श्रीदुर्गासहस्रनामस्तोत्रम्
श्री भैरव उवाच -
अधुना शृणुवक्ष्यामि दुर्गासर्वस्वमीश्वरी ।
रहस्यं सर्व देवानां दुर्लभं जन्मिनामपि ॥ १॥
श्रीदुर्गातत्त्वमुद्दिष्टसारं त्रैलोक्यकारणम् ।
मन्त्रनामसहस्रं च दुर्गायाः पुण्यदं परम् ॥ २॥
यं पठित्वा शिवे धृत्वा देवीनामसहस्रकम् ।
इह भोगी परत्रापि जीवन्मुक्तो भवेन्नरः ॥ ३॥
इदं नामसहस्रं ते मन्त्रगर्भं रहस्यकम् ।
अश्वमेधायुतात्पुण्यं लोके सौभाग्यवर्धनम् ॥ ४॥
श्रेयस्करं विश्ववन्द्यं सर्वदेवनमस्कृतम् ।
गुह्यं गोप्यतमं देवि पठनात् सिद्धिदायकम् ॥ ५॥
अस्य श्रीदुर्गासहस्रनामस्तोत्रमहामन्त्रस्य श्रीमहेश्वर ऋषिः,
अनुष्टुप् छन्दः, श्रीदुर्गा देवता, दुं बीजं, ह्रीं शक्तिः,
ॐ कीलकं, धर्मार्थकाममोक्षार्थे सहस्रनामपाठे विनियोगः ॥
ध्यानम्-
दूर्वानिभां त्रिनयनां विलसत्किरीटां
शङ्खाब्जखड्गशरखेटकशूलचापान् ।
सन्तर्जनीं च दधतीं महिषासनस्थां
दुर्गां नवारकुलपीठगतां भजेऽहम् ॥
ॐ ह्रीं दुं जगदम्बा भाभद्रिका भद्रकालिका ।
प्रचण्डा चण्डिका चण्डी चण्डमुण्डनिषूदिनी ॥ ६॥
अनसूया त्रुटिस्तारा कृत्तिका कुब्जिका लया ।
प्रलया स्थितिः सम्भूतिर्विभूतिर्भयनाशिनी ॥ ७॥
महामाया महाविद्या मूलविद्या चिदीश्वरी ।
मदालसा मदोत्तुङ्गामदिरा मदनप्रिया ॥ ८॥
आलिर्व्यालप्रसूः पुण्या पवित्रा परमेश्वरी ।
आदिदेवी कला कान्ता त्रिपुरा जगदीश्वरी ॥ ९॥
मनोन्मना महालक्ष्मीः सिद्धलक्ष्मीः सरस्वती ।
सरित्कादम्बरी गोधा गुह्यकाली गणेश्वरी ॥ १०॥
गणाम्बिका जया तापी तपना तापहारिणी ।
तपोमयी दुरालम्बा दुष्टग्रहनिवारिणी ॥ ११॥
दुःखहा सुखदा साध्वी परमामृतसूः सुरा ।
सुधा सुधांशुनिलयाप्रलयानलसन्निभा ॥ १२॥
समस्तासम्पदम्भोजनिलया कर्णिकालया ।
विद्येश्वरी विश्वमयी विराट् छन्दो गतिर्मतिः ॥ १३॥
धृतिदा(धृतिश्च) दाम्भिकी दोला लोपामुद्रा पटीयसी ।
गरिष्ठाऽरिष्टहाऽदुष्टा कृपा काशी कुलाऽकुला ॥ १४॥
अकुलस्था पदन्यासा न्यासरूपा विरूपिणी ।
विरूपाक्षी कोटराक्षी कुलकान्ताऽपराजिता ॥ १५॥
अजिता कुलिका लम्पा लम्पटा त्रिपुरेश्वरी ।
