% Text title            : Durga Stotram 5 Hymn to Durga by Sri Aurobindo
% File name             : durgAstotramAurobindo.itx
% Category              : devii, durgA, devI
% Location              : doc\_devii
% Author                : Sri Aurobindo
% Proofread by          : Sampadananda Mishra, PSA Easwaran
% Description/comments  : Durga Stotra by Sri Aurobindo originally in Bengali 1909
% Latest update         : May 10, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Durga Stotram Hymn to Durga by Sri Aurobindo ..}##
\itxtitle{.. shrIaravindakR^itaM durgAstotram ..}##\endtitles ##
OM mAtardurge! siMhavAhini sarvashaktipradAyini mAtaH shivapriye tava
shaktyaMshajA vayaM bhAratavarShasya yuvAnaH tvanmandire samAsInAH tvAM
prArthayAmahe ||

shR^iNu mAtaH Avirbhava bhArate varShe prakAshamAnA bhava |
mAtardurge! yuge yuge mAnavIM tanuM dhR^itvA janmani janmani tavaiva
karma kR^itvA cha tvadAnandadhAma pratiyAma| etarhyapi janmajuSho vayaM
tvadekakAryavratina eva shR^iNu mAtaH Avirbhava bhArate asmatsahAyA bhava ||

mAtardurge! siMhavAhini trishUladhAriNi varmAvR^itasundarasharIre mAtaH
jayadAyini tvatpratIkShAparaM hyadya bhArataM tAmeva te ma~NgalamayIM
mUrtiM vIkShituM samutsukam | shR^iNu mAtaH prAdurbhava bhArate varShe
prakAshasva ||

mAtardurge! baladAyini premadAyini j~nAnadAyini shaktisvarUpe bhIme
saumya\-raudra\-rUpe jIvana\-sa~NgharShe bhArata\-sa~NgrAme cha tvatpreritA
yoddhAro vayam | dehi mAtaH prANamanasorasurasya shaktiM asurasyodyamaM
dehi mAtaH buddhichittayordevasya charitraM devasya j~nAnam ||

mAtardurge! jagadagragaNyA bhAratajAtirnanu samAchChannAsInnibiDatamasA |
tvaM mAtaH uttarottaraM samudIyase vyomaprAnte tvaddivyavigrahasya
timiravijayinA jyotiShA sa~njAta uShasaH prakAshaH pravitanusvAlokaM
mAtaH pravidhunu timiram ||

mAtardurge! shyAmalA sarvasaundaryasamala~NkR^itA j~nAna\-prema\-shaktInAM
pratiShThA puNyabhUmirnanu te vibhUtiH etAvatkAlaM shaktisaMharaNArthaM
AtmasaMvaraNamakArShIt | adhyAgataM tadyugaM AgataM taddinaM yadA
sakalabhuvanasya bhAraM skandhe vahantI samuttiShThati bhAratamAtA|
ehi mAtaH prakAshasva ||

mAtardurge! tava santatirvayaM tvatprasAdAt tvatprabhAvAt
bR^ihatovadAnasya mahanIyabhAvasya samupayuktA syAma | he mAtaH kShodaya
kShudratAM samutsAraya svArthaM bha~njaya bhayam ||

mAtardurge! kAlIrUpiNi nR^imuNDamAlini digambare kR^ipANapANi devi
asuravinAshini dAruNaninAdena niShUdaya ripudalamantarasthaM yena
naiko.api ripurasmadantare jIvitastiShThet yena cha vayaM vimalA
nirmalAshcha syAma iyameva prArthanA mAtaH prakAshamAnA bhava ||

mAtardurge! svArthena bhayena kShudrAshayatvena mriyamANaM khalu
bhAratam | he mAtaH vidhehi no mahataH mahAprayAsakR^itaH udArachetasaH
satyasa~NkalpajuSha yena nAtaHparaM syAma svalpAshaMsinaH nishcheShTA
alasAH santrastAH vA ||

mAtardurge! vistAraya yogashaktim | tvatpriyA hi vayamAryasantatayaH
asmAt susamudbhAvaya luptAM shikShAM medhAshaktiM cha shraddhAM bhaktiM
tapasyAM cha luptaM charitraM brahmacharyaM satyaj~nAnaM cha asmadantaH
samudbhAvya cha bhuvanAya cha vitara| mAnavasahye durgatinAshini
jagadambe prakAshasva ||

mAtardurge! antaHsthAnAM ripUNAM saMhAraM vidhAya samunmUlaya
bAhyavighnabAdhAH | balaparAkramopetA samunnatachetA AryajAtirbhAratasya
pavitrakAnaneShu samurvarakShetreShu vyomachumbiparvatapradesheShu
pUtasalilasaritAM tIreShu kilaikatve premNi cha satye shaktau cha shilpe
sAhitye cha vikrame j~nAne cha mUrdhanyA sati nivaset eShaiva prArthanA
mAtR^icharaNayoH prakAshamAnA bhava ||

mAtardurge! anupravisha no dehaM yogashaktyA bhaviShyAmastava
yantrANi ashubhavinAshinastava nistriMshAH aj~nAnatimirApahAstava
pradIpAH | he mAtaH sampUraya spR^ihAmetAM bhAratIyataruNavR^indasya|
yantrasvAmini chAlaya yantram| ashubhochChedini samullAsaya chandrahAsaM
j~nAnanadIptivibhAsini gR^ihANa haste pradIpaM prakAshasva prakAshasva ||

mAtardurge! tvAM prApya na vayamitaHparaM vidhAsyAmastava visarjanaM
shraddhAbhaktipremNAM sUtreNa samAsajjya hR^idaye sannidhAsyAmaH |
ehi mAtaH asmAkaM manasi prANe sharIre cha prakAshasva ||

vIramArgapradarshini AyAhi na hi vidhAsyate visarjanamataHparaM AstAM
nanu samastamasmajjIvanamanavachChinnaM durgApUjanaM sarvamapi naH
kAryajAtaM avirataM pavitraM premamayaM shaktimayaM cha mAtR^isevAvrataM
syAt eShaiva prArthanA mAtaH | Avirbhava bhArate varShe prakAshamAnA bhava ||

##

Durga Stotra by Sri Aurobindo originally in Bengali 1909

Proofread by Sampadananda Mishra, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}