhe tu no
      shAstraM jIvitumarhatIti jagadustrayyantasiddhAntinaH |
devi tvaM bahumanyase matamidaM dugdhasravanti tvayi
      snAtR^INAM smR^itichoditaM phalagaNaM pratyakShayantI tataH || 6||
dehaH pratyakShasiddhaH khalu ghaTapaTayorevamIsheshitavyA\-
      dyaMshe bhedaH prasiddhaH shrutibhirapi kathaM so.anyathA kartumarhaH |
kiM meruH sarShapaH syAt kimiha paribR^iDhaH syAllulAyaH kimashva\-
      shChAgo dugdhApage tvaM kathamiva sahase brahmajIvaikyavAdam || 7||
lolatkallolajAlaprachalitakamalotphullakahlArapAlI\-
      shashvanniShyandimAdhvIghumughumitapayobhAsamAnAsamAnA |
ashrAntabrahmachintAshramavimalatarasvAntakAntairmunIndrai\-
      rmAtastoShTUyamAnA kimu kalashanadi tvaM tu kulhyAsakulyA || 8||
brahmAdeshAdiva tvaM pravahasi kalashahnAdini brahmadeshA\-
      bhyAshe brahmapravINairapi cha budhagaNairbrahmachintAdhurINaiH |
sandhyAsUpAsyamAnAnvahamanaghatamasvachChanIrAvagAhA
      krIDAsambhrAntachetaHkuvalayanayanA ma~njuma~njIraghoShA || 9||
ga~NgA tu~NgA tara~NgAvalibhiradhigatA vArikheladrathA~NgA\-
      na~NgAsa~NgAvabha~NgAvahanijamahimA tAM parAM gAhatAM vA |
tAM gAthAbhiH stuvantaH kalashanadi shubhAM tvAM parAM gAhamAnAH
      santo ga~NgAdharA~NgAkalanavirahitetyAdarAnmuktasa~NgAH || 10||
vIrarAghavavedAntavaryAyAkhyAnashAline |
sAkShAllakShmInR^isiMhAya trailokyagurave namaH ||

iti shrIdugdhApagAdashakaM sampUrNam |
stotrasamuchchayaH 2 (94)
##
The Dugdhapagadashaka (94) is a vivid description
of and eulogy on the River Palar flowing through
North Areot and Chingleput Districts. From
the opening verse it may be surmised that the
author was Viraraghavavcdantayati, author of
the Viraraghavastotra and the Hastigirishastava.

Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}