त्रितयी वेदविन्यासा संन्यासासुमतिर्भया ॥ १६॥
अभया स्वर्मुखा देवी महौषधिरलम्बुसा ।
चपला चन्द्रिका चण्डा चण्डमुण्डनिसूदिनी ॥ १७॥
चापलाक्षी मदाविष्टा मदिरारुणलोचना ।
पुरी त्रिपुरसूरास्ना रसा रामा मनोहरा (रमा) ॥ १८॥
सन्ध्या सन्ध्याभ्रशीलाच शालाश्यामपयोधरा ।
शशाङ्कमुकुटा श्यामा सुरासुन्दरलोचना ॥ १९॥
विषमाक्षी विशालाक्षी वा(व) शा वागीश्वरी शिला ।
मनःशिला च कस्तूरी मृगनाभिर्मृगेक्षणा ॥ २०॥
मृगारिवाहनामा(सा)ध्वी मानदा मत्तभाषिणी ।
नारसिंही वामदेवी वामा वामश्रुतिप्रिया ॥ २१॥
पुण्यापुण्यगतिः पुण्या पुत्री पुण्यजनप्रिया ।
चामुण्डा चोग्रचण्डा च महाचण्डाऽतमाऽतमाः ॥ २२॥
तम(प)स्विनीप्रभा ज्योत्स्ना महज्ज्योतिःस्वरूपिणी ।
सुरूपा सद्गतिः(स्वर्गतिः)साध्वी सदसद्रूपराजिता ॥ २३॥
सृष्टिः स्थितिः क्षेमकरी क्षमा क्षामोन्नतस्तनी ।
क्षोणी क्षयकरी क्षीणा शर्व(व)स्था शिववल्लभा ॥ २४॥
दन्तुरा दाडिमप्रीतिर्दया दाम्भिकसूदिनी ।
राक्षसी डाकिनी योग्यायोगिनी योग(गि)वल्लभा ॥ २५॥
कबन्धा कन्धरा कृष्णा(विद्या) कृत्तिका कण्ठकान्तका ।
कलङ्करहिता काली कम्पा काश्मीरवल्लभा ॥ २६॥
काशी कीर्तिप्रदा काञ्चि काश्मीरी कोकिलस्वना ।
प्रभावती महारौद्री रुद्रपत्नी रुजापहा ॥ २७॥
रतिः स्तुतिस्तरीस्तुर्या तोतुलाऽतलवासिनी ।
तपःप्रिया शरच्छ्रेष्ठा पङ्गुपुत्री यमस्वसा ॥ २८॥
यामी यमान्तका याम्या यमुना स्वर्नदी तडित् ।
नारायणी विश्वमाता भवानी पापनाशिनी ॥ २९॥
विगता विगतप्रश्ना कृष्णा कृष्टासिधारिणी ।
वारी वारा वरधरा वरदा वीरसूदिनी ॥ ३०॥
वीरसूर्वामनाकारा दीर्घसूत्रा दयावती ।
दरी धनप्रदा धात्री धात्रीवल्ली महोदरी ॥ ३१॥
गणेश्वरी गया काञ्ची काञ्चीकिङ्किणिघण्टिका ।
माया मायावती मत्ता प्रमत्ता प्रवरेश्वरी ॥ ३२॥
पौरन्दरी शची शीता शीतातपस्वभावजा ।
स्वाभाविकगुणागण्यागाम्भीर्यगुणभूषणा ॥ ३३॥
सूतिः सूर्यकलासुप्ता सप्तसप्तिस्वरूपिणी ।
तेजस्विनी सदानन्दा सभासन्तोषवर्धिनी ॥ ३४॥
तर्पणा कर्षणा होता(त्री) सङ्कल्पाशुभमन्त्रिका ।
दर्भा द्रोणिकला श्रान्ता समिद्धा सुरवेदिका ॥ ३५॥
धूम्राहुतिश्चरमतिश्चामीकररुचिश्चिता ।
चिन्ताऽनलेश्वरी नेलाकरानीलसरस्वती ॥ ३६॥
अपर्णा सुफला यज्ञा सभया निर्भयाऽभया ।
भीमस्वनाभर्गशिखा भास्वतीभाकरा विभा ॥ ३७॥
विभावरी नदी नन्द्या नन्द्यावर्तप्रवर्तिनी ।
पृथ्वीधरा विश्व(ष)धरा विश्वगर्भा प्रवर्तिका ॥ ३८॥
विश्वमाया विश्वमाला विश्वम्भरविलासिनी ।
उरगेशा पद्मनाभा(गा)पद्मनाभप्रसूः प्रजा ॥ ३९॥
तोरणा तुलसी दीक्षा दक्षा दाक्षायणीद्युतिः ।
सम्पुटा शयनाशय्याशासनाशमनान्तका ॥ ४०॥
श्यामाकवर्णा शार्दूलीशम्पाशीतांशुवल्लभा ।
स्तुत्या प्रणीता नियतिः कम्पना कम्पहारिणी ॥ ४१॥
चम्पकाभा चराचीनाऽदीना दीनजनप्रिया ।
वसुन्धरा वासवेशी वसुनाथा वटेश्वरी ॥ ४२॥
समुद्रा सङ्गमा पूर्णाऽन्तराला तरुवासिनी ।
पार्वती पामरी मान्या माननीया मधुप्रिया ॥ ४३॥
माधवी मधुपानस्था मन्दिरा मन्दुरामृगी ।
मोमुषा(मुमूषा) रूरुषारेवारेवतीरमणी रमा ॥ ४४॥
ऋद्धिहस्ता सिद्धिहस्ता अन्नपूर्णा महेश्वरी ।
अन्नरूपा जगज्ज्योतिः समस्तासुरघातिनी ॥ ४५॥
गारुडीगगनालम्बा लम्बमानकचप्रिया ।
पीताम्बरा पीतपुष्पा पूतना गीतवल्लभा ॥ ४६॥
बलाका जगदन्ताच जरा जयवरप्रदा ।
प्रीतिः कठोरवदना करालरदना रसा ॥ ४७॥
जिह्वाहस्ताच बगला प्रणया विनयप्रदा ।
किरी करालवपुषी शेमुषी मक्षिका मषी ॥ ४८॥
उत्तीर्णातर्णिका तीक्ष्णा श्लक्ष्णा कामेश्वरी शिवा ।
शिवपत्नी सरोजाक्षी पद्महस्ता सरस्वती ॥ ४९॥
कमलाक्षी कमलजा करवालविहारिणी ।
कविपूज्या कविगतिः कविरूपा कविप्रिया ॥ ५०॥
कदली कदलीरूपा कदलीवनवासिनी ।
कलप्रीता कलहदा कलहा कलहातुरा ॥ ५१॥
कस्तूरीमृगसंस्थाच कस्तूरीमृगरूपिणी ।
कठोरा करमालाच कठोरकुचधारिणी ॥ ५२॥
यज्ञमाता यज्ञभोक्त्री यज्ञेशी यज्ञसम्भवा ।
यज्ञसिद्धिः क्रियासिद्धिर्यज्ञाङ्गी यज्ञरक्षिका ॥ ५३॥
वैष्णवी विष्णुरूपा च विष्णुमातृस्वरूपिणी ।
विष्णुमाया विशालाक्षी विशालनयनोज्ज्वला ॥ ५४॥
शिवमाता शिवाख्याच शिवदा शिवरूपिणी ।
गायत्री चैव सावित्री ब्रह्माणी ब्रह्मरूपिणी ॥ ५५॥
दुर्गस्था दुर्गरूपाच दुर्गा दुर्गतिनाशिनी ।
माहेश्वरीच सर्वाधा शर्वाणी सर्वमङ्गला ॥ ५६॥
सूर्यकोटिसहस्राभा चन्द्रकोटिनिभानना ।
समुद्रकोटिगम्भीरा वायुकोटिमहाबला ॥ ५७॥
सोमसूर्याग्निमध्यस्था मणिमण्डलवासिनी ।
द्वादशारसरोजस्थासूर्यमण्डलवासिनी ॥ ५८॥
अकलङ्कशशाङ्काभा षोडशारनिवासिनी ।
हृत्पद्मनिलयाऽभीमा महाभैरवनादिनी ॥ ५९॥
वर्णाढ्या वर्णरहिता पञ्चाशद्वर्णभेदिनी ।
भवानी भूतिदा भूतिर्भूतिदात्री च भैरवी ॥ ६०॥
भैरवाचारनिरता भूतभैरवसेविता ।
कामेश्वरी कामरूपा कामतापविमोचिनी ॥ ६१॥
गणेशजननी देवीगणेशवरदायिनी ।
गतिदा गतिहा गीता गौतमी गुरुसेविता ॥ ६२॥
दीनदुःखहरा दीनतापनिर्मूलकारिणी ।
दयाशीला दयासारा दयासागरसंस्थिता ॥ ६३॥
नृत्यप्रिया नृत्यरता नर्तकी नर्तकप्रिया ।
नारायणी नरेन्द्रस्था नरमुण्डास्थिमालिनी ॥ ६४॥
भैरवी भैरवाराध्या भीमा भीमवरप्रदा ।
भुवना भुवनाराध्या भवानी भूतिवर्धिनी ॥ ६५॥
महिषासुरहन्त्री च रक्तबीजविनाशिनी ।
धनुर्बाणधरा नित्या धूम्रलोचननाशिनी ॥ ६६॥
कुलीना कुलमार्गस्था कुलमार्गप्रकाशिनी ।
पञ्चाशद्वर्णबीजाढ्या पञ्चाशन्मुण्डमालिका ॥ ६७॥
षडङ्गयुवतीपूज्या षडङ्गरूपवर्जिता ।
कालमाता कालरात्रिः काली कमलवासिनी ॥ ६८॥
कमला कान्तिरूपाच कामराजेश्वरी क्रिया ।
माया मतिर्महामाया भयदा भयहारिका ॥ ६९॥
नारी नारायणी गण्या नारायणगृहप्रिया ।
मदिरापानसन्तुष्टा मदिरामोदधारिणी ॥ ७०॥
तथ्या पथ्या कृती रथ्या रथस्था विततस्वरा ।
महती रागिणी भार्गी शुचिहासा हरीश्वरी ॥ ७१॥
हरिद्रत्नांशुलसिता लक्ष्मीनायकसुन्दरी ।
अम्बालिकाऽम्बा देवेशी अनघाऽग्निशिखा श्रुतिः ॥ ७२॥
अलसाऽल्पगतिश्चान्त्याऽनन्ताऽनन्तगुणाऽश्रया ।
आद्या चादित्यसङ्काशा आदित्यकुलसुन्दरी ॥ ७३॥
आत्मरूपाऽऽधिशमनीआदिमायाऽऽदिदेवता ।
इन्द्रप्रसूरिनद्योतिरिनाग्निशशिलोचना ॥ ७४॥
इन्द्रावरजसंस्तुत्या इलाचेक्षुरसप्रिया ।
ईश्वरी ईशवनिता ईशा केशववल्लभा ॥ ७५॥
उमा उर्वी उरुभुजा उत्तुङ्गा चोक्षवाहना ।
उत्तङ्का चोत्तमा ध्येया उल्लासाचोरुगर्विणी ॥ ७६॥
उष्माऊणा च गुर्वङ्गी ऊर्ध्वाक्षी ऊर्ध्वमस्तका ।
ऋद्धिरृचा ऋवर्णेशी ऋणहर्त्री ऋचान्तकी ॥ ७७॥
ॠढिजा चारुवस्त्राच ॠणिवासा महालया ।
लृकारा लृक्कुरा लीना लृकारा वरधारिणी ॥ ७८॥
एणाङ्कमुकुटा चेहा चारुचन्द्रकला कला ।
ऐकारगतिरैश्वर्यदायिनी चैश्वरीगतिः ॥ ७९॥
ओङ्कारा बीजरूपा च औत्रिकी वेत्रधारिणी ।
अम्बिका लम्पिका पम्पा अः स्वरोद्गाररूपिणी ॥ ८०॥
कालीच भद्रकाली च कालिका कालवल्लभा ।
कदम्बनिलया कन्था(न्या) काञ्चीमण्डनमण्डिता ॥ ८१॥
कलङ्करहिता कूर्मा काञ्चनाभा करीरगा ।
कनकाचलवासाच कारुण्याकुलमानसा ॥ ८२॥
कुलस्था कौलिनी कुल्या कुरुकुल्ला कपालिनी ।
कपालकुलनिर्विण्णा क्लीङ्कारा कञ्जलोचना ॥ ८३॥
खञ्जनाक्षी खड्गधरा खेटकायुधभूषणा ।
खर्पराढ्या च खलहा खेटिनी खेचरी खगा ॥ ८४॥
खगायुधा खगगतिः खकाराक्षरभूषणा ।
गणाध्यक्षागजगतिर्गणेशजननीगदा ॥ ८५॥
गोधा गदाधर प्राज्यागगनेशी महीमला ।
घुर्घरा घटभूर्घूका घुसृणाभा गणेश्वरी ॥ ८६॥
घनसारप्रिया साम्या घवर्णकृतभूषणा ।
ङान्ताङवर्णमुकुटा कवर्गकृतभूषणा ॥ ८७॥
चान्द्री चान्द्रिस्तुता चार्वी चन्द्रिका चण्डनिःस्वना ।
चञ्चरीकस्वना देवी चञ्चच्चामीकराङ्गदा ॥ ८८॥
छत्रिका छुरिका छञ्छा छत्रचामरभूषणा ।
जङ्कारीजलजिह्वाचजृम्भिकाजलयोगिनी ॥ ८९॥
जटाजूटधराजातिर्जातीपुष्पसमानना ।
जलेश्वरीजगद्ध्येया जानकी जननी जटा ॥ ९०॥
झञ्झा झरी झरत्कारी झणत्काञ्चीरकिङ्कणी ।
झिण्ठिका झम्पकृद् झम्पा झम्पत्रासनिवारिणी ॥ ९१॥
ञाणुरूपाञङ्कहस्ता ञवर्णाक्षरसम्मता ।
टङ्कायुधा महातथ्या टङ्कारकरुणा टसी ॥ ९२॥
ठकुरा ठत्करा ठानी डिण्डीरवसना ढला ।
ढण्ढानिलमयी ढण्डा ढणत्कारकरा ढसा ॥ ९३॥
णान्ताणीलायुधाणम्राणवर्णाक्षरभूषणा ।
तरुणी तुन्दिला तोन्दा तामसी तामसप्रिया ॥ ९४॥
ताम्रानना ताम्रकराताम्राम्बरधरा तुला ।
तापत्रयहरा तापी तैलासक्ता तिलोत्तमा ॥ ९५॥
स्थाणुपत्नीस्थली स्थूला स्थितिः स्थैर्यधरा स्थुला ।
दन्तिनी दन्तुरा दार्वी देवकी देवनायिका ॥ ९६॥
दमिनी शमिनी दण्डया दण्डहस्ता दुरानतिः ।
दुर्वारा दुर्गतिर्दाक्षी द्राक्षा द्राविडवासिनी ॥ ९७॥
दूरस्था दुन्दुभिध्वाना दरदा दरनाशिनी ।
दुःखघ्नी द्रुतगाऽदुष्टा दया दाम्भिक्यनाशिनी ॥ ९८॥
धर्म्या धर्मप्रसूर्धन्या धनदा धातृवल्लभा ।
धनुर्धरा धनुर्वल्ली धानुष्कवरदायिनी ॥ ९९॥
धूमाली धूम्रवदनाधूमश्रीर्धूम्रलोचना ।
नलिनी नर्तकी नान्ता नङ्गा नलिनलोचना ॥ १००॥
निर्मला निगमाचारा निम्नगानगजा निमिः ।
नीलग्रीवा निरीहाच नीपोपवनवासिनी ॥ १०१॥
निरञ्जना निजाजन्या निद्रालुर्नीरवासिनी ।
नटिनी नाट्यनिरता नवनीतप्रियाऽनिला ॥ १०२॥
नारायणी निराकारा निर्लेपा नित्यवल्लभा ।
पद्मावती पद्धकरा पुत्रदा पुत्रवत्सला ॥ १०३॥
परोत्तरा पुरी पाठा पीनश्रोत्रापुलोमजा ।
पुष्पिणी पुस्तककरा पटुः पाठीनवाहना ॥ १०४॥
पापघ्नी शम्पिनी (पुष्पिणी) पाली पल्ली परमसुन्दरी ।
पिशाचीच पिशाचघ्नी पानपात्रधरापुटा ॥ १०५॥
पूर्णिमा पञ्चमी पौत्री पुरूरववरप्रदा ।
पञ्चयज्ञा पश्चशरी पञ्चाशतिमनुप्रिया ॥ १०६॥
पाञ्चाली पञ्चमुद्राच पूजा पूर्णमनोरथा ।
फलिनी फलदात्रीच फल्गुहस्ता फणिप्रिया ॥ १०७॥
फिरङ्गहा स्फीतमतिः स्फीतिः स्फीतिमती स्फुरा ।
बलमाया बलस्तुत्या बिल्वसेना बलाऽबला ॥ १०८॥
बगलेश्वरपूज्या च बलिनी बलवर्धिनी ।
बुद्धमाता बौद्धमतिर्बद्धा बन्धनमोचिनी ॥ १०९॥
भगिनी भगमालाच भगलिङ्गामृतद्रवा ।
भीमेश्वरीच भेरुण्डा भगेशी भगसर्पिणी ॥ ११०॥
भगलिङ्गस्थिताभग्या भाग्यदाभगमालिनी ।
मत्ता मनोहरा मीना मैनाकजननी मुरी ॥ १११॥
मुरली मानवी होत्री महस्विजनमोदिता ।
मत्तमातङ्गगामाद्री मरालगतिरञ्चला ॥ ११२॥
यक्षेश्वरेश्वरी यज्ञा यजुर्वेदप्रियाश्रिता ।
यशोवती यतिस्था च यतात्मा यतिवल्लभा ॥ ११३॥
यवनी यौवनस्थाच यवा यक्षजनाश्रया ।
यज्ञसूत्रप्रदा ज्येष्ठा यज्ञभूर्यूपमूलिनी ॥ ११४॥
रञ्जिताराज्पत्नी च राजसूयफलप्रदा ।
रजोवती रजश्चित्राराज्यदा राज्यवर्धिनी ॥ ११५॥
राज्ञी रात्रिञ्चरेशानी रोगघ्नी त्रिपुरेश्वरी ।
लुलिता लतिका लाप्या लोपाललनलालसा ॥ ११६॥
लाटीरद्रुमवासाच लाटीरद्रुमवर्तिनी ।
लङ्काललज्जटाजूटा लङ्घिता लोकसुन्दरी ॥ ११७॥
लोकेशवरदालेया लयकर्त्री महालया ।
वेदिर्विलग्नावारी च वीणा वेणुर्वनेश्वरी ॥ ११८॥
वन्दमाना ववर्णाढ्या वाराही वीरमातृका ।
शङ्खिनी शङ्खवलया शङ्खायुधधराशमा ॥ ११९॥
शशिमण्डलमध्यस्था शीतलाम्बुनिवासिनी ।
श्मशानस्था महाघोरा श्मशाननिलयेश्वरी ॥ १२०॥
सिन्धुः सूत्रधरा सत्रा समस्तकुलचारिणी ।
सप्तमी सात्त्विकी सत्त्वा सत्रस्थाऽसुरसूदिनी ॥ १२१॥
सुरेश्वरीसम्पदाढ्या समस्ताचलचारिणी ।
समदा सम्मितिः सम्मा सवना सवनेश्वरी ॥ १२२॥
हंसी हरप्रिया हास्या हरिनेत्रा हराम्बिका ।
हेषा हटेश्वरी हेरा हलिनी हलदायिनी ॥ १२३॥
हेहा हाहारवा हाला हालाहलहताशया ।
क्षमा क्षेमप्रदा क्षामा क्षौमाम्बरधरा क्षया ॥ १२४॥
क्षितिः क्षीरप्रिया लक्ष्मीः क्षितिभृत्तनया क्षुधा ।
क्षत्रियी ब्राह्मणी क्षेत्रा क्षपा क्षः बीजमण्डिता ॥ १२५॥
ळङ्क्षः बीजस्वरूपाच क्षकाराक्षरमातृका ।
दुर्गन्धनाशिनी दूर्वा दुर्गमा दुर्गवासिनी ॥ १२६॥
दुर्गा दुर्गार्तिशमनी ॐ ह्रीं दुम्बीजमण्डिता ।
इति नामसहस्रं तु मन्त्रगर्भ महाफलम् ॥ १२७॥
दुर्गाया दुर्गतिहरं सर्वदेवनमस्कृतम् ।
सर्वमन्त्रमयं दिव्यं देवदानवपूजितम् ॥ १२८॥
श्रेयस्करं महापुण्यं महापातकनाशनम् ।
यः पठेत् पाठयेद्वापि शृणोति श्रावयेदपि ॥ १२९॥
समहापातकैर्मुक्तो देवदानवसेवितः ।
इह लोके श्रियं भुक्त्वा परत्र त्रिदिवं व्रजेत् ॥ १३०॥
दुर्गानामसहस्रं तु मूलमन्त्रैकसाधनम् ।
अर्धरात्रे पठेद्वीरो मधुरस्मयसेवितः ॥ १३१॥
त्रिवारं वर्मपूर्वं तु भवेद्वागीशसन्निभः ।
यः पठेद् देवि मध्याह्ने स्रीयुतो मुक्तकुन्तलः ॥ १३२॥
तस्य वैरिकुलं त्रस्येद् दर्शनाद् दैत्यसूदिनि ।
दहनादिव देवेशि पतङ्गकुलमद्रिजे ॥ १३३॥
यः पठेद्वेतसीमूले सायं पूजितभैरवः ।
तस्यास्यकुहराद् वाणी निःसरेद्गद्यपद्यभाक् ॥ १३४॥
यः पठेत् सततं देवि शयने स्त्रीरताकुलः ।
स भवेद्वैरिविध्वंसी धनेन धनदोपमः ॥ १३५॥
वाग्भिर्वागीशसदृशः कवित्वेन सितोपमः ।
तेजसा सूर्यसङ्काशोयशसा शशिसन्निभः ॥ १३६॥
बलेन वायुतुल्योऽपिलक्ष्म्या गीर्वाणनायकः ।
देवि किं बहुनोक्तेन स भवेद्भैरवोपमः ॥ १३७॥
स्तम्भनाकर्षणोच्चाट-वशीकरणकक्षमः ।
रवौ भूर्जे लिखेद् देवि निशीथे वाष्टगन्धकैः ॥ १३८॥
सस्तन्यरेतोराजस्कैः साधको मन्त्रसाधकः ।
लिखित्वा वेष्टयेन्नामसहस्रमणिमीश्वरि ॥ १३९॥
श्वेतसूत्रेण संवेष्टय लाक्षया परिवेष्टयेत् ।
सुवर्णरजताद्यैश्च वेष्टयेत् पीतसूत्रकैः ॥ १४०॥
सम्पूज्य गुटिकां देवि शुभेऽह्निसाधकोत्तमः ।
धारयेन्मूर्ध्नि वा बाहौ गुटिकां कामदायिनीम् ॥ १४१॥
रणे रिपून् विजित्याशु कल्याणीगृहमाविशेत् ।
वन्ध्या वामभुजे धृत्वा कृत्वा साधकपूजनम् ॥ १४२॥
पुत्रान् लभेन्महादेवि साक्षाद्वैश्रवणोपमान् ।
गुटिकैषा महादिव्या गोप्या कामफलप्रदा ॥ १४३॥
साधकैः सततं पूज्या साक्षाद्दुर्गास्वरूपिणी ।
योऽर्चयेत् साधको दुर्गां गुटिकां धारयेत् प्रिये ॥ १४४॥
पठेद्वर्म शिवे मन्त्रनामसाहस्रिकीं पराम् ।
अङ्गस्तोत्रं फलं तस्य देवि वक्ष्येऽधुना शृणु ॥ १४५॥
वने राजकुले वापि दुर्भिक्षेशत्रुसङ्कटे ।
अरण्ये प्रान्तरे दुर्गे श्मशाने सिन्धुसङ्कटे ॥ १४६॥
वात्ये यक्षपिशाचादिभूतप्रेतभये तथा ।
वीरो विगतभीर्देवि सर्वत्र विजयी भवेत् ॥ १४७॥
स्तम्भयेद्वातसूर्याम्बुचन्द्रादीन् साधकोत्तमः ।
मोहयेत् त्रिजगत् सद्यः कान्ताश्चाकर्षयेद् ध्रुवम् ॥ १४८॥
मारयेदखिलाञ्छत्रू नुच्चाटयति वैरिणः ।
वशयेद् देवताः सद्यः किं पुनर्मानवांश्छिवे ॥ १४९॥
शमयेदखिलान् रोगान् महोत्पातानुपद्रवान् ।
किं किं न लभते वीरो दुर्गाञ्चाङ्गपूजनात् ॥ १५०॥
इदं रहस्यं दुर्गाया अष्टाक्षर्या महेश्वरि ।
सर्वस्वंसारतत्त्वञ्च मूलविद्यामयं परम् ॥ १५१॥
महाचीनक्रमस्थानां साधकानां यशस्करम् ।
पठेत् सम्पूजयेद्देव्या मन्त्रनामसहस्रकम् ॥ १५२॥
इदं सारं हि तन्त्राणां तत्त्वानां तत्त्वमुत्तमम् ।
दुर्गानामसहस्रं तु तव भक्त्या प्रकाशितम् ॥ १५३॥
अभक्ताय न दातव्यं गोप्तव्यं पशुसङ्कटे ।
अभक्तेभ्योऽपि पुत्रेभ्यो दत्त्वा नरकमाप्नुयात् ॥ १५४॥
दीक्षिताय कुलीनाय गुरुभक्तिरताय च ।
शान्ताय भक्तियुक्ताय देयं नामसहस्रकम् ॥ १५५॥
विन दानं न गृह्णीयान्न दद्याद् दक्षिणां विना ।
दत्त्वा गृहीत्वाप्युभयोः सिद्धिहानिर्भवेद् ध्रुवम् ॥ १५६॥
इदं नामसहस्रं ते गुप्तं गोप्यतमं शिवे ।
तत्त्वं भक्त्या मयाख्यातं गोपनीयं स्वयोनिवत् ॥ १५७॥
इति श्रीरुद्रयामलान्तर्गतं श्रीदुर्गासहस्रनामस्तोत्रं सम्पूर्णम् ।
Proofread by Manish Gavkar